Tilbakestill søk
Indien 2025
  • Bernerrose
  • Bernerrose

Indien 2025

Et 17-dagers eventyr av Bernerrose Les mer
FølgOversiktOversiktKalenderKalenderBilderBilderDelDelBøtteliste
Nyeste først
  • Reisens start
    27. januar 2025
  • BernerroseIndien 2025Reisende

    Darjeeling Windamere Hotel

    28. januar, India ⋅ ☁️ 7 °C

    Ändlech in Darjeeling acho.
    Es isch scho dunkel.
    Mi Driver hets guet gmacht.
    Es isch e krassi Strass u sie nimmt kes Ändi.
    Bi jitz fasch uf 2200 M.ü.M
    Ds Hotel macht e guete Idruck.
    I gloube für hüt isch gnue i muess go schlafe..Les mer

    Se oversettelse
  • BernerroseIndien 2025Reisende
    1Guet Nacht

    Heizig im Windamere Hotel

    30. januar, India ⋅ ☁️ 6 °C

    E Zäntralheizig gits hie nid.
    Drum han i es Chminée im Zimmer.
    E Bettfläsche bringe si au und es chlises nid so effizänts Elektroöfeli wär au ume.
    Gäge Morge wirds de haut doch chaut, aber schlafe mit Faserpelz u Halstuech geit ja au.Les mer

    Se oversettelse
  • BernerroseIndien 2025Reisende
    Hingerdranne geits z Loch ab
    1U genau da muess i inne für mis Tee z trinkeGfürchig ds Hus näbedranneAu für uf Toilette geits z Loch ab! Aber so suber u nume 5 RuppiesHafer oder so fürs Ross.1Drückt mir doch eine usem Nüt es Ross i d HangSie chocht für mi es Tee.Steil wie verrucktSo da wär öies Tee. Das Strahle macht mi happy.1Dr Herr des Hauses het unbedingt wöue FöteleVo da unger chunnt dä Tee won i grad am Trinke biU da chunnt no eine go z rite u macht chli Show2Die Familie chunnt us Chandannagar dert won i zletschte Jahr bi 40 ° Grad bi gsi.

    Tea time in Peshok Tea Garden

    30. januar, India ⋅ ☁️ 1 °C

    Es isch e verruckti Sach gsi die Teepause. I muess jitz no lache.
    Kommentar unger de Föteli 😊
    Ds Wätter wär schön wenns nid Näbu hätt.
    I gloube nid, dass i vor mire Abreis no wirde d Bärge gseh, es wäre immerhin 8000er! Es chunnt mer chli vor wie dr Bengal Tiger wo sech au nie wott zeige.
    Es isch süsch so toll hie, dass mir das total gliich isch.    Les mer

    Se oversettelse
  • BernerroseIndien 2025Reisende
    Uf dere Position sött i ne nid verpasse
    Eifach luege u gniesse. Ton anSchwierig z zoome1In voller PrachtDr 3. höchscht Bärg vo dr Wäut hingerem Mount Everest u K2Dr Näbu zieht ufU no chli mehI bi nid allei gsi..

    Tiger Hill

    1. februar, India ⋅ 🌙 5 °C

    I bi am 4i uf u bi e Stund später ufem Tiger Hill gsi. I bi dervo usgange, dass i ne hüt nid gseh dr Kangchenzönga 8586 M.ü.M oder au Kachenzunga gnennt.
    Sunneufgang 6:30 a.m. d.h. im muess no lang i dere Chäuti ushare. Es chöme geng meh Mönsche. I ha mer es gäbigs Plätzli ergatteret. Es wird langsam heller. Ungloublech i gseh scho d Umrisse vom Kangchenzönga. Scho das isch super emotional, ämu für mi.
    Mini Kamera funktioniert nid, sie het äuä z chaut. (später geit sie de wieder) So nimm i haut ds Handy füre.
    Mischt, jitz chunnt wieder dr Näbu. Aber zum Glück verzieht är sech wieder für ne Momänt.
    U jitz isches sowit dr Kangchenzönga wird liecht vo dr Sunne agschuune. Herrlech u me gseht sogar dr Mount Everest. Är würkt chliner wöu är witerentfärnt isch.
    Dr Inder näbe mir het so chaut, dass är mit de Zähn klapperet. I ha für ne Momänt dr Chäuti vergässe.
    Was für ne schöne Start i Tag ❤️    Les mer

    Se oversettelse
  • BernerroseIndien 2025Reisende
    11Was Norgay Tensing mit uf d Erschtbestiegig derbi het gha.

    Himalaya Mountaineering Institute

    1. februar, India ⋅ ☁️ 10 °C

    E Bsuech im Himalayan Mountaineering Institut het vor mire Abreis no müesse si.
    I bi scho immer e grosse Fan vom Norgay Tensing gsi u ja vor sehr langer Zyt han i über ihn e Vortrag ghalte.
    I bi nid enttüscht worde. E wunderschöne Ort, es tolls Museum!
    Sardar Norgay Tensing Sherpa isch dr 1. Direktor gsi und isch lut sim Wunsch au dert begrabe worde.    Les mer

    Se oversettelse
  • BernerroseIndien 2025Reisende
    1

    Mahakal Mandir

    1. februar, India ⋅ ☁️ 10 °C

    Hüt am Namittag han i no e Perle entdeckt i däm süsch scho spannende Darjeeling, praktisch näb mim Hotel gläge.
    Dr Mahakal Mandir Tämpu isch gliichzytig Hinduistisch sowie Buddhistisch, was in Indie einmalig isch.
    1765 vom Lama Dorjey Rinzing ufem Observatory Hill erbaut.    Les mer

    Se oversettelse
  • BernerroseIndien 2025Reisende
    Vom Flughafe i d Stadt natürlech im Stau gstande.
    I ha ämu de gnue PlatzWie schön the 42 grad näbedranneIm Gärtli won i grad es Paneer Butter Masala mit Jeera Rice gässe ha.1Mini Hustüüre bis am 12.2.Was passiert Morn mit mire Konfirmationsuhr?

    Kolkata (Kalkutta)

    2. februar, India ⋅ ☀️ 29 °C

    I bi guet z Kalkutta glandet. Wenn i mi nid tüsche 15 Min. früecher.
    IndiGo isch definitiv mini Lieblingsfluggsellschaft.
    Krishna het mi abholt u grad zum Hotel gfahre.
    Im Kenilworth, bi no nie gsi. Wöu grad Hochsaison isch u ds Grand Hotel Oberoi zue het, isches schwierig gsi no öppis z finge.
    I fröie mi uf Morn wöu?
    Morn de d Uflösig vom Biud No. 6 😀    Les mer

    Se oversettelse
  • BernerroseIndien 2025Reisende
    1Da wird mini Uhr gflickt!
    Stouzi Bsitzerin vore MetrocharteSo deliciousFarbefroh1u immer fründlechi GsichterHa 2 Logan dörfe probiere! Megafein. Echli wie Litschis.No plastic! isch hie es grosses Thema.Yellow Taxi's si vom Ustärbe bedroht kes Wunder mit Uber 🙈Es bsunders schöns StrasseschildWenn da eine no söu drus cho 😀

    Kalkutta Tag 2

    3. februar, India ⋅ ☀️ 29 °C

    Es het ke Sinn öpper nachem Wäg z frage. D Antwort lutet nämlech geng gliich: do you have Google Maps Madam? Auso sogar d Polizei da grad umen Ecke het mers eso gseit.
    Egau i ha au so d Metrostation gfunge. I däm Teil vo Kalkutta bin i nämlech no nie i mene Hotel gsi. Ha natürlech au Google Maps, es närvt mi eifach immer ufs Handy müesse z luege.
    D Metrocharte isch i knapp 2 Min. gchouft gsi. So chan i jitze die ganzi Zyt mit dr Metro umefahre, super effizänt.
    Näbebi ds Hotel bsteut kener Taxis: do you have Uber Madam? Hets a dr Réception tönt.
    Mini erschti Metrofahrt het mi zum Uhremacher gfüehrt. Yes I can fix your watch Madam no problem, hets scho letschts Jahr gheisse, drum ha se das Jahr mitgno. (Longines het se nümme wöue flicke)
    I bi ja so öppis vo gspannt, obs hie klappet.
    So chaotisch wie das Land au isch, am Schluss funktionierts meischtens besser u bsunders unkomplizierter als bi üs deheime.
    Zum Kaka Tea (Gassechuchi) bin i go Zmittagässe, es het zum Dessert es Carrot Halwa gä, eifach e Troum. Ha ds Rezäpt scho googlet.    Les mer

