Reset search
Réunion♡ Madagaskar♡ Mauritius
  • nad.inee
  • Jessiiihhh
  • nad.inee
  • Jessiiihhh

Réunion♡ Madagaskar♡ Mauritius

A 43-day adventure by nad.inee & Jessiiihhh Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Réunion♡ Madagaskar♡ Mauritius
    3

    Ging gmüetläch

    Oct 14–17, 2023 in Mauritius ⋅ ☀️ 25 °C

    Äm Samstimorge simer für di nöchste zwöi Nächt ids Hotel Colbert züglet. Dert heimer dr ganz Tag über badet, gsauniert u gspörtlet.
    Äm Mänti isches när sowit gsi u mir hei am 17:00 Uhr Madagaskar verlah und si nach 1.5h z Mauritius ahcho. När simer ids wunderschönä Hotel Friday Attitude bracht wordä. Dert blibä mir bis am Friti.
    Hüt isch nis när üses Mietouto bracht wordä u mir hei dr ganz Tag a üsem schöne Strand verbracht.    Read more

    See translation
  • Réunion♡ Madagaskar♡ Mauritius
    211

    Bootsusflug zur Île aux Cerfs

    October 18, 2023 in Mauritius ⋅ ☀️ 26 °C

    Miteme Böötli simer übers glasklare Meerwasser zur Ile aux Cerfs gfahre, verbi a Luxushotels u Mangroveböim. Ufder Insle acho, heimer e Schnorchuusflug chönne bueche. Somit het üs es Glasbodeboot nomau es Stückli witer zum Riff use bracht. Vili Fischli, Koralle u öppedie mau e Schluck Sauzwasser :-) Am Nami heimer der Strand ud Meerbrisä gnosse, bismer de mitem Bööltli wider richtig heizue bracht si worde. Ungerwägs simer no uf zwöi riisä Wasserschiudchrotä troffä.Read more

    See translation
  • Réunion♡ Madagaskar♡ Mauritius
    3
    231

    Wandervögu

    October 19, 2023 in Mauritius ⋅ ⛅ 27 °C

    Am füfi isch der Wecker gange - ab go dr Sunneufgang luege! Nachdäm mir nomau häregläge si, heimer üs am Zmorgebuffet gsterkt. Hüt isch nämlech Wandere ufem Programm gstange. Im Vallée de Ferney simer ar gäube Route gfougt u si ganzi 13km dür schöni Paume- und Bambuswäuder gwanderet. Aus Belohnig heimer chönne Riseschiudkrote fuetere u die schöni Ussicht ufde zwöi Ussichtstürm bestuune!
    Schono komisch, plötzlech links z fahre u anstatt der Blinker, der Schibewüscher z verwütsche! Nach paar Abzweigige heimer dä Linksverkehr guet im Griff gha u si sicher vo A nach B cho.    Read more

    See translation
  • Réunion♡ Madagaskar♡ Mauritius
    2
    113

    Schnorchlä mit Schiudchrotä

    October 20, 2023 in Mauritius ⋅ ☀️ 26 °C

    Hüt morge heimer üses Gepäck wieder ihpackt u si uf Trou Aux Biches ids Hotel Be Cosy Apart gfahrä. Dert blibä mir für di nöchste 5 Nächt. Dr ganz Tag heimer när dert am mega schöne Strand verbracht und zum Zvieri feini Samosas und äs Panaché gha. Ds Highlight vom Tag isch defintiv z Schnorchlä mit riisigä Wasserschiudchrotä gsi! Aber ou z Znacht heimer imne indische Restaurant höllä gnossä.Read more

    See translation
  • Réunion♡ Madagaskar♡ Mauritius
    1
    112

    Maxi Bazar

    October 21, 2023 in Mauritius ⋅ ☀️ 26 °C

    Mitemne Gipfeli-to-go simr bi Zitä zum "Sir Seewoosagur Ramgoolam" boanischä Gartä düüset. Dert heimer viu Paumä u roti u wissi Seerosä gseh. När simer diräkt witer Richtig Yachthafe vo Port Louis. Dert heimer z Outo la stah und si z Fuess düre riisig und chaotisch Märit glüffä. Dr ganz Tag heimer dert mit lädelä verdöörlet. Gmües i jedere Farb u Form und Gwürz i aunä Gschmäcker hets i jedem Eggä gha. Trotz dä viele Lüt si d Mauritier aui sehr fründläch und hei eim sehr gärn bedient. Vollig gschafft vor Hitz u m Loufä, simr ds Znacht nomau ga Indisch ässä - wöus äbä scho grad ächli sehr fein isch gsi!Read more

    See translation
  • Réunion♡ Madagaskar♡ Mauritius
    1

    Baditag

    October 22, 2023 in Mauritius ⋅ ☀️ 27 °C

    Hüt simer nis nid ganz einig wordä wo dsmr iz wei badä. Drum simer haut a drü verschiedene Stränd gsi u hei bädelet u gschnorchlet. Am Abä heimer dr schön Sunneungergang bestuunet und hei ä höllä feini Pizza zum Znacht gässä.Read more

    See translation
  • Réunion♡ Madagaskar♡ Mauritius
    1
    21

    Sonnenanbeterinnen

    Oct 23–24, 2023 in Mauritius ⋅ ☀️ 30 °C

    Dasmr nid erschöpft vodä Ferie zrügg chömä, heimer di letschtä zwöi Täg Feriä vodä Feriä gmacht: badä, sünnelä und Ischkafi schlürfä.

