Restablecer búsqueda
Réunion♡ Madagaskar♡ Mauritius
  • nad.inee
  • Jessiiihhh
  • nad.inee
  • Jessiiihhh

Réunion♡ Madagaskar♡ Mauritius

Una aventura de 43 días de nad.inee & Jessiiihhh Leer más
SeguirResumenResumenCalendarioCalendarioFotosFotosCompartirCompartirLista de deseos
ResumenCalendarioFotos
  • Réunion♡ Madagaskar♡ Mauritius
    3

    Ging gmüetläch

    14–17 oct. 2023, Mauricio ⋅ ☀️ 25 °C

    Äm Samstimorge simer für di nöchste zwöi Nächt ids Hotel Colbert züglet. Dert heimer dr ganz Tag über badet, gsauniert u gspörtlet.
    Äm Mänti isches när sowit gsi u mir hei am 17:00 Uhr Madagaskar verlah und si nach 1.5h z Mauritius ahcho. När simer ids wunderschönä Hotel Friday Attitude bracht wordä. Dert blibä mir bis am Friti.
    Hüt isch nis när üses Mietouto bracht wordä u mir hei dr ganz Tag a üsem schöne Strand verbracht.    Leer más

    Ver traducción
  • Réunion♡ Madagaskar♡ Mauritius
    211

    Bootsusflug zur Île aux Cerfs

    18 de octubre de 2023, Mauricio ⋅ ☀️ 26 °C

    Miteme Böötli simer übers glasklare Meerwasser zur Ile aux Cerfs gfahre, verbi a Luxushotels u Mangroveböim. Ufder Insle acho, heimer e Schnorchuusflug chönne bueche. Somit het üs es Glasbodeboot nomau es Stückli witer zum Riff use bracht. Vili Fischli, Koralle u öppedie mau e Schluck Sauzwasser :-) Am Nami heimer der Strand ud Meerbrisä gnosse, bismer de mitem Bööltli wider richtig heizue bracht si worde. Ungerwägs simer no uf zwöi riisä Wasserschiudchrotä troffä.Leer más

    Ver traducción
  • Réunion♡ Madagaskar♡ Mauritius
    3
    231

    Wandervögu

    19 de octubre de 2023, Mauricio ⋅ ⛅ 27 °C

    Am füfi isch der Wecker gange - ab go dr Sunneufgang luege! Nachdäm mir nomau häregläge si, heimer üs am Zmorgebuffet gsterkt. Hüt isch nämlech Wandere ufem Programm gstange. Im Vallée de Ferney simer ar gäube Route gfougt u si ganzi 13km dür schöni Paume- und Bambuswäuder gwanderet. Aus Belohnig heimer chönne Riseschiudkrote fuetere u die schöni Ussicht ufde zwöi Ussichtstürm bestuune!
    Schono komisch, plötzlech links z fahre u anstatt der Blinker, der Schibewüscher z verwütsche! Nach paar Abzweigige heimer dä Linksverkehr guet im Griff gha u si sicher vo A nach B cho.    Leer más

    Ver traducción
  • Réunion♡ Madagaskar♡ Mauritius
    2
    113

    Schnorchlä mit Schiudchrotä

    20 de octubre de 2023, Mauricio ⋅ ☀️ 26 °C

    Hüt morge heimer üses Gepäck wieder ihpackt u si uf Trou Aux Biches ids Hotel Be Cosy Apart gfahrä. Dert blibä mir für di nöchste 5 Nächt. Dr ganz Tag heimer när dert am mega schöne Strand verbracht und zum Zvieri feini Samosas und äs Panaché gha. Ds Highlight vom Tag isch defintiv z Schnorchlä mit riisigä Wasserschiudchrotä gsi! Aber ou z Znacht heimer imne indische Restaurant höllä gnossä.Leer más

    Ver traducción
  • Réunion♡ Madagaskar♡ Mauritius
    1
    112

    Maxi Bazar

    21 de octubre de 2023, Mauricio ⋅ ☀️ 26 °C

    Mitemne Gipfeli-to-go simr bi Zitä zum "Sir Seewoosagur Ramgoolam" boanischä Gartä düüset. Dert heimer viu Paumä u roti u wissi Seerosä gseh. När simer diräkt witer Richtig Yachthafe vo Port Louis. Dert heimer z Outo la stah und si z Fuess düre riisig und chaotisch Märit glüffä. Dr ganz Tag heimer dert mit lädelä verdöörlet. Gmües i jedere Farb u Form und Gwürz i aunä Gschmäcker hets i jedem Eggä gha. Trotz dä viele Lüt si d Mauritier aui sehr fründläch und hei eim sehr gärn bedient. Vollig gschafft vor Hitz u m Loufä, simr ds Znacht nomau ga Indisch ässä - wöus äbä scho grad ächli sehr fein isch gsi!Leer más

    Ver traducción
  • Réunion♡ Madagaskar♡ Mauritius
    1

    Baditag

    22 de octubre de 2023, Mauricio ⋅ ☀️ 27 °C

    Hüt simer nis nid ganz einig wordä wo dsmr iz wei badä. Drum simer haut a drü verschiedene Stränd gsi u hei bädelet u gschnorchlet. Am Abä heimer dr schön Sunneungergang bestuunet und hei ä höllä feini Pizza zum Znacht gässä.Leer más

    Ver traducción
  • Réunion♡ Madagaskar♡ Mauritius
    1
    21

    Sonnenanbeterinnen

    23–24 oct. 2023, Mauricio ⋅ ☀️ 30 °C

    Dasmr nid erschöpft vodä Ferie zrügg chömä, heimer di letschtä zwöi Täg Feriä vodä Feriä gmacht: badä, sünnelä und Ischkafi schlürfä.

    Ver traducción
  • Réunion♡ Madagaskar♡ Mauritius
    4

    Wäuägumpä

    25 de octubre de 2023, Mauricio ⋅ 🌬 24 °C

    Hüt Morge simer früä ufbrochä u si uf Flic en Flac i üses letschtä Hotel "Aanari" gfahrä. Vo dert us simer uf Tamarin, hei ä Glacä zum Zmorge gschnouset u hättä dert wöue surfä. Leider het üs z Wätter ä Strich dür d Rächnig gmacht. Äs het chuum Wäuä gha u d Sunnä het säch o nie zeigt. Somit simer haut chli ihgmumelt äm Strand gläge u hei när zum Znacht wieder einisch fein Indisch gässä.Leer más

    Ver traducción
  • Réunion♡ Madagaskar♡ Mauritius
    1
    22

    Gipfustürmer

    26 de octubre de 2023, Mauricio ⋅ ☀️ 27 °C

    Pünktläch wines schwizer Uhrwärch simer äm 7:00, genau denn wos ufta het, vorem Ihgang zur Wanderroute vom Le Morne gstangä. D Wanderig isch zersch rächt gmüetläch gsi, bismr du dr letscht Teu uf aune Viernä hei ä Steiwang müesse ufächlätterä. Ungerwägs heimer sogar no ä Aff gseh und si z oberst bim Gipfuchrüz miterä atemberoubendä Ussicht belohnt wordä. Nacherä lengerä Verschnuufpousä simer ufem Hosäfüdlä widr nizi gangä. Das ganzä natürläch mit gnue Sicherheitsabstang, dasmä nid öppe no vomne Stei erschlagä wird. Mitemnä Panini heimer äm Fuess vom Bärg dr Strand gnossä.Leer más

    Ver traducción
  • Réunion♡ Madagaskar♡ Mauritius
    2

    Huduwätter

    27 de octubre de 2023, Mauricio ⋅ 🌧 25 °C

    Bim "Roche qui Pleure" hei meterhöchi Wäuä äd Küstä gschlagä u hei üs ä früschi Meeresbrisä is Gsicht gwäiht. Speter heimer im "La Vanille Nature Park" adä Krokodiu bim frässä chönne zueluege und hei präparierti Insektä vor ganzä Wäut dörfe bestuhnä. Dert drunger hets Schmätterlingä miterä Flüguspannwiti vo über 25cm und mega behaarti riisä Vouspinnelä gha. Ufm Heiwäg hets - so wi dr ganz Tag scho - höllä gschiffet. Somit isch ds Outo o wieder einisch suber wordä.Leer más

    Ver traducción
  • Réunion♡ Madagaskar♡ Mauritius
    3231

    Hello Flippers

    28 de octubre de 2023, Mauricio ⋅ 🌧 24 °C

    Hüt heimer dr ganz Tag ufem Speedboot verbracht. Äm Morge heimer mit Delfinä chönne schwümmä und hei chlini Fischli gseh bim Schnorchlä. Zum Zmittag hets uf dr île de Benetier äs sehr feins BBQ gä. Äm Nami heimer nachemnä Powernap am Strand leider scho wieder müesse ga. D Wulchä si ging wi fischterer wordä, bises de währendm zrüggfahrä mege het abägla. Dr räschtläch Nami heimer när no mit Lädelä verbracht.Leer más

    Ver traducción
  • Réunion♡ Madagaskar♡ Mauritius

    Bananeschmuggler

    29 de octubre de 2023, Mauricio ⋅ ☀️ 25 °C

    Der letscht Ferietag heimer no i voue Züüg usgnützt. Mir si nämlech no i Chamarel Nationaupark, dert heimer die 7 Farbigi-Ärde u e megaschöne 100 Meter höche Wasserfau agluegt. Bim "Gorges Viewpoint" si d Äffli ufem Gländer umeklätteret u hei d Touriste ungerhaute - die bim Zmorge ipackte Banane si ämu rübisundstübis wäg gsi.
    Z Wätter isch um einiges besser gsi aus d Vorsag vom Wätterapp, so heimer dr Nami nomau am Strand mit Bade u Sünnele chönne verbringe.
    Znacht hets Thailändisch gä u zum Dessert z beschte Schoggichüechli mit Vanilleglace vor ganze Insle!    Leer más

    Ver traducción
  • Réunion♡ Madagaskar♡ Mauritius
    3

    The End

    30 de octubre de 2023, Francia ⋅ 🌧 13 °C

    Überpünktläch simer hüt morge äm Flughafä gsi, hei drfür viu Zit gha nomau di ganzi Reis revue la z passiere. Üsi Highlights si fougendi:

    La Réunion
    -kuuhli Wanderigä
    -viufäutigi Pflanzäwäut
    -schöni Wasserfäu
    -bunti Ungerwasserwäut

    Madagaskar
    -luschtigi Lemurä
    -Nationaupärk/Rägäwäud
    -angeri Kultur
    -konstant warmi Temperaturä

    Mauritius
    -glasklars Wasser
    -wunderschöni Stränd
    -indischs Ässä
    -Gastfründschaft
    -Meersschiudkröte und Delfinä

    Nachem Zwüschestop z Paris simer när guet z Züri ahcho und si ganz härzig vor Ronja, Sarah und m Michaeu begrüesst u schliessläch heibracht wordä.    Leer más

    Ver traducción
    Fin del viaje
    30 de octubre de 2023