Waimānalo Beach Park

Vollkomme zerstört vom Tag hemmer wahrschinlich eine vode lustigste Abige vode gsamte kommende Ferie derfe erlebe. Eusi grosse 3 Fehler vo de bisherige Ferie sind det zemecho.
Mir sind ines super guet bewertets Restaurant am Waikiki Beach „Duke‘s“ gange, womer 45min uf en Tisch hend müesse warte. Also simmer - de Traditione halber - id Brewery gange und hend eus es chliiiises Apéröli gönnt. Das het eusi Poore schomal bitz eröffnet und d‘Müedigkeit no meh triggeret. De HPS het umbedingt es Hawaiian Hemdli wele chaufe und sich zum Glück gege das unschöne 80 Dollar Hemdli vode Brewery entschiede. Bim Esse ahcho hani denkt „ich nimm nurno en Ice Tea, muss go schleeeese“ - aber de HPS het natürlich eh gsamti Fläsche Rosé Prosecco bstellt (Fehler #1). Nacheme würklich guete Esse det hemmer die höchi Rechnig becho. Mit de Charte zahlt bechunt mer automatisch en Vorschlag fürs Trinkgeld über; 18%, 20% oder 22%. Komplett gspunne, aber de HPS het denn churzerhand 20% druckt und mir sind 30 Dollar ärmer gsi (Fehler #2). Die halb volli Prosecco Fläsche nachem esse hemmer nöd derfe mitneh, willmer ufde Strasse Hawaii‘s kei Alkohol derf trinke. Also hemmer en müesse Exe…. Und scho ischs um de HPS gscheh und het am nächste Märt sis Hawaii Hemd gfunde. Zuesätzlich hetter gradno es passends Chleidli für mich gfunde und das churzerhand ebefalls gno (ganzi 50 Dollars; Fehler #3) 😂 aber fairerwiis muessmer sege; es sind echt schöni und passendi Chleidigsstück (woner eimal ahzieht und nacher niemeh). Mir hend eifach nümm chöne ufhöre mitem Giggele, also isch er wieder erwacht und het ih euse Bar des Vertrauens no wele.. d‘Cééés leicht angesäuert het sich aber chöne duresetze und als Kompromiss hetts ide Hotel Bar no en Schlummi geh… nacheme 2 stündige Telefonat mit de Cari und de Jäsi simmer denn definitiv go schleeeeeeese - bis deheeeeeeeennnnn 🫰🏼Read more