Reset search
Steee phiiiiSteee phiiii
Satellite

Steee phiiii

Joined October 2019Living in: Kloten, Schweiz
  • New Zealand & Hawaii
    Day41

    Kokohead, Honolulu Downtown & Strand

     January 1 in the United States ⋅ ☀️ 26 °C

    Am 31. hemer denn zersch mal chli müesse usschlafe, willmer ersch so um Mitternacht ume in Honolulu im Airbnb acho sind 😴 damit mer eus denn frei uf dere Insle chönd bewege isch de erst Programmpunkt s Mietauto abhole gsi - jetzt hemmer äntli euse lang ersehnti Ford Mustang 😎🐎

    Mitem offenem Dach und wehendem Haar 💁 simmer denn richtig Kokohead gfahre zum eusi Bei chli z verträtte. Für die wonen nöd känned, das isch en Berg/Hügel/Vulkan womer über alti Zugschiene chan duruflaufe, aso wiene Art Stäge, eifach viel müehsamer mit 1049 unebene Stägätritt.. 😅 mer sind denn au alli ganz bizzli usser Atem gsi womer dobe acho sind 😵 aber eimal meh het sich de Ufwand für e super schöni Ussicht glohnt 👌☀

    Zur Belohnig simmer denn nacher in Wholefoods go pöstele und öppis ässe 🍛🍜 bevor mer eus nomal go erhole sind vor Silväster. Wasmer denn mit es bizzli shoppe, emene feine Thai Znacht und denn mit Füürwerch luege (inkl. Moscato 🍾) gfiired hend 🎉🥂💃🎇

    De ersti Tag vom neue Jahr het d Lorena welle go surfe und d Stephi & Kim gmüetlich an Strand hänge - aso hemmer genau das gmacht 😎☀🏄 nachdem mer mitteme Surfbrätt uf eusem Convertible dur Honolulu gfahre sind (und de eint odr anderi komisch Blick vo de Passante becho hend) simmers am Ala Moana Beach Park go gnüsse. 🌊🏖

    Wos denn langsam chli bewölkt worde isch hemmer no eine vo de schönste Stränd (gemäss Google) uf de Nordsiite welle go aluege: de Lanikai Beach.
    Tatsächlich en wunderschöne Strand abr widr mal mit chli gaar viel andere Touriste 😒 het eus abr nöd bim läse und no chli sünnele (die einte hend nume gschättelet) gstört 😎    Read more

    See translation
    +3
    Map
    • Explore, what other travelers do in:
  • New Zealand & Hawaii
    Day39

    Schifflifahre & Heliflüge

     December 30, 2019 in the United States ⋅ ⛅ 25 °C

    Sooo am Sunntig isch mal wieder am 4.50 Tagwach gsi (eigentli ja 4.45 aber die einte hend bizeli müe gha mitem Wecker stelle🤪) na fasch echli im Halbschlaaf simmer losdüsed richtig Port Allen wo en Katamaran uf eus gwartet het.. ⛵️nach em obligatorische Safetybriefing isches den au scho los gange.. mer hend d Flipflops bim iiigang abgä und hend voller Freud Platz z vorderscht vorne vom Boot gno... zum nach öpe 10 Minute merke wieso sus niemer det hocked, mer wird nämli nass🤷🏻‍♀️🙄 während dem mir loostuckered sind isch den au d Sunne langsam uufgange und mir hend en super schöne Sunneuufgang ufem Meer chöne gnüsse🌅 zum s ganze nachli kitschiger mache, isch den tatsächlich au na e ganzi Gruppe Delfin näb em Boot her gschwumme🐬🐬🐬🐬
    Nach öpe einehalbstund Fahrt begleitet vo Buckelwal und wiitere Delfin simmer a eusem erschte Ziil de „verbotene Insle“ Ni‘ihau aachoo und sind mit eusere Schnorcheluusrüschtig is Meer ghüpft.. es isch kei zwei Sekunde gange bis mer scho s nächschte Highlight e Mönchsrobbe gse hend😍 und den isches Schlag uf Schlag wiitergange, Fischlis, Mantaroche, Haifisch alles innerhalb vo ere knappe Halbstund 🐠🦈🐢🐬🐳
    Im Aschluss hemmer e bizeli ufem Deck gsünneled und versuecht z fasse was mer scho alles gse hend..🤪🤗 i dere Ziit isch de Katamaran wiiter gschipperee, verbii ame Fotosujetkrater in Richtig Napali Coast.. de Teil vo Kauai womer eigentli nur vom Land oder de Luft (oder ere 17 Meilewanderig..) chan gsee... beiidruckt vode mystische Bilder simmer den langsam zrugg in Richtig Hafe gschippered, begleitet vones paar Buckelwal🐳

