Reset search
Réunion♡ Madagaskar♡ Mauritius
  • nad.inee
  • Jessiiihhh
  • nad.inee
  • Jessiiihhh

Réunion♡ Madagaskar♡ Mauritius

A 43-day adventure by nad.inee & Jessiiihhh Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    September 18, 2023
    Réunion♡ Madagaskar♡ Mauritius

    Bye Bye Schwiz

    September 18, 2023 in Switzerland ⋅ ☁️ 21 °C

    Vo üsem Chauffeur (merci Töbu) simer z Züri äm Flughafä abgsetzt wordä. Vouer Vorfröid wartä mir bis üsä Flüger geit. #nextstopparis #tschüsschenmitküsschen

    See translation
  • Réunion♡ Madagaskar♡ Mauritius
    327

    Final Destination

    September 19, 2023 in Réunion ⋅ ☀️ 26 °C

    Vo Paris simer über Mauritus när äntläch äm 15:15 z La Réunion ahcho. Dert heimer üses Mietouto überno und uf La Saline les Bains kruuset. Mitemnä Zimmer diräkt äm Meer wirds üs dert für di nöchstä 2i Nächt guet ga. Dr Strand isch gfüllt mit härägspüutä Korauä u riiisigi Wäuä brächä är Küschtä entlang.Read more

    See translation
  • Réunion♡ Madagaskar♡ Mauritius
    311

    Beach-Day

    September 20, 2023 in Réunion ⋅ ☀️ 25 °C

    Mitemnä Zmorge am Strand simer i Tag gstartet. Düre Tag heimer Kajak gfahrä, gsünnelet und "turbo-gschnorchlet". Mir hei oscho paar Fischli gseh, öbwou d Sicht leider im Momänt niso guet isch wägem starchä Wäuägang. Imne Lädeli heimer üses Znacht poschtet u heis gmüetläch äm Strand gässä.
    #elegantischnidbesser    Read more

    See translation
  • Réunion♡ Madagaskar♡ Mauritius
    1
    11

    Kurvä agogo

    September 21, 2023 in Réunion ⋅ ☀️ 26 °C

    Hüt simer früä us dä Fäderä gheit u hei no einisch dr Usblick ufs Meer gnossä. Womer aues Gepäck zämäpacket hei, simer leider scho wieder wäg vo derä schöne Ungerkunft u heinis ufä Wäg zum Cap Noir gmacht. Di Wanderig isch uh schön gsi! Äm Mittag hets när no viu z gseh gä gha im Schiudchröttlispitau. Vo däm warmä Klima isches när übernä ganz kurvigä Wäg witers ids Landesinnerä gangä. Dert herrschä ganz angeri Temperaturä: chaut u Rägä.
    #dmüüsziehtszumchääs    Read more

    See translation
  • Réunion♡ Madagaskar♡ Mauritius
    1

    Alfred Waterfall

    September 23, 2023 in Réunion ⋅ ☀️ 24 °C

    Nach einigä Umwägä simer när äntläch ufem richtigä Wanderpfad glandet, wo üs zu denä zwöi wunderschöne Wasserfäu het gfüehrt. Dert heimer dr ganz Tag gsünnelet, badet und Lüt beobachtet. Ä Pizza im Bett und ä guete Fium hei dä Tag perfekt gmacht.
    #alfredooderfrederico    Read more

    See translation
  • Réunion♡ Madagaskar♡ Mauritius
    4
    2222

    Im wiude Süde

    September 24, 2023 in Réunion ⋅ ☀️ 26 °C

    Mit packtä Ruckseck im Kofferum si mir bi Zytä ufbroche u via Kurvestrass Richtig Süde gfahre. Ufem Wäg heimer bim botanische Garte ä Stopp ihgleit u si när witer abe az Meer zum Cap Jaune (dr Wäg derthäre isch atemberoubend schön gsi - ader Küste entlang zwüsche Paume und Lavasteine)! Völlig überwäutiget vo dere schöne Landschaft simer no hurti bim Grand Anse Strand verbi.
    I üsere neue Ungerkunft hets anstatt e Rasemäier freiloufendi Schiudchrote, u unger dr Terasse schwümme farbigi Fische. Hie haute mirs die nächste 3 Nächt gärn us!    Read more

    See translation
  • Réunion♡ Madagaskar♡ Mauritius

    Hoi-Fisch

    September 25, 2023 in Réunion ⋅ ☀️ 27 °C

    Bim Brunch heimer üs dr Buch vougschlagä u si när nitzi zue ä Strand. Z Meer isch dismau um einiges klarer gsi, was üs natürläch sehr het gfröit. Uferä usgibigä Schnorchutuur heimer ganz viu Fischä i jehnschtä Farbä gseh. Währenddessä d Nadine ufemnä zwöitä Touchgang isch gsi, het d Jessä Buckuwahlä düre Fäudstächer vom Mr. Baywatch chönne bestuhnä.Read more

    See translation
  • Réunion♡ Madagaskar♡ Mauritius
    4

    2'632 m.ü.M.

