Suche zurücksetzen
Tanja & Janis on Tour
  • Janis Löpfe
  • Tanja Steiner
  • Janis Löpfe
  • Tanja Steiner

Tanja & Janis on Tour

👫☀️🌋🌏 Weiterlesen
FolgenÜbersichtÜbersichtKalenderKalenderFotosFotosTeilenTeilenBucket List
ÜbersichtKalenderFotos
  • Tanja & Janis on Tour
    Am Janis sis zmorge Kaffi zum schaffe 😎
    Snorkel 🤙🏽Arbeitsgruppe ☺️😺😺😺Fast and the Furios Moalboal 🤙🏽2BurgerDe Janis het usversehe es Loch id Decki gmacht vom Zimmer 😂🙃MoalboalGym of the dayTrycicle

    Tag 87 + 88 + 89 + 90 - Moalboal

    26.–29. Apr. 2025 auf den Philippinen ⋅ ☁️ 31 °C

    Wel mer eus nöd sicher gsi sind, öb sich s Tauche da lohnt, simmer hüt zerscht mal go schnorchle.

    S schöne da isch, dass mer keis Boot brucht. Mer chan direkt vom Land is Wasser und nur wenigi Meter wiiter vorne cha mer scho die in Moalboal berüehmte Sardineschwärm und Schildkrote gseh.

    Aso hemmer eus es paar Flosse gmietet und sind is Wasser.
    Nöd lang hemmer müsse sueche und scho hemmer anere Schildchrot bim esse chöne zueluege 😍🥰🐢

    Au d Sardineschwärm hemmer gseh. Isch scho ihdrücklich wie so viel chlini Fisch ih so spezielle Formatione schwümmed! ☺️

    Aber die abgstorbene und verbleichte Koralle gebed au chli z denke..

    Am spötere Nami simmer denn zrugg is Hotel, bevor mer eus denn en feine Burger zum Znacht gönnt hend (mer hends ufgeh mit gsundem esse 😅🤷‍♂️)

    ---

    Am nächschte Tag hemmer eusi Sache zemepackt und denn s Hotel gwechslet. Mer hend eus entschiede chli länger da z bliebe und drum namal drü Nächt ime andere Hotel buechet.

    Bis am Nami simmer denn in es Kaffi ghocket, hend Blog gschriebe und suscht biz plant und Sache ahgluegt.

    Am 2 hemmer denn im neue Hotel chöne ihchecke.

    Nachher simmer na an White Beach gfahre. Das isch aber würkli kein schöne Strand gsi. Mer sind halt langsam au scho chli verwöhnt mit dem, was mer alles scho gseh hend 🙈😅

    ---

    Hüt hemmer wele go Tauche, aber das het nöd klappet, wel sie eusi Reservierig nöd notiert gha hend… So hemmer das halt um en Tag verschobe.
    Am morge hemmer denn d Ziit namal zum plane gnutzt. Mer sind eus nämli chli unschlüssig gsi, was mer die nächschte Täg na wennd mache. Eigentlich hemmer zerscht na wiiter uf Panglao und Bohol wele, aber das het uf de Bilder so volle usgseh (und au d Tauchschuele sind alli usbuecht gsi), dass mer eus denn degege entschiede hend. Also hemmer eus Alternative ahgluegt.

    Am spätere Namittag simmer na is Gym, d Bewegig het nach so lang in Bildschirm luege uf jede Fall sehr guet tah ☺️

    ---

    Am nächschte Tag isch denn würkli Tauche uf em Programm gstande 🤿

    Am morge am 7bni hemmer de erschti Tauchgang gmacht.
    Zerscht simmer vom Land ine, det wo mer au go schnorchle sind.
    Jetzt hemmer d Sardineschwärm au na vo une chöne bestuune.

    Als zweits simmer denn mit em Boot zu Pescador Island gfahre. Das isch bis jetzt definitiv de ahstrengendschti Tauchgang gsi, es het so starchi Strömig gha 🙈🙆‍♀️

    Als dritts simmer zu de Talisay Wall. Det hemmer ganz viel Fisch und au na e giftigi Schlange gseh 🫣

    Da mer das mal kei Kamera gmietet hend, gits leider kei Fotis dezue 🤷‍♂️    Weiterlesen

  • Tanja & Janis on Tour
    Uf em Weg zu de Fähre
    Mit em Jeepney (so en chline Bus) zum Hotel 🚌De Tanja z lieb 🤷‍♂️Euses "cozy Bungalow" für die nächschte zwei NächtDe Pool vom Hotel - mega schöni Ahlag, aber de Service.. naja 😅2Bilder vo eusem Tauchguide ☺️🤙🏽Bilder vo eusem Tauchguide ☺️🤙🏽S Equipment isch parat 🤿Tauchspots vo Apo IslandTauchspots vo ZamboanguitaTauchspots vo Dauin

    Tag 91 - Welcome to Zamboanguita

    30. April 2025 auf den Philippinen ⋅ ☁️ 31 °C

    Mer hend eus entschlosse na zwei Täg in Zamboanguita z verbringe zum na uf Apo Island chöne (vorerscht es letschts Mal) go Tauche.

    Für das hemmer am morge wieder eusi Sache zemepackt, usscheckt und eus na öpis zum Esse gholt. Denn simmer mit em Roller zu de Bushaltestell gfahre und hend det de Roller abgeh.

    Eigentlich hemmer das mal würkli vor gha mit em Bus z gah, aber bi de Bushaltestell hets natürlich wieder ganz viel wo Taxifahrte ahbütet. Es guets Ahgebot für en shared Van, hemmer nöd chöne widerstah und sind det mit bis zum Liloan Port gfahre.

    Vo det us isch es denn wiitergange mit em Boot uf d Insle Negros. Vom Hafe simmer miteme Chipney (de Janis het guet verhandlet) uf Zamboanguita zu eusem Hotel gfahre.

    Bim Ihchecke hemmer erfahre, dass de Bsitzer vom Hotel Schwiizer isch und vo Wädenswil chunt 😅 so hemmer wieder mal chöne Schwiizerdütsch rede 😅

    Am Abig hemmer denn na euse Tauch Guide de Cedric für morn kenneglernt. Er het sin Tauchshop nämlich grad da im Hotel.

    Nachher hets gheisse früeh go schlafe, damit mer fit sind für morn ☺️🤿    Weiterlesen

  • Tanja & Janis on Tour
    2Irgend en ultra seltene Chrebs gmäss oisem Divemaster 🤷‍♂️☺️22

    Tag 92 - Diving, Apo Island

    1. Mai 2025 auf den Philippinen ⋅ ☁️ 30 °C

    Am 7bni het de Wecker glütet und am halbi 8i simmer bim Tauchshop parat gstande.
    Equipment fasse und scho isch es losgange zum Boot.

    Es sind wieder drü Tauchgäng uf em Programm gstande.

    Das sind aso würkli die farbigschte Tauchgäng gsi, wo mer bis jetzt hend döffe erlebe.
    Es het usgseh wie imene Film! So viel schöni farbigi Fisch und Koralle! 😍🐠
    Bim dritte Tauchgang het de Janis denn sogar na e riiesigie Schildchrot für d Tanja entdeckt 😍🐢
    (Isch leider nöd im Video, wel euse Tauchguide scho viel wiiter vorne gsi isch)
    Uf jede Fall en mega schöne Abschluss vom Tauche für eus ☺️❤️

    Am Abig hemmer eus uf e feini Pizza im Hotel gfreut. Aber das wo mer übercho hend, het mer nöd würkli chöne Pizza nenne.. 😅 ja nu mer hend wenigstens öpis z esse gha 🙈

