Selina Küffer

Joined June 2022 Message

Kanada und Westküste der USA
- Oct 2, 2022 · ☀️ 28 °C Altitude: 841 m
  United States California Riverside County Hexie Mountains 33.89708, -115.95111633°53’49” N 115°57’4” W
- Show entire trip
- Add to bucket listRemove from bucket list
- Share
Oct2
Joshua Tree Nationalpark
October 2 in the United States ⋅ ☀️ 28 °C
1
▪︎Hüt Morge heimer üs früeh ufe Weg gmacht, wüus o wieder heiss isch gsy.
▪︎Aus ersts heimer grad öpe ä 3/4-stündige Spaziergang gmacht u si amne Dam vrbi cho, hei Wandmalereie vo Uriwohner entdeckt u Echse gseh.
▪︎Witer simer mitem Outo i Süde vom Park, wo d'Mojave-Wüesti u d'Sonora-Wüesti ufenang treffe.
▪︎Bim "Kaktus-Garte" heimer ä witere Spaziergang gmacht.
▪︎Am Nami simer wieder ufwärts gfahre u hei bi verschiedene Ussichtspünkt aghaute u zum Teu ono mau es paar Trails gmacht.
▪︎Scho am 5i heimer afa Znacht choche, damit mr när bir schöne Sunneungergangstimmig hei chönne düre Park fahre.Read more
See translation
Traveler
mega😍
18hReply
6 likes
Kanada und Westküste der USA
- Oct 1, 2022 · ☀️ 34 °C Altitude: 161 m
  United States California Riverside County Palm Springs 33.838501, -116.54583433°50’19” N 116°32’45” W
- Show entire trip
- Add to bucket listRemove from bucket list
- Share
Oct1
Palm Springs & Joshua Tree Nationalpark
October 1 in the United States ⋅ ☀️ 34 °C
1
•Am Samsti heimer üs düre Vercher vo LA richtig Joshua Tree Nationalpark kämpft.
•In Palm Springs simer ga Zmittag esse u es isch soo heiss gsy (öpe 37 Grad).
•Mir hei glese, dass dr Joshua Tree Nationalpark unger angerem ir Abestimmig u schön isch, drum simer nachem Check-in ufem Camping richtig Park gfahre. Für dä Abe heimer üs Key View aus Ussichtspunkt usgsuecht u hei währendem Znacht dr Sunneungergang chönne gniesse. Bi klarer Sicht gseht me vo dert fasch bis Mexico.Read more
See translation
Traveler
plöischler😎
18hReply
5 likes
Kanada und Westküste der USA
- Sep 30, 2022 · ☀️ 22 °C Altitude: 9 m
  United States California Los Angeles County Santa Monica Carousel Park 34.011169, -118.49816734°0’40” N 118°29’53” W
- Show entire trip
- Add to bucket listRemove from bucket list
- Share
Sep30
Santa Monica / Venice Beach
September 30 in the United States ⋅ ☀️ 22 °C
▪︎Hüt simer mitem Outo nach Santa Monica, hei z'Outo am Strand parkiert u si när z'Fuess zum Santa Monica Pier, iz Städtli u nachem Zmittag richtig Venice Beach.
▪︎Dert heimer viu Lüt chönne beobachte, wo sech sportlech hei betätiget (Basketbau, Skatepark, Outdoor Gym, ...).
▪︎Ufem Heiweg simer dür Beverly Hills gfahre u hei es paar Villene bestuunet.Read more
See translation
4 likes
Kanada und Westküste der USA
- Sep 29, 2022 · ☀️ 31 °C Altitude: 236 m
  United States California Los Angeles County Universal City Universal Studios, Hollywood 34.139142, -118.35428434°8’21” N 118°21’15” W
- Show entire trip
- Add to bucket listRemove from bucket list
- Share
Sep29
Universal Studios 29.09.22
September 29 in the United States ⋅ ☀️ 31 °C
▪︎Hüt Morge ischs düre nerve- u zytroubend Vercher vo LA richtig Hollywood zu de Universal Studios gange. Mir hei lang überleit, ob mr eher iz Disneyland oder dert häre wei u si nid mit auzu höche Erwartige gange.
▪︎Offebar heimer vom Tag u vor Saison Glück gha u hei bi de meiste Bahne, WC u Foodständ eifach grad chönne häreloufe.
▪︎Vorem Mittag heimer d'Studio Tour gmacht, wome imne Bähnli vor u hinger d'Kulisse vo teune Fiumproduktione cha luege.
▪︎Es het pro Thema/Fium o immer ä Bahn, womer hei usprobiert. Zum Teu simer chli nass worde😅.
▪︎Aues i auem simer sehr positiv überrascht vom Park. Einzige Negativpunkt isch, dass z'Parking zu de süsch scho sehr höche Ticketpriise no 30 Dollar pro Tag chostet, u ds isch di günstigsti Variante, wome när no es Stück louft, bis me bim Park isch.
▪︎Ufem Heiweg simer no bim Hollywood-Sign und bim Walk Of Fame verbi gfahre.Read more
See translation
6 likes
Kanada und Westküste der USA
- Sep 28, 2022 · ☀️ 25 °C Altitude: 5 m
  United States California Santa Barbara Church of God in Christ 34.419908, -119.69291534°25’12” N 119°41’34” W
- Show entire trip
- Add to bucket listRemove from bucket list
- Share
Sep28
Santa Barbara / Malibu / LA (28.-29.09.)
September 28 in the United States ⋅ ☀️ 25 °C
▪︎Hüt simer ufem Highway Nr. 1 witergfahre u hei in Santa Barbara dr erst Stopp gmacht. Mir si dür z'Städtli flaniert u hei es feins Zmittag gha.
▪︎Churz vor Malibu heimer amne Strand ä Kaffipouse gmacht u dr Silvio isch sech churz ga abchüele im Pazifik.
▪︎Die nächste drü Nächt heimer es Zimmer imne Inn in LA. Ä aständige u zentrale Campingplatz z'finge het sech hie aus eher schwierig usegsteut. Mir fröie üs aber druf, mau wieder imne "ächte" Bett z'schlafe😊.
▪︎Dr Abe heimer unger angerem mit wösche verbracht😅.Read more
See translation
5 likes
Kanada und Westküste der USA
- Sep 27, 2022 · ☀️ 21 °C Altitude: 9 m
  United States California San Luis Obispo County Pismo Beach Pismo Creek 35.130829, -120.63647235°7’51” N 120°38’11” W
- Show entire trip
- Add to bucket listRemove from bucket list
- Share
Sep27
Pismo Beach 27.-28.09.22 (Highway Nr. 1)
September 27 in the United States ⋅ ☀️ 21 °C
1
•Hüt simer vo üsem Camping in Dumbarton richtig Pismo Beach gfahre und zwar ufem wunderschöne u bekannte Highway Nr. 1.
•Mit viune Zwüschestopps z.B. in Santa Cruz simer dr ganz Tag ungerwegs gsy u hei die schöni Landschaft gnosse. Isch ä gueti Abwechslig zur Grossstadt San Francisco.
•Uf dr Strecki heimer am einte Strand mega viu Seeelefante gseh.Read more
See translation
Traveler
Sehr schöni Küschte!
4dReply
Traveler
Beautiful 🏖
4dReply
6 likes
Kanada und Westküste der USA
- Sep 26, 2022 · ⛅ 15 °C Altitude: Sealevel
  United States California San Francisco County Fort Winfield Scott Lime Point 37.822654, -122.47765437°49’22” N 122°28’40” W
- Show entire trip
- Add to bucket listRemove from bucket list
- Share
Sep26
3. Tag in San Francisco
September 26 in the United States ⋅ ⛅ 15 °C
▪︎Aus erst simer hüt zum Union Square gloffe u i 2-3 Läde.
▪︎Witer ischs nomau richtig little Italy gange, womer ä feini Pizza hei gesse. D'Margherita vo dert het scho viu Priise gwunne u es git pro Tag nume 73 Stück.
▪︎Nach dere Sterchig heimer dr Weg richtig Golden Gate Bridge atrete u si nach öpe 1.5h dert gsy. Mir heise zwar nid bi strahlendem Sunneschiin gseh, aber dr Karl het o nid di ganzi Brügg vrdeckt.
▪︎Vo dert simer mitem Bus zum Golden Gate Park u si dert nomau es Ründeli ga spaziere.Read more
See translation
Traveler
Merci vieu mau für die schöni Poschtcharte u au di Idrück wo dir mit üs teilet! 🥰
1wReply
6 likes
Kanada und Westküste der USA
- Sep 25, 2022 · ⛅ 17 °C Altitude: 23 m
  United States California San Francisco County Valencia Gardens Recreation Park (historical)37.764169, -122.41921237°45’51” N 122°25’9” W
- Show entire trip
- Add to bucket listRemove from bucket list
- Share
Sep25
2. Tag in San Francisco
September 25 in the United States ⋅ ⛅ 17 °C
▪︎Hüt simer wieder mitem öV id Stadt.
▪︎Dr erst Haut heimer in Japan Town gmacht. Mir hei gstuunet, wie suber u pflegt dasses dert isch. Zum Zmittag hets hüt Ramen gä imne typisch japanische Restaurant.