    September 26, 2023 in Réunion ⋅ 🌧 5 °C

    Hüt het äm 5:30 dr Wecker glütet, um bi Zitä bim Piton de la Fournaise z si. Lut dä Wätterapps herrschä super Bedingigä bim Voukan obä. Leider simer när vom Gägeteil überrascht wordä: dichtä Näbu, sehr heftigä Wind und und starchä Rägä diräkt ids Gsicht. Bi Temperaturä vo ca. 5°C und pfludinass bis uf d Ungerhosä, isch üs jeglächi Luscht zum Wanderä vergangä. Ir Mitti vo üsem Rückwäg zum Outo hets usem nüt ufda u d Sunnä het gschinä. Ds het aber nüt ah üsem Wohubefindä gänderet, somit simer mit vouufdräiter Heizig heigfahrä. Äm Nami heimer üs äm Pool ir Sunnä wieder ufgwermt.Read more

    See translation
  • Réunion♡ Madagaskar♡ Mauritius
    2211

    Ostküschtä

    September 27, 2023 in Réunion ⋅ ☀️ 27 °C

    Hüt morge simer ufbrochä zu üserä letschtä Ungerkunft in La Réunion. Entlang är Ostküschtä heimer fougendi Sachä entdeckt: Z Cap Méchant, mit imposantä Wäuä. Ä Lava-Tunnu uf eigeti Fuscht entdeckt. Ä chlini Tuur übercho düres Familieungernämä wosi Vanille härsteue. Und d Anse Wasserfäu mitemnä Meer vo Paumä. Ahcho i üsem nöiä Deheimä und überglückläch über dä wunderschön Gartä womer hie hei, heimer dr Abä im Jacuzzi la usklingä.Read more

    See translation
  • Réunion♡ Madagaskar♡ Mauritius
    2
    254

    Cannyoning im Rivère des Roches

    September 28, 2023 in Réunion ⋅ ⛅ 22 °C

    Bi Zite u mitem Zmorge ungerwägs im Outo simer losdüset zu üsem Cannyoning-Abentüür.
    Mit 2 Guides unere guete Gruppe vo öpe 14 Persone simer i die Schluchte gumpet, unger Wasserfäu düerklätteret u gäge Strom gschwumme. Natürlech heimer derbi die passendi Schutzusrüschtig anne gha, so das üs nüt het chönne passiere. Da mr di einzige Nid-französischsprächende si gsi, isch d Übersetzig vode Ahwisge immer gsi: "Follow the french people". Zum Schluss hets e Iheimische Rum z probiere gä.
    Nachem Powernap simer no im empfolene Restaurant ga kreolisch Znachtässä - mega fein isches gsi!    Read more

    See translation
  • Réunion♡ Madagaskar♡ Mauritius
    154

    Wöschwiiber

    September 29, 2023 in Réunion ⋅ 🌧 23 °C

    Hüt heimer bau dr ganz Morge verbracht mit Chleider wöschä. Da drzue simer, wimes us dä Fiumä kennt, inä Wöschsalon gangä. Äm Nami heimer no ä Wanderig zur Cascade Blanche gmacht. Mir hei da gad wieder äs Déjà-vue gha: Äs het üs nämläch mega verschiffet. Zrügg im Hotel ahcho, herrscht mittlerwilä Ufbruchsstimmig, dasmr de packet hei u parat si für morn uf Madagaskar z flügä.Read more

    See translation
  • Réunion♡ Madagaskar♡ Mauritius
    4

    We like to move it move it

    September 30, 2023 in Madagascar ⋅ 🌙 22 °C

    Üsi Ahreis churz zämägfasst: Mir hei viu gsnacket, si desumägfahrä, lang gwartet, gflogä u wieder gwartet. Womr äntläch z Madagaskar in Antananarivo im Taxi ghocket si, hei üs di erstä Ihdürck vo däm Land scho chli d Sprach verschlagä. Aber trotzdäm dass d Lüt i Armuet läbä, heimer idä Gsichter puuri Läbensfröid gseh.Read more