    See translation
  • Réunion♡ Madagaskar♡ Mauritius
    4

    Wäuägumpä

    October 25, 2023 in Mauritius ⋅ 🌬 24 °C

    Hüt Morge simer früä ufbrochä u si uf Flic en Flac i üses letschtä Hotel "Aanari" gfahrä. Vo dert us simer uf Tamarin, hei ä Glacä zum Zmorge gschnouset u hättä dert wöue surfä. Leider het üs z Wätter ä Strich dür d Rächnig gmacht. Äs het chuum Wäuä gha u d Sunnä het säch o nie zeigt. Somit simer haut chli ihgmumelt äm Strand gläge u hei när zum Znacht wieder einisch fein Indisch gässä.Read more

    See translation
  • Réunion♡ Madagaskar♡ Mauritius
    1
    22

    Gipfustürmer

    October 26, 2023 in Mauritius ⋅ ☀️ 27 °C

    Pünktläch wines schwizer Uhrwärch simer äm 7:00, genau denn wos ufta het, vorem Ihgang zur Wanderroute vom Le Morne gstangä. D Wanderig isch zersch rächt gmüetläch gsi, bismr du dr letscht Teu uf aune Viernä hei ä Steiwang müesse ufächlätterä. Ungerwägs heimer sogar no ä Aff gseh und si z oberst bim Gipfuchrüz miterä atemberoubendä Ussicht belohnt wordä. Nacherä lengerä Verschnuufpousä simer ufem Hosäfüdlä widr nizi gangä. Das ganzä natürläch mit gnue Sicherheitsabstang, dasmä nid öppe no vomne Stei erschlagä wird. Mitemnä Panini heimer äm Fuess vom Bärg dr Strand gnossä.Read more

    See translation
  • Réunion♡ Madagaskar♡ Mauritius
    2

    Huduwätter

    October 27, 2023 in Mauritius ⋅ 🌧 25 °C

    Bim "Roche qui Pleure" hei meterhöchi Wäuä äd Küstä gschlagä u hei üs ä früschi Meeresbrisä is Gsicht gwäiht. Speter heimer im "La Vanille Nature Park" adä Krokodiu bim frässä chönne zueluege und hei präparierti Insektä vor ganzä Wäut dörfe bestuhnä. Dert drunger hets Schmätterlingä miterä Flüguspannwiti vo über 25cm und mega behaarti riisä Vouspinnelä gha. Ufm Heiwäg hets - so wi dr ganz Tag scho - höllä gschiffet. Somit isch ds Outo o wieder einisch suber wordä.Read more

    See translation
  • Réunion♡ Madagaskar♡ Mauritius
    3231

    Hello Flippers

    October 28, 2023 in Mauritius ⋅ 🌧 24 °C

    Hüt heimer dr ganz Tag ufem Speedboot verbracht. Äm Morge heimer mit Delfinä chönne schwümmä und hei chlini Fischli gseh bim Schnorchlä. Zum Zmittag hets uf dr île de Benetier äs sehr feins BBQ gä. Äm Nami heimer nachemnä Powernap am Strand leider scho wieder müesse ga. D Wulchä si ging wi fischterer wordä, bises de währendm zrüggfahrä mege het abägla. Dr räschtläch Nami heimer när no mit Lädelä verbracht.Read more

    See translation
  • Réunion♡ Madagaskar♡ Mauritius

    Bananeschmuggler

    October 29, 2023 in Mauritius ⋅ ☀️ 25 °C

    Der letscht Ferietag heimer no i voue Züüg usgnützt. Mir si nämlech no i Chamarel Nationaupark, dert heimer die 7 Farbigi-Ärde u e megaschöne 100 Meter höche Wasserfau agluegt. Bim "Gorges Viewpoint" si d Äffli ufem Gländer umeklätteret u hei d Touriste ungerhaute - die bim Zmorge ipackte Banane si ämu rübisundstübis wäg gsi.
    Z Wätter isch um einiges besser gsi aus d Vorsag vom Wätterapp, so heimer dr Nami nomau am Strand mit Bade u Sünnele chönne verbringe.
    Znacht hets Thailändisch gä u zum Dessert z beschte Schoggichüechli mit Vanilleglace vor ganze Insle!    Read more

    See translation
  • Réunion♡ Madagaskar♡ Mauritius
    3

    The End

    October 30, 2023 in France ⋅ 🌧 13 °C

    Überpünktläch simer hüt morge äm Flughafä gsi, hei drfür viu Zit gha nomau di ganzi Reis revue la z passiere. Üsi Highlights si fougendi:

    La Réunion
    -kuuhli Wanderigä
    -viufäutigi Pflanzäwäut
    -schöni Wasserfäu
    -bunti Ungerwasserwäut

    Madagaskar
    -luschtigi Lemurä
    -Nationaupärk/Rägäwäud
    -angeri Kultur
    -konstant warmi Temperaturä

    Mauritius
    -glasklars Wasser
    -wunderschöni Stränd
    -indischs Ässä
    -Gastfründschaft
    -Meersschiudkröte und Delfinä

    Nachem Zwüschestop z Paris simer när guet z Züri ahcho und si ganz härzig vor Ronja, Sarah und m Michaeu begrüesst u schliessläch heibracht wordä.    Read more

    See translation
    Trip end
    October 30, 2023
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice