Réinitialiser la recherche
Hochsigsreis🇨🇦✈️
  • Daniela Staub
  • Kilian Staub
août – oct. 2023

Hochsigsreis🇨🇦✈️

Daniela & Kilian on tour En savoir plus
S’abonnerAperçuCalendrierPartagerPartagerListe de choses à faire
Les plus récents en premier
  • Début du voyage
    27 août 2023
    Hochsigsreis🇨🇦✈️
    Luegä wo mer sindZiitvertriib im Flugzüüg1Üsi rakettä. Kei Dodge Ram aber au hüpschBegrüessig und versüessig zur Honeymoon holidays

    Acho in Vancouver

    27 août 2023, Canada ⋅ ☀️ 25 °C

    Nachmene wunderschöne Hochsig sind mier hei üs gu früsch machä und denn sind mier abgholt wordä vo üsnä Chauffeurä Markus & Ursi. Sie händ üs wunderbar an Flughafe brungä. Mier händ üs de no stärchig gönnt und sind de scho glii gu Gepäck ufgä und denn Richtig Gate. Dedä acho und ane ghocket hämmer natürli nochli Unspunnä verfolgt. Und gluegt das mer de ned ischlafed da mer ja no käi Minutä gschlafä händ.
    Ja und denn hockemer denn scho glii im Flugi und es gaht loos. 10.5h Flug hämmer vor üs also au 10.5h zum schlafe. Wenn das nur so eifach wär idä Flugzüüg. Chli schlafe und suscht verwiilä simmer dä au scho in Vancouver acho. Sind dur Pass kontrollä händ üses Gepäck gholt. Ja und denn ab gu Auto holä ad „RentCar“ Staion. Hämmer no es hüpsches über cho für üs langets ämel… den ab is Hotel gu icheckä und nochli umä luege uf Granville Island…    En savoir plus

    Voir la traduction
  • Hochsigsreis🇨🇦✈️
    GmüesmärtGmüesmärtGmüesmärtÜses 1. Wildtier... oder doch Huustier🐇😂

    1. Abig in Granville Island

    27 août 2023, Canada ⋅ ☀️ 28 °C

    Nach de Akunft und nachm icheckä simmer de mal chli gu Granville Island entdeckä. Isch no härzig hiä und vorallem es hed eich alles da. Vo Goldschmiede, über Hotel, Restaurant, Public Market (Gmüesmärt) ja sogar en eignigi Bierbrauerei heds. Am Märt heds eich alles Frücht, Gmües, Fleisch🤤😍 und diversi Foodständ. Da hed üs de au es Hüngerli packt und mer händ öpis chlises gässä. Nach dere Erkundig simmer de zrugg is Hotel und es hed üs d‘ Müedikeit packt. Hallo Tschetlegg…
    Nachm churze Schlaf simmer de no gu es Restaurant sueche für üses Znacht und sind de au glii fündig wordä. Die händ aber glaub ned so tschegget das verusse nümmä 30 Grad isch und mer dine ned müsst uf 18 Grad abe chühlä. 🥶🥶Vorallem ned wenn mer hockt und isst. Also schnell Ässä und wieder usä gu ufwärme. Da hämmer tatsächli scho üsi erste Wildtier entdeckt. Um üses Hotel ume heds nämli diversi Häsli🐇🐰
    Und de au scho ab is Bett… D Müedigkeit chund wieder….😴😴    En savoir plus

    Voir la traduction
  • Hochsigsreis🇨🇦✈️

    1. Tag in Vancouver

    28 août 2023, Canada ⋅ ⛅ 17 °C

    Guetä Morgää Vancouver
    Was füren Start in Tag. Nachmene Z morgä gads gstärkt in Tag. Mier sind de mal ufbrochä Richtig Horseshoe Bay über en Richtig cooli Brugg und dur en Teil vom Stanley Park. Acho in Horseshoe Bay hämer d Fährene mal beobachtet und agluegt. D’Fährene gönd alli Richtig Vancouver Island. Und die Ussicht isch würkli schön da.
    Uii verruckt en Blick is Meer und was entdeckt de Kilian da en Robbä. Ischer ned härzig. Und de no en richtig chline Showmen. Diä chöntisch Stundälang beobachte. 😍
    De simmer au scho wieder zrugg und ufm Wäg hämmer no en Whitecliff Park entdeck. Gömmer doch gu luege will mer händ ja Ziit. Au da herrlichi ussicht und mer isch scho fast ganz elei für sich bis uf paar Taucher und Klätterer… Diä zwei Sachä sind glaub sehr beliebt da. Äml eso wies usgsed.
    Ufm Wäg zrugg über en nächsti Brugg und ab an Strand in Vancouver. De isch mega😍😍 coolä Sand und eifach herrlich nur chli doofä Wind und s Meer isch also au ned zwarm. Mee weder Füess badä gad da ned. Da mier beid eher Therme gänger sind wos Wasser doch über 30 Grad isch. 😂😂 Es hed aber doch gwüssnigi wo das ned so stört und wo gönd gu Bade. Denn simmer nochli in Vancouver umä gfahre amene Stadion verbii und am Iigang zur Chinatown. Ja China hed da en eignige Stadtteil wo soo benännt isch. De simer no inä Walmart gu postä. Jesses Gott ich sägä nur eis Riiiiiesig und wases da alles gid, verruckt. Aber au würkli spannend. Und s einte oder s Anderä kännt mer sogar.
    Soo wieder zrugg im Hotel heisst mal de Ichauf verstauä und luege was mer als nächst so mached und de no gu es Bierli nä ide eigete Brauerei…
    Und scho isch de ersti Tag durä und es heisst ab is Bett…    En savoir plus

    Voir la traduction
  • Hochsigsreis🇨🇦✈️

    Gastown

    29 août 2023, Canada ⋅ ☁️ 15 °C

    Hüt händ mier üsä ichauf vo gester usgnützt und mier händ üs sälber z Morgä parad gmacht im Hotelzimmer. Nachene simmer loos trotz Rägä i Richtig Stanley Park de isch au wenns Rägnet mega schön. Mier händ üs de Entschiede das mer no is Aquarium gönd das isch au grad im Stanley Park. Isch sehr schön gsie. Vorallem d Seelöwä, d Robbä und d Otters sind megaa härzig. 🥰
    Natürlich händ „Totenpoles“ ned dörfä fählä. Diä hend üs diversi empfohlä.
    Am Namittag simer de no i Gastown (Altstadt vo Vancouver) chli gu umä laufä. Und natürlich gu d Dampfuhr aluege. Diä hend natürlich bsunders am Kilian gfallä isch ja klar. Grad ide nöchi vode Dampfuhr heds no en Bier Brauerei Namens Steam Works dede hend mier üs es Bierli gönnt. 🍻Und denn simmer gstärkt chli gu Shoppä i diversi lädeli. 🛍️🛒 Das hed Hunger gä und mier sind nomal zrugg id Brauerei und händ dede no Znacht gässä. Isch aso sehr fein gsi. Zrugg im Hotelzimmer lömmer de amig jetzt chli la usklingä. Und freued üs uf morn. Wenn mer Bsuech überchömed. 😃😃    En savoir plus

    Voir la traduction
  • Hochsigsreis🇨🇦✈️

    Gäst empfangä und chli Beizetour

    30 août 2023, Canada ⋅ ⛅ 21 °C

    Wiä gester akündet sind mier hüt gu es Kollegepäärli (Bettina & Kevin) am Flughafe abholä. Sie mached au gad Feriä (Flitterwuche) in Kanada und mer sind per Zuefall im gliche Hotel underbracht. 😅
    Mit innä simmer de ad English Bay, das isch en Strand da in Vancouver. Dede hämmer de zerst mal agstossä mitenand. Und de Baum bestuunt wo ufm Dach oder Balkon was au immer isch. Vor 11 Jahr sig de 7m höch gsi. Hed üs de Kilian ufklärt, das heig mer ihm gseid dazumal wo er scho mal da gsi isch… Natürlich simmer nomal i Gastown gu Dampfuhr aluege. Üsi Mannä hed das brännend intressiert und sie hed sich diä ganz Technik chli gnauer agluegt. Nachm umä laufe und da und ded öpis Trinkä hämmer de no Hunger übercho und mer sind nomal id SteamWorks Brauerei vo gester gu zNacht ässä. Isch aso au hüt no megaaa fein gsi. So ufä Abig chli Ussicht isch doch immer schön, händ miet üs gseid. Drum hämmer üs Entschiede das mer no schnell in Vancouver Loockout ufä gönd. Das isch en Tower mit Plattform und Restaurant. Und will Plattform scho zuä gah hed, simmer halt is Restaurant nomal eis gu nä. Will mer ja no ned agstossä händ uf üsi „Honeymoon“ 🤪😂 Also simmer ded ufä gu d Abigstimmig gnüssä über Vancouver. Isch schono idrücklich.
    Zrugg im Hotelzimmer hed üs no öpis erwartet ufm Bett... Und lueged emal was das gsi isch. Oo Schwiizerschoggi Lindor- Kuglä🍫💝    En savoir plus

    Voir la traduction
  • Hochsigsreis🇨🇦✈️

    Vancouver- Lillooet

    31 août 2023, Canada ⋅ ☁️ 13 °C

    Ja hüt heds für üs scho gheisse Kofferä packä und tschüss Vancouver. Wiiter gahts richtig Whistler. Ufem Wäg ded ufä händ mier de no d Britania Mine gfundä. Dede heds es Museum und das hämmer natürlich müessä gu aluege. Aso vorallem öper vo üs zwee hed das brännend intressiert…😂 Diä füherig durs Tunnel wos amig gsprängt, gschufflet und ghämmeret händ bis zum Abbau vo Kupfer, Gold & Silber im Gebäude isch würkli mega spannend gsi. Au für Daniela. 😃 Nachene simmer de wieder wiiters. In Whistler acho hämmer müessä säge, ja das isch enart St. Moritz vo Kanada. Eso hends mier äml empfundä. Chli umä gluegt und umägfahre hämmer müessä sägä nei ned so üsi Wält mier gönd wiiter Richtig Pemberton. Dede hämmer leider kei Übernachtigs möglichkeit gfundä also heds gheisse wiiter Fahrä… Jaa verruckt und plötzlich staht en Taffele „Welcome in Lillooet“. 😨Dede hämmer de au es Motel gfundä sind gu Znacht ässä und no eis gu nä im Pub chli „Goodbay Josef“ (Tschau-Sepp) gspielt und de fuul is Bett gied. 😴😴 Wieder en schönä Tag gsi mit viel Iiidrück und spannendä Erläbnis. 🇨🇦En savoir plus

    Voir la traduction
  • Hochsigsreis🇨🇦✈️

    Lillooet bis 100 Mile House

    1 septembre 2023, Canada ⋅ 🌙 17 °C

    Hüt am Morgä sind mier in Lilloeet uf brochä und Richtig 100 Mile House gfahre. En churzä Halt im Tim Hortons oder wiä de Kilian seid Tom Hirton😂. Und so hämmer gstärkt chönä wiiterfahre. A diversä Seen verbi überä „Pass“ ( so würd mer diä Gängend bi üs nännä) immer Richtig 100 Mile House. Dede acho hämmer es Motel gsuecht und eich au glii gfundä. De hämmer zerst mal en Wäschgang gmacht, ide Badwanne und de Wösch ufghänkt zum trochnä. Bim chlinä Spaziergang umä See hämmer de diä Usgschellti Kutsche no gfundä. Churz überleid hämmer dänkt mer fahred no Richtig 108 Mile Ranch. Eifach mal druf loos gfahrä hämmer de diä riiiiesig Sageri no gfundä. So ala Kronospan isch diä. 🪵🪵🪵 Hed no 1-2 Trämmeli umä zum Verarbeitä. Oho, ich glaub da chömemer nümmä wiiter also heds wieder gheissä chehrä und i diä anderi Richtig. Plötzlich hed de Kilian am Strassenrand en Taffele gseh „Mud Race“(Schlammrännä). Natürlich simmer de dene Taffele gfolgt eini nachm andere isch cho. Hinder diverse coolä Fahrzüg simmer nachä gfahrä. Nach 30 Minutä hinä nache fahre hed de Daniela mal gmeint öb das ächt no lang gad. Und tatsächli vo 100 Mile House bis mer dede gsi sind isches doch 45 Minutä gangä. Aber uf de Taffälä isch gstandä near to 100 Mile House(nöch bi 100Mile House). Ja für Kanadier isch das sicher nöch😂😂 50km i Wald usä fahrä. Mer händs de gschaft sind chli gu Strecki aluege und durs „Fahrerlager“ glofä. Daniela hed de mal gfragt wenn das Rännä stattfindet. Leider isches erst Morn Samstig abem 13:00 Uhr. Hmm mal luege, öbs üs morn ded abe verschlad zum luege wiä si dur de Schlamm fahred…🚙🏎️
    Zum Abschluss fein gu ässä und de no de schöni Sunnäundergang gnüssä. 🌅😎    En savoir plus

    Voir la traduction
  • Hochsigsreis🇨🇦✈️
    1Diä meistä chömed mit Wohnwagä Ahänger oder Lastwage a das Rännä

    100 Mile House - Clearwater

    2 septembre 2023, Canada ⋅ 🌙 20 °C

    Hüt hämmer müessä Ziit überbrückä bis s’Mud Race loos gange isch am 13:00 Uhr. Mer händ de usgfunde das in 108 Mile Ranch en chline Ballebärg isch😂 De hämmer üs entschiede das mer de no schnell gönd gu aluege. Isch aso niä so gross wiä de Ballebärg aber glich au spannend gsi. Nachene hämmer üs ufä wäg gmacht zum Rännä. Mier händ chum chönä druf warte bises loos gangä isch.🏎️💨🏁 Und denn isches so wiit gsi es isch mega cool gsi. Die schnelle wiä au diä chlinä chind oder diä grossä Monsterauto. De jüngst bide chind isch 4ii gsi wo gfahre isch🙈🙈 übrigens diä meiste nämed s „Lastwägeli“ mit Wohnmobil obe druf und hinä dra Ahänger für de Chahrä mit, a sones Rännä. Meinä isch ja ganz klaar oder… ? D Wärchstatt natürli au no gad debii. 🛠️⚒️Denn simmer uf brochä richtig Clearwater nachm Mittag. Da hämmer üs für diä länger Routä entschiede will sie so schön amene See nache gad. Aber s verruckte isch, mier sind eich fast all 100km dur de Wald uf Kiessstrass gfahrä😂🙈 mier händ d Wält nümm verstandä. Ja sägä da nur Wilkommä idä Wildnis vo Kanada.🍁🇨🇦 I dem Wald hemmer de plötzlich no d Warning „livestock“ über cho. Das heisst übersetzt Vieh. 🐄Also heds irgendwoo freilaufends Veh. Und tätsächli plötzlich am Waldrand hämmer es paari entdeckt….
    Huu äntlich Ziel erreicht und eich au schnell es Motel gfundä au wenns chli tüürer isch. En Drink nä und gmüetlich z Nachtässä. Denn hämmer no Erfahre das üses Motel no es Schwimmbad hed.🏊‍♀️👙 Also no schnell das unsicher mache und de ab under Decki.    En savoir plus

    Voir la traduction
  • Hochsigsreis🇨🇦✈️

    Clearwater- Langley

    3 septembre 2023, Canada ⋅ ☁️ 20 °C

    Hüt am morgä wo mer ufgstandä sind und mal ufä Balkon sind hed üs diä rauchigi Sunnä empfangä.☀️ Rauchig us dem Grund will das ned Näbel isch sondern würkli Rauch vodä Waldbränd wo da ide nöchi sind (nei mier händs nienä gseh). Aber mer heds sehr guet gschmöckt verussä. 😷😷 Nach de stärchig vom inbegriffene z‘ Morgä, mit Pancake Maschie🤤🤤🤤, simmer wiiter Richtig Kamloops. Da aber da au no alles vollä Rauch gsi isch, hämmer gar ned aghalte und sind wiiter gfahrä. Nach es paar Kilometer hed de aber scho alles wieder besser usgseh und mier händ d Umgäbig wieder chli chönä aluege und gnüssä. Mier händ üs de no füren Abstächer bide Harrison Hot Springs entschiede. Hmm, ja das isch leider chli entüschend gsi. Da mier dänkt händ das diä underem friiä Himmel sind und ned imene Schwimmbad. Simmer de ned emale gu Badä. Entüscht sind mier de eifach chli am Harrison Lake nache spaziert. Da simmer de no schnell is Black Forest Restaurant gu öpis chlises ässä. Zrugg im Auto hämmer üs ufä Wäg gmacht Richtig Langley. Hiä findet grad es Stempede mit Rodeo statt. Wo mier aber acho sind isches leider scho fertig gsi. Mier händ de dänkt mer gönd glich mal id Arena innä. De hed aber de Securitas am Iigang gseid mer sölled doch erst morn cho de müessemer ned hüt und morn Itritt zahlä und morn sigi ja nomal es Rodeo. 🤠🤠 ja guet denn düend mier doch machä was er üs seid und gönd erst morn. Also simmer nomal chli i Canadian Tire und da mer am Namittag scho öpis gässä händ simmer nur schnell i Subway gu öpis Znacht holä. 🥪Denn wieder zrugg im Hotel hämmer nochli „TschauSepp“ & „Kilians Game“ (das hed er hüt erfundä) gspielt. Und natürlich üs nochli schlau gmacht wies wiitergaht ide kommendä Täg.En savoir plus

    Voir la traduction
  • Hochsigsreis🇨🇦✈️
    1

    Ein Tag in Langley am Stempede

    4 septembre 2023, Canada ⋅ ☁️ 16 °C

    Hüt morgä simer nach de stärchig vom z Morgä is Farmer Museum. Das isch würkli no cool und spannend gsi. Vorallem am Kilian heds sehr gfallä. Mier händ de üs entschiede das mer no is Fort Langley gönd. Das isch es Dorf vode erste Bewohner vo Langley. Isch aber chli entüschend gsi und hed üs ned eso gfallä. Nachene hämmer üs ufä Wäg gmacht as Stempede. Underwägs hämmer de per Zuefall no es Oltimerträffä gfundä. Au dede hed würkli mega cooli alti Autos gah. Zrugg wieder im Auto simmer de würkli mal Richtig Stempede und Rodeo. Dede acho hämmer zerst mal öpis chlises gässä und denn hämmer üs es Plätzli uf de Tribünä gsuecht und gfundä.
    Wow diä ufmachig wos amig händ. Es chund immer zerst National Hymmnä vo Kanada. Natürli müend da alli ufstah. Den stelleds s ganzä OK no vor und denn chund en chlini Show mit de Ross. Bevors de mit de Rodeos wiitergad. Wauw, das isch würkli Verruckt diä Rodeos. Da schlads de Riiter gad echli umä uf dene Ross obä. Zwüsched innä händs immer nochli Show iilagä bevors de zum Schluss no mitm Cow-ride(Kuhreiten) wiitergad. Au das würkli spanend und idrücklich zum luegä. Ja und denn isches au scho verbii gsi und mer händ üs no öpis chlises Znacht gönd und sind de zrugg is Hotel. Ufm Wäg aber no am Toysrus verbii gfahrä und natürlich müessä en halt machä. Waaahnsinn diä vielä Spielsachä ded innä. Empfählig a jedes Mami lönds chind de hei wenner ded innä wend. Da isch Theater definitiv vorprogrammiert😂😂😂 Soo aber jetzt ab is Hotel und de abig nochli us Klingä la und natürlich nochli Büro machä mit Routä plane und natürlich no dä Bricht schriebä das gaht ja au ned vonä ellei😝    En savoir plus

    Voir la traduction
  • Hochsigsreis🇨🇦✈️

    Zurück in Vancouver

    5 septembre 2023, Canada ⋅ ☀️ 20 °C

    Hüt händ mier sicher ei Punkt ufm Tagesprogramm gah und das isch gsi s Auto zrugg bringä. Bevor mer das aber gmacht händ simmer no in Stempede Westernladä. Isch ja klar oder..🧐 uu hed das cooli Sachä gah dede. Aber tja wies eso isch d‘ Daniela hed z grossi Füess. Janu, defür immer no Platz im Koffer😂😂 Nachene simmer de wiiter wieder Richtig Vancouver. Uf dere Sträcki simmer ines Tunnel innä cho wo obe durä de Fluss flüsst.
    Mier händ natürli no müessä is Fashion Outlet gu luegä öb mier öpis gfinded. Sind aber ned fündig wordä und händ de eifach üs es Zmittag gönnt. Nachene simmer is Hotel gu ichecke das mer händ chönä s Gepäck abladä. Das hämmer de au scho chönä und s Zimmer hämmer au chönä beziehä. Also simmer nachene üses Auto gu abgä mit 1697 km mee drufä😂😂🙈🙈. Ja mer händs ja ned gah zum umästah… wieder zrugg im Hotel simmer nochli am Fluss nachä glofä und händ wieder mal frii laufendi Hasä gfundä. Ich glaub hiä in Vancouver sind diä Hasä eifach de Rasämähier ersatz. 😂 No bitzeli de Spielplatz Uskundschaftä und wieder zrugg is Hotel. Da gömmer is Restaurant gu en Drink nä und natürlich gu z Nachtässä hüt emal mit Dessert. Den no schnell gu badä im Hotelpool und scho glii underä morn heisst am 7:00 Uhr ufstah.    En savoir plus

    Voir la traduction
  • Hochsigsreis🇨🇦✈️

    Camper abholä

    6 septembre 2023, Canada ⋅ ⛅ 15 °C

    Hüt isches sowiit gsi und mier händ üsä Camper chönä abholä. Mier händ üs mega gfreut und sind au bitzeli ufgregt gsi. Üsä Camper vermieter isch de üs am Hotel gu abholä und hed üs zude Fassstation brungä. Dede acho hämmer schnell müessä wartä bis mer dra cho sind. Nachenä hämmer schnell no Bürokram müessä ussfüllä isch aber rächt schnell gangä da mers en Tag vorher scho am PC gmacht händ. Den nomal churz wartä und dä isch eini üs diä ganz Maschinä gu erchlärä. Ja natürlich, alles uf änglisch. Aber mer händs würkli guet verstandä…😌 Denn no schnell is gratis Hüüsli gu holä was mer no chönd bruchä. 😂 Ja und denn heisst halt jetzt mal gu Postä, das machämär natürli im Walmart. De hed grad alles🛒🛍️ Soo Wäägeli gfüllt und de Chühler igruumet. Und suscht au Iigrichtet im Camper. Jetzt gads ab Richtig Princeton. Underwägs hämmer no en Schwärtransport gseh. Scho cool diä Trucks da😍 Plötzli hämmer am Highway no es Täffeli gseh vode Bridal Falls, zagg usä gstochä und diä sprich de no gu aluegä. De Wald isch rächt cool gsi mit denä vermoostä Bäum (Sabina du hätsch freud, da chöntsch de Moos sammlä)☺️☺️ aso wiä im Paradies….🤣🤣 Soo und wiitergahts… Mier händ üs de entschiede ufmene Campground gah vor Princeton, wo eifach im Wald ussä isch, ned en Richtigä Campingplatz mit Strom etc. Das isch en guetä Entscheid gsi isch richtig schön da. Mier sind grad am Fluss. Mier händ das grad gnützt und nochli Wösch gwäsche. Und Chindheits erinnerigä gweckt und chli Stei umäbiggä zum Stauä…🪨🗿🪨💦🌊 (Glück gah s Natel isch no idä Täschä, gäll Grosi🤣) Nachär nochli gu de Platz aluegä er isch aso ned nur chli es hed doch 66 Stellplätz🤣🤣 und de hämmer no en Wasserpumpi entdeckt wo sogar funktioniert und Trinkwasser chasch pumpä vonere Quällä. Ja und sobald heds gheissä z‘ Nacht chochä. De Kilian isch chli truurig das mer ned dörfed füürä, wäg dä Waldbrand gfahr. So hämmer halt üsi Gaschocher und Härdplatte brucht. Und äntli mal Teigwarä und geili Carbonarasaucä🤤🤤🤤 Buaa isch das fein gsi.. So jetzt chli Camper gnüssä, Spieli spielä, Buech Läsä, Reisäführer läsä & Routäplanä oder au eifach chli Zweisamkeit gnüssä. ❣️💕En savoir plus

    Voir la traduction
  • Hochsigsreis🇨🇦✈️

    Richtig Kelowna

    7 septembre 2023, Canada ⋅ ☁️ 19 °C

    Hüt Morgä sind mier ufbrochä Richtig Kelowna mit Zwüschästopp in Princeton. Hüt hed zerst mal d Frau s Stüür überno. In Princeton acho simmer chli durs Städtli gfahrä und sind i diesnä und jene Shop gu en Zwüschähalt machä. De Kilian hed unbedingt no öpis zum Schmierä brucht da üsi Campertürä ned ghörig duäd. 🤣🤣 Zum Glück han ich de Mech debi🥰. De simmer wieder wiiter gfahrä scho gwaltig diä gradä Streckenä wos chli ufä und abä gad. 🛣️In Kelowna acho simmer in Shop gu öpis z Ässä holä, hüt Mittag hämmer mal gsund gläbt mitmene Salötli. Au da hämmer chli gshoppet und chli Stadt agluegt. Buaa diä isch riiiiesig und gadechli schön…( Ich has leider chli verpasst mit Bilder machä🙈🙈) Nachänä simmer wiiter und händ es Plätzli gsuecht zum Übernachtä. Und de au es wunderbars gfundä mit wunderbarem Bilck ufä Kalamalka Lake. Camper platziert und alles igrichtet hämmer üs au as Chochä gmacht. Hüt heds gfüllti Pouletbrust mit Speck rundumä, Härdöpfelstampf und Rüebli mit Früheligszwiebeli gä… Mol aso isch gar ned schlächt gsi für das, dass en Choch gmacht hed…🤣🤪 So und jetzt heisst de Abig nochli gnüssä bimene Baarer Bier. Prosst mitenand….🍻En savoir plus

    Voir la traduction
  • Hochsigsreis🇨🇦✈️

    Revelstock und Umgäbig

    8 septembre 2023, Canada ⋅ 🌙 13 °C

    Hüt hed üsä Tag wiä immer mitmenä feinä Zmorgä gstartet. Nachene simmer de ned ganz so schönä Sachä nachä, üsi Tänk gläärt und wieder gfüllt. Aber es muess halt au gmacht sii das mer wieder schön chönd wohnä. Denn heds no gheissä gu Wösch wäsche das mer wieder öpis händ zum
    Aleggä😂😂. Soo wiitergahts Richtig Revelstock. Dede acho hämmer zerst mal de Camper tanket und öpis Zmittag gässä. Nachenä simmer is Railway Museum. Isch würkli spannend und cool gsi. Vorallem das au i diä Wagons hesch chönä innä luegä. Ja isch schono en anderi Wält gsi weder hüt. Nachänä simmer wiiter gfahrä und händ de no Canyon Hot Springs gfundä. Natürlich hämer dede müessä gu bädelä. De Pool wird ned gheizt und er isch so warm wills heissi Quellenä händ. Grad au da hämmer de euses Plätzli für hüt gfundä zum Übernachtä. Diä Betriebed nämli au no gad en Campingplatz. Tiptop… Scho glii nachm Badä heds gheissä Znacht machä. Hüt hämmer dänkt machemer doch schnell Hacktätschli. Dezuä heds Penne gä mit Tomatensauce. Mmmh fein gsi… So und jetzt eifach chli sii und gnüssä.    En savoir plus

    Voir la traduction
  • Hochsigsreis🇨🇦✈️

    Ufm Wäg nach Fort Steele

    9 septembre 2023, Canada ⋅ 🌙 17 °C

    Ja hüt simmer eich chli fuul gsi und nur chli gfahrä Richtig Fort Steele. Underwägs hämmer de s erst mal chli Rocky Mountains gseh. Diä sind scho schön😍 Über de Rogerspass simmer gfahrä. Da händs rächt viel Buustellenä und d Liniä früsch striichä düends au no grad. Uu und Plötzlich hämmer gmerkt das mier wieder en Stund ghüpft sind. Sprich inzwüschä simmer nur no 8h hinnä drii uf d Schwiiz. Mier händ wiedr Hot Springs gfundä. Sie heissed Radium Hot Springs. Diä sind würkli au mega schön gsi und richtig heiss isch de Pool gsi. Zrugg ufm Parkplatz hämmer es Auto entdeckt wo würkli staht vor dräck😂😂 Mier sind de wieder wiiter gfahrä und händ de no en Schlucht entdeckt wo mer de schnell aghalte händ und abegluegt waaahnsinnig schön. Und schono rächt tüüf isch si gsi. So ab is Auto und wiiter gahts, im Dörfli Radium hämmer de no schnell en chlinä Iichauf gmacht und dadebi diä Tierli entdeckt( mer wüssed ned gnau wases isch). Wo grad näb de Strass gsi sind am Grasä. Wieder zrug im Auto simmer wiiter gfahrä und öppä en Kilometer nach Radium hämmer au scho üses Plätzli gfundä für hüt Nacht. De Kilian hed äntli chönä Füürä und üses Fleisch ufm Grill machä. Nachm Ässä hämmer de nomal Bsuech übercho vo Hirschä. Hättet sellä wartä mit ässä suscht hättemer gad früsches Fleisch gah…
    Soo morn gahts de wiiter Richtig Fort Steele…    En savoir plus

