Tilbakestill søk
Europa Reise
  • SunshineFee
  • SunshineFee

Europa Reise

In unserem VW T4 "Ronya Rohanna" ab in den Süden. Les mer
FølgOversiktOversiktKalenderKalenderBilderBilderDelDelBøtteliste
OversiktKalenderBilder
  • SunshineFeeEuropa ReiseReisende
    Ronya bi Nacht (läck stinkt ds nach Pisi uf dene Parkplätz)D'ussicht uf d Burg vom Parkplatz2Ändlech eh Camping mit Spielplatz (Zitat Makajo: "Danke si mer daherä cho")Work-out chönnt meh ou no mache1

    Camping für di nächste Täg

    2.–4. mai 2024, Italia ⋅ ☁️ 19 °C

    So mir si in Cefalù. Si gester Abe no ga Znacht ässä u hei d nacht ufemne Parking verbracht (wo mer si ah cho, isch ir ganze Strass dr Strom usgfalle und eh Alarm ahlag ahgange, juhu) am Morge simer de ufe Camping gwächslet u da blibe mer es paar Tag, mau luege wielang.Les mer

    Se oversettelse
  • SunshineFeeEuropa ReiseReisende
    1

    Gas Problem behäbe und am Strand chille

    6. mai 2024, Italia ⋅ ☁️ 20 °C

    Si immer no ufem Camping, das direkt am Meer isch und ganz viu Kiddis het wo dr Makajo mitnä cha spiele. Er gniessets mega. Üs isch ds Gas usgange, hei de bir de Nachbare dörfe chöcherlä. Dä vom Camping het de gester gfunde mir chönnes la befüllen, die hüt morge ar Reception isch nachem Tel. mit em Dude leider nid dere Meinig gsi, si mit em Bus uf Cefalù u dert ga kömerlä u hei dr Gas-Dude direkt gfragt mit em Foto, es söt auso glich ga. Sprich i ga am Nami nomal mit Fläsche derthärä😅 camina camina😂😊Les mer

    Se oversettelse
  • SunshineFeeEuropa ReiseReisende
    11

    Etna

    9.–10. mai 2024, Italia ⋅ ☁️ 8 °C

    Nachere stürmische Nacht mit Rege u Wind heimer üs zum Seilbähnli u si ufe Etna. So zum Abschluss vo Sizile no ih Schnee😂
    Wes so strubuset isch scho sehr äng ir Ronya

    Se oversettelse
  • SunshineFeeEuropa ReiseReisende
    11So schöni rundi steinli😊

    Die letste Tag in Italie gniesse

    11.–13. mai 2024, Italia ⋅ ☀️ 18 °C

    So, zrug ufem Festland. Mir gniesse nomal chli dr Strand bevor mer üs de richtig Brindisi ufe Weg mache. Mau luege öb mer de dert Fähretickets mit Kabine bechöme, bi leider nid fähig die online z bueche. We ds nid klappt geits de uf Bari u vo dert entweder uf Albanie oder haut de direkt Kroatien, we will see..
    Makajo isch hüt mit mir im Wasser gsi u mir hei Fischli beobachtet. Uf d Frag ob er chalt het, heter gmeint "nei. I schnadderle zwar chli aber noni so fest"😋😊♥️    Les mer

    Se oversettelse
  • SunshineFeeEuropa ReiseReisende
    Am Warte nach dr Planänderig

    Fähre gut, alles gut! - oder doch nid

    14. mai 2024, Italia ⋅ ⛅ 19 °C

    So, mir si in Brindisi und hei es Fähretickets mit Kabine für ijz de grad, auso hüt abe🥳🥳🥳 isch mega easy peasy gsi😁 ijz warte mer zum uf d Fähre fahre und erwache morn de in Albanie...
    Hani ämu denkt, aber leider isch d'Gränzpolizei anderer Meinig gsi, si nid aui üsi ID's ufem neuste Stand.. heißt mir warte ijz bis d Schlange vo Autos ihgschifft isch u mir chöi umkehren.. pfüsele de ir nöchi vom Hafe u fahre morn uf Bari u ner uf Kroatien..😁    Les mer

    Se oversettelse
  • SunshineFeeEuropa ReiseReisende

    Zwüschestopp Molfetta

    15.–16. mai 2024, Italia ⋅ 🌬 25 °C

    Am morge simer uf Bari und am Hafe z'hingerst härä gfahre, nur für am 2te Terminal de bestätigt z'becho, ds fähre uf Dubrovnik ersch im Juni fährt.
    Neuste Plan isch ijz zrug uf Ancona u vo dert uf Split.
    Si aui ziemlech müed u hei aber ijz no es schöns Städli gfunde u hei wunderbars Gelati gässä.. ijz gömer de no is Restaurant am Hafe u ner öbe früeh ga schlafe.    Les mer

    Se oversettelse
  • SunshineFeeEuropa ReiseReisende
    1Mir si acho, er het d Auge kurz offe gha u grad wieder zue..
    Immer wemer ni ufem Camping si, wirds schnell sehr chaotisch..No meh Chaos u Blick ufe StrandSpätnächtleche BsuechSo nöch!

    Strandnami, ih dere Hitz fahrt meh nid!

    16.–17. mai 2024, Italia ⋅ ☀️ 26 °C

    Tobi het eh tolle Parkplatz am Strand gfunde (nei vo dert hets leider keni Fotos gä)
    Hei de Znacht chochet u si ijz im Strandimbiss es bier am drinke. "Mama, i ha no soo Hunger, darfi eh Burger?" Auso hets füre makajo no eh Burger gä,dä am Stand cha kes Wort englisch, drfür aber dütsch😂Les mer

    Se oversettelse
  • SunshineFeeEuropa ReiseReisende
    211212

    Ijz aber, Fähre ahoi!

    17. mai 2024, Italia ⋅ ☀️ 22 °C

    Mir si am Morge früeh los düst, und si de gäge Mittag in Ancona ahcho.
    Hei Tickets kouft, und de dr nami irgendwie über d Rundi bracht.
    Ner simer de am 5i richtig fähre los tuckerlet, liecht nervös.. aber si de problemlos bis zum Schiff gfahre. I ha müesse rückwärts druf fahre😱 aber het aues tiptop funktioniert! 😊😊Les mer

    Se oversettelse
  • SunshineFeeEuropa ReiseReisende
    Zmorge uf dr Fähre
    Ankunft in SplitDs Städli SkradinÜse Nachbar het eh Töff😅22Glace = happy Makajo2Spielplatz! Wuuhu1So settigi Autos hei Renne gha

    Erstä Halt in Kroatie

    18.–21. mai 2024, Kroatia ⋅ ☁️ 25 °C

    Mir si guet in Split ahcho😊 hei de vo dert ca 1.5h fahrt härä gleit dür wunderbari Landschafte. 10min vorem Ziel simer ane Strassesperrig gfahre, wo üs dr Polizist drufhärä gwisse het ds mer doch d Outobahn müesse nä😅 weg irgendwelche Auto renne.
    Dr Nami heimer ir Hängematte verbracht und hüt heimer dr Nationalpark Krka besichtig.. so schön😍
    Ijz gömer de no super lecker (hoffentlech) ga znacht ässä.    Les mer

    Se oversettelse
  • SunshineFeeEuropa ReiseReisende
    Ds Album isch eifach eh Ordner mit Plastik-Sichtfeldli.. ke vorgäni Ordnig^^12

    Eh Hänger- und Plantag

    21.–24. mai 2024, Kroatia ⋅ 🌬 22 °C

    Mir si wieder as Meer.
    Zum Glück simer so früeh cho, schüsch häts ke Platz meh gha ufem munzige Camping.
    De simer is Konzum ga ichoufe u di hei so EM sammelbildi (ke panini). Vo dene het dr makajo scho am letste Ort gschänkt becho u hüt heimer dr ds Album kouft für 5€. Am Ahgstellte ischs gloub nienä rächt gsi, er het de am Makajo eh hampfele bildli gschänkt (eich müesst mä für 10€ ihchoufe für eis so Bildli). De Makajo isch so super sweet und bezeichnet aui kind woner einisch het gseh als sini Fründe, es isch eh wahri Freud mit ihm unterwegs zsi.Les mer

    Se oversettelse
  • SunshineFeeEuropa ReiseReisende

    Strand, Strand und Insel feeling

    23. mai 2024, Kroatia ⋅ ☀️ 22 °C

    Mir blibe no bis am 25 am Morge da, es isch eifach nume gmüetlech.
    Hei in Velo Distanz dr Lade zum ichoufe + Spielplatz, und rundume (ämu gfüuht) Meer mit türkisblauem Wasser.
    Dr Makajo het sech mit üsem Nachbar ahgfründet, ehm Helmut "Opa Bär" und hüpft regelmäßig iih dem Wohnwage ume. Und cha am Strand mit dr Sophia und dr Julia Ball Spieli ih allne Variatione Spiele und ufs Kroki hocke 😊😊 ahja dr Sunneuntergang enttüscht ou niLes mer

    Se oversettelse
  • SunshineFeeEuropa ReiseReisende
    Finde den Fasan, uflösig ufem nächste Foto

    Velotour Red Stone

    26. mai 2024, Kroatia ⋅ ☁️ 21 °C

    Mir si wiiter nach Vir und hei hüt es Velotourli zu de red stone Aussichtspunkt gmacht und dert ner am Strand chillt. Am Makajo heimer bim Panorama Punkt es Zäutli bout füre Mittagsschlaf. Nachdems mega heiss isch gsi, het üs de no z gwitter ihgholt. Si drfür belohnt worde ds mer hei eh Fasan gseh, u si de mit em heftigste Rägä bir Ronya achoLes mer

    Se oversettelse
  • SunshineFeeEuropa ReiseReisende
    1

    Übernachtig Spielplatz

    28.–29. mai 2024, Kroatia ⋅ ☁️ 19 °C

    Mir hei uf Park4Night dä Spielplatz gfunde u hei füre Makajo dert übernachtet. Grad womer si ahcho isch no eh tschechischi Family ahcho u de het de Makajo mit dene 2 Kind chönne spiele. Di gö o uf Baska villch gseht meh sech ja de nomal.
    Am Morge heimer de ds erstmau Bekanntschaft gmacht mit dr Polizei wo het gfunde me darf hie nid campe. Ijz simer wieder ufem Camping Platz.    Les mer

    Se oversettelse
  • SunshineFeeEuropa ReiseReisende
    Juhu Mama het mitdörfe da ja Makajo noni cha schwümme1

    Kamp Mali

    29. mai–2. jun. 2024, Kroatia ⋅ ⛅ 20 °C

    Mir si ufem chline Camping, wo rund ume eh riese campingahlag isch.. dr Makajo redet konsequent mit aune, was ou viu Vorteile mitsech bringt, meh lernt uf sehr ungezwungni Art neui Mönsche kenne. Hüt am Strand heter sech vorne Ma gestellt mit sire Wasserpistole, nur fürne de z frage "wer bist du?" Isch witzig gsi u mir hei de dank dem no eh lustigi Halbstund mit sine zwöi Kidis verbracht, wüu die uf d Wasserrutschbahn si u dr Makajo ou grad ihglade hei.Les mer

    Se oversettelse
  • SunshineFeeEuropa ReiseReisende
    Sone schöne Garte🤩2Passionsfrucht/Melone ~ Joghurt ~ Lavendel/CheesecakeNamnam🐟21

    Tagesusflug Krk

    2. juni 2024, Kroatia ⋅ ☁️ 24 °C

    Hüt heimer es Usflügli ih d Stadt Krk gmacht mit em Bus.
    Hei dert d Altstadt ahgluegt, es Glace gschläckt. Da mer no Zyt hei gha und nüm no mega wit hei wöue loufe simer de no id Aquarie.. (würdi äuä nid nomal, die 🐠 hei irgendwie nid so happy usgseh, aber am Makajo hets gfaue)
    Si de no is Resti ga Znacht ässä, de Makajo het sech eh ganze Fisch gwünscht, gesagt getan! Isch mega fein gsi u mir hei Dank dem dr Rege im Trochen verbracht.
    Morn geits wieder😊    Les mer

    Se oversettelse
  • SunshineFeeEuropa ReiseReisende

    Was fürne Glückstreffer

    8.–9. jun. 2024, Italia ⋅ ☁️ 29 °C

    Mir hei eh gratis Stellplatz gsuecht, ufem Weg nach Genua u ou eine gfunde. Dä isch aber leider no mit ere Ketti abgsperrt gsi. Woni de dr Nachbar Buur bi ga frage öb er wüss öb mr ds Outo da chönnt härä steue, heter sofort öber ahglüte u ner aber gseit dr Platz sig no gsperrt, mir söue ihm aber nachefahre. Heter tatsächlich aues lah stah u la gheie zum üs dr nächst Parkplatz z'zeige mit Stromahschluss.😊😊
    Die hei hüt ih dem Dorf no es Konzert (direkt neb em Parkplatz). Sprich Party für Mama und Papa, und de Makajo cha mit Fäntilator schlafe, da dr Sound eh lüüter isch😅 zum Glück schlafter so guet😋    Les mer

    Se oversettelse
  • 2026© FindPenguins
  • Hjem
  • Om oss
  • Gruppesporing
  • Presse
  • Vilkår
  • Personvern & Cookies
  • Hjelpesenter
  • Avtrykk