▪︎Dr nächst Haut heimer bi de Painted Ladies gmacht. Im Pärkli, wome ä super Ussicht uf d'Stadt het, heimer es Kaffi gnoh u chli d'Lüt beobachtet.
▪︎Witer simer richtig Haight Ashbury / Hippie-Viertu. Die Strass isch sehr bunt u lebendig.
▪︎Im The Castro-Viertu heimer viu Pride-Fahne u o auerlei Lüt atroffe.
▪︎Aus letzt simer i Mission-District.
▪︎Dert si üs erstuunlech viu Lüt i ganz knappe Lederchleider entgege cho. Am Abe heimer de usegfunge, dass dert z'Folsom Street Fair het stattgfunge.
▪︎Eigentlech hätte mr ono zur Golden Gate Bridge wöue, aber die isch wie gester im Nebu gsy. Vo de Campingnachbare wüsse mr, dass dä Nebu sogar ä Name inkl. Twitter- und Instaaccount het: Karl the fog.😅Read more
See translation
4 likes
Kanada und Westküste der USA
- Sep 23, 2022 · ☀️ 26 °C Altitude: 18 m
  United States California Contra Costa County Fishermans Wharf Madame Tussauds San Francisco 37.808344, -122.41571537°48’30” N 122°24’57” W
- Show entire trip
- Add to bucket listRemove from bucket list
- Share
Sep23
1. Tag in San Francisco 23.-27.09.22
September 23 in the United States ⋅ ☀️ 26 °C
•Da mir nid Lust hei gha, mitem Outo id Stadt ine z'fahre u dr öV für hiesegi Verhäutnis guet usbout isch, simer mitem Outo zur nächste train station u när mitere S-Bahn iz Zentrum (40' Fahrzyt).
•Ir Stadt simer zersch chli richtig China Town. Die hei hüt irgend es Fest gha u es isch viu gloffe.
•In little Italy heimer es Panini gesse.
•Witer simer dr Hoger uf u wieder abe richtig Fisherman's Wharf. Ds hei mir üs beidi chli angers (weniger touristisch) vorgsteut u si drvo es bitzli enttüscht gsy. D'sea lions ufem Pier 39, wo dert ihre Stammplatz zum Sunnebade hei, si lustig gsy z'beobachte.
•Bim Ghirardelli Square simer eini vo irne berüemte "hot fudge sundae"-Glace ga esse.
•D'Goldengate Bridge isch leider im Nebu gsy, obwou z'schönste Wetter isch gsy.
•Am Abe hei üs d'Nachbare ufem Camping zumne Glass Wii iglade u üs es paar Tipps zu LA gä, wüu si ursprünglech vo dert chöme.Read more
See translation
Traveler
Gute Weiterreise😘🙋‍♀️🙋‍♂️
1wReply
3 likes
Kanada und Westküste der USA
- Sep 21, 2022 · ⛅ 13 °C Altitude: 1,199 m
  United States California Mariposa County Wawona Rush Creek 37.545031, -119.67265337°32’42” N 119°40’22” W
- Show entire trip
- Add to bucket listRemove from bucket list
- Share
Sep21
Yosemite Nationalpark 21.-23.09.22
September 21 in the United States ⋅ ⛅ 13 °C
2
•Am Mittwuch heimer öpe no dr haub Tag gha für öpis z'ungernäh u mir si när richtig Mariposa Grove. Dert heimer ä Shuttlebus müesse/chönne näh u hei vo dert us ä churzi Wanderig zu riesige Sequoia-Böim (Riesemammutböim) gmacht.
•Die Campingplätz i de Nationauparks gfaue üs immer guet. Dert hets meh Lüt, wo ähnlech reise wie mir. I teune angere Campings hei aui so riiese Luxus-RV's u wohne zum Teu fasch dert.

▪︎ Füre Donnsti heimer ä strängi Wanderig usegsuecht. Si het im Yosemite-Valley gstartet u isch när öpe 900 Höhemeter ufwärts gange zumne schöne Ussichtspunkt u am upper Yosemite Fall vrbi . Für die Höchi z'erreiche, heimer öpe 3h müesse schwitze😅.
▪︎Wüu mir ufem Camping ke Duschi hei gha, simer när bimne angere Campingplatz meh oder weniger legau ga dusche.

•Am Friti simer richtig San Francisco gfahre u hei dr Nami ufem Camping verbracht u üs vor Wanderig erhout.Read more
See translation
Traveler
Sehr schöni Bilder! So richtig Natur Pur. Wünsche witerhin a gueti u schöni Zyt. Liebe Gruess
1wReply
Traveler
😍🤩
1wReply
6 likes

Join us: