Reimposta ricerca
Sri Lanka 🇱🇰
  • luka immer
  • luka immer

Sri Lanka 🇱🇰

Backpacking in Sri Lanka Leggi altro
SeguiPanoramicaPanoramicaCalendarioCalendarioFotografieFotografieCondividiCondividiLista dei desideri
PanoramicaCalendarioFotografie
  • Inizio del viaggio
    22 giugno 2024
  • luka immerSri Lanka 🇱🇰Viaggiatore
    1

    Boarding & Take Off

    22 giugno 2024, Svizzera ⋅ 🌧 16 °C

    Chum lüt am Flughafä, Rucksack abgäh und Security Check innerhalb vo 5 min. Drfür länger am Gate wartä aber ig ha ja zyt. Für es halbs Organ hani mir no e Mango Granola Becher gchouft.
    Iz geits los 6h bis Dubai im gröschte Passagierflüger vor Welt em Airbus A380 emne doppelstöcker de het über 600 Sitzplätz. E churzi platz eskapade ds de ou aui bi irne familiä chöi hocke, für das hani 3x platz gwächslet wüu i bi ja sowiso alei ungerwägs u mir spielts keh rolle solang ig ni ir mitti hocke. 🛫🇦🇪Leggi altro

    Guarda la traduzione
  • luka immerSri Lanka 🇱🇰Viaggiatore

    ZRH🇨🇭- DXB🇦🇪

    22 giugno 2024, Emirati Arabi Uniti ⋅ ☀️ 40 °C

    E ziemlech ruhige Flug ca 30min ender in Dubai ahcho. D lüt stöh wi immer scho uf weme no fasch ir Luft isch 🥲 Gschlafä hani chum wüu wenni bi ihgschlafä het de sicher es Baby grännet. Ässä und Service isch Top Emirates chani also empfhälä. D zyt hani mir mit PacMan spielä und Openheimer luegä vertribe.Leggi altro

    Guarda la traduzione
  • luka immerSri Lanka 🇱🇰Viaggiatore

    Layover Dubai 🇦🇪

    23 giugno 2024, Emirati Arabi Uniti ⋅ 🌙 32 °C

    Abartig wi gross de Flughafä isch, da muesch de luegä ds nid vo de Golfcarts überfahrä wirsch. I ha chle dr Flughafä erkundet u när mit freud de Pandaexpress entdeckt u der grad müesse Orange Chicken näh. Wüui nomau dürä Security ha müesse hani leider ou mi trinke müessä abgäh. Am 1:55 geit ds boarding los de hani när 2 stund gah hiä. Iz muessi nurno hoffe, dass mis Gepäck erfolgrich isch umglade worde🙃🙃🫣Leggi altro

    Guarda la traduzione
  • luka immerSri Lanka 🇱🇰Viaggiatore

    DXB🇦🇪 - CMB🇱🇰

    23 giugno 2024, Sri Lanka ⋅ ☁️ 28 °C

    Glandet in Colombo Srilanka, alles guet gangä eifach gschlafä hani wieder chumm. Iz muessi Gäudwächslä, mis Gepäck holle und mi ufe wäg richtig Kandy machä. Mau luegä was dr Tag no bringt, hie isch iz haubi 10ii.Leggi altro

    Guarda la traduzione
  • luka immerSri Lanka 🇱🇰Viaggiatore
    1Das isch mi Fahrer gsy

    Colombo - Kandy

    23 giugno 2024, Sri Lanka ⋅ ☁️ 30 °C

    Nachdem ig glandet bi isch alles recht schneu gangä, Visum isch gültig gsy und de Rucksack isch cho. Nachdem ds Gepäck ha gha bini mir vor cho wi ufem Basar, ig ha müessä Gäud wächslä wüu mä d Landeswährig Srilankanischi Rupien nur in SriLanka bechunte. Öbbe 20 Schalter u jedä het e Marktschreier gha wo mir het wöuä gäud ahdräiä. I ha när 100USD für 31‘000LKR gwächslet ds isch e sehr faire Pris.

    När isches witergangä usem Flughafä usä u jedes Taxi isch günstiger als ds anderä. Nach langem verhandlä bini für 9000LKR uf Kandy gfahrä wurde ca 3h dür Wunderschöni Landschaftä zu mim Hostel.
    Ab und zuä het no e Wolkebruch gäh u aui ide Tuk Tuks hets fasch use gschwemmt. Hiä uf dr Strass giltet eifach d Reglä fahr oder stirb dr schwächr git nach, zum Glück fahri nid sälber. Unterwägs hei mir üs druf geiniget dser dr Highway nimmt u ig dr Highway fee vo 1000LKR zahlä drfür simmer schneller am Ziel. Hani när ou gmacht u ds isch wük fasch 1000LKR gsy für 1h Highway.    Leggi altro

    Guarda la traduzione
  • luka immerSri Lanka 🇱🇰Viaggiatore
    111

    Hostel dilema Kandy

    23 giugno 2024, Sri Lanka ⋅ ☁️ 23 °C

    Bi mim Hostel ahcho bini scho vo usä mega skeptisch gsy d Lage isch mega wit wäg vom Zentrum gsy u het schmudlig usgeh. Vo innä het dech mini befürchtig bestätiget. Es isch ganz wüescht, ds Hostel Deck on thr Hills Kandy isch e Abstigi. Het swar ou e schöni ussicht aber es liecht imne WC ohni Fenster isch trotzdem meh wärt. I bi ou dr einzig bsuecher gsy i däm Hostel keh ahnig wiä ds das 8.7/10 sterne het chönne becho.

    I ha mi när drzuä entschidä es anders Hostel ds buechä. Ha mi Rucksack wieder packt u bi abgfahrä. Ha zwar iz 15CHF für nüt zahlt aber ds isches mir wärt.

    Nach langen verhandlä mit em Hostelbsitzer dsi iz scho wieder gah hani mir es TukTuk bstellt u bi 20 min zum neubuechetä Hostel gfahrä.

    Ds neue Hostel het iz 40Chf gchostet für 3 nächt u isch wunderschön. Dert ahcho hani zersch mau es chalts Tüächli und e ischalte Wassermelone Smoothie becho. Nachdemi mis Zimmer ha gha hani mau müesse es paar stund d Ouge zuä tuä. Iz hocke ig uf de Dachterassä vom Hostel wo ou es Restaurant isch, issä Nasi Goreng u trinke es Lions Bier u bi mega froh gwächslet ds ha. Ds neue Hostel heisst Kurumbunkz Kandy.    Leggi altro

    Guarda la traduzione
  • luka immerSri Lanka 🇱🇰Viaggiatore
    11

    Kandy

    24 giugno 2024, Sri Lanka ⋅ ☁️ 24 °C

    Hüt hani bis am 10ii gschlafä u bi när im Hostel gah Overnigth Oats ässä, nachdem ig mi fertig gnacht ha bini mitem Bus id Stadt u ha dert nomau gäud gwächslet. Nachdem gäud geächslet ha bini zum Busterminal u bi zum Royal Botanical Garden. Dert bini ca 3 h dinnä gsy u mega verschiffet worde aber es isch e mega schlne Ort. Es het mega viu Affe und schöni Pflanze gha.

    Nach ca 3 h bini wieder zrügg id Stadt mitem Bus dert hani mir zersch mau e Schirm gchouft für 1000LKR u när bini ume See glüffe dert het mir öbbe au 15meter eine es TukTuk Taxi wöuä ahdräiä aber i ha nur ume See wöuä loufe. Eigentlech hani ine Tempel wöuä gah, ds isch aber nid gangä wüui churzi Hose ha annä gha. Deshalb bini nachdem ig ume See bi glüffe no gah Linehose chouffe ufem Markt.

    Am 5ii bini när e Kandy Dance Show gah luegä isch intressant gsy aber würds nid nomau gah luehä und direkt nachher am 18.00 ih Tempel gangä wo e Zeremonie het stattgfunde. Ca am 19.00 hani mi när ufe heiwäg gmacht u bi ungerwägs no ire Lounge gah Znacht ässä, chicken fried noodels. Zum dr Abe no chli lah usklinge bini no chli uf Dachterasse vom Hostel ghocket.    Leggi altro

    Guarda la traduzione
  • luka immerSri Lanka 🇱🇰Viaggiatore

    Ambuluwawa Tower

    25 giugno 2024, Sri Lanka ⋅ ☁️ 25 °C

    Hüt bini nachem zmorge mitem TukTuk zum Ambuluwawa Tower, dert bini ganz ufä gangä. Ds oberst isch d stägä nur no so breit gsy, das nid beide Füess näbänand hei platz gha ufen Stägätritt. Chumm bini ganz obe gsy isch huerrä cho schiffä i ha direkt d Rägäjacke ahgleit aber i bi scho pflotsch nass gsy.