    Voir la traduction
  • Hochsigsreis🇨🇦✈️

    Fort Steele und Richtig Lake Louise

    10 septembre 2023, Canada ⋅ 🌙 16 °C

    Hüt simmer nacherä Stärchig ufbrochä Richtig Fort Steele. Das isch wiä gseid enart en Ballebärg wos vo überallhäär Hüser da ane gno händ. Wobi de Ballebärg definitiv no chli grösser isch. Mier händ de underwägs ded anä no sonä coolä Sandsteibärg gseh. In Fort Steele acho isch Daniela gad mal usgstiege und hed sich id Warteschlangä gstellt zum innä cho. Währenddesse hed de Kilian s Motorhome parkiert. Dinä acho simmer zerst uf Dampfloki. Natürli hed da eine ganz glänzigi und freudigi Augä übercho… Nachene simmer nochli umä glofä und händ alles chli agluegt. Schono intressant wiä sie frühner gläbt händ hiä in Kanada. Grad au s Buurä isch spannend alles im Ross und diversä verschiednigi Wägä. Mier händ de no wellä uf Kimberley gu diä „Bayrischi Stadt“ aluege wos dede anschiinend gid. Mier hend aber leider nüd gfunde und sind de entüscht wieder zrugg gfahrä in Richtig Lake Louise. Underwägs hämmer wieder so cooli Tier gseh wiä scho gester ufm Parkplatz, so viel mier inzwüschä wüssed sind „Big Horn Sheeps“. Mier händ de scho glii mal es Plätzli gfundä zum Schlafä im schönä Kooteney National Park. Mier sind de nochli i Fluss abe gloffä über zwei Brüggli und de wieder zrugg. De Kilian hed de mal no en Apero gno. Und hed dadebi no en Fründ übercho. Isches ned häääärzig😍😍 Mier händ de üs as Znacht parad machä gmacht und nachm Ässä hämmer de Abig gmüetlich la usklingä.En savoir plus

    Voir la traduction
  • Hochsigsreis🇨🇦✈️

    Columbia Icefield Glacier Adventure

    11 septembre 2023, Canada ⋅ ☁️ 10 °C

    Hüt morgä simmer loos gfahrä i Richtig Lake Louise. Dede acho hämmer en chliinä Dämpfer müessä isteckä😞. Denn mer händ ned chönä zum Lake Louise und zum Moraine Lake. Das muess mer nämli alles im Frühelig buechä oder am jewiligä Tag am morgä frühä. Tja ned gwüsst aber jetzt simmer wieder chli schleuer. Das heisst für üs, es gaht wiiter Richtig Jasper. Uf derä Strecki hämmer no en coolä See gfundä de Peyto Lake. De isch würkli idrücklich mit sinerä Farb. Mier händ de no en Rundgang gmacht dur de Wald. 🌳🐿️Zrugg ufm Parkplatz simmer de wiiter gangä Richtig Jasper. Mier händ gwüsst das uf derä Strecki no en Skywalk chund wo mer unbedingt händ wellä machä. Mier händs de au gfundä und gmerkt das mer für de muess zahlä. Also hämmer gad s Abentüür Bilette glösst. I dem isch inbegrieffä gsi mit dene Ice Trucks (hiä wärdeds Ice Explorer gnännt) ufäm Athabasca Gletscher fahrä und druf umälaufä. Ja üs hend eifach diä Trucks mega imponiert und händ üs das de au gleischtet. Isch nämmli ned ganz Billig. Währed de fahrt ufä Athabasca Gletscher hämmer no en erchlärig vodä Entstehig und so übercho. Dank App sogar uf Dütsch. Diä Tour isch würkli megaaa cool gsi. Nachene simmer mitmene Car zum Skywalk brungä wordä. Das isch en Plattform mit Glasbodä womer inä Schlucht abe gsed und diversi Wasserfäll und huufä anderi Sachä cha bestuunä. Würkli au spannend und schön gsi. Leider hed inzwüsche s Wätter umgschlagä und es hed grägnet. Tja Wilkommä idä Rocky Mountains🤣. Mier sind de wieder zrugg ufä Parkplatz und will mer da au no gad chönd Übernachtä hämmer üs entschiedä das mer gad da bliiibed und de morn wiiter gönd. Das heisst jetzt Znacht machä und den Ässä. Nochli Büro machä und luegä was mer morn eso mached. 💻🚗🧳En savoir plus

    Voir la traduction
  • Hochsigsreis🇨🇦✈️

    Richtig Jasper

    12 septembre 2023, Canada ⋅ ☁️ 13 °C

    Guetä Morgä vo über 2000 Meter über Meer. Es isch au demendsprächend chalt gsi verrussä. Und ide Nacht hämmer grademal 2 Grad gah. Mier händ üs de ufä Wäg gmacht Richtig Jasper. Underwägs hämmer no zwei Wasserfäll agluegt de ersti isch dä Sunwapta Falls gsi. Und de zweiti diä Athapasca Falls. Schono iidrücklich wiä das Wasser sich dur diä Felsä frisst und eso immer so Ichärbigä hinderlad. In Jasper acho hämmer de wieder diä ned so schönä Sachä vom Camping läbä erledigt und alli üsi Tänk gläärt und gfüllt. Bevor mer de sind gu Zmittag ässä. Uu es isch fein gsi. Nachänä nochli gshoppet, es hed megaa viel so chlini Lädeli da gah. Bim usä fahrä hämmer de no diä coolä Feriä Hüüsli gseh. Sind diä ned mega häärzigi Rundholzhüüsli😍. Ja de en Campingplatz gsuecht und chlii sii und gfüüret und scho glii Znacht gmacht. Hüt Schweinsschnitzel und Baked Potatoe beides vom Grill mit Suurahm und Hüttäkääs. De Abig nochli usklingä laa. Und scho glii underä….En savoir plus