    Morn gahts wiiter ✈️🇻🇳    Weiterlesen

  • Tanja & Janis on Tour
    Komplett übermüedet 😂
    1🥱1👌🏽Oises Zimmer für die negscht Wuche ☺️Überall d FlaggeSo vill lüt 😅😵 Fake märt ☺️Märt price abchecke und inspiziere ☺️Sind spontan na en Rundi go bowle obedra vom Iichaufszentrum ☺️🎳

    Tag 93 + 94 - Bye 🇵🇭 - Hello 🇻🇳

    2.–3. Mai 2025 in Vietnam ⋅ ⛅ 31 °C

    Letschti Tag ih de Philippine.
    Hüt gahts wiiter uf Vietnam.

    Am Morge hemmer namal de Status vo eusem Visa checkt. Leider isch es immer nanig bestätigt gsi, obwohl mer s eigentlich rechtziitig beahtreit hend. Und natürlich sind genau jetzt wieder Fiirtäg und s Amt isch gschlosse.. 😅🤷‍♂️😫🙄
    Aso hemmer eus schlau gmacht, was mer für Optione hend. Anschiinend muss mer vor de Abreis würkli e Bestätigung ha, suscht lönds eim nöd flüge..
    So hemmer eus für e Agentur entschiede, wo de Prozess für eus macht und das innerhalb vo es paar Stund. Isch zwar viel türer, aber defür hemmer d Garantie, dass es klappet. 🤞

    Aso merked eu, falls ihr uf Vietnam wennd, gnueg früeh plane und Visa so früeh wie möglich beahträge! 🙉

    Wo mer das klärt gha hend, hemmer eusi Sache packt, uscheckt und sind mit em Jeepney an Flughafe gfahre.
    Hüt isch eusi letschti längeri Reis vor eusem Heiflug.

    Vo Dumaguete zrugg uf Cebu, vo Cebu uf Ho Chi Minh und denn wiiter uf Da Nang.

    Mer hend wieder einigi Stund ah Flughäfe verbracht und sind schliesslich am nächschte morge am 7bni in Da Nang im Hotel ahcho 🙌

    Denn simmer als erschts in es Kaffi ghocket und hend öpis feins Zmorge gesse ☕️

    Spöter hemmer eus en Roller gmietet und wieder e Sim Charte für de Janis organisiert. Denn simmer biz dur d Stadt gloffe und hend eus d Umgebig ahgluegt.

    Am Abig simmer denn scho öpe am 8i todmüed is Bett gheit. 😅😴

    Mer freued eus druf, die nächschte Täg da z verbringe ☺️    Weiterlesen

  • Tanja & Janis on Tour
    ☕️
    Da Nang BeachDa Nang BeachDa Nang Beach1Oise Rooftop PoolDragon BridgeDragon BridgeDragon BridgeDragon Bridge1Dragon BridgeGym of the Day🤤💪🏽2Bizeps am explodiere vo de Tanja 🤯🤷‍♀️😂Im Beach Club am Kokosnüss schlürfeIm Beach Club am Kokosnüss schlürfeEn Kokojambo am Schlürfe 😎😎🥰😜🥰😬🥰1Ups, d Tanja wird vom Lifeguard zemegschisse, will si im vebrotene Bereich schwümmt 😂😅🤫1Einmal Massanzug, bitte ☺️

    Tag 95 + 96 + 97 - Da Nang & Hoi An

    4.–6. Mai 2025 in Vietnam ⋅ 🌩️ 31 °C

    Hüt hemmer eus en gmüetliche Tag gmacht.
    Nach em zmorge simmer is Fitness und am Namittag hemmer inere Beach Bar d Ussicht zum Strand gnosse.

    Am Abig simmer denn na an Son Tra Night Market und hend die viele Liechter ih de Nacht bestunt. Ih de Nacht gsehts mega schön us mit all dene Belüchtige und vor allem die berüehmti Drachebrugg isch scho es Highlight ☺️

    Wel mer langsam müed vom viele hin und her reise sind, hemmer eus entschiede e ganzi Wuche da in Da Nang z bliebe, bevor scho bald eusi Heireis ahstaht.
    So hemmer namal es paar Täg Strand und Stadt kombiniert und chönd glich na en Ihdruck vo Vietnam mitneh ☺️

    ---

    Zum nächschte Tag hemmer nöd viel meh z verzele.
    De Janis isch go Haar schniide.
    Denn simmer in es Kaffi ghockt und hend euse Blog wieder mal aktualisiert.
    De Namittag hemmer denn am Strand verbracht 🌊☀️🏖️

    Eigentlich hemmer vor gha namal es paar Surfstunde z neh und au selber z üebe, aber leider hets die nächschte Täg so guet wie kei Welle.. drum wird us dem leider nüt 🤷‍♂️🤷‍♀️

    ---

    De hütig Tag hemmer wieder mit em Fitness gstartet.
    Nach em Zmittag simmer denn mit em Roller ca. 40min uf Hoi An gfahre. De Namittag hemmer mit dur d Stadt schlendere und Läde ahluege verbracht.
    Spöter simmer denn au na an Night Market vo Hoi An und hend na es paar Souvenirs mitgno. ☺️🛍️

    De Janis het sich denn na spontan entschiede en Ahzug mache z lah.
    Es het da mega viel Schniider, wo en massgschniiderte Ahzug zu mega günstige Priise innerhalb vomene Tag ahbütet.    Weiterlesen

  • Tanja & Janis on Tour
    🥰✌🏼
    Käfele mit View ☕️Hoi AnHoi An Night MarketKünstler in Hoi An1Künstler in Hoi AnHoi An Night MarketHoi An Night MarketHoi An Night Market1Hoi An Night MarketKafi in Hoi AnKafi in Hoi AnGangster vo Hoi An 😎Künstler in Hoi AnHoi AnHoi AnEis Resort grösser als s andere ah de Küschte entlang 😅Riiserad in Da NangUf em Riiserad in Da NangUf em Riiserad in Da Nang

    Tag 98 + 99 - Da Nang & Hoi An 2.0

    7.–8. Mai 2025 in Vietnam ⋅ ☁️ 33 °C

    Hüt morge simmer wieder zerscht is Fitness und am Namittag isch denn de Janis in es Kaffi und d Tanja isch chli im Pool go schwümme. ☀️

    Spöter simmer namal uf Hoi An gfahre, damit de Janis sin Ahzug het chöne ahprobiere.
    De Ahzug isch würkli richtig schön worde! ☺️🤵‍♂️🥰 aber leider bizli z eng und so hemmer en nanig chöne mitneh.
    Mir münd na uf d Änderige warte und drum halt morn namal cho. Aber für so en Azug lohnt sich das definitiv ☺️

    (@Papi das wär eigentlich öpis für dich! 🤓
    Aber mer muss halt scho selber vor Ort sii, damit mer s cha ahprobiere..)

    Hoi An isch ja sehr bekannt für die schöni Altstadt und die viele Laterne. Mir hend befürchtet, dass es drum mega voll wird sii.
    Vor allem am Abig isch das denn au de Fall gsi. Aber mir münd sege, es isch würkli schön! 😍 überall hets farbigi Laterne, Läde, Tempel und de Fluss mached de Ort würkli zu öpis wo mer mal gseh ha muss. Het sich uf jede Fall glohnt dahi z cho! ☺️😍

    (Euse Tipp: d Bootsfahrt uf em Fluss cha mer sich spare, da hets am Abig so viel Boot gha, dass chum meh eine vorwärts cho isch 😂)

    -----

    Au de nächscht Tag hemmer mit Fitness gstartet.
    Am Nami simmer denn na paar Sache go poschte und namal go schwümme, bevor mer wieder uf Hoi An gfahre sind.
    Das mal het alles passt und mir hend am Janis sis neue Outfit chöne mitneh! 🥳

