November 2019
  • Day11

    Uusschlaafe und Schnorchle

    November 17, 2019 in Ecuador ⋅ ⛅ 23 °C

    Gester simmer lokal ga Znacht ässe mit Mojito maracuja dezue. :) Und denn simmer no wiiter eis zwei ga zieh.
    Hüt am Morge bini denn mit de Alina vo de Tour gmüetli go Käfele und Brownie ässe, bis de Marco au uufgstande isch :) denn hemmer ois mitem Wassertaxi zumene Strand chauffiere lah. Vo det us het me en 20minütige Spaziergang zunnere Schlucht chönne mache, chli bädele und denn wider zrugg. Bim Schnorchle bim Strand zue hani en gwundrige Wiisspitzeriffhai troffe wo zwei mal um mich ume gschwumme isch und immer nöcher go luege cho isch.
    Woni gfunde han er seg ez gnueg nöch hani paar Handbewegige gmacht und denn het er sich wider verabschiedet. :)
    Nebst demm hets na zwei verschiedeni Roche (golden eagle ray und white spotted eagle ray) gha und natürli diversi Fischli.
    Read more

  • Day10

    Turtoise station und Fishmarket

    November 16, 2019 in Ecuador ⋅ ☁️ 20 °C

    No früener uufstah!! 04:50 isches losgange, mitem Boot zu de nöchste und letste Insle für ois - Isla Santa Cruz.
    Nachdemm mer churz im supperschöne Hostel iicheckt hend, simmer es Breedingcenter für Rieseschildchrotte go aaluege. Sie düend Schildchröttli züchte und je nach Temperatur wos iistelled gits Männli oder Wiibli. So wends de Bestand sicherstelle wils viel Chatze, Hünd, Geisse und anderi iigschleppti Tier uf de Insle het wo en gfärded. - Wie au Mensche wo Schildchrotte chlaued - erschgad sind ca 123 verschwunde vomene Center.
    Sie hend da sogar no de uusgstopfti "Lonesome George" uusgstellt bi konstant 18°C und sini DNA iigfrore zum irgendwenn chönne klone. Das alles chostet Millione.
    Sehr schön, aber es isch so dases da immer wider noii Insle git und di alte sinked. Je nach Insle hets anderi Schildchrottearte - sprich isches nid au normal das di einte Arte uussterbed und noii chömed? Wie zb 3 noii Vogelarte wos innerhalb vo nur 10-20Jahr gäh het!

    De Guie seit di meiste spezielle Tier da seged under Wasser - ich han aber eifach no nüt ghört vowäge guetem Meeresschutz? Natürli hani au das aagsproche und bin chli enttosche... Sie fisched sogar für de Export! "aber nur uf Bstellig" paar hundert tonne, gfischet mit Longlines...

    ____

    Wiiter ischs gange id Highlands, scho underwegs gseht me uu viel wildi Rieseschildchrotte (ufem Abeweg hemmer 54 zellt!)
    Als ersts simmer na go Lavatunnel aaluege. Si füered eigentli bis is Meer abe und sind riesig! Wil die Insle scho wiiter weg vom Zentrum vom Vulkan gwanderet isch, isch da nütme aktiv. Jedi Insle vo Galapagos wanderet zwüschet 3 und 7cm pro Jahr Richtig Festland und Richtig Abe.

    Und denn simmer endli zu de Schildchrotte. Es het jensti wo da gmüetlich uf de Wiese am graase sind! :)
    Read more

  • Day9

    "vulkan" und Schnorcheltour

    November 15, 2019 in Ecuador ⋅ ⛅ 18 °C

    Schowider beziite am Morge hemmer ois uf de Weg zum Vulkan gmacht - eine vo de grösste 10 uf de Wält! Nacheme Spaziergang im Näbel und Nieselräge simmer dobe aacho, gmerkt hemmer das nur, wil de wäg im wiisse Näbel uufghört het :) Naja, isch wohl nüt gsii und mer mached ois wider uf de Abeweg... ;)

    Denn ischs Nahtlos wiitergange, Flamingo Lagoon aaluege und denn uf e Schnorcheltour.
    Nach ca 30min Speedboat fahre simmer bi de Lavacaves/bridges und Mangrove aacho. Innerhalb vo zwei Schnorchelgäng hemmer diversi Fischli, drunder Trompetefisch und Chugelfisch, denn Wiissspitzeriffhai, Schildchrotte und Seepfärdli gseh!

    De Zmittagstopp isch i de Nöchi gsii, vo det us hemmer nachher uf de Lavabrugge chönne umelaufe und Blaufuesstölpel beobachte!

    Zrugg uf de Insle simmer nacheme churze Bierli wider mit de ganze Gruppe go Znacht esse und denn ziemli müed zrugg zum Camp.
    Read more

  • Day8

    Uf de nechste Insle Isabela

    November 14, 2019 in Ecuador ⋅ ⛅ 22 °C

    Früe am Morge hemmer ois uf de Weg zum Speedboat gmacht. S Meer isch zum Glück uu ruig gsii, so das mer alli ohni schlächt-sii bi de Zwüschestoppinsle Floreana aacho sind. Det isch au es chliises Paradies mitere Strandbar und vielne Meeresschildchrotte.
    Nachem schnorchle ischs nomal ca 2h wiitergange mitem Speedboat bis mer uf Isabela aacho sind. Det het ois en Truck/Bus, wo uf de Ladeflächi sitz het, zum Campingplatz bracht wommer di nechste zwei Nächt werded imene Zelt schlaafe. Es isch supperschön da!!
    Am Abig nachem Znacht - Riis mit Poulet oder Fisch, wies eigentli jede Tag git- hets na es Lagerfürli geh, Marshmallows und Bier.

    Ou ja - vorem Znacht hemmer en Coco Loco probiert: Kokosnusswasser mit Zuckerrohrschnaps... huiuiui
    Read more

  • Day7

    Kicker Rock Dive

    November 13, 2019 in Ecuador ⋅ ⛅ 22 °C

    Na bevors im Hostel Zmorge geh hetti, simmer underwegs zum Tauchcenter gsii. S aasträngendste vom Tag het ois erwartet: Neoprenazug aaprobiere. Eimal drah, zieht mer en aber am Beste garnümm ab. Kein witz - es isch meega aasträngend. Ich han hüt en Halbtrocheaazug becho und i demm tiptop gnueg warm gha! Hans selber fasch nid glaubt!

    D Tauchgäng sind lässig gsii und mer end e gueti Gruppe ufem Boot gha! Bsunders bim zweite Tauchgang hemmer nebst de Seeloie am Aafang na paar Haifischli gseh, drunder Galapagoshai (sehr chlii erstuhnlicherwiis) und Riffhai.

    Nachem Zmittag simmer anen Strand gfahre und hend es Stündli chönne Fuulenze bevors zrugg nach San Cristobal Island gange isch.
    Znachtgässe hemmer wider mit de ganze Gruppe vo de Tour. Mir sind e Gruppe vo 12 lässige Lüt zwüschet 19 und 31 & de Guide. :)
    Read more