Réunion♡ Madagaskar♡ Mauritius

Nyaste först

Réunion♡ Madagaskar♡ Mauritius
3
Ging gmüetläch
14–17 okt. 2023, Mauritius ⋅ ☀️ 25 °C
Äm Samstimorge simer für di nöchste zwöi Nächt ids Hotel Colbert züglet. Dert heimer dr ganz Tag über badet, gsauniert u gspörtlet.
Äm Mänti isches när sowit gsi u mir hei am 17:00 Uhr Madagaskar verlah und si nach 1.5h z Mauritius ahcho. När simer ids wunderschönä Hotel Friday Attitude bracht wordä. Dert blibä mir bis am Friti.
Hüt isch nis när üses Mietouto bracht wordä u mir hei dr ganz Tag a üsem schöne Strand verbracht.Läs mer
Se översättning
Resenär Luxus pur. Nume eifach schön. Gniessets no u äs liebs Grüessli. Tanti
2023-10-17SvaraÖversätt
Resenär Gseht gmüetlich us👍😅
2023-10-17SvaraÖversätt
Guete Morge Jessica u Nadine, schön heit ihrs in Mauritzius, u no es schöns Auto derzue!, gniesset no dä schön Strsnd, hoffe ihr sit gsund und zwäg?!, liebs Grüessli Grosi🍀 [Grosi]
2023-10-18SvaraÖversätt
13 gilla-markeringar
Réunion♡ Madagaskar♡ Mauritius
2 1 1
Bootsusflug zur Île aux Cerfs
18 oktober 2023, Mauritius ⋅ ☀️ 26 °C
Miteme Böötli simer übers glasklare Meerwasser zur Ile aux Cerfs gfahre, verbi a Luxushotels u Mangroveböim. Ufder Insle acho, heimer e Schnorchuusflug chönne bueche. Somit het üs es Glasbodeboot nomau es Stückli witer zum Riff use bracht. Vili Fischli, Koralle u öppedie mau e Schluck Sauzwasser :-) Am Nami heimer der Strand ud Meerbrisä gnosse, bismer de mitem Bööltli wider richtig heizue bracht si worde. Ungerwägs simer no uf zwöi riisä Wasserschiudchrotä troffä.Läs mer
Se översättning
Resenär Traumhaft schön 🥰
2023-10-18SvaraÖversätt
Resenär Gseht rächt einsam us …
2023-10-18SvaraÖversätt
So schöni Meereswält u dir chönnt no usgiebig gniesse, Grüessli Grosi👋 [Grosi]
2023-10-18SvaraÖversätt
2 fler kommentarer
13 gilla-markeringar
Réunion♡ Madagaskar♡ Mauritius
3
2 3 1
Wandervögu
19 oktober 2023, Mauritius ⋅ ⛅ 27 °C
Am füfi isch der Wecker gange - ab go dr Sunneufgang luege! Nachdäm mir nomau häregläge si, heimer üs am Zmorgebuffet gsterkt. Hüt isch nämlech Wandere ufem Programm gstange. Im Vallée de Ferney simer ar gäube Route gfougt u si ganzi 13km dür schöni Paume- und Bambuswäuder gwanderet. Aus Belohnig heimer chönne Riseschiudkrote fuetere u die schöni Ussicht ufde zwöi Ussichtstürm bestuune!
Schono komisch, plötzlech links z fahre u anstatt der Blinker, der Schibewüscher z verwütsche! Nach paar Abzweigige heimer dä Linksverkehr guet im Griff gha u si sicher vo A nach B cho.Läs mer
Se översättning
Resenär Schöns Foto Dir Wandervögeli's 😃
2023-10-20SvaraÖversätt
Resenär Isch de das jetz Juseppe ??
2023-10-20SvaraÖversätt
ResenärGenau😉
2023-10-20SvaraÖversätt
Resenär😃
2023-10-21Svara
5 fler kommentarer
10 gilla-markeringar
Réunion♡ Madagaskar♡ Mauritius
2
1 1 3
Schnorchlä mit Schiudchrotä
20 oktober 2023, Mauritius ⋅ ☀️ 26 °C
Hüt morge heimer üses Gepäck wieder ihpackt u si uf Trou Aux Biches ids Hotel Be Cosy Apart gfahrä. Dert blibä mir für di nöchste 5 Nächt. Dr ganz Tag heimer när dert am mega schöne Strand verbracht und zum Zvieri feini Samosas und äs Panaché gha. Ds Highlight vom Tag isch defintiv z Schnorchlä mit riisigä Wasserschiudchrotä gsi! Aber ou z Znacht heimer imne indische Restaurant höllä gnossä.Läs mer
Se översättning
Resenär Hammer Aufnahme
2023-10-20SvaraÖversätt
ResenärDankeschöön🥰
2023-10-21SvaraÖversätt
Resenär So schön 🥰
2023-10-21SvaraÖversätt
4 fler kommentarer
9 gilla-markeringar
Réunion♡ Madagaskar♡ Mauritius
1
1 1 2
Maxi Bazar
21 oktober 2023, Mauritius ⋅ ☀️ 26 °C
Mitemne Gipfeli-to-go simr bi Zitä zum "Sir Seewoosagur Ramgoolam" boanischä Gartä düüset. Dert heimer viu Paumä u roti u wissi Seerosä gseh. När simer diräkt witer Richtig Yachthafe vo Port Louis. Dert heimer z Outo la stah und si z Fuess düre riisig und chaotisch Märit glüffä. Dr ganz Tag heimer dert mit lädelä verdöörlet. Gmües i jedere Farb u Form und Gwürz i aunä Gschmäcker hets i jedem Eggä gha. Trotz dä viele Lüt si d Mauritier aui sehr fründläch und hei eim sehr gärn bedient. Vollig gschafft vor Hitz u m Loufä, simr ds Znacht nomau ga Indisch ässä - wöus äbä scho grad ächli sehr fein isch gsi!Läs mer
Se översättning
So en schöne Tag u die viele schlne Farbe ob Gmües, Frücht, Chleider u Sunneschirm, toll die Föteli!, Grüessli [Grosi]
2023-10-21SvaraÖversätt
Resenär Wow .. so schööön !
2023-10-21SvaraÖversätt
Resenär 🤩🤩
2023-10-21Svara
3 fler kommentarer
10 gilla-markeringar
Réunion♡ Madagaskar♡ Mauritius
1
Baditag
22 oktober 2023, Mauritius ⋅ ☀️ 27 °C
Hüt simer nis nid ganz einig wordä wo dsmr iz wei badä. Drum simer haut a drü verschiedene Stränd gsi u hei bädelet u gschnorchlet. Am Abä heimer dr schön Sunneungergang bestuunet und hei ä höllä feini Pizza zum Znacht gässä.Läs mer
Se översättning
U schön die witti, u en gmüetliche Tag isch zänd mit enere feine Pizza, schlafet guet [Grosi]
2023-10-22SvaraÖversätt
11 gilla-markeringar
Réunion♡ Madagaskar♡ Mauritius
1
2 1
Sonnenanbeterinnen
23–24 okt. 2023, Mauritius ⋅ ☀️ 30 °C
Dasmr nid erschöpft vodä Ferie zrügg chömä, heimer di letschtä zwöi Täg Feriä vodä Feriä gmacht: badä, sünnelä und Ischkafi schlürfä.
Se översättning
ResenärGniesset no di paar täg😍 u bis gli☀️
2023-10-24SvaraÖversätt
ResenärMerci viu mau😘 bis glii! :)
2023-10-26SvaraÖversätt
Das heit ihr guet gmacht, isch ja wunderschön in Mauritzius!, Grüessli Grosi [Grosi]
2023-10-25SvaraÖversätt
