Satellite
  • Day19

    De schiefi Turm vo Pisa

    September 19, 2020 in Italy ⋅ ⛅ 29 °C

    Erholt started mier mitmene feine Zmorge i de sunnigi Tag. Mier fahred wiiter zur Ponte di Diavolo (aso Teufelsbrücke). Ufem Wäg dethi machedmier en Zwischestop im chline Dörfli Pontecosi. Die steil ifahrt isch eifach z fahre gsi, aber d Zuefahrt zum Dörfli isch leider z äng für üse Camper. Nachmene churze Fuessmarsch sindmer wieder zrugg bim Auto, wo sich aber de Ufewäg vo dere steile Uffahrt als sehr schwirig erwisst. Dank de super Afahrtipps vo de Petra und es bitzli Astosse schaffemers bim dritte Alauf doch no duruf. Glücklich über üses könne fahred mier uf Pisa um festzstelle, dass de Turm wirklich sehr schief staht. De schön Botanischi Garte verzaubered üs und so fahred mier glücklich am Meer entlang richtig Süde für üse negsti Zwischestopp in Mazanta.Read more