Suche zurücksetzen
Alaska & Kanada
  • Anita unterwegs
  • Anita unterwegs

Alaska & Kanada

Ein 44-Tage Abenteuer von Anita unterwegs Weiterlesen
FolgenÜbersichtÜbersichtKalenderKalenderFotosFotosTeilenTeilenBucket List
Neuste zuerst
  • Anita unterwegsAlaska & KanadaReisender

    Alaska Wildlife Conservation Center

    22. August in den USA ⋅ ☁️ 18 °C

    Ufem Wäg vu Seward zruck nach Anchorage hemmer denn no an Stopp gmacht bim Alaska Wildlife Conservation Center, a Pfläg- und Uffangstation für verwaisti Wildtiar und so (mind. gemäss Beschriibig). Wo miar denn aber döt gsi sind, hemmer üs denn schu kli gfrogt, wiaviils do würkli um d Tiar goht (oder doch eher ums Portmonnaie vu da Touris).Weiterlesen

  • Anita unterwegsAlaska & KanadaReisender

    Zruck in Anchorage

    22.–24. Aug. in den USA ⋅ ☀️ 18 °C

    Jez simmer zruck in Anchorage und dr erschti Tail, üsi Miatwaga-Rundrais, isch schu quasi verbi. Miar hend würkli viil gseh (a huuuuufa Wald, aber au no ganz a huuufa anders 😉).
    Miar hend as rächt cools Hotel, ohni Spannteppich und mit Duschi mit Schluuch 🤣 und mit Ussicht.
    Dr Typ vur Reception hät denn probiart zum erroota vu wo miar sind. Zerscht Düütschland, denn Östriich, denn Liachtastai 😆 und denn isch är denn uf Schwiiz kho. Denn hät är plötzli düütsch gredet - an Ägypter wo in Bayern läbt, in da Staata studiart hät und jez no biz jobbt bevor är in ca. 2 Wucha zruck noch Düütschland goht.    Weiterlesen

  • Anita unterwegsAlaska & KanadaReisender
    Blick usem Fenschter im 22. Stock 🙈

    Hello Vancouver

    24.–29. Aug. in Kanada ⋅ 🌙 21 °C

    Noch knapp 3 Schtund Flug und 1 Schtund Ziitverschiabig simmer guat, aber zimli müad in Vancouver akho.
    Viil hemmer no nit gseh, üses Hotel schiint aber zimli im Zentrum z si 😊

  • Anita unterwegsAlaska & KanadaReisender

    False Creek & Granville Island

    26. August in Kanada ⋅ ☀️ 25 °C

    Hüt hemmer no an Rundgang gmacht im Süda vu Vancouver, entlang am Südufer vum False Creek und uf Granville Island.
    Wätter isch super gsi, sogar warm gnuag für kurzi Hosa 😊.
    Am Schluss simmer no durch dr Public Market uf Granville Island gschlenderet, zum Glück hemmer grad vorhär Zmittag gässa kha 🙈Weiterlesen

  • Anita unterwegsAlaska & KanadaReisender
    1

    The Canadian - Bye bye Vancouver

    29. Aug.–2. Sept. in Kanada ⋅ ☀️ 27 °C

    Hüt isch üsa letschti Tag in Vancouver. Miar sitzen grad in dr Pacific Central Station und warten uf üsa Zug noch Toronto.

    Mittlerwiila hemmer üsa Zug boarded und üsi Kabina bezoga, quasi üses Hotelzimmer für dia nöchschta 4 Nächt.

    Jez sitzen miar im Panoramawaga mit em na "Glas" Prosecco 😊 und Häppchen und gnüssen dr Afang vu üsera Zugrais.    Weiterlesen

  • Anita unterwegsAlaska & KanadaReisender

    The Canadian (Tag 2)

    30. August in Kanada ⋅ 🌙 21 °C

    Miar sind jez dr zwaiti Tag im Zug. Dr erschti bizli längeri Zwüschastopp isch Jasper gsi, isch aber nur ca. 1 1/4 Schtund gsi, drum hemmer gar nit soo viil gseh 😊

    Noch Jasper hemmer näba a huufa Bärga zerscht mol wildi Schwarzbära gseh 🥰 a Mama mit 2 Klina.

    Letschta Stopp zum Usstiiga hüt isch Edmonton - mit zimli Verspötig 🙈. Nomol schnäll usahüpfa für a Guat Nacht-Zigi und denn jez ins Bett.    Weiterlesen

  • Anita unterwegsAlaska & KanadaReisender

    The Canadian (Tag 3)

    31. August in Kanada ⋅ 🌙 21 °C

    Hüt isch dr dritti Tag im Zug.
    D Landschaft hät sich zimli veränderert. Bis geschter sinds vor allem Bärga (Rocky Mountains) gsi, hüt simmer hauptsächlich durch d Prärie gfahra... alles zimli flach und viili Fälder, as paar Bison und Rinder.
    Dr letschti Stopp für hüt isch Winnipeg, as isch aber schu zimli dunkel 🙈    Weiterlesen

  • Anita unterwegsAlaska & KanadaReisender

    The Canadian (Tag 4)

    1. September in Kanada ⋅ ☁️ 24 °C

    Au hüt isch d Landschaft wider ganz anders gsi als dia letschta Täg, irgendwia kli ähnlich wia in Alaska mit viil Bäum und immer mol wider an See oder Fluss oder Sumpf drzwüscha.

