Raphael Eigenmann

Joined April 2018
  • Day77

    Magnetic Island Teil 2

    June 15, 2018 in Australia ⋅ ⛅ 19 °C

    Zweite Tag in Magnetic und mehr sind wieder früeh uf de Beii... Plant isch für hüt de Fort walk und 3 Stränd wo au dette ide nöchi sind😁 De Fortwalk isch für mich mega cool gsih da mehr wieder diversi Militärstandort gseh het und vorallem eh hammer Sicht über d Insle und s Meer het...❤️ Natürlich isch euses Ziel de höchsti Punkt vom Fortwalk gsih und de hemmer au gschafft... dette isch glichziitig au Komandozentrale vo dem Verteidigungsnetzt uf de Insle gsih🤷🏼‍♂️🙈 wo mehr das Ziel gschafft hend henmer eus richtig Strand ufgmacht und de ersti Strand isch scho mega schön gsih... Natürlich hemmer. no uf schöneri und ruhigeri ghofft und das hemmer denn schlussendlich au bim 3. und letzte Strand gfunde😍 Nach dene ganze tolle Erlebnis hemmer eus denn schnell müesse uf de Rückweg mache dass mehr no de Bus und d Fähre verwütschet🙈 Gesagt, getan mehr hend eus im schnell zug tempo uf die 2,5km langi Strecki zrugg is Hostel gmacht und sind genau pünktlich für de Bus parat gsih💪🏼😂

    Zrugg in Townsville hemmer euse Campervan gno und sind in richtig Airlie Beach ufbroche😁 Am Abig spaht simmer denn acho und hend Pauline pünktlich im Hostel abgsetzt... Da sie am Wuchenend en Segeltrip het hemmer sii für die nechste paar Tag s letscht mal gseh😩
    Read more

  • Day76

    Magnetic Island #1

    June 14, 2018 in Australia ⋅ ⛅ 17 °C

    Für de hütigi Tag hemmer eus au es Billet für Magnetic Island gholt und eh Nacht im Koala Village Bay Resort buechet... Das isch eis vo wenige Hostels wos uf dere Insle het aber da mehr sgfühl ghaa hend mehr wend eus wieder mit de Pauline treffe hemmer s gliche gno wie sii😂 Am morge frûeh simmer in Magnetic Island acho... spôter als denkt da mehr d Fähre genau um 3 Min verpasst hend aber defür hemmer no Ziit ghaa für zmorge😜 Wo mehr denn uf de Insle acho sind hemmer de Bus direkt is Hostel gnoo und ussegfunde dass mehr nonig Iichecke chend hahaha also simmer mal id Kuchi gsesse und hend ahfane diskutiere was mehr mache chentet🤔 glichziitig isch d Pauline zu eus gstosse und mehr hend zemme en Plan usgheckt... Mehr hend eus entschiede vom Hostel die gross Treckingroute zneh uf die ander Siite vode Insle😂💪🏼

    Nach knapp 7km und etliche Stunde laufe simmer denn entlich wieder am Hafe acho💪🏼 Ussert Bäum und Natur hemmer ned viel gseh😩 Jedoch kurz vor em Ziel hani en Koala gspottet und die beide Mädels sind glücklich gsih😂 Am Hafe hemmer denn de Bus für 3 Statione gno und sind zunere Felsformation gfahre+gloffe wo Rockwallabies lebet😍 Sooo Süess!!!! Nach mehrere Bilder und gfühlte Stunde het eus en Iiheimische chli Fuetter ghee und mehr het sie chene Füettere❤️ es isch unglaublich herzig gsih... Es wiili spöter hemmer eus denn uf de Rückweg zum Hostel gmacht (zum glück isch da en Bus gfahre)😂 Mehr hend eus Wraps zum znacht kauft und die hemmer jetzt au hungrig Verschlunge... Das isch denn au de Abschluss vo dem Tag gsih😴
    Read more

  • Day75

    Townsville

    June 13, 2018 in Australia ⋅ ⛅ 16 °C

    De ersti Tag in Townsville und mehr sind in Pallarenda Conservation Park gange😍 Nach es paar Stunde wandere und hemmer no es paar alti Bunker gfunde vo wo us es deutsches Kriegsschiff versenkt worde isch🙈 Das Wrack liet immernoide nöchi vo Magnetic Island uffem Grund und es gitt Tauchusflüg dett anne☺️

    Leider hani da dezue keii Ziit ghaa!!

    Am Namittag und nacheme wietere Nationalpark isch Pauline in Townsville acho und bevor sii s Boot nach Magnetic Island gno het hemmer eus no troffe😁 Mehr sind denn alli zemme an Strand vo Townsville gange hend gredet und Grafitikunst bewunderet😍 Nach ere Stund und em schwumm vode Gabi simmer denn id City gfahre hend no eppis im Woolworth kauft und denn scho richtig Castle Hill ufbroche zum de Sunneuntergang zgseh🌞🌚

    Das isch eine vode beste Sunneuntergäng woni gseh han da in Australie eifach wunderschön❤️❤️ Nachdem hemmer d Pauline am 19.00 am Fährhafe abglade und sind zrugg zu eusem billig Campingplatz😂😂
    Read more

  • Day74

    Reise

    June 12, 2018 in Australia ⋅ ⛅ 22 °C

    Am zweite Tag bin ich und Gabi denn wiiter nach Townsville gfahre🤙🏽 Mehr hend bi mehrere Ort wieder halt gmacht... unter anderem bide Wallaman Waterfalls, Cardwell Pool Spa und bim Murray Wasserfall🤗 Es isch eh mega cooli fahrt gsih aber au lang und mehr sind erst spat am Abig in Townsville acho... glücklicherwiis hemmer no en Campingplatz gfunde, es isch mega günstig gsih abr guet (priis leistig het gstumme haha)...🙈Read more

  • Day73

    Roadtrip

    June 11, 2018 in Australia ⋅ 🌙 18 °C

    09.00 Uhr ich mach mich uf de Weg zum euse Campervan für de Roadtrip abzhole😊 d Strecki woni z beweltige han ii 13 Tag isch knapp 2000km und die erste 200-300km wirdi scho am erste Tag mache😜 Mit mir unterwegs isch d Gabi und fürd Strecki bis Mission Beach, d Pauline.

    Mehr sind fast bis Mission Beach durregfahre abr denn hemmer dich no en National Park entdeckt und hend kurzfristig dette ahghaltet☺️ Es isch no recht natürlich gsih alles und usnahmswiis ned alles bearbeitet vo Mensche🤙🏽 Es isch mega schön gsih jedoch hets au mega viel Moskitos ghaa und nach paar Minute hemmer eus entschiede zum wieder umzkehre und euse Weg zur Mission Beach fortsetze!

    Endlich ade Mission Beach acho sind ich und Pauline go zmittag esse und Gabi an Strand😂 haha Nachdem Pauline denn endlich ii ihrem Hostel het chene Iichecke simmer mit em Auto wiiter gfahre ad Bingil Beach😁 En hammer Strand und mega wenig Leute😍 Für mich isch jedoch s Highlight gsih am Meer entlang fahre und die hammer Sicht zgnüsse❤️🌊🌞

    Wos denn langsam Ziit gsih isch und de Sunneuntergang ahgfange het simmer uf d suechi nachere Erhöhig gange und sind schlussendlich au fündig worde🌞🌚 Irgendwo uf ere Landstrass hemmer ahghaltet und hend de Sunneuntergang betrachtet... Wos denn dunkel gsih isch hemmer eus uf de Weg zrugg ad Mission Beach gmacht hend znacht gesse und nochli an Strand ghocket und de wunderschöni Sternehimmel beguetachtet😍
    Read more

  • Day71

    Port Douglas

    June 9, 2018 in Australia ⋅ ⛅ 20 °C

    Am hütige Sunntig bini mit em Dan🇨🇭, de Pauline🇫🇷 und de Gabi🇧🇷 nach Port Douglas und in Daintree Rainforest😊 Da de Dan scho es Auto gmietet het simmer recht frei gsih und hend chene ah verschiedene Orte ahhalte😍 Es isch en mega coole Tag gsih und mehr hend wieder verschiedeni neui Sache aatroffe... Unter anderem en wilde Cassowarrie❤️🤙🏽 Leider isch das aber ide Nacht gsih sodass ich keis Bild han chene mache😩 De Tag dauer simmer eifach chli vo Strand zu Regewald/Nationalpark pendlet und hend eifach de Tag gnosse!!

    Womer denn endlich zrugg gsih sind in Cairns hemmer eus no mit de Yujin verabredet und sind all zemme ii es Restaurant go esse🍕🍷
    Read more

  • Day70

    Dive Padi

    June 8, 2018 in Australia ⋅ ⛅ 23 °C

    Am Dsistig het mini Tauchusbildig ahgfange fürs Padi Open Water😍

    Am erste Tag simmer de Morge im Theoriesaal gsesse und hend die ganze Basics ahfange lerne🤓Nach em Zmittag simmer direkt in Pool gsprunge und hend die erste praxis Üebige gmacht🤙🏽

    Am zweite Tag ischs genau Umgekehrt gsih... Zerst simmer in Pool gsprunge und hend Poolpraxis abgschlosse und denn simmer nach em Zmittag zrugg in Theoriesaal die letzte Prüefige go absolviere😁 Es sind all dure cho bis uf eini😩 Es isch usgrechnet d Yujin gsih woni scho us de Englischschuel ade Sunshine Coast kennt han😬 Aber s guete isch gsih dass sie glich het chene mit cho ufs Liveboard uffem Great Barrier Reef am nechste Tag😁

    Tag 3; Am morge am 6:30 isch Pick up gsih und mehr sind 1h spöter in See gstoche❤️🛥 Am 10:30 hemmer euse erste Tauchgang ghaa... Es isch unglaublich gsih und da eus de Will us Nashville no begleitet het simmer wieder 4 Tauchstudente gsih😂 Min Tauchbuddy hüt isch de Dan vo Züri haha Nach 30 Minute simmer denn scho wieder us em Wasser gsih und mehr hend für 1,5 Stund Pause ghaa vor em nechste Tauchgang🐟🐠 Bim nechste Tauchgang isch alles bim alte bliebe und ich han mit em gliche Buddy chene go Tauche... Jedoch isch de Dan und de Will nachher wieder zrugg ufs Festland und Pauline🇫🇷 und Ich sind wieter ufs Liveboard... Also hani für de 3. Tauchgang en neue Tauchbuddy ghaa jedoch ischs genau soo guet gsih wie die erste beide🤙🏽❤️ Absolut unglaublich!!! Nach all dene Tauchgang simmer all totmüed gsih hend znacht gesse und sind chli uf Terasse ghocket😴 Nach paar Minute hemmer denn de ersti Hai gseh und es sind immer meh worde🦈 Die Haie sind jedoch nur chli (1.5-2Meter)😜

    Am letzte Tag hemmer no de letzti Padi Tauchgang ghaa und de han ich und Pauline mit bravur bestande😁 Am Namittag hemmer no en letzte Fundive ghaa und denn hemmer scho wieder Kurs ufs Festland gnoo... Jedoch hets mii jetzt packt mit em Tauche und ich probiere so schnell wie möglich wieder Unterwasser zcho❤️❤️❤️
    Read more

  • Day66

    Cairns

    June 4, 2018 in Australia ⋅ 🌙 16 °C

    Hüt hani mit de Lara und ihrere Kollegin de Tamara us Amsterdam en Usflug uf Fitzroy Island gmacht😊 De vorherig Tag hani chlj d Stadt ahglueget ghaa und schnell ussegfunde dasses ned würklich werd isch zum da uffe cho😬 Jedoch isch d Unterwasserwelt unglaublich schön und das hani s erste mal uf Fitzroy Island chene ussefinde😍 De ersti Iidruck vom weltgrösste Riff isch atemberaubend❤️🐠🐟🐡🦀 De Tag uf Fitzroy Island ischs wert gsih zum mini Stimmig und de ersti Iidruck vo Cairns ufzbessere😊

    Am abig simmer denn no an Nightmarket vo Cairns und hend die billigi Chinavariiante vo de Souvenir beguetachtet😂 Nachem Znacht simmer denn zrugg is Hostel hend no 1-2 Bierli trunke und denn früeh is Bett😁
    Read more

  • Day64

    Last Day in Melbourne

    June 2, 2018 in Australia ⋅ ⛅ 6 °C

    Hüt is de letzt Tag ahbroche bevor ich de Süde verlahne und in Norde nach Cairns flüge😊 Da ich aber gester recht viel gmacht han lahnis hüt gmüetlicher ahghaa😂 Han mal endlich wieder chli Usgschlafe (bis am 11i) und han mich nachher mit em Jason ii mim Hostel troffe zum Zmittag esse😊 Nach em Zmittag simmer in Botanische Garte hend dette nochli chillt und sind denn richtig Stadion gloffe... Hüt isches riese Australien Football Spiel in Melbourne!! Also gnauer gseit es het zwei haha eis am Mittag und eis am Abig... Mehr hend eus fürs Abigspiel entschiede und hend welle Ticket kaufe vor Ort🙈 Blöderwiis sind abr scho all 100‘024 Tickets verkauft gsih und mehr hend eusi Plän müesse ändere😩 Kurzfristig hemmer eus entschiede mehr gend eus eh Box billig Wii (4Liter=12Dollar) go kaufe und machet mit de andere es Bbq😂 Mehr hend eus Schlussendlich für echt Australischi „Hotdogs“ bzw. Sausage Sizzle entschiede hahaha Sausage Sizzle isch die billigi Variante für en Hotdog🤑 Alles was mehr brucht isch Toast, Zwieble, Würstli und Ketchup und vo allem chan mehr eifach s billigste neh😂😂😂 De rest vom Tag hemmer denn all zemme in St. Kilda am Meer/Bbq Platz verbracht hend gredet und s lustig ghaa...

    Da Charlott no ufere Tour gsih isch de ganz Tag hemmer eus denn no kurzfristig vorem Immigration Museum troffe und denn isch Ziit gsih zum sich vo allne Verabschiede😩 Die 5 Täg mit dere Klicke sind mega lustig gsih und es immer wieder cool so viel neui netti Leut kenne zlerne😍
    Read more

  • Day63

    Melbourne Tag 1

    June 1, 2018 in Australia ⋅ ⛅ 5 °C

    Das isch min erste Tag in Melbourne und ich bin als erstes mal is Hostel vo de Charlott🇩🇪 und vom Jason🇨🇦 Mir hend nachher zemme eh „Free City Tour“ gmacht (die Toure sind immer uf Trinkgeldbasis also ned gratis😂) Da no Leute us andere Hostels dazue cho sind isch eusi Great Ocean Road Klicke wieder komplett gsih und mehr hend au de Tag zemme verbracht😁 Melbourne isch eh hammer Stadt minere Meinig nah sogar besser als Sydney🙈 Wettertechnisch hani au mega Glück ghaa... Sunneschii und um die 20 Grad😍 Nachem Zmittag simmer no id Stade Library wo mega Iidrücklich isch... Isch eh riesigi Bibliothek mit eme chline Museum🤓

    Am Abig simmer denn no nach St. Kilda dette het de Lasse🇩🇰 und de Aiden🏴󠁧󠁢󠁥󠁮󠁧󠁿 ihres Hostel... Jedoch hemmer eus Ahfangs nur mit em Lasse troffe und sind zemme go znacht esse und Pinguin am Pier vo St. Kilda go ahluege❤️🐧 Mega herzigi chlini Pinguine hets... Isch eppe s letzte woni Erwartet han zum da in Australie zgseh hahaha

    Truppe; Charlott🇩🇪 Jason🇨🇦 Lasse🇩🇰 Aiden🏴󠁧󠁢󠁥󠁮󠁧󠁿 Emelie🇫🇷 Bertille🇫🇷 Maike🇱🇺
    Read more

Never miss updates of Raphael Eigenmann with our app:

FindPenguins for iOS FindPenguins for Android