Sämy und Martina

Joined April 2018Living in: Zürich, Schweiz
  • Day175

    All good things must come to an end

    October 10 in Switzerland

    Nacheme churze Zwüschestopp in Lissabon simmer hüt Abig wohlbehalte in Züri acho... das isches also gsi! 175 Täg simmer durch Südafrika, Sri Lanka, Singapur, Indonesie, Fidschi, Französisch Polynesie, Chile, Bolivie, Peru und Brasilie greist. Mer hätted eus nid meh chenne erhoffe, zwüschet 30 Meter under Wasser und 6'088 Meter über Meer, vu -15 bis +35 Grad hemmer so viles erlebt und so vieles gseh! Big 5 und Wandere in Südafrika, Buddhismus in Sri Lanka, moderni Megastadt in Singapur, Haie und Mantas in Indonesie, Island Feeling uf Fidschi und Französisch Polynesie, Moais in Chile, Salzwüesti, Gletscher, 6'000er und Dschungel in Bolivie, Inka Hochkultur in Peru und 30 Chnote Wind in Brasilie :D wow!
    Mer sind eus bewusst, asmer au grosses Glück gha hend: mer hend eus nie ernsthalft verletzt, sind nie chrank worde, hend sEsse immer guet vertreit (mit einer Usnahm in Südafrika), nie en Flug verpasst, nie es Gepäckstück verlore (nur fascht mal de Pass verlore), praktisch kei Kontakt mit Kriminalität gha (abgseh vum Surf-Zwüschefall in Sri Lanka)... und v.a. hend miers zämä super gha, hend nid einisch ernsthaft gstritte und sind eus etz nöcher und verliebter denn je :D
    Trotz aller Liebi zum Reise hemmer eus etz aber trotzdem mittlerwile gfreut, zrugg id Schwiz zcho - nid zletscht wegem geplante Chäs-Fondue hüt Abig :D nach sondere Reis schätzt mer wieder eusi selbstverständliche Anehmlichkeite i dr Schwiz: suubers Trinkwasser us de Hähne, funktionierendi WC Spüelige (sogar mit Papier!), warmi Duschene, sicheri Städt, suuberi/gheizti/pünktlichi ÖV, usbauti/gflickti Strasse, breiti Netzabdeckig, Karte-Akzeptanz, ...
    Mer hoffed, asmer die Dankbarkeit für euses riiche Land und de glücklich Zuefall asmer da hend derfe gebore werde nu chli chend bhalte und nid allzu schnell ind Alltags-Falle tapped...
    That's all folks! :D
    Read more

  • Explore, what other travelers do in:
  • Day174

    Birthday downwinder

    October 9 in Brazil

    An eusem letschte Tag hie in Brasilie het de Sämy au nu sin 32. Geburi gfiiret :) zum Abschluss hemmer darum numal de 13km Downwinder gmacht, beidne isches scho vil besser als bim erschte Mal gloffe, trotz höcherem Wellegang. Leider isches nid de ganze Gruppe so gange, de Sämy het etlichi Rettigsversüech nach verschollne Boards messe starte... DMartina het mit sich selber gnueg ztue gha - doch so het sie drü grossi Schildkröte gseh, wo sich i dr Brandig hend la triibe und neugierig zu eusne Kites ufegluegt hend.
    Agnehm erschöpft hemmer denn die lang Fahrt uf Fortaleza in Agriff gno: zerscht en Stund mim Jeep durch de Sand, denn miteme Luxus-Minivan vier wiiteri Stund an Flughafe.
    Etz sitzemer im sehr chline internationale Terminal und freued eus je länger je meh ufs heicho :)*
    Read more

  • Day173

    Last lagoon kite day

    October 8 in Brazil

    Hüt isch scho euse letscht ganz Ferietag dure :o so schnell isch die Wuche ume!
    Mer hend eus numal mit Yoga, Pool Time und Massage la guet ga la - und denn am Nami zwei Kite Sessions uf dr Lagune igleit. Weg de sehr spate Fluet isches wohl euses letschte Mal uf de Lagune gsi, morn lit öppe nur nu Meer dinne.
    Wiederum hemmer in wunderschön rot-violett-orange Sunneundergang chenne kite - de Sämy het es paar Mal de Dark Slide gschafft und dMartina isch uf beid Siite je ca. en Meter höch gumpet :D hoffemer, asmer der Fortschritt in die negschte Kite Ferie chend mitnä!
    PS: Föteli gits leider scho wieder nid, mer hend eus beid nid chenne zum Ufhöre überwinde :D :D :D*
    Read more

  • Day172

    Normalerwis het mer in Kite Ferie eher mit zu wenig Wind zkämpfe... aber nid hie in Tatajuba. Sit mer acho sind blasts jede Tag mit mind. 30 Chnote, de Sämy isch meischtens mimne 6er, dMartina mimne 5er oder sogar 4er Kite underwegs... doch hüt hets grad numal chli meh blast: starchi Windböe hend dBucht so ufpeitscht asmer statt Flach-Wasser en Welle-Pool gha hend. Zu dene schwierige Bedingige hemmer eus nachem Mittag nur en churzi Session gä - doch de Sämy üebt immernu flissig am Dark Slide und dMartina macht ihri erschte chline Gümpli.
    Gege Abig het denn de Wind chli nacheglah und mit uslaufender Fluet isch dLagune denn au chli ruhiger gsi... das het denn en schöni Sunneundergangs-Session gä. Eigentlich hemmer das nu welle fotografisch festhalte, doch mer hend beid so Freud an de Bedingige gha, asmer eus nid zum Ufhöre hend chenne überwinde... so memmer der schön farbig Abig eifach so in euse Gedächtnis bhalte :)
    Read more

  • Day171

    A very successful day

    October 6 in Brazil

    Nacheme wiitere gmüetliche Morge hemmer en sehr erfolgriiche Nami mit je zwei Kite Sessions gha: de Sämy beherrscht mittlerwile dBackroll uf beid Siite perfekt und bechunnt langsam es Gfühl für de Dark Slide (und kuriert immernu sis Schleuder Trauma vum Downwinder)... und dMartina het hüt en neui Art Wendi probiert (vor de Wendi Fuess wechsle und switche, denn mitere breite Kurve chere) und scho am Abig het das uf beid Siite ganz guet klappt :D es gaht fürsi!*Read more

  • Day170

    Slow life

    October 5 in Brazil

    De hütig Tag simmer nachem geschtrige Downwinder ganz gmüetlich agange... Yoga, Wohnigs-Suechi und chli Pool Time am Morge, denn nu paar entspannti Kite Sessions am Namittag. De Sämy het trotz Mords-Muskelkater paar schöni Rundene dreiht (Dark Slide wett aber nu nid recht funktioniere) und Martina het zum Glück ihres Gspüri zruggfunde :D
    Hüt Abig sind die meischte uf Jeri in Usgang, so hemmer en ruhige Abig im chline Chreis mit vil guetem Esse und Charte spile verbracht... just three more days to go :oRead more

  • Day169

    First Downwinder

    October 4 in Brazil

    Nachem bereits traditionsriiche Yoga simmer id Laguna zunere Ufwärm-Session: de Sämy het numal sStrapless Board probiert und hüt isches ihm super gange, ganzi 5 suuberi Wendene sindem glunge :) nachem Boardwechsel isches mit vil Erfolg grad wiiter, beid Backrolls uf beid Siite ischer gstande - zum erste Mal! De Martina isches hüt Morge leider nid so guet gloffe... keis Gfühl für de Kite und Ufkantwinkel gha :(
    Am Nami simmer denn zu eusem erschte Downwinder ufbroche: zerscht mit de Buggies über Düne und 13km am Strand entlang - und denn mit de Kites zrugg... de Plan het ja scho mal simpel tönt, aber es isch en zimliche Chrampf gsi! Ufkante, d.h. swichtigste womer suscht unbedingt zum Kite brucht, chamer hie vergesse: mer wett mim flache Board, mit weiche Chnü und liecher Ruggelag möglichst direkt sich vum Wind la zieh la... gar nid so eifach, v.a. mit de ganze Welle! De Sämy het sich mit chli Murkse, paar Nose Dives und unbeabsichtigt lange Sprüng ganz guet gschlage - dMartina het leider ihres Händli vum Morge bhalte und in dene 13km einiges an Salzwasser gschluckt... aber gschafft het sis denn au :) Zu de verdiente Bier hets denn au es paar Meer-früschi Austere gä - mit Limette-Saft und Pfeffer, für grad mal 1 CHF für 4 Stück :o*
    Read more

  • Day168

    First time wave kiting!

    October 3 in Brazil

    Hüt isch en sensationelle Kite Tag gsi! Brav simmer mit Muskelkater am Morge is Yoga und nachem Zmorge uf die scho mit meh Wasser gfüllt Lagune: dMartina isch eini vu de erschte ufem Wasser gsi und het ca. en Halbstund Mensche-leeri Fluet chenne gniesse :) am Namittag hemmer eus denn de schmal Kanal derab ins Meer gwagt (dMartina mimne depowerete 4 sqm Kite!) - und det zum erschte Mal in die chline Welle! Es isch eus beidne rächt guet gange, dBedingige sind au super: mer chan bis sehr wiit use stah, die brechende Welle sind sehr chli und wiiter usse sind dWelle zwar grösser, breched aber nid :) aber das Wave Kite isch scho um einiges strenger als i de Lagune: mer mues vil aktiver fliege, ganz locker i de Chnü si und sich ufem Weg use teilwis vum Kite überd Welle la träge... derfür isch sZruggfahre uf de Wellekuppe umso cooler: mer chan richtig uf de Welle riite, sowohl obe ufem Kamm oder grad drunder, der goldig Spot womer bim Surfe oft so vergebe suecht.
    De Rückweg isch derfür zimli müehsam gsi: de Kanal isch downwind bi Ebbe grad so kitebar, deruf isches en Chrampf all 15m messe zwende... dMartina isch zum Schluss nüm vum Fleck cho und isch de letscht Kilometer (gfühlti 5!) zrugg gloffe...
    Nach je fascht 4 Stunde kite simmer beid zimli kaputt aber überglücklich... morn gahts uf euse erschte Downwinder!*
    Read more

  • Day167

    Kiting in sweet water

    October 2 in Brazil

    Hüt hemmer de Tag wieder mal mit Yoga gstartet - feels like Indonesia again! Nachere entspannte Session am Pool simmer ga usdehnt zmörgele und sind denn i dr agrenzend Lagune eusi erschte paar Runde ga dreie. Es windet hie immer chli, aber ca. am 11 het de Wind so richtig ufdreiht, als hätt ne öpper agschalte. So simmer mit fascht 30 Chnote uf dr schmale Lagune umedüset - ganz en guete Start gsi :) ab Morn seled denn Wind und Fluet besser abgstimmt si, denn isch dLagune au chli breiter und mer het chli meh Platz.
    Am Namittag simmer mit Buggys durchd Düne, bis zunere grosse Flachwasser-Lagune - alles Süesswasser! Statt vum Meer wird die Lagune vumene Fluss gspise, so hemmer eus serschte Mal hüt Nami ohni Augebrenne chenne ustobe. Durch die umliegende Düne isch de Wind eher böig - en rächti Useforderig füre erschte Tag und 5 resp. 6 sqm Kites... mer hend bereits wieder alli Tricks vu Sri Lanka drauf, morn wemmer eus mal ind Welle wage!
    Zrugg i dr Kite-Station hets es chalts Bier zum Sunneundergang gä - und inere knappe Halbstund gits Znacht: Risotto :)*
    Read more

  • Day165

    Heading east for some wind

    September 30 in Brazil

    Nach fascht 24 Stund Reis simmer bi eusere letschte Etappe acho: Tatajuba in Brazilie! Nach 4 Stunde Autofahrt vu Fortaleza, zerscht über usbauti Strasse und am Schluss durch Düne und Wasserläuf, simmer i dem Camp in the middle of nowhere acho. Für eusi letscht Wuche (btw au de längscht Ufenthalt a eim Ort uf dr ganze Reis) isches perfekt: es gmüetlichs Bungalow, feins Esse - und herrlichi Wärmi! Endlich chamer wieder im T-Shirt dusse Znacht esse, schlaft undereme Moskitonetz und mer freut sich uf en chalti Duschi.
    Tatajuba isch bekannt für de starch und konstant Wind - mer sind gspannt ufd Lagune und dKite Spots... so chemmer nu chli verdränge ases scho gli wieder Zit für Azüg wird :(
    Read more

Never miss updates of Sämy und Martina with our app:

FindPenguins for iOS FindPenguins for Android