    Am letschte Tag in Kauai het na es bsunders Highlight uf eus gwartet.. und zwaaar en stündige Heliflug ohne Türe über d Insle.. 🚁 am Flughafe aachoo hemmer na gwitzled das de Pilot wo On Schue aahet sicher en Schwiizer isch, und töröö tatsächlich hend mir den e Füerig im breitischte Baslerdütsch gha🤪 es isch natürli überall gstande dases echli chan Winde wenn mer open door flügt, was mir den tatsächlich au bizeli gmerkt hend🤷🏻‍♀️ de Uuusblick vo det obe isch mega gsii, mir hend au na die letscht Ort wie d Jurassic Park Falls oder de Teil vo de Napali Coast wo nur via Heli aaluegbar sind gse..

    Im Aaschluss simmer den zrugg go packe und hend de reschtlich Tag mit ässä🍔🍕, Surfer zueluege 🏄🏼‍♂️🏄 und es Bier im Luxushotel trinke verbracht, bis mer den an Flughafe düst sind wo de Flüger uf Honolulu au scho uf eus gwartet het..✈️ bye bye Kauai 🥺    Read more

    See translation
    +5
    Map
  • New Zealand & Hawaii
    Day37

    Poipu Beach, Waimea Canyon und Crossfit

     December 28, 2019 in the United States ⋅ ⛅ 24 °C

    Zum eus vo dene aasträngende Fäschttäg erhole simmer am 26. Dezember z Poipu an Beach, zämä mit allne andere Tourischte, e bizeli go sünnele..☀️🤪☀️ so am eis hets eus den doch e biizeli z vill lüüt gha und nachere chliiine Zmittagsstärkig hemmer eus uf de Weg zum Spouting Horn gmacht ⛲️ im Aaschluss hemmer na uf die antiki Swinging Bridge in Hanapepe wele.. es isch den bim aaaluege blibe, wiiiill sich während em Sturm en ganz chliiine Miniriesebaum ide Brugg verfange het🤷🏻‍♀️ De Abschluss vom Tag het en superfeine zNacht im EatHealthy gmacht🍔🥗🍔🥗

    Eigentli hemmer am Friiitig wele go tauche, das isch aber leider churzfrischtig wäg de schlechte Unterwassersicht (dank em Sturm vom 24.) abgseit worde😢 drum simmer den richtig Kokee State Park zum s Waimea Valley go aaluege und echli go wandere... im Infocenter aacho, hets den zersch mal gheisse „wandere? Hender s Schild nid gse? Isch wägem chürzliche Sturm viiiil z gfährlich im Moment!“🙄 liecht gfruschtet simmer den mal Richtig Ussichtspunkt gfahre und hend euses Zmittagssandwich gmampft... bim nächschte Uussichtspunkt sind eus den schlammigi Mensche entgege cho wo gseit hend das mer dete doch echli chan go laufe.. also hemmer eusi Wanderschue montiert und sind die einte meeh und die andere weniger begeischtered loooosgstampft... dur de Matsch, über Bäum, dur Bäch, under umgheite Bäum... 🧗🏻‍♀️🏔⛏s Ziiil isch en Wasserfall gsii wo zumindescht d Lorena na husch echli driii ghüpft isch..🚿💁🏻‍♀️
    Nach knapp 2.5 Stund sind den au mir lieeecht schlammig wieder zrugg am Parkplatz aachooo und hend eus uf de Heiweg gmacht.. Znacht hets upsiii scho wieder im EatHealthy gä🤪

    Am Samschtig hemmer, will mer am Tag vorane au gnueg Bewegig gha hend, wieder mal es Crossfit bsuecht und eus d Zmorge Pancakes schweeer verdient🏋🏻‍♀️🚴🏻🛶🏃🏻‍♀️😅 nach de wohlverdiente Duschi simmer den loooszoge richtig Poipu zum nachli mee Geld bim Shoppe uszgä💸💸💸 de Tag hemmer den friedlich i eusem Air bnb usplämmplere laa, will am nächschte Tag isch den wieder mal am 4.50 Tagwach gsiii🤪    Read more

    See translation
    +5
    Map
  • New Zealand & Hawaii
    Day34

    Wiehnacht in Kauai und Queen's Bath

     December 25, 2019 in the United States ⋅ 🌧 26 °C

    Will mir eus ja in Maui gwöhnt gsi sind zum früeh ufstah, hemer das au no am letschte Tag uf dere Insle freiwillig gmacht und sind am morge is CrossFit zur Feier des Tages (isch ja schliessli de 24. gsi) 💪 nacher hemmer eus en feine Brunch direkt am Strand gönnt und hend eifach nochli d Sunne gnosse bevor mer an Flughafe sind zum uf Kauai flüge. 😎☀☀

    Z Kauai acho hets grägnet und gstürmt und mir hend de Heilig Abig ganz besinnlich i eusem Airbnb mit Spaghetti und eme Hawaiianische Ananaswii und "love actually" gfiired, wiemers halt so macht 🍷🍝💁

    Am nögschte Morge hemmer denn erfahre, dasses en ziemli heftige Sturm gsi isch und anschienend au de Strom ziitewiis i de Nacht usgfalle isch.. Mir hend das aber irgendwie verschlafe 🤷 und mer hend eus au nöd wiiter devo beirre lah und sind früsch und fröhli mit eusem Cabrio die erste Sehenswürdigkeite go aluege (und sind doch ehrfürchtig am einte oder andere umknickte Strommast und Baum verbi gfahre.. 😅).

    Dank dem Sturm hemer denn au nöd bis zum einte Strand chöne fahre, will d Brugg überschwämmt gsi isch.. Denn hemmer halt entschiede zum s Queen's Bath go aluege, womer es Wägli abelaufe muess zum anecho. Eus sind lüt mit schlammbedeckte Bei entgäge cho und trotzdem (oder vilicht grad drum) hemer de Wäg in Agriff gno - in weiser Voraussicht ohni Schueh, es isch ziemli schlammig gsi 🙊😅 und es het sich glohnt, zwar hetmer nöd chöne go schwümme aber es het sehr dramatisch usgseh mit em höche Wällegang 🌊

    De Tag abgschlosse hemer denn widr mit eme hausgekochte Znacht und Wii, zum eus vo dene Strapaze erhole 🍷🍷🍷    Read more

    See translation
    +2
    Map
  • New Zealand & Hawaii
    Day31

    Road to Hana, tauche und Whale Watching

     December 22, 2019 in the United States ⋅ ⛅ 24 °C

    Wie immer in Maui simmer au am Samschtig seeehr früe ufgstande und sind los düsed richtig Tauchcenter, zum dete feststelle das euse Trip wägä z vill Wind cancelled worde isch🙄 darum hets e chliiiini Planänderig gä und mir sind statt desse los richtig „Road to Hana“. Begleitet vomene nette Herr usere App simmer die 620 oder so Kurve dure gfahre und hend unterwegs immer mal wieder en Stop iiigleit um zum Biispil d Garden of Eden mit sine villne verschieden Blueme und Bäum (Adam und Eva sind leider nid dete gsi🤷🏻‍♀) oder s Meer abere Klippe miteme Blowhole (mer wird dete au nid nass, neiiineiii🤪) oder eine vo ganz vill e Wasserfäll z bestuune..

    Am Sunntig isches den so wiiit gsii, euse erschti Tauchgang ohni Tauchlehrer wo uf eus ufpasst isch draa gsii.. e bizeli nervös simmer am 07.15 ufs Boot wo eus, zämä mit öpe 20 anderne Taucher nach Lana’i braacht het. Nacheme churze Briefing vo eusem sehr unterhaltsame Gruppeleiter Mike simmer au scho startklar gsii und hend euses Equipment montiert und looos isches gange 🤿🐠🐟🐡 chum aagfange isches au scho 30 Minute später gsi und de erschte vo eusere Gruppe isch langsam d Luft usgange🤷🏻‍♀ zrugg ufem Boot hend mir e chliiini Stärkig gässä während dem eusi Tauchfläschä ustuuscht worde sind.. nachere knappe Stund Pause simmer den s zweit Mal is Wasser und hend au döt ganz vili Fischli chöne bestuuune, sind dur e chliiini Höhli taucht und hends eifach nur chöne gnüsse🤗🤗🤗
    Und scho hemmer eusi Riiifeprüefig als Taucher überstande gha und freued eus scho ufs nächscht Mal🙃 de Namittag hemmer den echli mit Sight Seeing und Lädele in Lahaina verbracht..

    Am Mäntigmorge hets eimal me am halbi 6i am
    Morge tagwach gheisse.. das mal hemmeren spezielle Plan gha und zwar ufeme Katamaran go Whale watche🐳 😍🐳😍🐳chuum isch s Boot loosgfahre gsi, het eus au scho de erschte Buckelwal begrüesst.. und so isches den au wiiter gange, 11 Wal inklusive Baby später simmer total happy wieder im Hafe vo Lahaina aachoo.. am Namittag simmer, nach erfolgriiicher Sunnebrülleshoppingtour, ide Bucht vo Honolue go schnorchle und hend dete zwei Meeresschildkrote bim umeschwadere chöne beobachte 🐢😍🐢    Read more

    See translation
    +4
    Map
  • New Zealand & Hawaii
    Day29

    Aakunft Maui und Haleakala National Park

     December 20, 2019 in the United States ⋅ ⛅ 16 °C

    Nach 4 Tag Big Island gahts am Morge früe au scho wiiiter uf Maui. Nachdem mir am Flughafe glanded sind und s Mietsauto in Empfang gno hend, hemmer als erschts Mal de Wholefoods leerkauft😋😋😋
    De z Mittag hemmer mit Whale Watching und Sushi ufeme Parkplatz näbed em High verbracht - isch also schönner gsi als es tönt😂 nachdem mer (vermuetlich) Wal🐳 gseh hend, hend mir eus vode Strapaze vode letschte paar Tag am Strand vo eusem Hotel müese erhole. Wills gwüssne vo eus den doch scho glii langwilig worde isch, simmer den au na is Crossfit gange💪🏻

    Am Friitig Morge isch am 3.45 (nei das isch kein Schriibfehler🤪) Tagwach gsii.. für DÄ sunneufgang simmer 1.5 Stund uf de Haleakala Krater ufegfahre und hend bi knapp 0 Grad (au kein Schriibfehler😬) zämä mit zwei, drü andere Tourischte de wohl schönschti Sunneufgang bestuuuned☀️☀️☀️☀️☀️☀️
    Nacheme schnelle Zmorge im gottseidank warme Auto mit Sitzheizig, simmer wieder uf Meereshöchi abegfahre zum Pipiwai Trail und hend dete na e chliiiinii nur öpe 3 stündigi Wanderig gmacht.. belohnt simmer worde mitem Blick uf en wunderschöne Wasserfall⛲️

    Ufem heiwäg isch bide Lorena de bündner duredruckt und sie het eus wie de Blitz über die Schotterstrasse und viele Kurve hei gfahre womer ez totmüed is Bett gheied😴... demit mer morn wieder am 5i chönd ufstah🤷🏻‍♀️    Read more

    +5
    Map
  • New Zealand & Hawaii
    Day27

    Wasserfäll & Volcanos

     December 18, 2019 in the United States ⋅ ⛅ 12 °C

    De Ziischtig hemmer mit bestuune vo allmögliche Wasserfäll und em erchunde vom Waipio Valley (inklusiiiive mal wieder e stundlang mindeschtens 40% stiiigig durab und vorallem au wieder duruuuf laufe🤪😳) verbracht. Es het sich aber alles totaaaaal glohnt 🤗

    Obwohl momentan nid vill vulkantechnischi Action los isch uf Big Island, simmer am Mittwuch trotzdem in Nationalpark goge Vulkän aaluege und es isch au ohni flüssendi Lava seeeehr beiiidruckend gsi🌋🌋 mir sind sogar e Stund lang uf en erloschene (im Moment) Vulkan ufekraxled und hend in Kraterschlund ineglueged - isch es cheibe grosses Loch🙃Read more

    See translation
    +5
    Map
  • New Zealand & Hawaii
    Day26

    Aloha Hawai

     December 17, 2019 in the United States ⋅ ⛅ 18 °C

    Nach drü super kuule Wuche in Neuseeland freued mir eus neui Inselabentüür in Hawaii z starte und vorallem das d Lorena jetzt au mit vode Partie isch🎉🎉🎉

    Nacheme ziemlich ernüechterne Tag für d Kim und d Stephi in Honolulu, hemmer voller Freud und mit Bluemechetti d Lorena am Abig in Empfang gno. Nach gfühlte 1.5 Stund Schlaf isches denn am nögschte Morge au scho wieder an Flughafe gange Richtig Big Island🌺🌋

    Nachdem mer euses Mietauto in Empfang gno hend (es het leider kein Name🤷🏻‍♀️) simmer losdüst nach Kona zum zerschmal go zMorge ässä. Mit vollem Buuch simmer zu eusem Hotel gfahre, hend d Bikinis montiert und sind s erscht Mal is Meer ghüpft go schnorchle🐠🐠🐠
    Die reschtliche Namittagsstunde hemmer lesend oder dösend ufem Liegestuel am Pool verbracht. Und den isches au scho losgange mitem erschte Abentüür. Mer hend im Hafe vo Kona es Boot bestiege und scho vorem losfahre Schildkrötli gse🐢
    Nach ca. 20 Minute Fahrt simmer scho am Ziel aacho und hend gankered zum de Sunneuntergang, recht kitschig mit zwei Delphin aazluege. Ide Zwüscheziiz hend eusi Guides e Lüchtplatform im Wasser installiert wo mir mit Taucherbrülle und Schnorchel Mantaroche hend chöne beobachte🤩🤩🤩

    Am nächschte Tag simmer uuuuu früe ufgstande und sind mit Kajaks ine Bucht ine paddled ide Hoffnig zum na me Delphinli gsee.. leidet hemmer das Mal nid so vill Glück gha und hend aber immerhin ganz vili suschtigi Fischlis gse🐡🐠🐟

    Nachem zMittag simmer an „southern most point of the USA“ gfahre womer es paar Cliff Divers inklusive de Lorena bim inegumpe zueglueged hend 🧗🏻‍♀️ im Aaschluss hemer na de Black Sand Beach bewundered und d Kim und d Lorena hend na es paar Handständ im Sand gmacht🤸🏻‍♂️🤸‍♀️

    Den simmer i euses air bnb gfahre und todmüed und mit vollem Glacebuuch is Koma gheit sind😴😴😴    Read more

    See translation
    +5
    Map
  • New Zealand & Hawaii
    Day22

    Auckland - wine tasting & sightseeing

     December 13, 2019 in New Zealand ⋅ ☀️ 23 °C

    Nach dem mir unter Träne de Shane abgä hend, hemmer eus müese tröschte und hend e Wine Tasting Tour uf Waiheke Island gmacht..🍷🍷🍷🍷🍷🍷🍷 debii simmer uf 3 Wyygüeter gsii und hend (glaub) öpe 10 verschiedeni Wyyy, inklusive eim für 140 dollar pro Fläschä (er schmöckt nid andersch wie die andere) usprobiert.. eusi Aanahm das mer bim Winetasting de Wyy wieder usspuckt isch nid korrekt gsii, das heisst mer hend alle müese trinke🤷🏻‍♀️ dementsprechend het de Guide ufem 2. Wyyguet (er isch au es guets Fotisujet für eusi indische Tourkollege gsi) gar nüm versuecht eus öpis über de Wyy z verzelle und het eifach nur na Wyy usgschenkt😂

    Nach ere romantische Fährefahrt zrugg uf Auckland hemmer de Tag im Irish Pub usklinge laa...🍻💃🏻🍻💃🏻

    De allerletschti Tag in Neuseeland verbringemet nomal so richtig tourischtisch im Hop on Hop off Bus - das het gaar rein nüt mit geschtr Abig z due🤪

    Und jetzt höckler mer ide Bar (ups😜) im Sky Tower obe und düend die letschte drü Wuche nomal Revue passiere laa..

    Schön isch:
    Alles sogar d public toilets🙃

    Nid schön isch:
    Das mir ez müend ga🙁

    Fazit: sorry liebi Mamis und Papis und Chefs - mir gönd wieder🇳🇿🇳🇿🇳🇿🇳🇿🇳🇿🇳🇿🇳🇿🇳🇿🇳🇿🇳🇿
    Freued eus aber au uf die nächschte drü Wuche in Hawaii mit de Lorena 👩🏼👩🏻👩🏻🐠🐬🐳🐢🌸☀️🤿🎉    Read more

    See translation
    +4
    Map
  • New Zealand & Hawaii
    Day21

    Coromandel Peninsula

     December 12, 2019 in New Zealand ⋅ ☁️ 17 °C

    Die letschte zwei Tag hemmer uf de Coromandel Peninsula sehr romantisch zämä mit 20‘000 andere Tourischte (aber keim Höhlemensch) am Hot Water Beach und bim Cathedral Cove verbracht.. zum Glück hemmer en wunderschöne Freedom campingplatz ide nächi vome einsame Strand (ohne Tourischte defür mit dooooooooofe Sandflügene) gfunde womer d Nacht verbracht hend..
    Euse letschte Tag mitem Shane (eusem Camper für die wo uf dummi Gedanke chömed) hämmer bi Clarks Beach mit lese und schnädere (und putze🙄) verbracht..
    Und jetzt heissts leider adiöö liebe Shane, mir werded dich vermisse😢😞 und hallo Auckland (und hallo Zivilisation🤪)🖐🏻👋🏻🖐🏻👋🏻🖐🏻👋🏻    Read more

    See translation
    +5
    Map
Never miss updates of Steee phiiii with our app:

FindPenguins for iOS FindPenguins for Android

2020 ©  FindPenguins.com  
  • Home
  • About Us
  • Blog
  • Press
  • Terms
  • Privacy Policy & Cookies
  • Support
  • Imprint
  • Language: English