Joined June 2019 Message
  • Day23

    3. Wueche

    December 8, 2019 in Costa Rica ⋅ ☀️ 31 °C

    Scho si 3. Wueche verbi. U ist git gar nid ä so viu ds verzehuue. Am Mäntig isch am Strand es grosses Lagerfüür akündet gsi mit ganz viu Lüd. Es isch isch aber de aues gar nid ä so gross gsi... Sie künde hie sehr gärn öbis ganz gross a u när isch es meistens gar nid ä so.
    Am Mittwuech si mir aui zämmö gah italienisch ässä. Soooo ä Pizza cha scho mega fein si!!!
    Am Friitigabe si mir de aui zämmä a Strand u när no id Arriba-Bar. Isch sehr ä witzige Abe gsi. Am Samstigmorge bi ig gah surfe u am Abe gah ds Nachtässä. Ha mir mir so es richtigs schöns Stück Fleisch gönnt.
    U schusch ha i eifach der Strand, d'Sunne, ds Meer u ds Pura Vida gnosse u no chli mini Reis für nach der Schueu planet.
    Read more

  • Day16

    Mi Autag

    December 1, 2019 in Costa Rica ⋅ ☀️ 30 °C

    Itz bi i scho zwöi Wueche ir Sprachschueu u es het sich ä gwüsse autag ipändlet. Tagwach isch unger der Wueche meistens am 7ni. Viu lenger schlafe isch o am Wuecheändi bau nid möglich wue ab dä 7ni rampazampa isch. Zum ds morge nimi meistens Frücht (Papayas, Ananas, Banane, Mandarinli, Wassermelone,...). D'Frücht si hie viu süesser aus ir Schwiz. Nachem Morgeässä mach i mi aube mit mim Velo (ä 1-Gänger u mit Rücktritt 🙈) ufe wäg id Schueu. Si öbe 5 Minute Wäg. We i nid Schueu ha verbring mini Freizyt am Strand oder versuche mini Surfkenntnis ds verbessere.
    Ausgansmässig louft hie nid ä so viu. Es git ei Bar wo mä o nach dä 11i no härä cha. Aber schusch het zwöi ganz schöni Strandbare wo mä bis am 10ni feini Cocktails cha schlürfe.
    Im Grosse u ganze isch hie aues sehr gmütlich. Stress isch gloubs es Frömdwort. Was chli gwähnigsbedüeftig isch, isch das hie sich d'Ross 🐎 frei chöi bewege. Es isch auso ke Säuteheit, dass es Ross dür d'Strasse louft oder am Starnd ungerwägs si.
    Read more

    Roland Suter

    Das tönt jo gut. 👍🏼😂

    12/1/19Reply
    Ursula Ganz

    Rössli überall😍 - ig schicke SOFORT d Isabelle übere🤣

    12/1/19Reply
     
  • Day9

    Strand, Fuessbau u Sunneungergang

    November 24, 2019 in Costa Rica ⋅ ☀️ 30 °C

    Der Sunntigmorge ha i mit minä Schueugspändli am Strand verbracht. Am Namittag isch de ufem Fuessbsuplatz no es Finauspiu gsi. Da isch gloub ganz Samara ume Fuessbauplatz umegstange u luthaus mitgfieberet worde. Am Abe si nir de no ä Buena Vista Strand der Sunneungergang gah luege. Isch fasch ä chli kitschig gsi.
    Am Abe hets de bi mire Gastfamilie no äs Barbecue gä.
    Read more

  • Day8

    Playa Guiones & San Juanillo

    November 23, 2019 in Costa Rica ⋅ ⛅ 29 °C

    A mim erste ganze Wuecheändi hei mir für ei Tag es Outo gmietet u si mit däm Richtig Norde. D'Outovdrmietig het üs für üsi Strecki ä 4x4 empfohle. Nach öbe 10 Minute isch üs o scho klar gsi wieso. Abwohu mir ufere Houptstrass si gfahre, isch da nüd mit teerete Strasse...
    Mir hei der erst Haut ar Playa Guiones gmacht, si dert chli a Strang gläge, dürs Döörfli glofe u ds Mittag gässe. När si mir wiiter Richtig San Juanillo. Uf em wäg derhärä hei mir o ä Fluss mut em Outo müesse überquere. Isch bau chli Abentürstimmig ufcho. Der Strand ds San Juanillo isch ganz angerd gsi, wie d'Stränd wo i hie bis itz ha gseh. Viu rauer u mit meh Feuse.
    Was mir o schnäu gmerkt hei, isch dasmä für aues viu lenger brucht aus ir Schwiz. Für 15 Kilometer hei mir öbe ä Stung brucht, wäh dä Strasse u dä viele Schlaglöcher
    Read more