    Voir la traduction
  • Hochsigsreis🇨🇦✈️
    Öl Firma

    Akunft in Edmonton

    13 septembre 2023, Canada ⋅ ☀️ 14 °C

    Ja hüt gids ned so viel zum verzellä da mier praktisch nur Auto gfahrä sind. Mier sind nachm Zmorgä loos gfahrä i richtig Edmonton. Uf de Sträcki hämmer schön chönä Radio Central losä. So hämmer gwüsst was so ide Schwiiz lauft. Und will gad Wunschkonzärt gsi isch hämmer natürlich au no en Gruess & Musigwunsch durä gä. Mier händ en chliine Zwüschästopp gmacht in Hinton zum chli gu shoppä. Mit läärä Händ sind mer de aber wieder i Camper zrugg cho. Und wiiter gfahrä. Zwüsched durä nur schnell use fahrä für de Fahrer wächsel, so zsägä Schichtbetrieb. 😂🚗 In Edmonton acho isch s Erste wo mer gsänd diä Öl Firma. Kraaassss, Daniela isch Sprachloos wiä riiiiesig diä isch. Ja Edmonton isch en Öl Stadt und eifach nummäää riiiiesig isch si au. Wür säge en richtigi Grossstadt aber au sehr idrücklich. Das ja en Ölstadt isch isch de Benzin richtig günstig 1.30 kanadischi Dollar das sind umgrächnet öppä 86 Rappä😂😂 und de Diesel wär bi 1.64 Kanadischi Dollar und umgrächnet öppä 1.08 CHF. Ich glaub mer nämed gad je en Tanklastwagä voll hei, vo dennä wahred nämli ganz viel umä hiä. Was aber chli de Nachteil isch es hed mega viel Obdachlosi hiä.
    Miär händ üs de scho glii es Plätzli gsuecht zum Übernachtä und chli usserhalb au eis gfundä. Hmm, mier sind eich de chlinsti und definitiv s günstigstä Motorhome da. Suscht sind eich alles eher Luxusliner. Aber isch au mal cool i dene innä chli sii😂
    Soo Znacht machä (hüt mit Gmüäs🥕🥦) und no Sunnäundergang gnüssä und de öppä underä😴😴.    En savoir plus

    Voir la traduction
  • Hochsigsreis🇨🇦✈️
    2

    2. Tag Edmonton

    14 septembre 2023, Canada ⋅ ☀️ 18 °C

    Hüt morgä simmer zerst is Flügermuseum in Edmonton. 2013 isch das no en Flughafä gsi. Es isch intressant gsi aber leider ned so gross so das mer i 45 Minutä fertiig gsi sind. Nacher hämmer üs entschiedä das mer no is grossä Ichaufszenter gönd wos da hed. Ded innä heds en Wasserpark, es Iiisfäld, zwei Adventuregolf, en Underwasserwält, en Go Kart sträcki, en Fun Park mit Achterbahnä und dezuä au no 800 Shops. Jaa es isch wüüürkli riiiiesig. Mier händ de en Partie im Minigolf gspielt. Und Daniela hed sogar gwunnä..💪🏻 Is Sealife simmer au no gu luege und händ Haie und Pinguine gseh. Am spöterä Namittag simmer de wieder usä. Underwägs zum Elk Island Nationalpark hämmer no en Öl rafinierii gseh. Im Park acho hämmer en Platz gsuecht zum
    Übernachtä und au einä gfundä. Mier sind de nochli gsi und hed de mal afah chochä. Und lönd de Abig jetzt nochli la Usklingä. Und lueged was mer morn so mached.    En savoir plus

    Voir la traduction
  • Hochsigsreis🇨🇦✈️
    2

    3. Tag Edmonton

    15 septembre 2023, Canada ⋅ 🌙 18 °C

    Hüt simmer im Elk Island Nationalpark verwachet. Nach de Stärchig simmer loos gfahrä zumene Parkplatz. Dede hämmer den en chlini Wanderig gmacht. Wieder zrugg bim Auto simmer de zum nächste Parkplatz und au dede hämmer wieder en Wanderig gmacht. Dank dem herrlichä Wätter isches mega schön gsi. Underwägs hämmer Spuurä vo Biiber entdeckt. Gseh hämmer aber leider keinä. 😒 Nachene simmer de langsam wieder usem Park us gfahrä und wieder Richtig Edmonton Stadt gfahrä. Bim usä fahrä hämmer de nomal es Bison atroffä. Übrigens i dem Elk Park gids de kei Elch de heisst eifach so. ☹️🙄Underwägs hämmer de no en Buur entdeckt wo no set 2-3 Ballä vom Fäld hollä. Aber das prässiert da äbä amig ned eso. Bittzeli wiiter hämmer de wieder a dene riiiesigä Öltänk verbii müessä. Scho riiisig das Firmägländ🙈🙈 Es wär aso au no nach minere Videoufmahm wiitergangä mit Tänks. Mier sind de bi üsem Campingplatz acho hend nachä gfragt öbs no es Plätzli händ für üs und hed de de Platz bezogä. Nachene hämmer nochli gwösched wills en Wöschmaschine und en Tumbler gah hed ufm Platz. Und de simmer nochli umä glofä und händ gmerkt das das im Winter es Skigebiet isch. Ned es grosses aber für Chind und für d Daniela würs langä. 😂😂 Zrugg am Camper hed den de Kilian mal agfüüret und hüt hed är Znacht gmacht. Alles ufm Grill verstaht sich..🥩🥦🥕🥟 Es isch aso sehr fein gsi. 🤤 De Abig nochli gnüssä und morn gahts de wiiter. 😴En savoir plus

    Voir la traduction
  • Hochsigsreis🇨🇦✈️
    RotipandaRotipandaArtikwolfÜüläTakinBiber

    Tschüss Edmonton

    16 septembre 2023, Canada ⋅ 🌙 17 °C

    Hüt hämmer en chlinä Überbrückigs Tag gah. Da mer morn binere Schwiizer Familiä sind in Ponoka. Mier hend üs entschiedä das mer gmüetlich Zmörgelet und denn in Zoo gönd in Edmonton. Das hämmer de au gmacht. Es isch en megaa härzige coolä Zoo. Es isch eifach chli schad gsi das si chli am Umbuä und umplanä sind dur das sind es paar Sachä zuä gsi. Aber üs heds glich mega gfallä. Vorallem de Rotipanda. 😍 Mier händ no en Elefant, Artik Wolf, en Üülä, Takin, Biber, diversi Reptiliä & Farmer Animal (Landwirtschafts Tier) gseh. D Biber sind chli Showmans gsi. Au mega härzig. Nachene simmer no schnell gu paar Sachä postä. Und händ üs en Campingplatz gsuecht und au hüt Abig ohni Problem gfundä. Hüt es schnells z’Nacht Pizza heds gäh. Nach echli Läsä und Tschau Sepp spielä simmer de au scho glii underä. 😴En savoir plus