    Am Morga früa hemmer an kurza Stopp kha in Sioux Lookout und spöter am Obig sötts no aina gäh in Hornepayne. Hoffa as git denn nomol aina mora morga und nit ersch am Nomittag in Toronto.Weiterlesen

  • Anita unterwegsAlaska & KanadaReisender
    ab uf d Fähra noch Ward's Island
    Lake OntarioBlick uf dr CN TowerToronto Skylinesogar an Amusement Parks häts mit allem drum und dra - im Mini-Format für dia ganz Klinamiar sind sogar über dr Rägaboga gfahra 😉bizli geima - wia immer

    Toronto Islands

    3. September in Kanada ⋅ ☁️ 20 °C

    Hüt hemmer an Usflug uf Toronto Islands gmacht und ds Wätter häts widermol sehr guat gmaint mit üs.
    Toronto Islands sind ds Noherholigsgebiat vur Stadt im Lake Ontario und as git sogar as paar Hundert Lüüt wo döt wohnen.
    As hät mehreri Beaches, viil Wald mit Picknick-/Grillstella, an Disc Golf Course, sogar an klina Amusement Park 😆 uf da Insla und immer wider an super Blick uf d Skyline vu Toronto.
    Miar hend sogar Bikeshare-Velos gmiatet und i bin sit meh als 15 Johr widermol uf as Velo gsässa - ohni Unfall 😆
    Aifach widermol an superschöna Tag gsi - mim na coola Ingress-Mosaik 😆😍    Weiterlesen

  • Anita unterwegsAlaska & KanadaReisender
    Schick, nit?
    1Behind the FallsThe WhirlpoolFloral Clock

    Niagara Fälle

    4. September in den USA ⋅ 🌧 15 °C

    Hüt simmer d Niagara Fäll go aluaga. Agfanga hemmer mit dr Journey behind the Falls, döt häts 2 Ussichtsplattforma direkt bi da Horseshoe Falls und an Tunnel hinter d Wasserfäll mit 2 Öffniga, wo ma usaluaga kann resp. d Wasserfäll vu hinna gseht. Also usser sehr viil Wasser gseht ma aigentli nit viil 😆.
    Nochär häts no an Stopp gäh bim Whirlpool, döt macht dr Fluss a 90 Grad-Kurva und dräht sich im Gägauhrzaigersinn.
    Nöchschta Stopp isch d Floral Clock gsi - ok zum aluaga wenn ma eh grad döt isch, aber irgendwia nit so spektakulär.
    Letscha Tail isch denn no a Bootsfahrt zu da Wasserfäll gsi, säb isch zimli cool und beiidruckend gsi.
    Obwohl ds Wätter nit so toll gsi isch, ischs an tiptopa Usflug gsi (und nass wird ma jo sowiso, denn kunnts au nüm so drufa, obs au no rägnet oder nit 😉).    Weiterlesen

  • Anita unterwegsAlaska & KanadaReisender
    Casa Lomaüsi Sitz im Zug noch Montréalan letschta Blick uf Toronto

    Bye bye Toronto

    6. September in Kanada ⋅ ☁️ 17 °C

    Geschter simmer no as "Schloss" - Casa Loma- go aluaga. Denn no kli go shoppa, also meh go luaga - kaufa kann i nüt meh, kai Platz meh im Koffer 🙈. Nochem Shoppa simmer no kli in Downtown unterwägs gsi.

    Hüt goht's witer Richtig Montréal. Miar sitzend grad im Zug, super bequem mit gnuag Platz 😊 sogar für üsi riisa Koffer 😆.    Weiterlesen

  • Anita unterwegsAlaska & KanadaReisender

    Fondue zum Znacht

    7. September in Kanada ⋅ ☀️ 17 °C

    Geschter ufem Wäg zum Znacht hemmer as klises Restaurant gseh, wo dussa agschriba gsi isch, dass es Fondue git. Das hemmer hüt müassa go usprobiara 😊 und as isch also tiptops Fondue gsi mit Wiiswii und Kirsch - nur ds Rechaud isch kli umprovisiart gsi.Weiterlesen

  • 2025© FindPenguins
  • Start
  • Über uns
  • Gruppen-Tracking
  • Presse
  • Nutzungsbedingungen
  • Datenschutz & Cookies
  • Hilfe-Center
  • Impressum