Mexico
Laguna Macanxoc

Here you’ll find travel reports about Laguna Macanxoc. Discover travel destinations in Mexico of travelers writing a travel blog on FindPenguins.

5 travelers at this place:

  • Day7

    Cobá

    July 8, 2017 in Mexico

    What a day.... De Tag het hüt früeh agfange, am 08:00 Uhr hani müsse bi de Schuel si für de Usflug uf Cobá. Sehr pünktlich het eus de Maurizio, euse Guide, mit sim Wanderstock in Empfang gno. Mit 3 andere Schüeler, hani denn die 90 minütig Fahrt uf Cobá atrette. Det acho, simmer e riisigi Ruinestätte vo de Mayas go aluege. De Maurizio het eus vill über d Kultur vo de Maya und d Pyramide verzellt. Cobá isch eini vo de grösste Mayastädte in Yucatan gsi. Wo denn d Spanier cho sind, isch sie aber scho verla gsi. D Stadt hett sich ufere Flächi vo bis zu 70 km2 erstreckt. Det simmer denn zerst en Tempel go aluege und es paar chlineri Ruine. Ganz am Schluss simmer zu de 42m höche Nohoch Mul Pyramide. Selbstverständli bini die 120 Stägetritt ufegstige, und das bi gfühlte 40 Grad. ;o) Nach eusem fast 4-stündige Ufenthalt simmer alli total müed und verschwitzt gsi. Zum Glück simmer denn zeme mitem Maurizio zunere Cenote gfahre. Cenote sind Kalksteilöcher wo dur de Isturz vonere Höhledecki entstande sind. D'Maya hends als Igäng zu de Unterwelt betrachtet. Dementsprechend het au de Istig usgse. Nämmlich chli wie en alte Brunne. Wo eus de Maurizio gseit het, dass mer det ine jetzt gönd go bade, hemmer alli denkt, er het s Gfühl, dass mer jetzt z'5. inen chline Brunne inesitzed. Wo mer denn aber nöcher a de "Brunne" gange sind, hemmer gse, dass e Wendeltreppe in Untergrund füehrt, wo ebe die Cenote isch. Det hemmer eus denn endlich im kristallklare Süesswasser dörfe erfrische. Das het mir mega guet gfalle, es isch ganz e spezielli Stimmig det ine gsi. Nach dere super Erfrüschig simmer denn wiiter is Resti gange wo es feins mexikanischs Buffet uf eus gwartet het.
    Ziit füre Siesta hemmer leider kei gha, mer sind grad wiiter gfahre ines Klammeraffe-Reservat. Det simmer öpe 2 Stund dur de Dschungel gloffe und de Maurizio het ständig nach de Klammeraffe gruefe (ja, er het wük versuecht ihri Luut nazmache, und ja, es isch scho es bizli lustig gsi ;o)) Er isch en richtige Naturbursche und de Naturschutz und d Tier liged ihm sehr am Herze. Klammeraffe hemmer leider nur 3 Stuck gse aber da die Tierli leider vom Ussterbe bedroht sind, isch das sicher kei schlechti Bilanz. Nebed de Äffli hemmer natürlich au anderi Bewohner vom Dschungel gse, wie Leguane, Chamälleon, riiisigi Raupe und 3 mal rate....... Spinne :-( Han doch tatsächlich scho i minere erste Wuche enere Tarantle müsse begegne und no es paar andere grusige Spinne..... Aber ein Indianer kennt keinen Schmerz - oder so :S
    Nach dere schöne Wanderig simmer natürli wieder total verschwitzt gsi und hend eus imne See bim Reservat dörfe erfrüsche. Das isch au wunderschön gsi und het sehr guet ta. Woni denn uf de Stäg glege bin zum mi tröchne la, isch plötzlich ei Ufregig gsi. Es Krokodil isch i dem See gsi (ja, ich hans igendwie chli mit dene Krokodil). De Maurizio het nur gmeint, das seg ja nur es Baby, das chan nüt mache... Hmmmm ok und was isch mit de Eltere vo dem herzige Baby...? ;o) Denn hemmer euses Wärli au scho wieder packt und sind wieder Richtig Playa gfahre. Ufem Weg hemmer eus no e früschi Kokosnuss gönnt. Jetzt bini totmüed wieder zrug bi de Gastfamilie und wirde hüt Abig dehei blibe.
    Read more

You might also know this place by the following names:

Laguna Macanxoc

Join us:

FindPenguins for iOS FindPenguins for Android

Sign up now