Belize

Wi scho erwähnt im letschte Bricht heimer dür nes Schwitzer Pärli womer hei troffe, Connections bercho zure Familie in Belize wo älei ufere karibische Insle wohnt...tönt guet heimer gfunde, drum heimer se no am gliche Abe kontaktiert u agfragt öb si üs für paar Täg wette "ufneh", mir würde ne de o di entsptächendi Summe gä....isch bestätiget u akzeptiert worde u so simer wine jungi Affehorde los am nächste Morge....sponti uf Belize😄
In Livingston, es Dörfli ufem Wäg womer hei müesse übernachte u üs zersch chli cheps isch überecho, heimer schlussendlich henne e coole Abe verbracht... Cooli Gspräch mit Lüt u Lobpris im Park vore lokale Church womer si derzue gstosse...dert isch richtig d Post abgange 🤩

Acho in Belize (punto gorda) , het üs d Siria mitem Boot abghout u üs, mä chas nid angers säge; iz Paradies hie uf Ärde bracht🍍....sone schöni u härzegi Insle heimer aui no nie gseh....🏝️
Türkis Wasser, wisse Sand, riiiiisigi tönder Muschle🦪, mit Kokosnüss gfüllti Palme🌴, Papaya u Manduböim🌳🥭, härzigi Fischli u weniger härzigi aber derfür feini Fischli🐟🐠🐡, es ständigs agnähms Windli, paar Seechüe wo ab u zue sälü säge, paar henne schöni Houz Hüsli mit Palmbletterdach u z beste vo auem: di absolut härzlechsti Familie wos git.❤️ Zwöi lustegi Buebe u es chlises Meitschi heisi u äbe d Siria u ihre Ma Michael. Rede düesi wi di meiste z Belize lustigerwis englisch miteme karibische Akzent 😅u Creol (Mischig zwüsche englisch u ere afrikanische Sprach) ....d Chind hei oft uf Creol mit üs plöiderlet 😄 dementsprechend für üs es Rätsu usezfinde was si aube hei möge verzeue aber irgendwie heimer üs ämu verstande🤪

Sofort heimer di Familie henne iz Härz gschlosse u hei üs würk chli gfüut wi deheime.... umso schwiriger isches de o gsi Tschüss z säge u witerzzieh ...dr Michael het so gseit (i schribes iz winers seit)
" Ahaaa guys, but wea do you wanna goa"? Ja wo isches no schöner? izze bim witerreise merke mir würklich wimer se cheibe vermisse🥹😅

Si hei üs sooo verwöhnt mit feinem belizianischen Ässe, hei üs aues zeigt uf u umd Insle ume...
Mir si glehrt worde wie z fische u hei de üse Fang vom Morge, zuebereitet aus Fischknusperli zum Zmittag gässe😍
Us de Kokosnüsse heimer glehrt Kokosmilch u Kokosöl z mache (übrigens Kokosöl isch guet für aui Sache... Zum choche, gäge Mugge, gäge Sunnebrand, gäge Schweiss, eigentlich gäge u für aus 😅)
🥥🥥🥥🥥🥥🥥🥥🥥🥥🥥🥥🥥🥥🥥🥥🥥🥥🥥🥥🥥
Schnorchle einisch umd Insle... leider heimer dr Hai nid gseh wo's dert het, derfür anders schönes züg...

I ha baud es schlächts Gwüsse das so z schribe aber sisch haut wahr...Mir hei würk üses beste Läbe gläbt us so gnosse di Rueh, dä Fride wo dert isch...wit u breit di einzige Lüt z si ufere private insle isch eifach herrlich u es einzigartigs Erläbnis ...grossi Versuechig nümme wöue wäg z ga vo dert😅 für üs het sichs agfüut wi "Ferie ide Ferie" sprich e Erholigsoase inmitte vom backpacker Reise wo mängisch haut o rächt asträngend u ermüedend cha wärde. Ä Kuss vom Himu!

Wi aus het o z Läbe aus Insubewohner sini Sunne- u Schattesitte. Es isch mega idrücklich gsi da chli chönne drizluege u o d Schwirigkeite u Nöt z gseh wo di Familie dermit z kämpfe het... Vor paar Jahr heisi di paar Hüsli uf dr Insle sozöge aus Ferieresort für Gest chönne bruche doch ä Huricane het ne zimlech aus dervo zerstört u so sisi no hüt am Widerufbou dranne. Was mi aber i trotz au dem sooo fröit isch z gseh dass si Gott aus ihre Anker hei gfunde u so jedi Kriise hei überwunde!☀️

Mir chöi gar nid beschribe wi dankbar mir Gott si für di Erlebnis u nöie Fründschafte womer dörfe ha... Wi scho gseit, e richtige Kuss vom Himu isch das gsi.


Ja so heimer üs nach drü Täg überwunde witerzzieh füt witeri Ufer z entdecke, obwou si üs no gärn hätte bhaute u mirs so z Läbe lang mit Vergnügen hätte usghaute dert😅
Spontanerwiis heimer de entschide statt eifach zrügg uf Guatemala, grad witerzzieh uf Honduras übere.
So isches cho das mir a eim Tag i drü Länder si gsi haha...
🇧🇿🇬🇹🇭🇳Read more