    See translation
  • Réunion♡ Madagaskar♡ Mauritius
    25122

    Antananananananananarivo

    October 1, 2023 in Madagascar ⋅ ☀️ 29 °C

    Nachem Zmorgä heimer mitemne Local-Guide und ämne Grossteu vo üserä Reisegruppä ä Tuur dür Antananarivo gmacht. Di Sachä womer gseh hei, si sehr prägend gsi: D Lüt schickä d Ching vorus zum bättlä u hockä dr ganz Tag desumä näbä Bärgä vo Ghüder. Äm Abä heimer när z Wiukommensässä mitr vouständigä Reisegruppä gha. Äs si aues ganz flotti u luschtigi Lüt.Read more

    See translation
  • Réunion♡ Madagaskar♡ Mauritius

    Ä Tag zum abhake

    October 2, 2023 in Madagascar ⋅ 🌬 19 °C

    Ufgrund vonere Demo hei mir d Empfählig becho z Hotel nid z verlah. Somit heimer z Beschtä usdr Zit gmacht, nämlech gsünnelet uf dr Terrassä. Nach langem Warte, heimer de ändlech chönne dr Bus lade u losdüse mit üserere Reisegruppe. Die besteit us fägige Lüt vo:
    -Kanada
    -Australie
    -Irland
    -England
    -u zwöi Schwizerchäse

    Am Flughafe z Antananarivo acho, heimer plötzlech d Mäudig becho das üsi Plätz dopplet buechet si worde. Ufgrund vo däm heisi üs ufgstocket id Businessclass! Die Fröid het leider nid lang häregha - si hei nämlech üses Gepäck nid ihglade... Nachdäm mir z Tuléar glandet si, het nach langem Warte plötzlech z Gepäckband ufghöre roue, u mir si immerno ohni Rucksack dert gstange... Häppy drüber dasmer zmingst beidi es Bikini u es Tüechli im Hangepäck hei, simer no guet ir neue Ungerkunft acho u drücke d Düüme das üses Gepäck morn ahchunnt!    Read more

    See translation
  • Réunion♡ Madagaskar♡ Mauritius
    2
    611

    Spiny Forest

    October 3, 2023 in Madagascar ⋅ ☀️ 32 °C

    Mit dä glichä Chleider vo geschter, simer nachem Zmorge uf üsä erst Gruppäusflug gangä i Spiny Forest gfahrä. Dr Wäg het dürnes chlises Fischerdorf gführt, wo nis viu Ching lachend hei zuegwunkä. I däm sehr trochenä Waud heimer di typischä madagassischä Baobab-Böim, meterhöchi Kakteeä und äs paar Viehcher gseh. Dr Nami heimer äm Pool verbracht und hei dr Sunnäungergang mitemnä Panache am Strand gnossä.Read more

    See translation
  • Réunion♡ Madagaskar♡ Mauritius
    3
    2

    Kanu-Abendtüür

    October 4, 2023 in Madagascar ⋅ ☀️ 27 °C

    Mitm Zmorge im Buch simer hüt bi Zitä los fürne Schnorchuusflug. Mir si zersch mit dä Kanus usägfahrä und hei när bimne Riff chönne schnorchlä. Leider heimers wieder mau preicht mitm windigä Wätter, sodass d Sicht wieder nid optimau isch gsi. Mir heis aber glich gnossä! Äm Nami heimers üs no la guet ga u hei ä Massage buechet. Dr Sunnäungergang isch o hüt wieder uhschön gsi.Read more

    See translation
  • Réunion♡ Madagaskar♡ Mauritius
    2
    14

    Sauna uf vier Redli

    October 5, 2023 in Madagascar ⋅ ☀️ 33 °C

    Hüt morge am 7ni isch Abfahrt richtig Rinohora gsi. Mit paarne Bislistopps und Snackpousä simer nach 9h Fahrt mitm Bus äntläch ahcho. Bimne Ungernämä wo ämne usgwanderetä Holländer ghört, heimer ghulfä Böim pflanzä. Är wott dert ä Waud erschaffä, so dass di Gägend äntlech wieder meh Rägä het. Mit üserä Reiseorganisation G-Adventures, düemer di Böim finanziere womr pflanzt hei. I üserä Ungerkunft für di nächste 2 Nächt hoffä mr sehr, dasmr nid vo chrabbelndä Tier gstört wärdä.Read more

    See translation
  • Réunion♡ Madagaskar♡ Mauritius
    11223

    Rocky Mountians

    October 6, 2023 in Madagascar ⋅ ☀️ 34 °C

    Hüt Morge früä simer mitm Bus zum Isalo Nationalpark gfahrä. Uf üserä Wanderigdert, simer dür heissi u trocheni Gägendä, aber o dürä Djungu gangä. Üs hets höllä gfröit, dassmr sogar Lemurä und ihri Babys hei gseh! Ungerwägs hets äs Zmittag vom Grill gä u äm Nami nach dr Wanderig heimer nis imne Seeli chönnä abchüehlä.Read more

