Joined June 2019 Message
  • Day43

    Surfen Playa Maderas

    December 28, 2019 in Nicaragua ⋅ ☀️ 29 °C

    Die ganz letscht Wueche bi i ir Nechi vo San Juan del Sur im nä Surfcamp gsi u ha hie o Wiehnachte verbracht. I däm Camp hets extrem viu Schwiizer gah u die Wueche isch extrem schnäu verbi. Chönnt hie guet no chli lenger bliebe.Read more

    Ursula Ganz

    Wunderschön! Nur ds Föteli vo Dir uf em Surfbrätt fehlt🤣

    12/28/19Reply
     
  • Day34

    Granada, Isletas y Laguna Apoyo

    December 19, 2019 in Nicaragua ⋅ ☀️ 32 °C

    Die letschte Täg bi ig ds Granada gsi. Am Donnstig bi i ufe änä Kajaktour für d'Isletas de Granada ds erkunde. Da het mou wieder mit der Organisation nid aues ä so klappt... Aber ja. Die Insle si vor Granada u si dür nä Vulkanusbruch entstande.
    Am nächste Tag bi i de ad Lagune de Apoyo. Vo dere hei aui sehr gschwärmt. Isch ä ehemalige Vulkankrater. Es isch ganz hübsch gsi, aber ni hets itz nid ganz ä so us dä Socke ghoue. Ds gfaut mir der Thunersee auso besser.
    Read more

  • Day32

    León

    December 17, 2019 in Nicaragua ⋅ ☀️ 32 °C

    Hüt am Morge ischw ä Foodtour dür León ufem Programm gstange. Mir si derbi übere Märit glofe u hei die verschiednigste Sache probiert. Vo Sapote über Jocete bis zu Yuka u Zuckerrohr hets viu ds probiere gäh. O Getränk hei mir dörfe probiere, aber da ha i scho wider vergässe wie die Sache gheisse hei. Es isch emu aues sehr lecker gsi.

    Am spätere Namitag bi i de no ufe nä Stadttour. Dert isch extrem viu vor Gschicht vo León u Nicaragua verzeuht worde. Eher chli ä Gschichts-Tour gsi.
    Read more

  • Day31

    Volcan Telica

    December 16, 2019 in Nicaragua ⋅ ☀️ 29 °C

    Hüt morge bi d'Kathedrale vo Leon gah aluege u am Nami isch e Sunsetwanderig uf ä Telica Vulkan ufem Programm gstange. Der Start isch nid e so guet gsi. Si hei mi vergässe u i bi mit ere Stung verspätig abghout worde. Derfür ha ä Privattransport zum Start vor Wanderig gah. D'Fahrt an und für sich isch scho es Erläbnis gsi. Ohni 4x4 wäre mir äuä nid wiit cho u düre gschüdlet worde bi i o düchtig.
    Sogar ä eigete Guide ha i gah (der Fahrer het uf mi müesse warte) wue die anger scho los glofe si. So bi i auso mit em Bismark (nei er het keni dütsche Wurzle) der Hoger deruf gwanderet resp. Für mi hets sich eher agfüht wie sekle. Si aber de no vorem Sunneungergang dobe gsi. U d'Ussicht isch super gsi.
    Read more

    Ursula Ganz

    Hey, da isch ds Tatelishorn ja ä Chatzesprung🤣... wunderschön - gsehsch guet us! Gniess es😘

    12/17/19Reply
    Anita Stalder

    Hey Fabi. Und wie geits dir uf dire Reis? Cool, bisch no in Nicaragua gsi. Ig ha das super i Erinnerig. Hoffe het dir o guet gfaue :-). Gniess es witerhin no. Lg us Bärn, Anita

    1/5/20Reply
     
  • Day30

    San Juan del Sur a Léon

    December 15, 2019 in Nicaragua ⋅ ⛅ 31 °C

    Hüt usch mini Reis witergange dür haub Nicaragua. Bi mit em nä Shuttle vo San Juan del Sur ud Leon gfrahre (si öbbe 6h gsi)
    Bi när mit ärä Holländerin u em nä Ami öbis gah ässä. Hei de nachem ässcho mau ds Stadt ä chli erkundet u die "schöni" Wiehnachtsdekoration bestuunt. Morn mach i ä Vulcan Sunsettour. Bi scho gespannt was ni erwartet.Read more

