November 2019
  • Explore, what other travelers do in:
  • Day1

    Gschafft

    November 7, 2019 in Ecuador ⋅ ⛅ 22 °C

    Ich hans und bin gschafft, nach 30min Autofahrt, check in, versabschiedig etc, Flug nach Amsterdam, denn nach Quito und schlussendli Guayaquil, abghollt werde vom Marco und zemme wiiter mit Taxi, Bus und namal Taxi simmer bim Hostel aacho.
    Ich bi hundemüed nach ca 24h underwegs sii und gahn ga pfuuse. buenos noches. :)Read more

  • Day2

    La Chocolatera

    November 8, 2019 in Ecuador ⋅ ☁️ 22 °C

    Nachem Brötli poste, Zmorge ässe und gmüetli umehänge, hemmer ois if de Weg zum westlichste Punkt vo Ecuador gmacht.
    Me lauft so ca 1h de Strasse, Strandpromenade und schlussendli dur es Militärgebiet mit Checkpoint dure. :)
    De Militärist het ois fründlich erklärt wos duregsht und na 2x nahgfröget ob mer nid doch lieber es Taxi welled - s gech na 15min z Fuess! Natürli simmer "tapfer gloffe" und diforne miteme churze Blick uf Buggelwahl belohnt worde!!

    Ufem Heiweg hets na eis zwei Bierli geh und denn simmer bimene typische resti mit Grill (useme Fass) ga ässe. En Understand mit Wällblechdach, vorne a de Strass de Grill useme halbe Fass, nebet drah s Fleisch undso uusbreitet, hinnedrah Tischli mit Plastikstüel.
    Es isch sehr fein gsii - ussert dasi ez verstahn wiso mer nidso fan isch vo Chochbanane. - liecht mählig/troche und schmöckt nach nüt ;) nidmal es birebiz nach Banane...
    Read more

  • Day4

    off to Galapagos

    November 10, 2019 in Ecuador ⋅ ☁️ 23 °C

    S Taxi isch überpünktlich am 5vor5i vor de tüür gstande. Mir sind natürli nid gfasst gsii und hend mit ca 20min spöter grechnet. Also schnäll alles in Rucksack schmeisse und los gaht de Reisetag - wider zrugg an Flughafe Guayaquil. Sprich ca 3h Fahrziit. De Bus dasmal hani wesentlich aagnähmer gfunde und bin au ohni Reisetablettli uuschoo :)

    Am Flughafe hemmer 20.- für irgend e Iitrittscharte zallt, s Gepäck separat scanne lah, denn check in, Gepäck und Mänschekontrolle :) und schlussentli zmörgele bis zum Boarding.

    Nach 2h Flug simmer den endlich im Zoo Galapagos aacho - wiitere Text folgt separat :)
    Read more

  • Day4

    Hallo Galapagos!!

    November 10, 2019 in Ecuador ⋅ ⛅ 22 °C

    Juhuuu! Am Flughafe het ois na e Tanzgruppe empfange wos wäretem ufs Gepäck warte zwei Tänz uufgfuert het!
    Denn Simmer looszottlet richtig Hotel, Na rasch de Check-In erledige, Material ablade und denn go stuune:
    Chuum lauft me richtig Meer abe, ghört me scho di erste Gslapagos-Seeloie umeschreie.
    Äs het sicher gäg di 100 Seeloie elei da a de Stränd vom Dörfli! Me fühlt sich wie im Zoo! Di Chliine sind natürli ultrahärzig und amig ganz schöön am umeplääre ;)
    Nebetdra ligged amig friedlich es paar Meerechse ufeme Huufe, denn hets uu viel roti Klippekrabbe, Pelikan und anderi Vögel wie zb Fregattvögel und natürli Blaufuesstölpel!

    Ich chönnt stundelang dene Seeloie zueluege! Trotzdemm hemmer aber na Ziit gfunde zum Ässe, Galapagosbier trinke und en Tauchgang für morn z organisiere.
    Read more

  • Day6

    Tourstart

    November 12, 2019 in Ecuador ⋅ ☁️ 21 °C

    Hüt hemmer de Tauchgang zum Kiker Rock für morn Buechet und sind nachli am Fuulenze gsii bis mer ois mit de Gruppe vo de G Adventures Tour troffe hend.
    Nachdemm mer paar Infos becho hend, simmer all zemme zumeme Infocenter gloffe, ga schnorchle und nach demm na zu de Seeloie an Strand ghöcklet und hend es Bierli gnosse :)Read more

  • Day7

    Kicker Rock Dive

    November 13, 2019 in Ecuador ⋅ ⛅ 25 °C

    Endlich mal wieder tauche. Wuhu
    Guet mir hend müsse früeh use, aber zum go tauche macht mer ja das gern. Mir hend eus den im Tauchcenter hemmer eus den usgrüschded und no die zwei andere troffe wo mitcho sind, das heisst mir sind nur z vierte gsi wo sind go tauche, was supper gsi isch.

    Bi dene zwei Tauchgäng hemmer wieder mega viel gseh, riise Fischschwärm, Galapagoshaie, Schwarzspitzeriffhaie, Schildchrotte, Seeleue, Skorpionfisch, anderi Taucher und no ganz schnell und leider wiit weg en Hammerhai.

    Zmittaggesse hemmer uf em Boot grad direckt amene Strand. Dede simmer no ca. e Stund blibe zum Schnorchle und chli umelauffe.

    Fötteli vom Schnorchle und vom Strand chömmed im nögschde Footprint.
    Read more

  • Day7

    Kicker Rock Dive

    November 13, 2019 in Ecuador ⋅ ⛅ 22 °C

    Na bevors im Hostel Zmorge geh hetti, simmer underwegs zum Tauchcenter gsii. S aasträngendste vom Tag het ois erwartet: Neoprenazug aaprobiere. Eimal drah, zieht mer en aber am Beste garnümm ab. Kein witz - es isch meega aasträngend. Ich han hüt en Halbtrocheaazug becho und i demm tiptop gnueg warm gha! Hans selber fasch nid glaubt!

    D Tauchgäng sind lässig gsii und mer end e gueti Gruppe ufem Boot gha! Bsunders bim zweite Tauchgang hemmer nebst de Seeloie am Aafang na paar Haifischli gseh, drunder Galapagoshai (sehr chlii erstuhnlicherwiis) und Riffhai.

    Nachem Zmittag simmer anen Strand gfahre und hend es Stündli chönne Fuulenze bevors zrugg nach San Cristobal Island gange isch.
    Znachtgässe hemmer wider mit de ganze Gruppe vo de Tour. Mir sind e Gruppe vo 12 lässige Lüt zwüschet 19 und 31 & de Guide. :)
    Read more