  • Day6

    Schildkröt

    November 21, 2019 in Costa Rica ⋅ ☀️ 30 °C

    Hüt hei mir nach der Schueu ä Usflug ä nä Strand gmacht, wo Schiudkröt chömme cho Eier ablege ir Nacht. Mir hei mega Glück gah u ei sogar no es Jungs gseh wo is Meer isch u speter so gar no es ganzes Näst vo gschlüpft isch.Read more

    😍

    11/22/19Reply

    Schön das Du en tolli Gaschtfamilie hesch u bis jetzt nid mit grösserne Problem hesch müesse kämpfe....ussert Flug mit überraschig....mega lg. Christine&Roger

    11/24/19Reply
     
  • Day5

    Sprachschueu

    November 20, 2019 in Costa Rica ⋅ ⛅ 30 °C

    D'Sprachschueu isch grad am Strand gläge. Es isch auso nume ä Chatzesprung bis an Strand u is Meer. Ds Meer isch rächt warm u mä hautets guet es zytli im Wasser us.
    D'Schueu macht bis itz Spass u i ma o guet mit. Bi aber o bi dä Afänger 😜 D'Ungerrichtszyt isch jede Tag angers einisch ha i vo 8-12 Schueu u am nächste vo 1-5. U när wieder vo 8-12. D'Schueu bietet o Programm a. Am Zystig bi i is Zumbs aber äuä ds erstmau, ds letschtemau u ds einzige mau. Hüt isch no ä Chochkuts gsi vo mir eifach ö Spezialität gmacht hei, aber kes ganzes Menu.
    We i nid grad Schueu oder Privatlektion ha de gniess i der Strand
    Read more

    So lässt sich‘s schön lernen, würd ich sagen🥰☀️🤩

    11/24/19Reply
     
  • Day2

    Über Umwäge nach Costa Rica

    November 17, 2019 in Costa Rica ⋅ 🌧 23 °C

    Itz bi aus i däm Costa Rica acho. D'Areis isch aber chli lenger gange aus planet. Dr Flug isch super gsi u mir si scho im Landeaflug gsi, wo dä plötzlich isch abbroche worde u mir wieder ha Höchi hei zuegleit. Plötzlich hets de gheisse mir flüge uf Panama u näme när no mau a Alauf für ds San José ds lande. Auso si mir uf Panama gah lande u hei dert äuä so 2h Stung im Flugzüg müesse warte bis mir wieder hei chönne starte. Schlussändlech si mir de öbe am haubi 11 ds San José glandet, statt wie planet am haubi 7ni. I bi emu de totmüed is Bett nachdäm i über 24h wach bi gsi.
    Hüt isch es de mit em Bus witergange nach Samara. Abgseh vom nä schwäre Verkehrsunfau bi i guet am Meer acho. I ha mis eigete Zimmer mit Bad u es si no zwöi witeri Studente da, ä Kanadierin u ä Schwizere.
    Read more

  • Day2

    Gastfamilie

    November 17, 2019 in Costa Rica ⋅ 🌧 26 °C

    I bi da ire rächte Grossfamilie glanderet. Gastmuetter heisst Narcisa u het Sohn wo Manfred (Surflehrer) heisst. Sie het no ä Brüetsch wo ä Surfschueu (https://www.chocossurfschool.com) betriebt u ä Schwost (het zwe Söhn wo o hie läbä, der eint mit Frou). U d'Eutere vo dene drü wohne o no hie. Es ziemlichs cho u gah... Mini Gastfamilie betriebt es sogenannts Soda. Am Sunntignami u am Mäntig isch aube Ruhetag. Aber da louft unger der Wueche sicher immer chli öbis...
    We ds Soda offe isch, de dörfe mir auso vor Karte öbis zum ässä uslässe am Abe 😋
    Update folgt...
    Read more

Join us:

FindPenguins for iOSFindPenguins for Android