    Voir la traduction
  • Hochsigsreis🇨🇦✈️

    Aakunft in Ponoka

    17 septembre 2023, Canada ⋅ 🌙 12 °C

    Ja hüt sinds leider gaar ned viel Föteli. Mier sind bide Familiä Schneider. Sie händ mal in Fistersee gläbt und jetzt wohnets in Ponoka. Sie händ üs mega härzlich empfangä obwohl mier sie hüt s erstmal gseh händ. Obwohl das ned ganz stimmt mer händ de usägfundä das de Daniela ihrä Brüeder de Philipp scho mal mitm Dario am Fisterseer Grümpi Fuessball gspielt hed mit de andernä Cousingä vodä Daniela. 😂 Tja so chlii isch de halt d Wält glich wieder. Sie sind de mit üs innä Üebigshallä wo Cowboys lerned Lasso rüerä. Mega spannend gsie.
    Nachenä simmer de mit de Corine uf ihri Arbetsstell ufnä Farm. Wos grad 350 Milchchühä mälched. De Chef hed leider ned wellä das mer Föteli macht. Drum gids leider kei Föteli vo derä Farm oder vom Mälchkarrussell. Aber es isch würkli mega iidrücklick und total anderst und glich ned wiä idä Schwiiz. Denn hed sie üs no verzellt das sie no en 2. Farm ufgstellt händ. Chlii wiiterewäg. Dede mälcheds gad 550 Chühä. Und de sind ja au immer no es Paar galt. Aso Gsamthaft uf dene zwei Farmä händs öppä 1000 Chühä. Plus Ufzucht (Chälbli & Rinder) bitzeli Mastmunis aber würkli nur siebä. Spannend, spannend…. Denn hämmer no dörfä bimene Nachbuurä träffä debii sie wo 5 Familiä cho sind und ohni Witz es sind alles Schwiizer gsi. 🙈😂 Aber glich mega cool gsi. Und fein gässä hämmer. Ja de wieder zrugg hei und nochli gschwätzt und so. Und de simmer i üses Wohnmobil gu Bricht schriebe. Und de gu pfussä🥱😴    En savoir plus

    Voir la traduction
  • Hochsigsreis🇨🇦✈️

    Ponoka und Red Deer

    18 septembre 2023, Canada ⋅ ☁️ 14 °C

    Hüt hämmer en gmüetlichä Tag gmacht. Mier sind chli uf Red Deer gfahrä gu Shoppä und eifach mal chli siii. Underwägs hämmer de no diä John Deere Firma gseh. Ja da heds zwei drüü Kanadischi Dollar uf Platz💶💶💸 Nachene simmer is Famousa gu Pizza ässä das hed üs Corine empfohlä isch würkli au super fein gsi. Nachm Ässä und chli Shoppä simmer de wieder wiiter und händ chli en Umwäg gno zum zrugg Fahrä aber es hed sich glohnt. Mier händ mega viel Buurä gseh wo am Dröschä, Prässä oder am
    umäbiignä vo Ballä gsi sind. Und diä Farm hämmer no entdeckt. Wennis richtig im Kopf ha hed Corine gmeint, dede händs öppä 900 Milchkühä. 🐄🐄Scho chli es anders Buurä weder bi üs. Aber spannend. Mier händ de no d Stampede Arena gseh und dede natürli no paar Föteli gmacht. Diä Arena isch würkli nuur fürs Rodeo wo einisch im Jahr statt findet. Waaahnsinn aber Platz händs ja da gnuäg. Wieder zrugg bide Familie Schneider händ mir de nochli z Nacht gmacht. Und nachene de zu innä gu es Fiirabig Bierli na und Rhabarber Cake ässä. 😍😍Buaaa isch de megaaa gsie. Wo mer de i üsäs Motorhome übere sind hämmer verussä no Nordliechtli gseh. 😍😍Daniela ihrä Wunsch isch in Erfüllig gangä. De hammer, krass üsi Natur was diä anä bringt. Live sinds aso no besser gsi. Soo und jetzt underä morä gahts de wiiter.    En savoir plus

    Voir la traduction
  • Hochsigsreis🇨🇦✈️

    Wiiterfahrt Richtig Calgary

    19 septembre 2023, Canada ⋅ ☁️ 8 °C

    Hüt hämmer üs wieder vodä Familiä Schneider verabschiedet. Dankä nomal viiiiel mal fürs Asyl. 😄 Mier sind de mit viel Tipps vo innä wiiter Richtig Calgary. Underwägs hämmer wieder huufä Buurä gseh. In Drumheller hämmer de üsä ersti Stopp gmacht bi dem Dinosaurier Museum. Wow, das isch wüüürkli mega idrücklich gsi. Vorallem heschne no chönä zueluege wies am putzä und Pinsele sind. Ouu d Daniela hätt definitiv kei Närvä für derigs…🤣 und au d Landschaft mit dene Höger isch würkli no schön zum aluegä. Aber ich glaub Rägä isch dede es Frömdwort. 🙈 Zrugg im Auto simmer de wieder wiiter gfahrä zum nächste Halt in Crossfield. Dede simmer de grössti Westernshop vo Kanada gu aluegä. Jaa aso definitiv de grösst. X verschiednigi Farbä a Lasso, Sattel en ganzi Hallä voll sowiä au Chleider und Stiefeli😍. Leider hed Daniela eifach chli z grossi Füess. 😩😭😭 Wobi s Portmonaie seid Dankä😏😋 Nachenä simmer nomal ca. 15 Minutä gfahrä bis mer in Crossiron acho sind. Dede simmer ines riiiesigs Ichaufscenter. Das hed üs Corine empfohlä. Da innä heds en Ladä mit viiiiiel usgstopftä Tier. Er heisst Bass pro Shop. Aso ded innä lohnt sichs nur scho wäg dene Tier. De Ladä sälber isch eich alles was mer brucht für zum Jaggä oder Fangä. Sonä Art Outdoor Shop. Üs hed de es Hüngerli plagt und mer händ üs im Irish Pub öpis z Ässä gönnt. Es hed gä bide Daniela Shepards Pie und bim Kilian en Pastetä gfüllt mit Fleisch mit Härdöpfelstock. Mmmh isch aso beides herrvoragend gsi. Soo und jetzt nachm Bricht schriebe luegemer was mer morn no so mached und spieled öpä nochli Tschau Sepp.En savoir plus

    Voir la traduction