Reset search
Fabienne Suter
Satellite

Fabienne Suter

Joined June 2019 Message
Full profile
  • Fabienne SuterMittelamerika
    Day65

    Puerto Viejo, Hasta luego Costa Rica

     January 19, 2020 in Costa Rica ⋅ 🌧 27 °C

    Puerto Viejo isch mi letscht Ort ds Costa Rica. Puerto Viejo isch mit em Bus nume ä haub Stung vo Cahuita wäg u ähnlich aber glich angers. Es isch grösser u es louft o chli meh. I bi no ufene Schoggitour u ha o ganz viu dörfe probiere u glert. U am mim letscht ganze Tag ha i no es Velo gmietet u bi zum Punte Uva gfahre. Ha sogar Glück gah u ha chli blaue Hiummu u Sunne gseh u es het mi ersch ufem Heiwäg verschiffet.
    Fazit zur Karibikküste: si wär äuä wunderschön u rächt gmütlich, aber i ha chli die fautschi Zyt verwütscht u es het räch viu grägnet u d'Sunne ha i nid ä so viu gseh.

    Itz geitz de wiiter richtig Panama.    Read more

    See translation
    +5
     
    Map
    • Explore, what other travelers do in:
  • Fabienne SuterMittelamerika
    Day62

    Cahuita

     January 16, 2020 in Costa Rica ⋅ ⛅ 28 °C

    Scho d'Akunft ds Cahuita isch viu versprächend gsi. I bi kum uf Terrasse vo mim Zimmer gsi u ha gmerkt das es hinger mir ä Boum het mit em nä Fuutier drufe. Leider isch ds liecht zum fötele nid ä so guet gsi u chum isch ds einte verschwunde chunnt no grad es zwöits füre.
    Schusch gitz hie ds Cahuita nid ä so viu ds mache u o ds Wätter isch ds erstemau uf mire Reis nid ä so super. Es chunnt immer mau wieder vor, dass es faht afah rägne. Aber im Rägewäud isch das haut ä so. Es het no ä National Park wo i no chli bi gah loufe u ha no ä ehemaligi Arbeitskomlegin u ihre Maa zum ds Nachtässä troffe u schusch ha i mau nid ä so viu gmacht.    Read more

    See translation
    +4
     
    Map
  • Fabienne SuterMittelamerika
    Day59

    Tortugero

     January 13, 2020 in Costa Rica ⋅ 🌧 28 °C

    Vo San José us isch es am morge am 6i mit em nä Shuttle u em Boot nach Tortugero gange, wo i nume 1 Nacht bi. Uf em Wäg nach Tortugero si mir are riese grosse Bananaplantage vo del Monte verbi cho.
    I bi hie gester am Namitag ds Tortugero acho u ha mau der Strand beguetachtet. Dä isch definitiv angers aus die wo i bis itz gseh ha. I ha o schnäu fest gsteut, dass hie z'Wätter schnäu cha ändere. Da schiint d'Sunne u ei Minute später schiffets wie us Küble.
    Hüt morge isch es am 6 ufe ä nä Kanutour gange. O hie het mau d'Sunne gschune u när wieder grägnet. Hei aber doch es paar Tier gseh.    Read more

    See translation
    +5
     
    Map
  • Fabienne SuterMittelamerika
    Day56

    Manuel Antonio

     January 10, 2020 in Costa Rica ⋅ ☀️ 29 °C

    Manuel Antonio isch mi letscht Ort ar Pazifiküste bevors när ad Karibikküste geit.
    Ds Manuel Antonio isch der chliinst National Park vo Costa Rica, aber äuä o dä mit dä meiste Touriste u d'Affe im Park hei nüm würklech Angst vor dä Lüd. Im Gägeteil. We mä nid ufpasst fäut plötzlich öbis. Emu grad am Strand muess mä guet guet ufpasse. Ig bi mir emu nid vor cho wie im nä National Park...
    Aber wenigsten ha i es paar Tier gseh.    Read more

    See translation
    11+3
    Jasmin Walter

    Oh so cool e oso perezoso😁

    1/15/20Reply
    Ursula Ganz

    Oh jö! Bringsch mir eine hei🤣?

    1/19/20Reply
     
    Map
  • Fabienne SuterMittelamerika
    Day54

    Vamos a la Playa

     January 8, 2020 in Costa Rica ⋅ ☀️ 29 °C

    Am Samtig isch es vo Monteverde nach Santa Teresa gange. Uf dere Reis bi i sogar i gnuess vore costa ricanische Fähri cho. Santa Teresa würkt uf mi wie der gross u touristisch Brüetsch vo Sàmara. Es het viu cooli Lädeli u Restaurant, aber o extrem viu Touriste (vorauem us Schwede) oder emu Europäer/Argentinier wo hie wohne. Ha gloubs no bau ke Iheimische gseh. Da het mir Sàmara definitiv besser gfaue.
    Bi hie no ö drei Täg gah surfe, aber es isch definitiv viu asträngender aus ds Sàmara u ds Nicaragua. Macht nid ganz ä so viu Spass....
    U a eim Tag het mi äs Paar mit gno nach Montezuma zu dä Wasserfäu. Das isch de bau chli äs Abentür gsi, wue mir dermit grächnet hei, dass mir dert gmütlich chöi härä wandere. Isch de no chli Chlättere der zue cho. Aber wenigstens hei mir Turnschuhe ane gah u keni Flipflops wie öbe 90% vo dä lüd    Read more

    See translation
    +4
    Ursula Ganz

    Das Bild isch dr Hammer😍!

