Khlong Lamai

Neue Tag und wieder öppis glernt uf dere Reis: immer schö ufs Buuchgfühl lose. Nochdem i gescht mitem Taxi hei bin, hani eifach e komischs Gfühl bim Hostel gha und gmerkt so ganz 100% fühli mi nö sicher und wohl. Ha denn gfunde chum i ziehs dure sind jo nume no zwei Täg…. Ha denn gseh das s‘Hostel vo de Kollegin nume 17.- für zwei Nächt wür choste und denkt, da zahli fascht scho ah eim Tag für Taxi weni immer hi und her muess fahre. Dezue isch cho dass da Hostel trotz wunderschöner Lag eifach nö so viil Privatsphäre gha het und irgendwie i gmerkt ha i chas nö gnüsse döte. So ab vo allem und immer wüsse i bi uf Taxis auno agwiese. Drum hani denn mi eifach dezue entschiede s‘Hostel wechsle… i wür sege die bescht entscheidig au wenn die schö Meersicht im neue im Zentrum nüme do isch… ha denn sogar no e Bett i dem Zimmer vo de Kollegin und de Girls vom Znacht gescht becho und mi gad wohl gfühlt. Sind nume zvierte und hend sogar e eiges Bad… wie imene Hotel und für de Priis echt super. Denoch simer fein go brunche und mitem Taxi dene zum silver beach gfahre. So en schöne Strand und eifach schö gsi zum Chille. 😍 es het au so guet tue mit de Irene nomol chli zrede und eifach Ziit verbringe… zrugg im Hostel hemer üs ready gmacht für de Fishermans Night Market in Bophut am andere Endi vu de Insle. Eig hemer zvierte e Taxi wölle neh aber die andere zwei sind chli am chränkle und mir hend gfunde mir gönd doch. Es isch recht touristisch gsi und marktverchäufer hend kuhm mit sich handle loh… hend üs denn als gmeinsams adenke e Passetui mache loh… de Schmetterling wird no e spezielli Bedütig für mini Reis becho, aber da werdet er no gseh😉😇 wiedermol Streetfood hets geh und zrugg in Lamai acho hemer üs nomol die bescht Fuessmassage gönnt. Jetz simer meh wie ready für‘s Bett und morn isch bi de Irene leider Abreisetag. Trotzdem uu schö gsi, sich nomol zgseh. I ha no überleiht e Tour zmache aber ha gmerkt i wöt eifach morn min letshte Tag im Süde gnüsse und jetz woni so zentral bin usschlofe und denn am Strand entspanne🌴🥥😍🧘🏼‍♀️ guet nacht!✨Read more