    Se oversettelse
  • BernerroseIndien 2025Reisende
    Mit emene yellow cab unterwägs
    South City MallDrumume schön pflegt2Im Sammel Tuktuk unterwägs zur Metrostation. Links u rächts vo mir no je e Frau.Geschter isch Saraswati Puja gsi.1Schnäu is Elgin Fairlawn Hotel inegluegt. Mis auerliebschte Hotel in Kalkutta. Leider usbuechetEs steit no grad eine im Wäg.Da hingere geits zur Pizzeria, viellecht nid grad so amächelig 🙈Raj's Spanish Cafe, mini Lieblingspizzeria in ganz Indie.4Ke Witz, e richtig feini Pizza. Bi scho mängisch da gsi.Juhuii är isch no da mi Lieblingsfahrer.New MarketE Strass i dr nöchi vom New MarketZrügg im Hotel gönn i mir es Salty Lime Soda. Wunderbar gäge Durscht.

    Kalkutta Tag 3

    4. februar, India ⋅ ☀️ 29 °C

    Hüt han i paar Ichöuf gmacht.
    I bi is South City Mall mit em Taxi gfahre u zrügg mit em Sammel Tuktuk zur Metrostation u de mit dr Metro bis Esplande zrügggfahre. Über e New Market zur Sudderstreet gloffe. Es tönt e chli wirr 😀 i weiss.
    Genaueri Erklärige bi de jewilige Biuder.    Les mer

    Se oversettelse
  • BernerroseIndien 2025Reisende
    2Die aute Britische Gebäude si am zerfaue. Da cha me se guet aus Wöschhänki bruuche
    Teetasse to go überau..zum Glück us Ton u nid us PlastikElliot Park geng e Spaziergang wärt.Fötele wär gloub nid erloubt. Sech eifach nid la verwütsche. Süsch gits gröberi Lämpe 😀Masala Pepsi! Nei doch lieber nid.Es nätts Lädeli het är aber scho.Banyan Trees hets a jedem Egge.Riesegrossi Marigold's 💛Victoria Memorial immer wieder gärn.U nomau eis..E wunderschöne ParkEifach schön zum Entspanne.A selfie madam please..Queen VictoriaByebye see you soon again.Interwägs4Genau hie möcht i über d Strass..

    Kalkutta Tag 4 am Tag

    5. februar, India ⋅ ⛅ 29 °C

    Hüt am Morge han i e Testwalk zum Hotel Peerless gmacht. Bi 35 Min. unterwägs gsi. Tipptopp sött i nämlech am Samschtimorge sehr früeh kes Taxi finge, chan i de loufe. Ha no grad im Supermarkt Linse, Salz, Tee, Riis u Seife gchouft, dass nimm i de mit id Sundarbans.
    Überau won i öppis wott choufe, wei sie mini Telefonnr. Wenn i +41 säge, da hei sie e Krise wöu sie nid wüsse was mache u ig ha au e Krise wöu i ke indischi Nr. ha u das jedes Mau muess erkläre. Das isch neu u närvig! Dr Grund, sie wei di mit Wärbig überschütte. 😀
    Wenn i das hie grad schrybe hock i ufemene Bänkli am Schatte im Victoria Memorial Park. D Vögu pfiffe. I bi im Paradies.    Les mer

    Se oversettelse
  • BernerroseIndien 2025Reisende
    Hie chumen i geng gärn wieder häre.
    1Vor 6 Jahre isch Rohan no es Baby gsi.Vorspies Chicken Tikka verrrrrry spicy!Lamb Biryani! LoveLoveLove2Ds obligate Föteli nachem Ässe. Nid lache isch in!