4 fler kommentarer
14 gilla-markeringar
Réunion♡ Madagaskar♡ Mauritius
4
Wäuägumpä
25 oktober 2023, Mauritius ⋅ 🌬 24 °C
Hüt Morge simer früä ufbrochä u si uf Flic en Flac i üses letschtä Hotel "Aanari" gfahrä. Vo dert us simer uf Tamarin, hei ä Glacä zum Zmorge gschnouset u hättä dert wöue surfä. Leider het üs z Wätter ä Strich dür d Rächnig gmacht. Äs het chuum Wäuä gha u d Sunnä het säch o nie zeigt. Somit simer haut chli ihgmumelt äm Strand gläge u hei när zum Znacht wieder einisch fein Indisch gässä.Läs mer
Se översättning
Resenär Oooh chli niidisch bini scho ! Das gseht ja super us 🤩
2023-10-25SvaraÖversätt
ResenärIsch o hönne fein gsi😉👍😘
2023-10-26SvaraÖversätt
Resenär Uii gseht mega guet us 😋
2023-10-25SvaraÖversätt
ResenärIsch hönne fein gsi 😉😍👍
2023-10-26SvaraÖversätt
2 fler kommentarer
9 gilla-markeringar
Réunion♡ Madagaskar♡ Mauritius
1
2 2
Gipfustürmer
26 oktober 2023, Mauritius ⋅ ☀️ 27 °C
Pünktläch wines schwizer Uhrwärch simer äm 7:00, genau denn wos ufta het, vorem Ihgang zur Wanderroute vom Le Morne gstangä. D Wanderig isch zersch rächt gmüetläch gsi, bismr du dr letscht Teu uf aune Viernä hei ä Steiwang müesse ufächlätterä. Ungerwägs heimer sogar no ä Aff gseh und si z oberst bim Gipfuchrüz miterä atemberoubendä Ussicht belohnt wordä. Nacherä lengerä Verschnuufpousä simer ufem Hosäfüdlä widr nizi gangä. Das ganzä natürläch mit gnue Sicherheitsabstang, dasmä nid öppe no vomne Stei erschlagä wird. Mitemnä Panini heimer äm Fuess vom Bärg dr Strand gnossä.Läs mer
Se översättning
Es stränge Tag heit ihr gka, nachhär dä schöni Usblick ufs Meer, prima gmacht [Grosi👋]
2023-10-26SvaraÖversätt
Resenär 😍
2023-10-26Svara
Resenär Wie d affe kläteret sit ihr 🙃🤪
2023-10-26SvaraÖversätt
ResenärJa gäu🤣
2023-10-27SvaraÖversätt
4 fler kommentarer
9 gilla-markeringar
Réunion♡ Madagaskar♡ Mauritius
2
Huduwätter
27 oktober 2023, Mauritius ⋅ 🌧 25 °C
Bim "Roche qui Pleure" hei meterhöchi Wäuä äd Küstä gschlagä u hei üs ä früschi Meeresbrisä is Gsicht gwäiht. Speter heimer im "La Vanille Nature Park" adä Krokodiu bim frässä chönne zueluege und hei präparierti Insektä vor ganzä Wäut dörfe bestuhnä. Dert drunger hets Schmätterlingä miterä Flüguspannwiti vo über 25cm und mega behaarti riisä Vouspinnelä gha. Ufm Heiwäg hets - so wi dr ganz Tag scho - höllä gschiffet. Somit isch ds Outo o wieder einisch suber wordä.Läs mer
Se översättning
Resenär Oh schön🤩
2023-10-27SvaraÖversätt
Resenär🤗❤️
2023-10-28SvaraÖversätt
Das wüetet ja mega fescht, u schöni Schiltkröte, [Grosi]
2023-10-28SvaraÖversätt
10 gilla-markeringar
Réunion♡ Madagaskar♡ Mauritius
3 2 3 1
Hello Flippers
28 oktober 2023, Mauritius ⋅ 🌧 24 °C
