Kyle Spring

•Am Samsti simer ufem Camping chli usserhaub vo Las Vegas Downtown acho. Mitem Bus heimer när iz Zentrum wöue. Us irgendwelche Gründ hei d'Busstatione hie ke Näme, drum heimer es Zytli brucht, bis mir hei gwüsst, wo mr welä Bus müesse näh. Zudem heisi ke richtige Fahrplan, es het nur gheisse, d'Buse chöme theoretisch au 15 Minute, aber praktisch het ds nid gstumme. Drum heimer ar Bushautsteu scho mau chli gschwitzt (Schatte hets o nid würk gha😅). Zum Glück simer so früeh los, hei när fasch 1.5h gha id Stadt (mitem Outo wäres öpe 15').
•Vor dr Cirque du soleil - Show im Hotel "New York New York" heimer no churz öpis chönne esse u när ischs los gange.
•Nach dr Show simer chli dür d'Casinos u hei sogar Gwinn gmacht (11 Dollar investiert u 135 gwunne).😄
•Z'Wort "surreal" beschriebt die Stadt recht guet. Ufe eint weg het si üs fasziniert u ufe anger Weg ischs o truurig azluege, wie viu Lüt dert am Aukohou, dä Droge u o ar Spiusucht vrfaue si.
•Hei heimer eig o wiedr mitem Bus wöue. Nach dem mr öpe 1h ufne Bus hei gwartet u när ä voue Bus eif a üs isch vrbi gfahre, heimer denkt, mir loufe mau es Stück zum Busterminal, wo dr zwöit Bus wär gfahre. Es isch aber meega wit gsy, drum heimer üs de nach Mitternacht mau fürnes Taxi entschiede.

▪︎Am Sunnti heimer wiedr dr Bus gnoh id Stadt. Das mau heimer sogar 2h gha u viu Geduld brucht bim warte😤.
▪︎Mir si z'ungerst bim Strip usgstiege u när langsam gäge ufe gloffe u immer wiedr id Hotels u Casinos ga ineluege.

•Am Mänti simer de no ines grosses Outdoor Outlet im Norde vor Stadt. Dert heimer im Parkhuus chli gschwitzt, wüu üses Outo grösser isch gsy aus z'Maximum, wo erloubt wär gsy. Aber es het glängt😅.
•Am Nami simer de no chli i Pool ufem Camping. Dert isch d'Hitz recht guet uszhaute gsy.Read more