Australie

Am 13.00 simmer bim King Canyon ahcho. Mer hend nur en kurze Walkingtrack gmacht, da s det no meh Flüge gha het. Am 15:00 simmer bereits wiitergfahre zu eusere Unterkunft, da mer scho recht müed gsii sind vom früeh ufstah und lang fahre. Uf em Googlemaps Bild (violetti Route). Ziemlich schnell hend d Strasse vo asphaltiert zu sandig gwächslät. Doch das hemmer als nonig so schlimm war gno und sind 40min so wiiter gfahre. Irgendwenn denn dä Blick uf dä Tank. Restrichwiiti 240km, bis uf Alice Springs gahts no 287km. Uf Google maps die nächscht Tankstell sueche isch nöd gange das det kei Netz meh gha het und Mensche hemmer sit 40 min au nöme gseh. Uf de Charte isch ca. 25 min entfernt es Dorf z erkenne gsii. Mit Hoffnig uf e Tankstell det, simmer wiitergfahre. Wo mer det ahcho sind hets aber weder es Huus no suscht irgendöppis gäh. Wüesti wiit und breit. S risiko im Outback müse z übernachte und uf Hilf z warte isch eus z gross gsii drum simmer 1h 15min zrugg gfahre. Nach 2 1/2 h holpriger Sandstrass simmer wieder zrugg i de Zivilisation gsi und hend chöne Tanke. Dä Maa ah dä Tankstell het eus stark devo abgrate die Route uf Alice Springs z näh wommer grad her cho sind. Sini wort sind gsi: „Oh no with that car you can’t drive there. It will fall apart“. Er het s Auto echt unterschätzt, wils 2 1/2 h uf dere Strass dureghebet het ohni usenand z gheie. Mir hend eus denn beschlosse en grosse Umweg znäh defür normal teereti Strasse. (gelbi Route)
Insgesamt simmer denn also 12h gfahre und am Aabig am 11 heil acho.Læs mere