    See translation
  • Réunion♡ Madagaskar♡ Mauritius
    2
    1

    King Julien's überau

    October 7, 2023 in Madagascar ⋅ ☀️ 29 °C

    Nacherä witerä Busfahrt, simer gäge Mittag bim Nationaupark "Anja Communtity Reserve" ahcho. Dert heimer ufemne Spaziergang wieder ä Huufä Ringuschwanz-Lemurä und ihri ca. 5 Wuchä auti Babys gseh. Äm speträ Nami simer när witers richtig nöchsti Ungerkunft u hei ungerwägs no ä chlini Sidä- und Papierfabirk ahgluegt. Mitemne Panache und Pizza zum Znacht het dr Tag super ufghört.Read more

    See translation
  • Réunion♡ Madagaskar♡ Mauritius
    4
    6

    Rägäwaud im Sunneschiin

    October 8, 2023 in Madagascar ⋅ ☀️ 26 °C

    Bism Mittag simer widr ir Blächbüchsä ghocket. Hüt isch ä Wanderig düre Nationaupark Ranomafana ufem Plan gstangä. Dert heimer 4 verschiedeni Lemuräartä gseh. Ungerdenä oh einä wos nur genau hie git uf dr ganzä Wäut - nämlech dr Golden Bamboo Lemur. Äm Abä simer vorem Znacht no ga badä u früä ids Näscht.Read more

    See translation
  • Réunion♡ Madagaskar♡ Mauritius
    1

    Local Homestay

    October 9, 2023 in Madagascar ⋅ ☀️ 29 °C

    Hüt simer wieder eeewigs Busgfahrä - äm Abä äm 6si simer när äntläch z Antsotso ahcho. Mitemnä chlinä Handgepäck, simer vo dert us no 1h zum Betafo Homestay glüffä. Dert het üs ä Ihheimischi Familie erwartet. Si hei für üs Znacht kochet und gsungä. Nachdäm mir üs mitemnä Chessu chautem Wasser hei gwäschä, simer när dert ids Bett.Read more

    See translation
  • Réunion♡ Madagaskar♡ Mauritius
    2
    12

    Zrügg id Steizyt

    October 10, 2023 in Madagascar ⋅ ☀️ 30 °C

    Nacheme feine Zmorge (Bananebrot mit Kondenzmiuch) simer mit denä vom Homestay Richtig Dorf glüffe, zum luege wie die Lüt so wohne und schaffe. Die meischte si ufem Riisfäud ungerwägs, zieh mit dä Zebus Ware über d Sandstrasse oder düe Backsteine zum Hüserboue härsteue. Nacheme feine madagassische Zmittag heimer üs verabschidet u si zrügg id Zivilisation.
    Am Nami simer nomau chli Busgfahre u aschliessend imne sehr schöne Hotel z Antsirabe acho.    Read more

    See translation
  • Réunion♡ Madagaskar♡ Mauritius
    224243

    No meh Lemurä

    Oct 11–12, 2023 in Madagascar ⋅ ☀️ 27 °C

    Äm Mittwuch simer dr ganz Tag Busgfahrä bismer im Hotel Feon'ny ala si ahcho. Hiä blibä mir iz für 2i Nächt.
    Äm nöchstä Tag simer am Morge i Andasibe Nationalpark gangä. Dert heimer drü nöii Lemuräartä gseh. Ungerangerem o dr Gröscht vo aunä: dr Indri Indri. Mit sim Ussehä ud sinä Tön wonr vosäch git ischer unverwächsubar. Äm Nami heimers üs är Sunnä gmüetläch gmacht, bismr äm Abä ufne Nachtwanderig si gangä. Z Highlight dert isch gsi dasmr ä chlinä zuckersüessä Mouselemur hei gseh!Read more

    See translation
  • Réunion♡ Madagaskar♡ Mauritius
    1

    Z letschtä mau Busfahrä

    October 13, 2023 in Madagascar ⋅ ☀️ 28 °C

    Mitem glichä Guide vo gester simer hüt Morge nomau i Andasibe Nationaupark gangä. Dismau ufemnä angerä Pfad. Dank däm super Guide heimer no einisch ganz viu Lemurä, Chamälons und Insektä gseh. Nach derä Wanderig heimer üs gstercht mitemnä Zmittag u si när mitm Bus wieder Richtig Tana iz Belvedere Hotel gfahrä. Äm Abä heimer no z Abschlussässä gha mit üserä Reisegruppä. Äs isch ä gueti Zyt gsi!Read more

    See translation
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice