Spain
Puerta de Jerez

Here you’ll find travel reports about Puerta de Jerez. Discover travel destinations in Spain of travelers writing a travel blog on FindPenguins.

6 travelers at this place:

  • Day89

    Tarifa

    October 30, 2017 in Spain

    Z' Tarifa simr ufemä mega tollä Camping glandet! So viu kuuli Nachbarä heimr um üs umä gha: näbädran 2 jungi Friburgerinnä, vis-á-vis Solothurner u Bärner u fasch näbä üs ä änglischi Familiä. Dr Alj isch hiä absolut im Rampäliecht gstangä, mega viu Lüt sinä cho besichtigä, bestuunä u bemalä – extrem tolli Gspräch si drbi entstangä u mir si sofort daheimä gsi! Und vo üsem Platz us heimr grad ufs 15km entferntä Afrika gseh. Schono iidrücklech, wes ufsmau so nööch isch.
    Am 1. Tag Tarifa simr is Stedtli u hei dert bi firmm (foundation for information and research on marine mammals, gründet vor Schwizerin Katharina Heyer) wöuä äs Whale Watching machä. Leider ischs z' luftig gsi u so sisi nid usegfahrä. Aber mir hei fre nächscht Tag chönnä reservierä.
    So simr us ersts fürä zumnä Lüüchtturm. Äs het so fest kuttet, dasses üs d' Sandchörner richtig is Gsicht het peitscht! Keh Wunger isch hie z' Paradies frd Kitesurfer: 300 Tag im Jahr perfektä Wind heimr ghöörä munklä. Zum Lüüchtturm heimr leider nid chönnä, dert isch abgsperrt gsi, abr drfür heimr no äs Wiili denä Kitesurfer zuegluegt. Sehr faszinierend! Widr vorä ir Stadt, simr dür d' Gassä gspaziert, hei hie und da ä Abstächer i tolli Ladä gmacht u si schlussändlech ines kuuls Restaurant Paella gah ässä. Hie heimr über d' Strass üsnä Solothurner-Nachbarä gwunkä – mir hei üs gfüuht, wie daheimä.
    Itz simr zrugg ufä Camping. Dert heimr no lang mit dä Ängländer vo näbädran gret, d' Dana isch vo ihrem Meitschi im Manga-Style porträtiert wordä u dr Alj het nöii Tattoos bcho. Speter heimr no mit dä Solothurner brichtet u hei dr Aabä gnossä.
    Hüt simr früeh ufgstangä u hei is firmm-Büro aaglütä, zum fragä, ob z' Whale Watching stattfindet. Und mir hei guetä Pscheid bcho! Ds het üs mega gfröit u so simr ufdi 15.00 it Stadt fürä. Zersch heimr ä Vortrag über die Walä u Deufinä, wo hie vorchömä, becho u när simr ufs Schiff. Mir si it Meeresängi vo Gibraltar tuckerlet u da – urplötzlech – sisi uftoucht! Überau heimr übermüetigi Deufinä gseh usem Wasser gumpä, ungerem Boot dürä schwümmä oder ufdä Wäuä surfe. Die Meistä si "Gemeine Delfine" gsi, die chliinsti Art vo hie, gäub-, grau- wiss- u schwarzfarbig. Ä richtigi Show heisi bbotä u mir heis wahnsinnig gnossä! Mitem Sunneungergang simr widr zrügg i Hafä vo Tarifa u när ufä Camping. Äs wunderbars Erläbnis gsi!
    Morn geits uf Marokko nach Tanger – u mir si sehr, sehr gspannt!
    Read more

You might also know this place by the following names:

Puerta de Jerez

Join us:

FindPenguins for iOS FindPenguins for Android

Sign up now