    D ussicht isch dr hammer gsy bevors het grägnet mä gseht extrem wit i di Berglandschaftä. dr Ihtritt het 2000LKR gchostet also ca 5.5Chf. Isch super gsy dert aber nüt für lüt mit höhenangst. Ds glender isch nähmelch ou nid sehr höch gsy u zum chrütze het immer öbber müessä usä lähnä.    Leggi altro

    Guarda la traduzione
  • luka immerSri Lanka 🇱🇰Viaggiatore
    12Das si d Zwillinge di si 2 Jahr alt

    Pinnawala Elephant Orphanage

    25 giugno 2024, Sri Lanka ⋅ ☁️ 25 °C

    Nachem Tower bini no innes Elefantä Waisenhaus in Pinnawala gangä. Es isch mega ihdrücklech wi grossi und schöni Tier ds das si. Einä hani sogar im Wasser chönne ,,Wäsche,, und e Babyelefant Strichele wo si när vom Fluss zrügg is Gheg gangä si.

    I bi mit gmischte gfühl dert härä i ha sachä gläsä ds si ahgchette im Fluss si oder das si mitemne Stecke gschlagä wärdä. Mir isch i dene 2h wonni dert bi gsy so öbbis nid ufgfalle uffert ds si chli mitemne Stock gführt werde zum loufe.

    Es isch es mega tolls erlebnis gsy u würd wieder machä die extra 850LKR sis mir wert gsy ds ig no mit de Elefante i Fluss ha chönne gah. Ahnschinend wärdä si so wis bide Ohre und bim Rüssel wenn si älter werde.

    Si hei sogar jungi Zwillings Elefantä was mega speziell isch, d muetter isch leider gstorbe bir geburt, deshalb sisi dert gsy.    Leggi altro

    Guarda la traduzione
  • luka immerSri Lanka 🇱🇰Viaggiatore

    TukTuk rides

    25 giugno 2024, Sri Lanka ⋅ ☁️ 25 °C

    Dr ganz Tag bini mitem TukTuk ungerwägs gsy, zersch hani mir es PickMe buechet ds isch wi Uber für TukTuk etc. när het mi dr Shen ca 70min zum Tower gfahrä für 2400LKR also so 8chf. Uf halb weg het er mir ahbote ds er mi dr ganztag cha fahrä für insgesamt 9400LKR u wird ah jedem Standort uf mi wartä. Uf ds Ahgebot hani mi ihglah und ersch am endi vom Tag müessä zahlä. I ha ihm när no Trinkgeld gäh u er het mega fröis gha. Es isch es super erläbnis gsy mitem Shen ungerwägs ds si. Und nid ah denä Sehenswürdigkeite no für viu ds viu wieder es TukTuk ds nä. Und es isch ou mega Faire Pris wüu mir si fasch 5h gfahrä im Totale. Teilwis hets mi erstunt das ds Tuktuk dert no isch ufe cho über di stutzige Berge. Aber dr Shen het alles gmeisteret.Leggi altro

    Guarda la traduzione
  • luka immerSri Lanka 🇱🇰Viaggiatore

    Kandy - Ella Train

    26 giugno 2024, Sri Lanka ⋅ ☁️ 24 °C

    Hüt isches mitem Zug vo Kandy richtig Ella gangä, ds si knapp 150Km Zug aber geit 7stund. Di erste stunde hets immer grägnet drum si d Türe zuä gsy. Gäg schluss isch besser worde u mä het chönne d Türe uftuä. I ha 1.Klass buechet und e ahgnähmä Platz gha. Dr Matthew wonni ha lehre kenne isch ir 3. Klass gfahrä ds isch wou niso toll gsy.

    D Zugstreckinö in Srilanka si mega schlecht, drum heimmer e durchschnittsgschwindigkeit vo 22kmh gha. Di Zugstreckinä hei si bout um dr Tee us de Bärgä ih Hafä ds Colombo ds bringä und es het ou mega viu ihheimischi ufem zug gha. Dr Zug het 2500LKR gchostet also ca 7.50chf.

    Es isch e mega schöni Zugfahrt gsy dür mega schöne gägendä alles ide Berge, leider isches mega Näblig gsy und mä het niso wit gseh. Es isch aber trotzdäm super gsy. Es si ou immer wieder verchöiffer ah de Statione zuägstigä u hei ässä verchouft.    Leggi altro

    Guarda la traduzione
  • luka immerSri Lanka 🇱🇰Viaggiatore
    1

    Littel Adams Peak & Nine Arch Bridge

    27 giugno 2024, Sri Lanka ⋅ ☁️ 23 °C

    Im Hostel in Ella gits gratis zmorge und es isch super fein. I ha es Avocado Toast gha es isch sooo fein gsy. Nachem Zmorge si dr Matthew und ig los gange zum little adams peak ds isch e chlini wanderig eo mä e mega schöni ussicht het.

    Nach dr Wanderig simmer zur nine arch bridge glüfe wo mega schön isch, di isch vor über 100 jahr vomne englische engeniere zeichnet und biut worde. Mir si genau am richtige moment cho wüu dr zug isch grad cho und de chunnt nur 4x am Tag.

    Nachem dr Brügg simmer zrügg ids wunderschönä städtli Ella, es isch es mega tolls örtli. Dert heimmer zmittag gässä. I ha Summerrolls gha di si mega nice gsy.    Leggi altro

    Guarda la traduzione
  • luka immerSri Lanka 🇱🇰Viaggiatore
    2

    Secret Waterfall, Pallewela Waterfall

    27 giugno 2024, Sri Lanka ⋅ ☁️ 28 °C

    Am Namitag simmer mitem TukTuk zum Secret Waterfall und zum Pallawela Waterfall. Es si beide sehr schön gsy abrr zum Pallewela isch viu länger gangä u mir hei no dür so es komisches Zeltdorf müesse wo si 100LKR weggebühre hei wöuä, aber mir hei nüt gäh u si eifsch witter glüfe. Wommer bim Wasserfall si ahcho heimmer no im Wasserfall badet ds isch ou mega nice gsy. Nachrm Bade simmer wieder mitem TukTuk zrügg id Stadt.

    Nachdem mir 2-3 stunf im Hostel verbracht hei, simmer no id Stadt gangä und hei dert no Znacht gässä amne mega athentische Ort. Es isch e super tag gsy, und de Nico Hischier hani ou no troffe wo am gliche ort isch wi ig.    Leggi altro

    Guarda la traduzione
  • luka immerSri Lanka 🇱🇰Viaggiatore
    2

    Yala Nationalpark Safari

    28 giugno 2024, Sri Lanka ⋅ ☁️ 26 °C

    Hüt am morge bini am 3 abgholt worde für mini Safari us Ella.

    Zersch bini ca 2 h zum Park gfahrä, dert bini umgstigä i so e Safari Jeep, es si nur 2 persone gsy mit mir no e Pole, de isch aber ni bsunders nätt u gsprächig gsy. I ha sehr viu Tier gseh aber ha vo viu kehs bild chönne machä wüu si ds wit wäg odrr ds schnäu si gsy. Tier: Elefant, Wildsou, Wasserbüffel, Tukan, Alligatore, Reh, e art Hund und vili meh.

    Leider hani keh Leoparde gseh, wüu di si mega schühch, oh wenn dert di gröschti Leoparde population vor Welt isch. Aber es isch intressant, di fahrer telefonierä aui mitänang u sägä enang immer wo si was gseh, u när schiesse si wie di hohle düre Nationalpark zu den Ort. Mir hei 3x d Leoparde verpasst, aber ja niso schlimm. Einisch het dr fahrer nid chönne cherä wonner es telefon het becho u isch när rückwerts so schnäu gfahrä wi dir anderä fahrwärts über die Nationalparkstrassä.

    Am Mittag hani när im Tissmaharama Zmittag becho. Aui di Currys si für mi gsy, aber i ha nä gseit dsi Vegi bi wüz ds Fleisch het mir garnid passt. Ds isch ds wo usgseht wi e halbr Hördöpfu.    Leggi altro

    Guarda la traduzione
  • luka immerSri Lanka 🇱🇰Viaggiatore

    Udawalawe Nationalparl Safari

    28 giugno 2024, Sri Lanka ⋅ 🌬 34 °C

    Nachem Zmittag ässä bini mitem Jeep ca1.5 h zum nächste National Park bracht worde. Abrm miitag ässä bini ou komplett alei gsy. Dert bini zersch gah ds Elephant Transit Home gah luegä. Ds isch mega hörzig ds si öbbe 40-50 Elefantechinder wo Waise si und dert ufzoge wärde u de später im Nationalpark usgwilderet. Denn wommer si dert gsy isch füetterig gsy. Es isch soooooo hörzig gsy aui di chlinä Elefantä. Aui Elefäntlu hei immer mitem Trichter 2-3 channä Milch becho, u nachdem si nümme hei becho hei si immer mega gmotzet und Trumpetet und probiert am Arbeiter dr Trichter mit Rüssel wäg ds nä oder säuber mitem Rüssel ih Milch Chessel ds gah.

