- Show trip
- Add to bucket listRemove from bucket list
- Share
- Apr 25, 2023
- ☁️ 9 °C
- Altitude: 852 m
- JapanYamanashiAkasakaFujikyū Highland35°29’12” N 138°46’45” E
Tokio Zwüschestopp und Fuji Q Highland
April 25, 2023 in Japan ⋅ ☁️ 9 °C
Am 24. April isches denn mitem Zug scho wieder nach Tokio gange für en Zwüschestop vor de nögschte Churz-Reis. Nachdem i bi schönstem Wätter ☀️ mis zu schwere Gepäck 20min zum Bahnhof in Nikko treit ha, bini erfreut uf min Fänsterplatz ghocket und ha d Heifahrt gnosse 🚈 bin denn au schnäller als erwartet scho wieder in Tokio gsi und ha mis Hotel in Shinjuku chöne bezieh, was per Zuefall s gliiche gsi isch wie vo de Lorena und em Robin 😅 Mer hend eus denn au nomal uf ein feine Gyoza-Znacht troffe bevor mer eus uf e Odysee zum en Zucker-Donut finde gmacht hend 🍩 zum Glück erfolgriich. Zum Abschluss hets denn no en Drink geh mit live DJ, leider es bizzeli luut aber de Ort het mega cool usgseh.
Am nögschte Tag bini denn bi Ziite uf zu de Bus Station zum en Teil vo mim Gepäck lagere lah. Ich han schliessli vo minere Erfahrig in Nikko glernt, dassi zviel Sache debi ha 🙈 das heisst, für min jetztige Trip zum Mount Fuji hani chli besser planed und reise mit liechtem Gepäck 👌 denn bini i min Bus igstiege wo au genau denn abgfahre isch, wenns gemäss Plan gheisse het, also Punkt 9:15 isches los. D Fahrt isch unspektakulär und mit es bizzeli Stau gsi, aber het natürli wiedermal schöni Landschafte für mich zum bestuune geh.
Churz nachem 11i bini denn au bi mim Hotel acho. Leider isch hüt s Wätter nöd so toll ☁️ dassi nur de unteri Teil vom Mount Fuji gseh ha, aber ich bi no bis am Dunnstig da und d Hoffnig stirbt z letscht 🤞 Näb mim Hotel isch de Fuji Q Highland Park mit vielne Achterbahne 🎢 woni natürli nöd ha chöne widerstah. Bin denn churz nach de Akunft gad übere und bi uf alli wilde Bahne woni ha chöne finde 😁 alli Sicherheitsinstruktione sind nur uf Japanisch gsi.. ich han denn halt eifach gnickt, glächlet und gluegt was alli andere mached 😅 So als Abschluss bini denn no en 4D Film womer über de Mount Fuji flügt go aluege und deht ischs mer denn s erst Mal schlächt worde 🙈
Nach dem Film hani denn gnueg gha und au mis Hotel Zimmer chöne bezieh. Wenn s Wätter guet wär, hetti sogar Mt. Fuji Sicht 😱 drum tueni etzt immer brav alles ufässe, damit s Wätter denn schön wird 🍀Read more
Traveler Phuu.., uf dere Bahn wärs mir au schlecht worde😰😰