Reset search
TanzaniaTanzania
Edit route

Tanzania

January - February 2025
  • Yvonne Bont
Sansibar und Safari Read more
  • Yvonne Bont

List of countries

  • Tanzania Tanzania
  • Switzerland Switzerland
Categories
Beach, Car, Group travel, Nature, Solo travel, Wilderness, Wildlife
  • 18.8kkilometers traveled
Means of transport
  • Flight15.6kkilometers
  • Walking-kilometers
  • Hiking-kilometers
  • Bicycle-kilometers
  • Motorbike-kilometers
  • Tuk Tuk-kilometers
  • Car-kilometers
  • Train-kilometers
  • Bus-kilometers
  • Camper-kilometers
  • Caravan-kilometers
  • 4x4-kilometers
  • Swimming-kilometers
  • Paddling/Rowing-kilometers
  • Motorboat-kilometers
  • Sailing-kilometers
  • Houseboat-kilometers
  • Ferry-kilometers
  • Cruise ship-kilometers
  • Horse-kilometers
  • Skiing-kilometers
  • Hitchhiking-kilometers
  • Cable car-kilometers
  • Helicopter-kilometers
  • Barefoot-kilometers
  • 17footprints
  • 16days
  • 166photos
  • 115likes
FollowCalendarShareBucket list
Newest first
  • Yvonne BontTravelerTanzania
    Komba, the Best!
    Eifach zwüsched Esel, Chüeh und Zebras 🤩Cheetah 🐆Gnu's wo eifach mal churz d'Strass blockiered...No meh wunderschöni Giraffe 🦒... und denn no Loie!!!Mega näch!2Und sooo vill 🤩Geier hämmer au no gseh 🙈Das hämmer ois verdient.Zwei tolli Fraue wo miir die Möglichkeit gäh händ, sie ufere "once in a lifetime" Safari z'begleite!I oisere hütige Lodge zmitzt im Ngorongoro ParkUnd eifach immer wieder speechless 🥰2So strahl ich glaubs de ganz Tag vor miich hii 😍

    Wow Tag im Ngorongoro 🤩

    February 2 in Tanzania ⋅ ☁️ 21 °C

    Nomal.... Was füren Tag! De Komba häts doch tatsächlich gschafft, ois da im Ngorongoro fascht s'volle Programm z'zeige 😍😍🤩
    Wenn er morn nomal toppe wett, wird's schwierig 🤣
    Wenn sich öpper für Safari interessiert, denn isch Tansania "the place to go"! Ich han höchi Erwartige ghaa. Und die sind scho nach zwei Safaritäg vollumfänglich erfüllt worde!Read more

    See translation
  • Yvonne BontTravelerTanzania
    Wow.
    Loie bim ZmorgäNomal Wow.Gnuu-FriedhofFlamingos mit BalloonsMargrit als Paparazzi 😍Brunch mit Uussicht zmitzt im BuschLuschtige KollegOisi Lodge für zwei NächtMarabu-Versammlig22Lion King 🤩Happy me 😍Leben am Limit. Löwin hät de Giraff im VisierMirror....D'Uussicht vo oisere Terasse 🤩Bsuech bide Happy Hour

    Lange Tag im Ngorongoro

    February 3 in Tanzania ⋅ ☁️ 16 °C

    Hüt simmer früeh los. Am sächsi simmer mit offenem Dach (ich liebes!!!) dur di nächtlichi Dunkelheit gfahre. Kei Ahnig, wie de Komba scho wenigi Minute nach oisere Abfahrt das entdeckt hät: Loie bim Gnuu verspiise. Zmitzt im Underholz händ sich drüü Loie amene Gnuu güetlich taa. Mit Chnoche knacke und allem drum und draa. Während dem d'Sunne langsam uufgstiege isch hämmer no meh Loie entdeckt
    Mindeschtens 11 vo dene majestätische Tier sind ide Gegend gsii. Wie uufregend!
    Wiiter simmer am Seeufer entlang gfahre und händ ganz villi Tier gseh:
    Hyäne, Marabu, toti Gnu, Geier, Flamingos, Cheetahs und no ganz vill anderi. Um di zwei ume simmer zrugg is Hotel und am halbi vieri nomal zwei Stund uf d'Pirsch. De Komba häts grad nomal gschafft: Männlichi Loie, Hippos, Giraffe, no meh Loie...
    Ganz villi Iidrück und miini Begeischterig kennt kei Grenze!    Read more

