Monte Sant'Angelo

Mier fahred los is Gebiet vom Nationalpark Gargano. Zerst lueged mier s Dorf Manfredonia ah, wo nid speziell nennenswert gsi isch, abgseh vo drüh Lüchttürm nöch binenand. Nacher fahred mier wiiter chli id Höchi is Dorf Monte Saint Angelo. Uf 700m Höchi, mene chüele Wind und bi 10 Grad früred mier scho chli. Trozdem gniessed mier d Ussicht uf s Meer abe und bsueched en schöni Chile wos innere unterirdischi Grotte grad en gottesdienst ghalte hend.
Ufem Abewäg vom Dörfli nämed mier de Wäg dur de Wald vom Nationalpark, gsend vieli Bäum (voralem Fichte) und bestuned imne speziele Gheg sogar en Hirsch und es paar Reh. Üse negsti Stop isch Vieste, womer glii en Camping direkt am Meer entdecked. Bimne Spaziergang am Strand wärded mier vo üsem neue Wachhund willkommegheise. So hend mier für de Abig en neue Kolleg gfunde.Read more