En glungnige Tag

Mitmene feine Gipfeli started mier i Morge. Mier studiered die viele Touristeprospekt und üsi Touristcard wo mier vo üsem Camping becho hend. Voller Ideä gönd mier a Ossiacher See und gniessed en herbstlichi Rundfahrt mitem Schiff einisch ume See ume.
Wiiter gads zur Burg vo Landkorn. D Ussicht vo dere erhobnige Burg fasziniert üs fast so fest wie d Geier wo sich grad überes Stückli Tier härmached.
Als negsts nutzed mier no üse Touristerabatt und nämed de zweistündigi Gratisitritt id Therme Kärnten i Aspruch.
Zrug bim Camping chömed mier langsam wieder zrugg id Winterstimmig, braued üs en früsche Glüehwii und choched es Raclett.
Ich wurd säge en glungnige Tag. 😊Read more