Aramayı sıfırla
Australien Roadtrip 2026
  • Yasmine Kindler
Şimdiki
  • Yasmine Kindler

Australien Roadtrip 2026

Mit dem Mietauto durch Down Under – zu Land & im Wasser.
- 6 Wochen Westküste (Perth–Esperance– Perth- Exmouth),
- 6 Wochen Ostküste (Adelaide- Melbourne- Sydney- Brisbane- Cairns.
Abenteuer pur ✨🚐🌊 Okumaya devam et
Takip EtGenel BakışGenel BakışTakvimTakvimFotoğraflarFotoğraflarPaylaşPaylaşYapılacaklar listesi
Genel BakışTakvimFotoğraflar
  • Şu anda
    🇦🇺 Bremer Bay, Australien
    Yasmine KindlerAustralien Roadtrip 2026Gezgin

    Hüt mau Angers

    Dün, Avustralya ⋅ ⛅ 17 °C

    Dr nöchst Stop ish Bremer Bay gse. Ungerwägs simer dürs Nüt gfahre und hei säute angeri Autos krüützt. Dr Alex het bim Fahre testet wär aues zrüg winkt... mir hei noni usegfunge öbs nur angeri Touriste si gse oder Einheimishi👋🏼😅
    Ufemne chline Parkplatz hei mir e grosse Camper gfunge wo sech äuä parat gmacht het für zum übernachte. Wöu jo dr Camper elei ned glängt het, heter no si PW hinge nochezoge😂 das passiert wenn me sech ned entscheide cha😂😂😂
    In Bremer Bay aacho hei mir üses hütige chline Heim bezoge... das mau chlei öbbis angers😅 mir si nämlech ufemne Camping wöu mir niene öbbis angers gfunge hei zum übernachte. Nachdäm mir am Nomi e Snack gässe hei simer am obe ines Hotäu go Take away hole.    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Lake Seppings

    15 Şubat, Avustralya ⋅ ⛅ 19 °C

    Mir si üse zwöit Nachtspaziergang go mache. Für dä simer zum Lake Sepping gange. Ufem wäg dört ane hei mir bim fahre einigi Haase gse vor Gebüsch hocke oder uf Wise ume hopple.
    Ufem Parkplatz aacho hei mir üs de aafo parat mache. Dick iipackt und mit de Taschelampe simer los gange ufd Suech nach Tierli.
    Mir hei zwar föu Tierli gse aber es si eigetlech nur Fröschli & Mugge gse🐸🦟 aber hee immerhin😅
    Wo mir üs de zuu fest hei aafo närve vo de Mugge hei mir kehrt und si wider zrüg zum Auto gange.    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Emu Point

    15 Şubat, Avustralya ⋅ 🌬 22 °C

    Mir hei no e Abstächer nach Emu Point gmacht (Kei ahnig wieso das so heisst).
    Dört simer am Strand verbii gloffe und hei so schliimigi durchsichtigi Würstli entdeckt... nach däm mir Googlet hei was das ish, het sech usegstöut dass das Eier si vo Mondschnägge und keni Qualle oder so....🐌 trotzdäm grüselig😂
    Churz bevor mir hei wöue go, ish de no e Pelikan verbii choo wöu e Grossvater mit sim Enku Fische usgnoh hei.🐟    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Albany Heritage Park

    15 Şubat, Avustralya ⋅ 🌬 22 °C

    Letscht Nacht hets zimli gräägnet. So fest das mir beidi mehrmaus verwachet si dervo.
    Leider ish au hüt düre Tag s Wätter zimli unsicher gse. Drum hei mir dr Tag gmüetlech gstartet und si zersh mau gse go zMorge/zMittag ässe und när i Albany Heritage Park gange.
    Dört simer de e Spaziergang go mache und hei ganz föu vo dene "Wurst" Echsene sogenannti Skinks gse🦎    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Torndirrup National Park

    14 Şubat, Avustralya ⋅ 🌬 21 °C

    Hüt hei mir dr Tag im Torndirrup National Park verbrocht.
    Mir si a verschidene bekannte plätz gse wie z.b. The Gap oder Natural Bridges bis zu de Blowholes wo dür die Starche Wäue Luft ufegschosse wird. 🌊
    Das ish der erst Nationalpark gse wo me iitritt het müese zahle. Aber si hei das tiptop glöst und me cha bi de meiste Parkplätz es Ticket am Automat löse und de chame dr ganz Tag überall im Park hee go.
    Mir hei s glück gha im Richtige Momänt am Richtige Ort zii und hei nöch a de Föuse entlang e Gruppe Delfine chönne beobachte. Sisi nur churz verbii gschwumme und si nach churzer Ziit när wider verschwunde gse.🐬    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Elephant Rocks & Greens Pool

    13 Şubat, Avustralya ⋅ ☀️ 24 °C

    Nachdäm mir ide Bäum si umegloffe simer wiiter zum nöchste Strand.
    Bi de Elephant rocks hets riise grossi föuse im Meer und gad näbe draa ish dr Green Pool wo super ish zum schnorchle.
    Trotz de chüele Wassertemperature (20°C🥶) hanis de doch is Wasser gschafft und ha mit mire Taucherbröue & em Schnorchu paar Fischli gsuecht & au gfunge.
    I has de aber ehrlechgseit ned auu zuuu lang usghaute und bi wider zrüg a Strand gange.    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Tree Top Walk

    13 Şubat, Avustralya ⋅ ☀️ 22 °C

    Hüt morge ishes bi üs wiiter gange in Richtig Oste nach Albany. Ungerwägs hei mir aber zwe stopps gmacht wobi der eint im Walpole-Nornalup-Nationalpark is gse. Mir si nämlech zum Valley of the Giants Tree Top Walk gange. Vo dört us simer mau uf Kopfhöchi mit de Vögu gse.
    Dr höchsti Punkt vo däm Tree Top Walk ish 40m überem Bode. Zwüsche dene grosse Bäum füeut sechs aber gar ned soo höch aah.🌳
    Wöus aber zimli gluftet het, hei au die ganze Brüggli zimli gschauklet und es hets sech aagfüeut aus wärs Bsoffe am porbiere gradu uusz laufe. Aber hee es het jo gländer gha auso ish das tiptop gange😁    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Nachtspaziergang

    12 Şubat, Avustralya ⋅ 🌙 17 °C

    Gester obe simer no e spaziergang go mache im Dunkle. Gad näbe üsem Hotäu ish e schöne chline Rundwäg gse vom National Park.
    Es ish sehr spannend gse im Dunkle mit üsne Taschelampe düre Waud z laufe. Mir hei einigi cooli Tierli gse und gaaanz vili ghöört. Au wenns mängish nur es Raschle im Gebüsch ish gse.Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Hamelin Bay

    12 Şubat, Avustralya ⋅ 🌬 21 °C

    Mir si aus nöchsts zur Hamelin Bay gange um dört die berüehmte grosse Stachuroche z gsee.
    Mir hei hüt au gad glück gha, wöu es het mehreri gha wo ir nöchi vom Strand umegschwumme si.
    Es ish sogar e sehr grosse diräkt vor üsne Füess umegschwumme und de lüt cho hallo säge. Au wenn Stachuroche gfährlech chöi sii, si sech die a Mönsche gwöhnt und friedlech.Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Lake Cave

    12 Şubat, Avustralya ⋅ ☀️ 21 °C

    Vo Margaret River simer wiiter Richtig Süde gfahre mitem Ziu zum Strand mit de Stachuroche z go. Ungerwägs hei mir de no e spontane Zwüschestopp gmacht bi einere vo de vilne Höhliine i dr Region.
    Schlussändlech simer bim Lake Cave glandet. Dört darf me nur mitere gfüehrte Tour ine und nachdäm mir üsi Tickets kauft hei und 20min gwartet hei ishes de mitem Tom (Guide) die vile Stägli abe id Höhli gange. Ungerwägs het üs dr Tom föu über d Entstehig und Entdeckig vo dere Höhli verzöut und wo mir de dunge aacho si hei mir die vile Stalaktite und Stalamite bestuunt. Das ganze ish sehr iidrücklech gse, au wenns ned so Spass gmacht het die ganze Stäge wider ufezlaufe...    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Busselton Jetty Unterwasser

    11 Şubat, Avustralya ⋅ ☀️ 24 °C

    Hüt mau dr Jetty vonere angere Perspektive. Nämlech dere vo de Flischli 🐟🐠🐡

    Dr Jetty bietet e sehr schöne Platz zum go tauche wöus föu verschideni Fisch und farbigi Koralle het. Bsungrigs schön si die grosse Houzpfiiler wo überwachse si mit Koralle.

    Es ish sehr schön gse, aber dr 5mm Neoprenazug ish nötig gse da s Wasser relativ chaut ish gse und so nach 50min ungerwasser sogar mit däm langsam chaut becho hesh.🤿    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Canal Rocks

    10 Şubat, Avustralya ⋅ 🌬 25 °C

    Dr letsht Punkt vom hütige Program si no d Canal Rocks gse wo me via Holzbrüggli het chönne go aaluege.
    Zwüshe de orange/-rötleche Steine hets ganz föu Schnäggli und Kräbsli gha. Au es paar sprunghafti Fischli hei mir gse... die si aber z schäu gse für üsi Foto-Fähigkeite.
    Nach dene erste iidrück vo der steinige Küste do im Weste vo Australie simer wider zrüg nach Busselton i üses Hotäu gange, da mir morn dr Busselton Jetty no ungerwasser gö go aaluege🤿    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Cape Naturaliste Lighthouse

    10 Şubat, Avustralya ⋅ 🌬 24 °C

    Mir si hüt vo Busselton e Usflug go mache richtig Weste. Aus ersts simer zum Cape Naturaliste Lighthouse gfahre wo im Leeuwin-Naturalist National Park ish.
    Dört aacho simer ufne Spaziergang ume Lüchtturm gange und hei schlussänlech bir Whale Watching Platform no es Paar Seelöie gse bim Schloofe/Sünnele.🦭
    Dr wäg ish sehr schön gse und es het fash keni Lüt gha.... derfür föu z Föu Flöige wo föu Körperkontakt gsuecht hei....🪰    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Busselton Jetty

    9 Şubat, Avustralya ⋅ 🌬 22 °C

    Womer in Busselton si aacho simer nachem iichecke öbbis go ässe und när zum berüehmte Jetty füre gloffe.
    Dr Pier ish über 1.8km läng und somit dr längts Pier uf dr Südleche Hemisphäre. Es het sogar es Zügli wo druf ume fahrt! (Aber nur bis 18.15 Uhr... mir si auso leider z Spoot gse)

    Es ish zimli windig gse und au "nur" no knapp 23°C gäge Obe. Mir si de ned dr ganz Pier abgloffe sondern hei de irgendwenn mau kehrt wöus de doch relativ frünsh ish worde. Mir hei no dr Sunneungergang abgwartet bevor mir wider Richtig Hotäu si gange.    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Dolphin Discovery Center

    9 Şubat, Avustralya ⋅ ☀️ 31 °C

    Mir hei nachdäm mir üses Auto ghout hei und Richtig Busselton gfahre si, no e churze Zwüschestop in Bunbury gmacht und si bim Dolphin Discovery Center go froge öb si no freii Plätz hei binere Delfin Tour. Leider si hüt aui scho usbuechet gse und de simer aber bi ihne im Center go d Aquarium aaluege bevor mir när wiiter si gange.Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Perth Zoo

    8 Şubat, Avustralya ⋅ ☀️ 33 °C

    Hüt simer zum Zoo gloffe und hei dört föu tierli aagluegt. Zersh hei mir üs überleit uf Rottnest Island z go, aber es het momentan extrem Starche Wind gha und drum hei mir dänkt das schiebe mir ufe 2. Bsuech in Perth nachdäm mir vor Rundi im Süde zrüg chöme.
    Dr Zoo ish sehr gross und wiitläufig gse mit föune grosszügige Gheg und schöne Pflanze. Es het sech fash aagfüeut as würde mir nöime ir Natur umelaufe (natürlech mit Usnahme vo bestimmte Tierarte wo me in Australie ned würd finge)    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Kings Park 3/3

    7 Şubat, Avustralya ⋅ ☀️ 32 °C

    Mir hei natürlech usschau ghaute nach Tierli wo mir düre Park gloffe si. Leider hei mir keni Schlangene oder so gfunge... aber dene ishes sicher au eifach z heiss gse.
    Es het aber sehr föu Vögu gha und mir hei doch einigi verschideni gse & sogar gschafft z Fötele (ish ned so eifach gse!)🐦
    Näbstem berüehmte Kookaburra und angerne gefiederte Tierli hei mir no paar Spinele gfunge unger angerem Goldigi Siidespinnele oder au e chlini uffäuigi Wiehnachtskreuz Spinne.🕷
    Währendem düre Bushland Teil vom Park hei mir au föu Luuti und zirpendi Insekte ghört wo sehr schwirig si gse z finge. Paar wenigi hei mir a de Bäum enttdeckt.🪳🦗    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Kings Park 2/3

    7 Şubat, Avustralya ⋅ ☀️ 30 °C

    Dr ganz Park ish über 400 hektar gross und aues ish gratis zuegänglech. Dört ghört au dr Botanisch Garte derzue. Es het föu schöni Blüetene gha und spezielli Bäum und Strüüch wo mir in Europa ned kenne.🌿🪴🌴🌳
    Es ish scho sehr heiss gse a dr diräkte Sunne, aber dank de vile Bäum hets gnue schatteplätzli gha und au die meiste Wäge si teils schattig gse.☀️
    Wenns aber Durscht het gäh hets a diverse Ort au no Trinkbrünne gha wo me d Wasserfläschli het chönne föue (Aber me hets zersh lang müese lo laufe da eifach fasch chochend heisses ish usecho).    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Kings Park 1/3

    7 Şubat, Avustralya ⋅ ☀️ 29 °C

    Mir si hüt i Kings Park gange wo diräkt hinger üsem Hotäu ish. Leider ishes aber es bitzli höcher obe gse und drum hei mir via Jacob's Ladder 242 Stägetritte müese ufe laufe. 🥵
    Dobe aacho hei mir kurz e momänt brucht zum verschnuufe bevor mir när die schöni Ussicht vorem iigang vom Kingspark bestuunt hei.
    Au wenns aasträngend ish gse... bsungrigs no i dere Hitz, hets sech scgo nur wäge dr Ussicht glohnt.    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Der Erste Grosse Strand

    6 Şubat, Avustralya ⋅ 🌬 27 °C

    Nachdäm mir üs gstercht hei simer wiiter Richtig Süde gloffe und zu de nöchste Stränd gange.
    Dört hei mir üs uf dr Ligewiise am Schatte churz chlei erholt und si när barfuess düre fiin Sand gstampft. S Wasser ish relativ chaut gse, aber es het au zimli fest gluftet dür das hets sech au ned nach 30°C aagfüeut sondern eher aagnähme 25°C.
    Aber sobaud dr Luft wäg ish gse het me d Hitz gad gspürt.🥵
    A däm Strand si Hünd erlaubt gse und föu hei dört ihri Spaziergäng gmacht. Ei öutere Hund het de plötzlech gmeint är ghört zu üs und ish mit üs witer gloffe, bis de dr Bsitzer gmerkt het ihm fäut e Hund und het ne wider zrüg ghout.🐕    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Bather's Bay

    6 Şubat, Avustralya ⋅ 🌬 28 °C

    Ufem Wäg richtig Strand simer no bim "The Round House" verbii gange. Das ish es ehemaligs Gfängnis ufemne chline Hügu gad vorem Strand. Jede Tag am 1 düesi dört no d Kanone zünde... S het bi üs aber ziitlech gad ned passt, und mir hei ned möge e Stund dört druf warte.
    Mir si de wiiter am Strand entlang gloffe und zum Yacht Club go d Bootli aaluege. 🛥🚤
    Im Fischer hafe hei mir när im Cicerello's Fremantle ihri berüehmte Fish'n Chips gässe (die si wük sehr fein gse!) 🐟😝    Okumaya devam et

    Çeviriyi gör
  • Yasmine KindlerAustralien Roadtrip 2026Gezgin

    Elizabeth Quay

    5 Şubat, Avustralya ⋅ ☀️ 29 °C

    Nachdäm mir üses Hotäuzimmer bezoge hei und dr Alex ufgäh het mit Holafly z diskussiere wöuer sini eSIM nid z laufe bechunnt.... simer no chlei umegloffe und bis zum Elizabeth Quay gange.
    S wätter ish top und die 30°C si im schatte sehr aahgnähm gse dankemne lüftli wo gange ish. Me merkt aber scho das d sunne stark ish... drum hei mir au gad no gnue Sunnecreme kauft!☀️

    & zum zNacht hets sehr feini Dumplings gäh😋    Okumaya devam et

    Çeviriyi gör
  • 2026© FindPenguins
  • Ana sayfa
  • Hakkımızda
  • Grup takibi
  • Basın
  • Hükümler
  • Gizlilik & Cookies
  • Yardım Merkezi
  • Damga