    Kalkutta Tag 4 am Abe

    5. februar, India ⋅ ☀️ 30 °C

    Es Highlight hinecht, mit Krishna u Familie is Arsalan go Biryani ässe.
    Eifach so fein u gmüetlech.
    Es isch dr erscht Tag vo mire Reis won i Fleisch isse. Süsch tuen i z Indie immer gärn vegetarisch ässe.
    Vom Hotel mit dr Metro is Zäntrum u vo dert mit dr Rikscha zum Restaurant. Nachem ässe bin i heigfahre worde.    Les mer

    Se oversettelse
  • BernerroseIndien 2025Reisende
    Rema Sardar
    Rima SardarEsha Kumar und Yusuf KahnKalyani Mondal und Priyanka DasYusuf KumarKalyani MondalEs SchuelzimmerSchulunterrichtEin Mathematik GenieMittagsschlaf bei den Kleinsten.Socken beim TrocknenRosahaus ein Zuki GebäudeDipanwitaEinst ein Strassenkind und heute ein toller Junge.Kalyani Botschaft für Michelle ❤️Priyanka Botschaft für Lionel ❤️

    Zuki Projekt Tag 1

    6. februar, India ⋅ ☀️ 30 °C

    Für serigi Momänte bin i so gärn in Kalkutta ❤️
    Wär Luscht übercho hett o e Auntie oder e Uncle z si. Dir chöit nech sehr gärn bi mir mäude.

    Se oversettelse
  • BernerroseIndien 2025Reisende
    1
    2

    Apollo Hospital Kolkata

    7. februar, India ⋅ ☀️ 28 °C

    Out of order mit Brechdurchfall!

    Se oversettelse
  • BernerroseIndien 2025Reisende
    Da inne isch mi Lunch no spicy!
    I ha de gseit ke Riis, bi gspannt was dinne isch.Neiiii DalNei nei nei..Nei das geit no viu weniger raw bananas (grüeni Banane). Im Hintergrund ds Spitaupischi.Ds Bad isch ganz OK u schön suber. Nach 5 Std u vier mau nachefrage han i de dörfe ändlech Dusche.The bed switch mis auerliebschte Gadget

    Apollo Hospital Kolkata

    9. februar ⋅ ☀️ 28 °C

    Nid viu nöis. Es geit es Mü besser aus geschter.
    Es paar Impressione usem Spitau.
    U es paar Erklärige meh:
    Im Bad funktioniert dr Duschchopf nid, drum han i dr Chessu u ds Chübeli bruucht. Au so wird me suber.
    Bim Lüti isches eso: sie si super schnäu bi mir so zw. 20 u 30 Sekunde. Sie lose schüttle chli mit em Chopf u gö wieder. Aber es wird nüt gmacht. Auso lüten i wieder u so geits dr ganz Tag .    Les mer

    Se oversettelse
  • BernerroseIndien 2025Reisende
    Nei es git wieder Riis.
    1Mini Uhr louft wiederHärdöpfustock2BsuechU no meh BsuechUnd zum Abschluss no es Selfie

    Apollo Hospital Kolkata

    10. februar, India ⋅ ☀️ 30 °C

    Good News 1! I wirde Morn entla u darf am Mittwuch flüge.
    So han i no gnüegend Zyt, aues z erledige, z packe u no paar Stunde i mim Hotelbett z schlafe.
    Good News 2! I ha mini Uhr wieder, sie isch mer grad vori vom Uhrmacher säuber i ds Spitau bracht worde.Les mer

    Se oversettelse
  • 2025© FindPenguins
  • Hjem
  • Om oss
  • Gruppesporing
  • Presse
  • Vilkår
  • Personvern & Cookies
  • Hjelpesenter
  • Avtrykk