    Nach dr Füetterig simmer witter zum Nationalpark Udawalawe u hei dert no e Safari gmacht. Dert hets Vorallem mega viel Elefantä gha und paar Affe. Aber es isch super gsy. Beidi Nationalpärk si mega toll gsy.

    Für zum National Park Ihgang fahrt mä mega lang am Nationalpark entlang, u bim rückwäg hani no e Elefant mit Stooszäh gseh. Di Asiatischischä Elefantä hei eigentlech keh Stosszähn, nur ca 7% vo de Männlech. Was ou sehr intressant isch, isch ds d Männli aui alei läbä u d wibli ihr Gruppe.

    Nach dr Safari bini zrügg nach Ella pracht worde u ha när no mit Paar von Hostel im Städtli znacht gässä.    Leggi altro

    Guarda la traduzione
  • luka immerSri Lanka 🇱🇰Viaggiatore
    11

    Ella Rock Hike

    29 giugno 2024, Sri Lanka ⋅ ⛅ 27 °C

    hüt simmer am 7:30 uf ne wnderig ufe Ellas Rock, ds isch ufne Berg i dr nlchi ca 2.5h ei wäg. Für mi isch d wanderig recht okei gsy, aber es het lüt gha wo zimlech müä hei gha.

    Dr Host vom Hostel isch mit üs mitcho, zersch simmer über Zuggleis und Teefelder glüfe bis mir nör düre Wald ufe Ellas Rock si cho. D Ussicht isch mega toll gsy.

    Nach dr Wanderig simmer no ir Staft gah zmittag ässä, i ha Kottu gha ds isch es Nationalgricht vo Srilanka. Es isch mega fein gsy.    Leggi altro

    Guarda la traduzione
  • luka immerSri Lanka 🇱🇰Viaggiatore

    Nine Arch Bridge & Streetfestival

    29 giugno 2024, Sri Lanka ⋅ ⛅ 28 °C

    Nach Zmittag simmer nomau zur Brügg gangä, es het viu nöii im Hostel drum bini eifach mit ihnä mit oder meh irä Guide gsy. Es isch aber wieder schön gsy het eifach mega biu lüt uf dr Brügg gha, vorallem Iheimische wüu hüt es Festival isch und si wou no si gah ds züg in Ella ahluegä.

    Nachdem mir bir Brügg si gsy simmer zrügg is Hostel u mär spöter gah ässä. Es isch no irgend es Buddistischs Strassäfestival, irgend e umzug. Es hpt üs aber niemmer gnau chönne sägä wases isch. I findes eifach mega trurig wi aui di Elfäante ah dem Umzug si, nachdem ig so viu glücklechi ir freiheit ha gseh. Nach dr Parade simmer no gah Znacht ässä, i ha Poulet un Ris gha. Nachem ässä hei mir no paar bier gha u de Schwiz match gluegt und dr Abä lah usklingä.

    Morn geits witer richtig arugam bay.    Leggi altro

    Guarda la traduzione
  • luka immerSri Lanka 🇱🇰Viaggiatore
    11

    Ella - Arugam Bay

    30 giugno 2024, Sri Lanka ⋅ 🌬 32 °C

    Hüt morge am 10ii bini mitemnä share taxi witer nach Aurgam Bay ad Ostküste ads Meer. Es isch e supercooli Surfstadt. Hüt heimmer eifach chli d Stadt erkundet und dr Strand u si am Abä no gah Ässä. Ig ha e mega feini PokeBowl gha.

    Di anderä vom Hostel si när zrügg ä u i ha no dr Scott vo Wales troffe woni ds Ella irä Bar ha lehrä kennä u ha mit ihm no paar Bier gno.

