Switzerland
Hünenberg

Discover travel destinations of travelers writing a travel journal on FindPenguins.
Travelers at this place
    • Day 136

      Einsiedeln -> Cham: ca. 55km

      August 14, 2023 in Switzerland ⋅ ☁️ 29 °C

      Scho Tag 6 🤯 und s eigentliche Ziel vo de Herzroute wär hüt Zug, aber will deht d Hotel choge tüür sind, bini no chli wiiter bis uf Cham. D Route gaht eh deht dure, aso muessi morn nüme ganz so viel Kilometer fahre 😄

      S Wätter isch widrmal top (wies usgseht au no für de ganz Rest vo minere Tour 🥳) und dasmal bini erscht um di 11i gstartet, willi mer en Zmorge i mim neue lieblings Kaffi z Einsiedle gönnt ha 🥯🧋 Das isch e gueti Entscheidig gsi, wills natürli gad am Afang widr duruf gange isch.. aber defür hani denn e cooli Sicht abe uf Einsiedle gha.

      Hüt bini zur Abwächslig mal dur es Moor dure gfahre (s Hochmoor Rothenthurm um genau zsi), was mal landschaftlich öppis Neus gsi isch. Das isch abr nöd eso lang gange und gli bini widr i de Hügel inne gsi. S Highlight isch d Sicht uf de Ägerisee mit de Berge im Hindergrund gsi 🤩 Han drum au einigi Föteli deht gmacht und en verbifahrende Velofahrer het mer deht zuegrüeft, dasses wiiter vorne no viel schöner wird usgseh 😆 Ich stimm ihm da aber nöd zue und finde, ich ha de perfäkti Platz gfunde gha 😉

      Uf dere Strecki obe bini au no so halbe umgheit woni amene Traktor verbi ha müesse. Aso meh mis Velo het eifach welle abliege, wills sone doofi Rille am Strasserand gha het 🤷‍♀️ De Traktorfahrer het denn au gad aghalte zum checke, dassi mi möd verletzt ha 😅 Mis Daumen-hoch heten beruhigt und mir beidi sind wiiter i eusne Wäge gange.

      Au hüt hets widr Baustelle gha und die eint hani nöd eifach chöne durefahre, will d Strass komplett gsperrt isch. Aso hani en rächte Umwäg durab uf Oberägeri müesse neh und denn halt widr de Hügel ufe, zum ufd Herzroute cho. Chli spöter het mis e-Bike auno agfange azeige, dass en Service fällig isch 🙈 Aber ich hoff etzt, es haltet die paar Täg no dure und es zeigt das eifach wägere Kilometerzahl woni erreicht ha a. Han mittlerwiile nämli au glernt d Chetti sälber pfläge, aso sötti die sicher no guet si 🤞

      Am 14:00 bini in Zug acho und han gad mal e Glace-Pause müesse ilegge 🍨 Mis Tagesziel isch ja in Cham, aber willi deht nöd so viel Ässensoptione gfunde ha, bini so um di 3 ines koreanischs Resti go en mix us Zmittag und Znacht ässe: "Linner" = Lunch + Dinner. Isch aso mega fein gsi und het die letschte paar Kilometer bis uf Cham gad eifacher gmacht. Mis Hotel für hüt isch die voll "Swiss Experience" und dementsprächend hends alles schwiizerisch igrichtet 🇨🇭😁 Am Abig isch denn no zwei Mal de Füüralarm ab 😱 aber het nach churzer Ziit immer ufghört, aso nimi ah es isch en Fehlalarm gsi.. aber bin amel ziemli verschrocke.
      Read more

    You might also know this place by the following names:

    Hünenberg, Huenenberg

    Join us:

    FindPenguins for iOSFindPenguins for Android