Hüt heimer dr ganz Tag ufem Speedboot verbracht. Äm Morge heimer mit Delfinä chönne schwümmä und hei chlini Fischli gseh bim Schnorchlä. Zum Zmittag hets uf dr île de Benetier äs sehr feins BBQ gä. Äm Nami heimer nachemnä Powernap am Strand leider scho wieder müesse ga. D Wulchä si ging wi fischterer wordä, bises de währendm zrüggfahrä mege het abägla. Dr räschtläch Nami heimer när no mit Lädelä verbracht.Läs mer
Se översättning
Schöni Fotos, u plötzlich gsehts ganz düster us, dir heit mega viu erläbt, e gueti Nacht wünsch ig euch Grüessli [Grosi]
2023-10-28SvaraÖversätt
Resenär Traumhaft 🥰
2023-10-28SvaraÖversätt
Resenär Mmh Austern und Seeigel zum Zvieri 👍😁
2023-10-28SvaraÖversätt
ResenärBääh die heisech no bewegt🤨😂
2023-10-29SvaraÖversätt
6 fler kommentarer
9 gilla-markeringar
Réunion♡ Madagaskar♡ Mauritius
Bananeschmuggler
29 oktober 2023, Mauritius ⋅ ☀️ 25 °C
Der letscht Ferietag heimer no i voue Züüg usgnützt. Mir si nämlech no i Chamarel Nationaupark, dert heimer die 7 Farbigi-Ärde u e megaschöne 100 Meter höche Wasserfau agluegt. Bim "Gorges Viewpoint" si d Äffli ufem Gländer umeklätteret u hei d Touriste ungerhaute - die bim Zmorge ipackte Banane si ämu rübisundstübis wäg gsi.
Z Wätter isch um einiges besser gsi aus d Vorsag vom Wätterapp, so heimer dr Nami nomau am Strand mit Bade u Sünnele chönne verbringe.
Znacht hets Thailändisch gä u zum Dessert z beschte Schoggichüechli mit Vanilleglace vor ganze Insle!Läs mer
Se översättning
ResenärGueti hei reis u bis gli😘mega schöne abschluss 🤩back to the realety🙈
2023-10-29SvaraÖversätt
ResenärDankä viiu mau🤗❤️
2023-10-29SvaraÖversätt
ResenärOooh schön, dir heit ja ä wunderbare Abschlusstag chönne gniesse !
2023-10-29SvaraÖversätt
5 fler kommentarer
11 gilla-markeringar
Réunion♡ Madagaskar♡ Mauritius
3
The End
30 oktober 2023, Frankrike ⋅ 🌧 13 °C
Überpünktläch simer hüt morge äm Flughafä gsi, hei drfür viu Zit gha nomau di ganzi Reis revue la z passiere. Üsi Highlights si fougendi:

La Réunion
-kuuhli Wanderigä
-viufäutigi Pflanzäwäut
-schöni Wasserfäu
-bunti Ungerwasserwäut

Madagaskar
-luschtigi Lemurä
-Nationaupärk/Rägäwäud
-angeri Kultur
-konstant warmi Temperaturä

Mauritius
-glasklars Wasser
-wunderschöni Stränd
-indischs Ässä
-Gastfründschaft
-Meersschiudkröte und Delfinä

Nachem Zwüschestop z Paris simer när guet z Züri ahcho und si ganz härzig vor Ronja, Sarah und m Michaeu begrüesst u schliessläch heibracht wordä.Läs mer
Se översättning
Resenär So schön !
2023-10-30SvaraÖversätt
Resenär Härzlech wiukomme wider ir Schwiz 😃
2023-10-30SvaraÖversätt
Perfekt sit ihr guet a cho ir Schwiz u härzlich empfange worde👍 [Grosi]
2023-10-30SvaraÖversätt
6 fler kommentarer
14 gilla-markeringar

Resans slut
30 oktober 2023