Innerthal

Ladys and Gentleman
Please fasten your seatbelt and listen to the storytelling off megamarc alias "travelwolf"🐺

Was für a atemberaubenda Tag gsi hüt 🤩
Han mini Biketour mit am erst vor 1 Wucha kaufta Velo "Dr sparki" am 10:20 am ab Walastadt gstartet.

Dä Unterschied vom alta zum aktuella bike isch gigantisch, mit Carbon rahma und anera agnehmera grössi "L" loht sichs no 100 mol besser fahra, also definitiv Zit gsi zum wechsla😉

Zerscht alles am Walasee entlang bis uf Weesen danoch in windiger (Dr endgegner, nämlich GEGAwind 🫣) Fahrt witer uf Kaltbrunn, vo döt us über Dr Rickenpass bis hina aba uf Wattwil.
Vo Wattwil denn no a klina Katzasprung (oder in minam Fall an WOLFSPRUNG, muhahaha 😅) bis uf Ebnat Kappel.

Döt hetz an ghöööriga Boxenstopp geh bi miner liaba Grossmuatter.
Sie hett a riisa freud ka zum mi gseh und hett denn grad an cafécito offeriert.
Han miar denn no mini Darvida gönnt mit geiler Basilikumpaschta füllig. Ds einziga woni hüt gsündigt han sind Kägi Fret gsi, do hanni nümma könna wiederstoh, aber wemma scho mol im Toggaburg isch und das a iheimischs Produkt isch, denn gönnt ma sich. (Bi derra ultra Tour söttend dia au schnell wieder verbrennt sie, so das ds Six Pack immerno erkennbar isch😁) söll natürlich nu a Usnahm sii ...hehe

Mit Koffein im bluat und ma lächla im gsicht ischs denn grad witer ganga ds ganza Toggaburg uffa bis uf Wildhuus.
Vo döt folgt noch a biz Bei bränna denn Dr funny part ah bis aba uf grabs, sprich mit ma ghöööriga 60er in da speicha aba zischt bis ma nuno Staub gseh hett😝

Vo grabs denn alles fürra uf Feldwäg bis uf Sargans und zrugg uff Wallllllaaaaaa City, place of Happyness😇

Danoch han i miar no a rechti abküahlig im See gönnt, natürlich wia in Finnland Dr klassiiker, BIS zum HALS......hehehe.....insider wüssend warum😜

Jetzt hanni doch meh glaberet als wasi vo miar gwöhnt bin🫢

No kurz zu da Data:

Walastadt-Weesa-Kaltbrunn-Ebnat Kappel-Wildhuus-Grabs-Sargans
Walastadt

Total reini Fahrzit: 7 stund 55 min

Total km: 120

Total Höhameter:
670 m bis uf Wildhus ab Wallla City

So, das wärs gsi.
Hasta pronto chicas y chicos oder wiama so schön seit in Costa Rica: PURAVIDA🙃

No a Motivation wo miar hüt Dr ganz Tag durr da Kopf ganga isch:

Wo kämen wir hin, wenn jeder sagte, wo kämen wir hin und keiner ginge, um zu sehen, wohin wir kämen, wenn wir gingen. 😎

Lönd eu das mol im na ruhiga Moment uf Dr Zunga vergo und denkend drüber noch wia iars uf eures eigena Läba projiziara könd, jeda uf sini Art und Wis.

Ind däm Sinn

Adios amigos, eura travelwolf🙃

#verrucktachaibdäschmid😅
#beinewieschweine
#challengeyourself
#beproudofyouRead more