    Dr uhrsprünglech plan wäri gsy ad Westküste ds gah aber i bi ad Ostküste wüu dert im moment nid Regezyt isch und Saison.    Leggi altro

    Guarda la traduzione
  • luka immerSri Lanka 🇱🇰Viaggiatore
    1

    Elephant Rock Beach - Peanutfarm Beach

    1 luglio 2024, Sri Lanka ⋅ ☀️ 33 °C

    Hüt heimmer Roller gmietet und hei chli d umgäbig und Surfspots uscheckt. Het sehr tolli Orte mit sehr wenni Touriste. Mir si zersch zum Elephant Rock Besch när Peanutfarm Beach u nachdem zrügg uf ArugamBay für lbbis ds Trinke und am nami zum Main Point und zum Panama Beach. Alles isch mega toll gsy, dr Roller het nur 10.- pro Tag kostet und zum Znacht simmer no ine cooli Beiz Slaty Beer dert hani e Poulet Burger gha. Nachem ässä simmer no für paar Bier ine Bar.Leggi altro

    Guarda la traduzione
  • luka immerSri Lanka 🇱🇰Viaggiatore
    1

    Ligthhouse Beach

    2 luglio 2024, Sri Lanka ⋅ ☁️ 32 °C

    Wi scho am vortag, simmer wieder gah stränd erkunde, mir si am Ligthhouse Beach und am Whisky Point gsy.

    Am Nami bini alei no zum Panama Besch u ha dr lär Strand gnosse u eifach chle relaxt.

    Znach simmer im ahnschinend beschte Curry restzrant gsy hiä, i ha es chicken Curry gha und es isch mega fein gsy. Nachem Ässä simmer no innä Beachclub am Strand u hei dr Abä lah usklingä.    Leggi altro

    Guarda la traduzione
  • luka immerSri Lanka 🇱🇰Viaggiatore
    1111

    Sunrise im Arugam Bay

    3 luglio 2024, Sri Lanka ⋅ ☁️ 26 °C

    Irgendwiä isch di zyt i däm Club mega schnäu verbi gangä, u plötzlech isch 4ii gsy also heimmer entschide mir wirtä bis zum Sunneufgang u es isch Wundschön gsy.

    Iz isch haubi 2 am nöchstä Tag u i ha immer noni gschlafä, aber ds mitem schlafä lani iz grad lasy.Leggi altro

    Guarda la traduzione
  • luka immerSri Lanka 🇱🇰Viaggiatore
    1

    Beachday

    3 luglio 2024, Sri Lanka ⋅ ⛅ 32 °C

    Nachem Sunnäufgang bini direkt ids Zmorge, i ha Srilankischs Zmorge gno Kokosrotti, Kokossambol und Dahl isch grbau ds gsy wasi brucht ha. När bini chli ah Strand u chli id Hängemattä.

    Am Nami bini no zur Peanut Fram dert chli ah Strand u gah Badä. und dr Sunneuntergang gah luegä. När simmer aui zämä gah ässä, dert hani Mixed Kottu gha. Ds isch vermuetlech mis leinste Lokale Ässä

    Nachem ässä heimmer paar bier gchouft u hei no dr Abä am Strand lah usklingr u bi när am 1am ids bett. I bi fasch 2 Tag am Stück wach gsy.    Leggi altro

    Guarda la traduzione
  • luka immerSri Lanka 🇱🇰Viaggiatore

    Arugam Bay - Sigiriya

    4 luglio 2024, Sri Lanka ⋅ ⛅ 32 °C

    Hüt isches nomau witergangö zum letschte Ort wonni no 1 Nacht blibe. Es git fasch keh verbindig zwüsche Arugam Bay und Sigiriya und wüui nümme so viu zyt ha hani mi entschide es Taxi ds nä.
    Am 10ii bini abgholt worde am Hostel ik Arugam Bay u när isches los gangä 5.5h Taxi richtig Sigiriya.

    D fahrt isch sehr ahgnäm gsy und ohni witeres zum abgmachtä pris 21‘000LKR also ca 60chf ds end gangä in Sigiriya.

    Dert ahcho hani im schönste Hostel bis iz ihchrckt. Ir Roys Villa. Di machä jedä Tag ganz viu aktivitäte wo easy chasch mitmachä. Wonni bi ahcho bini no grad mitgangä zumne Tempel ufemne Berg füre Sunneuntergang. Und am Abä hets no Family Dinner gäh. Ganz viu verschidene Currys in Hoppers.

    Nachem Zancht heimmer när no spieli gspielt zum der Abä lah usdsklingä.    Leggi altro

    Guarda la traduzione