    See translation
  • Yvonne BontTravelerTanzania
    Guete Morgäää
    Au scho uuf ☺️🦓So wunderschön! 😍En Guete 🥴1Sekretär...Agame...CervalFind s'Krokodil 😜Hippo....Uussicht ade LunchbreakLiecht Psycho dä Blick 😳😂Pavianbabyyyy 😍KuhantilopeHappy happy happy Hour 🍺Bsuech während de Happy Hour 😍1Unglaublich happy happy happy hour mit über 15 Elefante

    Serengeti - haltet, wases verspricht 😎

    February 4 in Tanzania ⋅ ⛅ 16 °C

    Hüt hät de Komba für d'Bettina und mich es Spezialprogramm iibaut. Au hüt simmer scho am sächsi use. Isch weniger bluetig (🙈) wie geschter gsii aber meegaa schön, so in Tag z'starte.
    Nachher simmer zrugg i d'Lodge go zmörgele und händ ois denn glii uf de Wäg i d'Serengeti gmacht. Das heisst uf Suaheli "endlosi Wiiti" und das isches denn au würkli. Mir händ nöd ganz so vill Tier gseh, wies suscht um die Jahreszyt wäri, aber trotzdem hämmer Loiä, Cheetahs, Giraffe, Pavian, Krokodil, Nilpferd, Magnuste, Topi, Strusse, Agame und Elefante und no ganz vill meh gseh 🤩🤩
    Jetzt simmer zmitzt drin ide Serengeti zum Übernachte. Im Zelt 💖🤗
    Mal luege, was mir alles gsehnd und ghöred 😍
    Während de Happy Happy Happy Hour hämmer nöd nume e wunderschöni Uussicht uf d'Serengeti sondern grad au no e ganzi Elefanteherde vor oisne Stüehl durelaufe gseh! That's Africa! 🤩    Read more

    See translation
  • Yvonne BontTravelerTanzania
    Schöööne Sunneuufgang 💗
    Immerno teilwiis nassi Stelle....Hungrige LoiEifach so 😍BeiidruckendZmorge am Hippo PoolBuffalo-CrossingHippo PoolGanz villi HipposPavian im BaumSchildkrötli ade StrassEn Guete denn 🙈Lazy LionsStau ade Tankstell 😂

    De letschti Safaritag ide Serengeti

    February 5 in Tanzania ⋅ ⛅ 15 °C

    Au hüt simmer wieder früeh use. Nachere doch sehr ruhige Nacht im Zelt simmer am halbi sächsi uufgstande. Und au hüt simmer miteme mega Sunneuufgang belohnt worde 🤩
    Zmorgä hämmer am Hippopool iignoo und ufem Wäg deethii häts scho einiges z'gseh gäh. E riesigi Büffelherde wo d'Strass zytewiis blockiert hät und en einsame Loi wo ois zmitzt ufem Wäg entgegechoo isch. Nachem Mittag simmer wieder i oisi Zeltunderkunft go Zmittag ässe und nacheme Stündli pfuuse sind de Komba, d'Bettina und ich nomal uf d'Pirsch. Es hät sich glohnt! Wieder en Serval, en Cheetah am Frässe und Loie am Fläze und dezwüsched no villi anderi Tier. Als krönende Abschluss gits en Stau ade Tankstell 😂Read more

    See translation
  • Yvonne BontTravelerTanzania
    Bye Serengeti...
    Miini beruefig gfunde 😂Can't get enough of these Beautys!Gnu's wandered dur d'SerengetiDas isch de Grund für's zuene Dach 😢Massai-Chind am WägrandLetschte Lunch im Busch: de Komba hät wieder es schöns Plätzli gfunde 🥰S'Grab vom Bernhard GrzimekBlick in Krater abe😎Outdoor-Duschi3Huusschlange vom Massai-Camp. Sie hät mich während em Dusche in Rueh glaa 🤣

    Truurige Tag gsii 🙈

    February 6 in Tanzania ⋅ ☁️ 18 °C

    Also eigentlich wieder en tolle Tag, aber chli truurig, will mir en Grossteil vode Strecki händ müesse mit zuenem Dach fahre. Wägem Staub 🥴🥹😢
    Nachdem ich di letschte 6 Täg jewiils fascht immer bi offnem Dach gfahre (und somit au gstande!) bin, isches chli emotional gsii für miich, s'Dach es letschts Mal zue z'mache 😢
    Trotzdem hämmer villi schöni Tier gseh 🥰
    Jetzt simmer imene mega lässige Massai-Camp mitere coole Outdoor-Duschi womer mit de Huusschlange vom Camp teile werded 🤣
    Morn gahts zrugg nach Arusha für e letschti Nacht bide Bea im wunderschöne African House. Am Samschtig söttis denn richtig Züri gah, falls das mitem Flug klappet. Bis etz hani no keis Ticket 🙈    Read more

    See translation
  • Yvonne BontTravelerTanzania
    Schöns Massai-Camp
    Oises ZeltOriginelli Fenschter mit LädeGuet umsorgt bim ZmorgäInternet-HüüsliFür eimal nöd wildi Tier im Vorgarte vode Lodge 😂De Manager vo dere Manyara Lodge hät ois alles gnau zeiged!Spannendi Showchuchi im Manyara SecretGit schlimmers 😎🤩Au bim schwümme hämmer Gsellschaft ghaa 😲. En Wasserskorpion (gross aber ungiftig)

    Zurück in Usa River im African House

    Feb 7–8 in Tanzania ⋅ ☁️ 25 °C

    Nachdem mir i dem mega lässige Massai-Camp gschlafe händ, simmer losgfahre. De Komba hät ois no e megalässigi Lodge ufem Wäg zeiged, wo relativ noi und wunderschön isch. E perfekti Uusgangslag für e Safari 🤩
    Nachem Mittag simmer denn wieder bide Bea im African House aachoo und händ en lazy Namittag im Zimmer und am Pool verbracht.
    Morn bringt mich de Komba an Flughafe, denn gsehni dänn, ob ich Standby mit de Edelweiss flüüge chan oder de Plan B in Chraft tritt (anderi Airline, erscht am Abig, zweimal zwüschelande). Aber mit dem befass ich mich denn morn. Vorweg gnüss ich di letschte Stunde daa in Tanzania. Isch ganz sicher nöd mini letschti Reis dahii gsii, fähled mir doch no s'Nashorn (Nei, Bettina: Feldstecher langed nöd!!!) und de Leopard, damit ich THE BIG FIVE komplett han. Zudem hät mir ye Komba no de Kilimandscharo und Pinguin (sorry, Insider) versproche 😜    Read more

    See translation
  • Yvonne BontTravelerTanzania
    Last good morning 🥰🥹🥹
    Rechts gseht mer (mit chli Fantaisie) de Kilimandscharo 🤣Boardingpass. Ich glaube, de Rückflug klappet 😎😜

    Jetzt gahts hei 🤩

    Feb 8–13 in Tanzania ⋅ 🌙 16 °C

    Es gseht guet uus 🤩
    Ich han hüt am Flughafe es Ticket überchoo und es gseht so uus, als ob ich mitem Edelweiss Füügi heiflüge därf. Jetzt nutzi am Flughafe no di letschte Minute uus, zum Flip Flops z'trääge, glii wirds denn chalt.

    Es isch e unglaublichi Reis da in Tanzania gsii. Imene schöne Land, woni jedem empfehle chan.
    Das ich au no is Projekt "Blindenzentrum NURU" gseh han, isch e grossi Beriicherig. Was de verein für di Blinde und ihri Familie da macht, isch grossartig!

    Jedem wo miteme Gedanke für e Safari spillt, chani Tanzania wärmschtens empfehle. Nonig ganz so vertourischtet und sehr wertschätzend ye Tier und Natur gegeüber. Wenner Tipps bruuched denn chönd ihr oi gern mit mir in Verbindig setze. Ich tuen oi denn gern d'Aagabe vo de Magrit und em Komba (Bushbabys) gäh. Es lohnt sich!

    Dankä für zwei unvergässlichi Wuche da in Afrika 😍    Read more

    See translation
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice