S o

Joined February 2016
  • Explore, what other travelers do in:
  • Day41

    Zmorgehalt

    October 17, 2018 in Poland ⋅ ☀️ 18 °C

    Es wird langsam hügeliger, mir sind uf knapp 400m.ü.m! juhuu
    De mitem Bärge finde het bis anhin nani klappet, aber mir sind gueter Hoffnig :)
    Jez höcklemer halbe verusse i de Sunne und gnüüssed

  • Day40

    Polä, Camping

    October 16, 2018 in Poland ⋅ 🌙 8 °C

    Nachdemm mer gester vergeblich ca 3 Stund nacheme Offene Camping gsuecht gha hend, hemmer hüt morge bim Iichaufscenter Internet ghollt, en Camping usegsuecht und aaglütet obs au wüki ume sind. Mir hend ja gester glernt, das weder gfühlti 10 Hiiwistafle, no Ziitlichi Aagabe usem Internet verhebed... :)

    Und tatsächlich het e netti, wiiblichi Stimm gantwortet und i brochenem Englisch gseit s segi offe, aber si seged na biz am umbaue.
    Keis Problem, mir chömed gliich ines paar Stund. :)

    Die paar Stund hend sich denn cheibe lang zoge. D Strass isch vo nigelnagelnoier Autobahn bis übelsti Gravelroad, dur chliini und Grossi Dörfli gange. Mir sind uusnahmswiis mal ungewollt nur im Schnäggetämpo vorah cho. Mir sind aber erstuunt wie schön all die Hüser da sind. Es het dutzendi verschideni Boustiil und vieli hend en sehr schön pflägte Garte, mit und ohni Tier drinn.
    Fahre düends wie d Affe, mir stuuned, das mer weder e Frontalkollision miterläbt händ, na en chlinnere Unfall. Zum Glück!!

    Schlussendli simmer nach über 8h Fahrziit im stockdunkle (20.00) bim Camping aacho, schnäll isch die netti Frau zur Stell gsii, het ois rash alles zeiget und isch denn aber froh gsii, wo si wider is warme ine het chönne.
    Ah ja: Ihre öppe zweiti Satz isch gsii: Ah was, ich han gmeint ihr chemed miteme Camper, das isch ja nur es Auto!! Früüreder nid zNacht?!? :)

    Natürlich het de Domi das nachher miteme Grinse namal hervorghebt: "Hesch ghört was si gseit het: kein Camper! Und sie wirds ja wohl wüsse als Campingplatzbsitzerin ;)"

    Zur fiir vom erfolgriiche Tag hets na s guet uufghobnige zweite Raclette geh wommer vom Mami us de Schwiiz mitgnoh händ :) mmmmh...
    Read more

  • Day39

    Schlafplätzli am See

    October 15, 2018 in Poland ⋅ ⛅ 11 °C

    Nach ewiger Suechi und schlussendli i de Dunkelheit hemmer doch na es wunderschöms Plätzli amene glasklare See gfunde. S het diversi Hüttli, Bänkli und Stäg. De Stärnehimmel spieglet sich im klare, ruige Wasser und de Mond wird au zuenehmend heller.

Never miss updates of S o with our app:

FindPenguins for iOS FindPenguins for Android