Niuzi Shan

Ich ha mer 2 Täg Ziit gnoh zum die mini Insle grad vor Taiwan ahzluege. Nach ehnere Stund sehr wällige Fähri fahrt chunnd mer i dem Naturparadies ah. Ich bi vo de Frau wo mis Hostel füehrt abgholt und zu ehnere sehr härzige Unterkunft gfahre worde.

Am Nomittag hani de grad es Velo gnoh und bi einisch um die halb Insle zu de heisse Quelle gfahre. Am Obig bin ich mit minere Bettnachbarin und ihrem Tauchlehrer go taiwanesisch ässe.

Am nöchste morge bin ich früeh los zum mit ehm Roller einisch um d Insle z fahre. Es esch mega schön gsii und ich ha die schönste Usblick eifach för mich allei gha! Uf halbem Wäg heds mich leider mega verschiffed 😅. Am Nomittag bini go tauche und ha ehn Schildchrot chönne bim ässe beobachte 😍. Am Obig bini go ässe und ha per Zuefall mini Tauchgspändli ahtroffe. Sie händ mich zu sich ah Tisch gwinkt und ich bi no chli mit ihne i de Bar ghocked au wenn ich ned werklich mitcho bi was reded, da nor eini bizli englisch hed chönne.Read more