    Nach em Znacht simmer na in Asia Park uf s Riiserad (100m id Höchi) und hend de Usblick gnosse 🌃🎡😍    Weiterlesen

  • Tanja & Janis on Tour
    Bzz bzz 😎
    🤤🤙🏽Perspektive und Fokus ☺️1Hä?🤔Aaschlüssend öppis feind gesse binoisem Lieblings Griech ☺️Yes, die wunderschöni Sunneblueme isch echt und isch ab jetzt en Teil vo de Tanja 🌻🥰✌🏼😱

    Tag 100 - Tattoo Time, Da Nang

    9. Mai 2025 in Vietnam ⋅ ☁️ 32 °C

    De letschti Tag in Da Nang.
    Hüt hemmer es speziells Programm gha.
    Sege mer so, mer chömed nöd nur innerlich anderscht zrugg, sondern au mitere chline Veränderig üsserlich 🤭🙈

    De Janis het scho länger mal wele sis Tattoo am Arm biz verändere, wel ihm en Teil nöd gfalle het. Zudem het er sich na für es wiiters chlises Tattoo entschiede.

    Am Abig hets denn wieder gheisse Sache packe. Morn gahts zum letschte Stop vo eusere Reis: Singapur 🇸🇬    Weiterlesen

  • Tanja & Janis on Tour
    🥰🏙️
    🏙️🏙️🏙️🏙️🏙️🏙️🏙️1🏙️Chinatown 🇨🇳🏙️2De neu Aazug vom Janis ☺️✌🏼

    Tag 101 - Welcome to Singapur

    10. Mai 2025 in Singapur ⋅ ☁️ 30 °C

    Nach em Zmorge hemmer eus es Taxi an Flughafe bstellt.
    Ca. 3h simmer gfloge bevor mer euses hütige Ziel, Singapur erreicht hend.

    In Singapur ahcho, hets sich scho so es bizli wie ih de Schwiiz ahgfühlt 😅
    Alles isch schön ufgruumt, greglete Verchehr uf de Strasse und kei Abfall wo überall umelieht.

    Nach em ahcho simmer direkt öpis go esse. Euses Hotel isch ih de Nöchi vom Quartier „little India“, also simmer indisch go esse. Ih dem Quartier isch s eim scho biz vorcho, als wäre mer in Indie glandet, so viel indischi Touris hets gha 😂

    Spöter simmer na biz umegloffe und hend eus die riesige Wulchechratzer ahgluegt.

    Mer freued eus uf de Abschluss vo eusere Reis, da in Singapur ☺️    Weiterlesen

  • Tanja & Janis on Tour
    Uf em Sky Walk 😎🥰
    Botanic Garden 🪴1Botanic Garden 🪴Botanic Garden 🪴Botanic Garden 🪴Botanic Garden 🪴1Flower Dome 💐🌸Cloud Forest 🌳Cloud Forest 🌳Cloud Forest 🌳Cloud Forest 🌳Uf em Sky Walk ☺️Uf em Sky Walk ☺️Uf em Sky Walk 🥰Sky WalkUf em Sky Walk 😎Sky WalkSky WalkSuper Tree'sSuper Tree's Light ShowSuper Tree's Light ShowSuper Tree's Light Show

    Tag 102 - Singapur

    11. Mai 2025 in Singapur ⋅ ☁️ 31 °C

    Hüt hemmer eus en Tag mit Singapur vollpackt.

    Gstartet hemmer mit de „botanical gardens“. Das isch en schöne ruhige Start in Tag gsi. Mer hend sogar chlini Schildchrote im See gseh schwümme ☺️🥰 (nur de Otter, wo anschinend da lebt, hemmer leider nöd gseh 😢).

    Nachher simmer mit de Metro richtig Chinatown gfahre. Nachdem mer chli umegloffe und eus die viele Ständ und Läde ahgluegt hend, simmer es letschts Mal go Thai esse und hend eus e letschti Kokosnuss gönnt 😍🥥

    Am Namittag simmer wiiter zu de berühemte Marina Bay. Scho vo wiitem isch das Gebäude mega beeidruckend!

    Als nächschts simmer zu Gardens by the bay und hend eus det de Flower Dome und de Rain Forest ahgluegt. Das sind zwei riesigi Kupple volle mit Pflanze.
    Ehrlichgseit hemmer für de Ihtrittspriis bizli meh erwartet, aber schön isch es glich gsi.

    Im Ahschluss simmer denn zum Supertree Grove und hend vom Skywalk d Ussicht gnosse.
    Nachere churze Zwüscheverpflegig hemmer eus am Abig denn det au na d Liechtshow ahgluegt. Das isch uf jede Fall es Highlight gsi! 😍🎇

    Nach de Show simmer fein go Znachtesse und denn totmüed is Bett gheit.    Weiterlesen

  • Tanja & Janis on Tour
    🥰
    Helix BridgeMerlion🌸🌺💐🌸🌺💐Ufs Flugi warte, Kaffis im Starbucks wegschlürfe, damit mer dörfed hocke bliibe 😄🍫Jewel, Changi AirportJewel, Changi AirportJewel, Changi Airport🤷‍♀️🤷‍♂️Massagegrät teste 😅Warte ufs Flugzüg 😅

    Tag 103 - Singapur 2.0

    12. Mai 2025 in Singapur ⋅ ☁️ 30 °C

    Letschte Tag in Singapur und letschte Tag vo eusere Reis! 🙈

    Hüt hemmer eus vor allem na de Flughafe wele ahluege. Aso simmer am Mittag mit em Taxi an Flughafe gfahre.
    Mer hend eus denn det d Ziit e chli vertriebe mit umelaufe und überzuckereti Starbucks Kaffis wegschlürfe, bis mer s Gepäck denn hend chöne abgeh.

    Nachher simmer na zum Indoor Wasserfall und hend eus na de Schmetterlingsgarte welle aaluege, de het aber leider zue gha. 🤷‍♂️🤷‍♀️🦋    Weiterlesen

  • Tanja & Janis on Tour
    Back Home ❤️
    🥰Danke, Regula ☺️3Apropo: Sie het JA gseit am Flughafe Züri 👫☺️🥰

    Tag 104 - Ende, Flughafen Zürich

    13. Mai 2025 in der Schweiz ⋅ ⛅ 19 °C

    Am Abig isch denn euse Flug zrugg uf Züri bevor gstande.
    Mer hend d Ziit vor em Abflug namal gnutzt zum chli uf die letschte Mönet zrugg luege.
    Mer hend würkli soo viel schöni Sache döffe gseh und erlebe, wofür mer mega dankbar sind.
    Mer hend Challenges und Useforderige zeme gmeischteret und das het eus namal uf e ganz eigeni Art zemegschweisst.

    Au wenn euses Abentür jetzt vorerscht verbi isch, freue mer eus sehr uf alles dihei. Mer hend während dere Ziit würkli namal viel meh z schätze glernt, was mir alles hend und sind eifach nume dankbar. 🙏

    Danke viel mal ah alli wo so flissig euse Blog glese und kommentiert hend. Das het eus jedes Mal sehr gfreut! ☺️

    Und jetzt freue mer eus vor allem, eu alli wieder z gseh! ❤️☺️

    Bis zu eusem nächschte Abentür…🌏🌍🌎    Weiterlesen

    Ende der Reise
    13. Mai 2025
  • 2026© FindPenguins
  • Start
  • Über uns
  • Gruppen-Tracking
  • Presse
  • Nutzungsbedingungen
  • Datenschutz & Cookies
  • Hilfe-Center
  • Impressum