S o

Joined February 2016
  • Day26

    gflickt... oder au nöd?

    October 2, 2018 in Sweden ⋅ ☁️ 3 °C

    nachdemm s Päckli äändli aacho isch simmer schnurstracks zum Mech. Det namal es Stündli waarte bis sie ziit hend und denn gahts los. De Domi und de Mech hend iibout und Justiert, Mit em Raffi us de Werchstatt i de Schwiiz telefoniert und wider Pröblet. Denn hemmer endli wider derfe wiiterfahre.

    Das mitem Plätzli für d Nacht sueche het denn nidso uf Aahieb klappet und mer sind länger gfahre als denkd. Und da fangt au d Mili schowider aa Hueste... Oh nei oh nei...

    Mir hend also namal aaghalte und d Zündspuele auna gwächslet. Denn isch garnüt me gange... maaannooo!
    Jez nur nid uufgäh!
    Also wider uf di Alt umstecke - Motor lauft, immerhin.. Also wider di Noi näh, Kontäktli putze und ölä, iistecke uuund de Motor brummlät widär! Jippie funktioniert also doch na.

    Denn simmer ohni Stocke wiiter und hend es Plätzli gfunde. Mir sind gspannt, obs ez wüki verhebet!
    Read more

  • Explore, what other travelers do in:
  • Day25

    Tapetäwächsäl

    October 1, 2018 in Sweden ⋅ ⛅ 6 °C

    Aber immerna am ufs Päckli warte... Mannomann

    am nechste morge hemmer na es Bsüechli vo de Polizei becho. Mitem tüüfergleite Volvo fahreds wie mir durs Wäldli as Strändli abe :) Si hend denn chli gfreget was mir da mached so ala wil d Aawohner Angst heged mir seged Iibrächer...
    Uf d Frag obs verbotte segi da abe z fahre hends gfunde si wüsseds au nid so recht, aber es heg ja kei Verbotstafle :DRead more

  • Day24

    härrlich sunnig

    September 30, 2018 in Sweden ⋅ ☀️ 12 °C

    was für es härrlichs Wätter! Bis ez hemmer ja sowiso scho uu glück gha, aber hüt isch namal speziell schön! Mir höckled verusse, läsed und früüred nidmal! Nur mit lange Unzgi, Hose und obe nur öppe 3-4 Schichtä :) wunderbar! Es isch ganzi 11Grad im Schattä!

    Mir hends aso hüt ez doch nachli gnüüsse chönne nach echli Aalaufschwirigkeite... S gaht ois scho ziemli uf de Keks das mer so lang daa sind und nid wiiter chönd... Da mer ja ziemli näbt de Saison sind, gits praktisch kei gfüerti Toure womme chan mache vo da us... (ussert ga Pilzli und Beeri sueche ev. :) ) Tierlisuechtoure werded nid aabotte... Ussert mit Gwehr, es isch nämmli gad Jagdsaison...

    Ez hoffemer gaaaanz fest das s Päckli morn chunnt!
    Read more

  • Day22

    Gammelstad

    September 28, 2018 in Sweden ⋅ ☀️ 6 °C

    Das isch eigentli d Altstadt vo Luleå wo aber emal züglät het... S het vieli alti Hüsli um d Chile ume. Die sind nur zu spezielle chirchliche Aaläss bewohnt und hend z. B. kei flüüssend Wasser. Wiiter im Umchreis hets aber au na hüpschi Wohnhüser.

  • Day22

    Päcklichrieg

    September 28, 2018 in Sweden ⋅ ⛅ 1 °C

    Heieiei, de Jan het s Päckli mit de Teili gester uf d Post bracht. Für das hemmer fasch 100.- derfe ablade. Sowiit soguet.

    Hüt morge am 5.30 chunnt es SMS vo de Schwedische TNT wos fröged obs für Privat oder Gschäft isch..? Isch ja nid so dases 7! Zättel zum Päckli het mitere detaillierte Beschriibig.
    Also Antwort: Privat, pressiert!

    Zrugg chunnt: Demfall derfed sie namal 54.- zallä.
    Öhm okee... natürli nehmed nuur :D
    Read more

  • Day21

    ufem wäg vo mech zu mech :)

    September 27, 2018 in Sweden ⋅ ☀️ 8 °C

    So lärnt me d Schweda au echli känne - überal ga fröge wer ois echt chennti d Zündig iistelle sobald mer s Teili händ :) es sind alli sehr sehr hilfsbereit gsii und mir hend ez uf de Mäntig mit eim abgmacht wo ois hilft.. mega cool :)

  • Day20

    Boxästopp Luleå

    September 26, 2018 in Sweden ⋅ ⛅ 8 °C

    Wil d Mili jez wüki fest de Huästä het machemer Halt i demm Stedtli. Sind na bimene andere Abbruch ga Teili sueche, leider erfolglos. Aaber de liebi liebi Manu het genau was mir bruuched!! Nur biz wiit wegg i de Schwiiz. De Jan isch zum glück dihei und het Tifig oisi Wunschteili usem Manu sim Chäller gstibitzt und schickt sie ois zue. Denn derf de Domi denn chli Zündig frisch iistelle versueche :)

    Hüt hani glärnt dases en Hallgeber git (het mer naniemer recht chönne erklere was de ganz genau macht und was det drinn isch i demm mystische Büchsli) uund d Zündspuäla hani ja scho kennt vo de Nadine ihrem Bus (in Montpellier)

    Danke viiel mal ihr liebe liebe Wichteli und Hälfer i de Schwiiz! :)
    Read more

  • Day20

    ufäm Abbruch :)

    September 26, 2018 in Sweden ⋅ ⛅ 9 °C

    Aso ich wür säge d Mili het Huästa und bruucht Huästälöser, aber de Domi und de Mech finded es segi de Hallgeber oder d Zündspuele...
    Huestelöser wer doch viel eifacher, das hettemer debii... mannomann ;)

    Si hend nüt vo beidem da gha, aber in Lulea hets namal eine wo ev. öppis het und irgendwo in Schwedä staht en ganze Bus ufem Abbruch. ev hets det en passende Hallgeber drinn. haahaaRead more

  • Day19

    Arvidsjaur

    September 25, 2018 in Sweden ⋅ ⛅ 5 °C
Never miss updates of S o with our app:

FindPenguins for iOS FindPenguins for Android