  • Day29

    Adios Costa Rica - Hola Nicaragua

    December 14, 2019 in Nicaragua ⋅ ☀️ 28 °C

    Hüt morge bi ig mit em nä Shuttle vo Samara nach Liberia gfahre. Vo dert us ische es mit em öffentliche Bus wiiter a die costa ricanische/nicaragischi Gränze gange. Busfahre hie isch doch de chli anger aus bi üs. Ha bau der idruck gah mä cha istiege u ustiege wie mö wott u es git kenni fixe Hautesteuene. U zwüschedre hautet mä wue der Chauffeur no grad öber kennt.
    O das mit em Usreise u Ireise isch viu komplizierter aus ds Europa. Ha glücklicherwies ä Finnin u äs französischs Päärli troffe wo o grad chli überforderet si gsi. Si aber aui sehr hiufsbereit. Ds erst muess mä bim nä Hüsli ä Usreiegebühr vo 9$ zahle u ersch denn darf mä sich i d'Reihe für ä Gränzübergang steue. Nachdäm isch es de ds Fuess wiiter zur nicaragische Gränze. Der zahut mä ds ersch o mau 1$ bevor mä id Reihe für d'Ireis darf stah. Für das mä ä Stämpu i Pass bechunnt zahut mä no mau 12$.
    Es isch aues no chli spezieu we mä ds Fuess über ä Gränze geit u nid eifach mit em Auto cha düre fahre.
    Nachdäm mir de aues geschafft hei, hei mir e Bus gno Richtig Riva. Ig bi mit dä Franzose ds La Virgin usgstiige u mir hei ä sogenannte Chicken Bus (auti amerukanischi Schueubüs) nach San Jual del Sur gno. Hie blieb itz nume ei Nacht. Morn geits de wiiter nach Leon für 3 Nächt.
    Read more

  • Day28

    La ultima semana en escuela

    December 13, 2019 in Costa Rica ⋅ ⛅ 29 °C

    Itz isch der erst Teil vo mird Reis verbi. Die vier Wueche ds Sàmara si fäf mi extrem schnäu verbi. I mire metschte Schueuwueche ha i mi mau bim Salsa tanze versuecht, ha mau wieder Pingpong gspiut, versuecht ds Pura Vida ds verinnerliche u der landestypisch Schnaps resp. Shot probiert... Morn starte i de mit em "richtige" ReiseRead more

  • Day23

    3. Wueche

    December 8, 2019 in Costa Rica ⋅ ☀️ 31 °C

    Scho si 3. Wueche verbi. U ist git gar nid ä so viu ds verzehuue. Am Mäntig isch am Strand es grosses Lagerfüür akündet gsi mit ganz viu Lüd. Es isch isch aber de aues gar nid ä so gross gsi... Sie künde hie sehr gärn öbis ganz gross a u när isch es meistens gar nid ä so.
    Am Mittwuech si mir aui zämmö gah italienisch ässä. Soooo ä Pizza cha scho mega fein si!!!
    Am Friitigabe si mir de aui zämmä a Strand u när no id Arriba-Bar. Isch sehr ä witzige Abe gsi. Am Samstigmorge bi ig gah surfe u am Abe gah ds Nachtässä. Ha mir mir so es richtigs schöns Stück Fleisch gönnt.
    U schusch ha i eifach der Strand, d'Sunne, ds Meer u ds Pura Vida gnosse u no chli mini Reis für nach der Schueu planet.
    Read more

  • Day16

    Mi Autag

    December 1, 2019 in Costa Rica ⋅ ☀️ 30 °C

    Itz bi i scho zwöi Wueche ir Sprachschueu u es het sich ä gwüsse autag ipändlet. Tagwach isch unger der Wueche meistens am 7ni. Viu lenger schlafe isch o am Wuecheändi bau nid möglich wue ab dä 7ni rampazampa isch. Zum ds morge nimi meistens Frücht (Papayas, Ananas, Banane, Mandarinli, Wassermelone,...). D'Frücht si hie viu süesser aus ir Schwiz. Nachem Morgeässä mach i mi aube mit mim Velo (ä 1-Gänger u mit Rücktritt 🙈) ufe wäg id Schueu. Si öbe 5 Minute Wäg. We i nid Schueu ha verbring mini Freizyt am Strand oder versuche mini Surfkenntnis ds verbessere.
    Ausgansmässig louft hie nid ä so viu. Es git ei Bar wo mä o nach dä 11i no härä cha. Aber schusch het zwöi ganz schöni Strandbare wo mä bis am 10ni feini Cocktails cha schlürfe.
    Im Grosse u ganze isch hie aues sehr gmütlich. Stress isch gloubs es Frömdwort. Was chli gwähnigsbedüeftig isch, isch das hie sich d'Ross 🐎 frei chöi bewege. Es isch auso ke Säuteheit, dass es Ross dür d'Strasse louft oder am Starnd ungerwägs si.
    Read more

    Roland Suter

    Das tönt jo gut. 👍🏼😂

    12/1/19Reply
    Ursula Ganz

    Rössli überall😍 - ig schicke SOFORT d Isabelle übere🤣

    12/1/19Reply
     
  • Day9

    Strand, Fuessbau u Sunneungergang

    November 24, 2019 in Costa Rica ⋅ ☀️ 30 °C

    Der Sunntigmorge ha i mit minä Schueugspändli am Strand verbracht. Am Namittag isch de ufem Fuessbsuplatz no es Finauspiu gsi. Da isch gloub ganz Samara ume Fuessbauplatz umegstange u luthaus mitgfieberet worde. Am Abe si nir de no ä Buena Vista Strand der Sunneungergang gah luege. Isch fasch ä chli kitschig gsi.
    Am Abe hets de bi mire Gastfamilie no äs Barbecue gä.
    Read more

Join us:

FindPenguins for iOSFindPenguins for Android