    1/19/20Reply
     
    Map
  • Fabienne SuterMittelamerika
    Day48

    Monteverde

     January 2, 2020 in Costa Rica ⋅ ⛅ 22 °C

    Nach Rägewäut bi itz im Näbuwaud vo Monteverde. U bi i tatsächlich froh über aui mini länge Kleider. Isch doch ä chli frühscher hie.
    Vo la Fortuna bi i mit em nä Böötli übere Arenalsee u när mit em nä Shuttle wiiter uf Monteverde. Das isch der schnäust wäg. Mit em ÖV hät mä rund 7h.
    D'Überfahrt isch sehr schön gsi, da o das Wätter het mitgmacht. U ig ha der Arenalvulkan nomau richtig guet gseh.
    Zu däm bi ig uf ere Nachtwanderig gsi u Canopy + Treetop Suspension Bridges si ufem Program gstange.    Read more

    See translation
    1+5

    Gniess Monte Verde, mi Lieblingsort!

    1/10/20Reply

    Liebi Grüss u bis gly Ruth

    1/10/20Reply
    Marisa Schärer

    Gseht ja giftig us 😱

    1/11/20Reply
     
    Map
  • Fabienne SuterMittelamerika
    Day46

    La Fortuna

     December 31, 2019 in Costa Rica ⋅ ⛅ 28 °C

    Sit gester bi i ds la Fortuna übernachte hie im nä Tippi.
    Hüt bi i ufe nö Tour für der Wasserfau la Fortuna u der Vulkan Arenal gah aluege u zum Schluss no i Hot Springs gah bade.
    Der Wasserfau het der Name Wasserfau o würklech verdient. Mir hei öbe ä haubstung müesse loufe u si nid ganz die einzige Touriste gsi. Sogar wifi hets dert gäh...
    Nachem Mittagässe isch es wiiter zum Vulkan. Ufem Wäg dert hä ha i mis erste Fuutier gseh. Es isch gmütlich im Boum ghange. Bim Vulkan si mir öbe ä gueti Stung düre Rägewaud gwanderet. Hei aber nid würklech Tier gseh. U de isch es no chli wiitergange zu dä Lavafäuder. Zum Abschluss si mir de no gah bade. Hei sehr Glück gah mit em Wätter, es het nume grad bim Mittagässä grägnet.
    Am Abe mi de no mit ere Schwiizere u mnä Dütsche dür ds Dorf zoge, aber isch nid ä so rächt Stimmig ufcho obwohu si ufem Sportplatz es riisigi Fiesta verastautet hei. So si mir de zrügg is Hostel u der Dütsch u ig hei üs 23:45 wieder troffe u si no zämmä gah ds Führwärk luege u de o gli is Bett.    Read more

    See translation
    +4
     
    Map
  • Fabienne SuterMittelamerika
    Day45

    De vuelta en Costa Rica

     December 30, 2019 in Costa Rica ⋅ ⛅ 28 °C

    Die letschte zwöi Täg ha i no ds San Juan del Sur verbracht u zuefäuigerwiis isch o no grad d'Ladina {sie isch mit mir id Spracjschueu) im glichlige Hostel gsi wie ig.
    U de isch es hüt am morge früh mit em nä Shuttle zrügg nach Costa Rica, gnauer gseit nach la Fortuna. Nach Strand isch itz i de nächste Täg Natur agseit.Read more

    See translation
    1
    Jasmin Walter

    Wow, die Tipis gsend mega schön us. 😁

    1/5/20Reply
     
    Map
  • Fabienne SuterMittelamerika
    Day28

    La ultima semana en escuela

     December 13, 2019 in Costa Rica ⋅ ⛅ 29 °C

    Itz isch der erst Teil vo mird Reis verbi. Die vier Wueche ds Sàmara si fäf mi extrem schnäu verbi. I mire metschte Schueuwueche ha i mi mau bim Salsa tanze versuecht, ha mau wieder Pingpong gspiut, versuecht ds Pura Vida ds verinnerliche u der landestypisch Schnaps resp. Shot probiert... Morn starte i de mit em "richtige" ReiseRead more

    See translation
    +2
     
    Map

Join us:

FindPenguins for iOSFindPenguins for Android

  • 2021© FindPenguins
  • Home
  • About Us
  • Blog
  • Press
  • Terms
  • Privacy Policy & Cookies
  • Support
  • Imprint
  • English