Viking Sun

Et 8-dagers eventyr av Philipp & Alex Les mer

Følg Oversikt Kalender Bilder Del

Viking Sun
1
erneut Fähri fahre
26. juni 2024, Norge ⋅ ☁️ 12 °C
mittlerwile isches i däm Egge vo Norwege gar nid eifach odr nur mit riese Umwege möglech dene Fährene usem Wäg z gah, dr Wale gniessts abr au mengisch e chli chauffiert zbwerde und so gönne mir ihm das natürlech gern 💁🏼‍♂️Les mer
Se oversettelse
Reisende Und scho wieder blaue himmu 👌
28.06.2024SvarOversette
0 liker
Viking Sun
scho wiedr Chüeh
26. juni 2024, Norge ⋅ ☁️ 12 °C
die Chüeh si wie d Schaf hie überau und vorauem spontan hinger dr Kurve ahztreffe 🙆🏼‍♂️ abr immerhin sisi nid schreckehaft und blibe eifach gmüetlech stah, egal weles odr wieviu Autos nebedüre düse, somit simer no jedesmau ringsum cho 👌🏼Les mer
Se oversettelse
0 liker
Viking Sun
beste Ussichtspunkt
26. juni 2024, Norge ⋅ ☁️ 13 °C
fingt me ganz obe uf dr Eagle Road und isch aso e absoluti Empfehlig 👌🏼😂 die ganze Grau-Nuance si faszinierend!
Se oversettelse
ReisendeWow, das isch umwärfend, das panorama 😂
28.06.2024SvarOversette
1 liker
Viking Sun
wenigi Kurve spätr
26. juni 2024, Norge ⋅ ☁️ 13 °C
würklech nur ca. 50 Höhemeter ungedra hei mr ungr de Wulche e wundeschöne Fjord entdeckt wo e ordentleche Dampfer vo Chrützfahrrschiff vor Anker isch glege 😱
Se oversettelse
0 liker
Viking Sun
1
weme scho Schnee fingt
26. juni 2024, Norge ⋅ ☁️ 13 °C
womer es Hüüfeli Schnee nöch ar Strass gseh hei, hei mrs nid chönne la si direkt d Challenge vom Tag z erfülle und e chline Schneemah z baue, mir si nid die erste gsi, drum isches womer gamge si bereits e chlini Familie vo Schneemanne gsi derte 😂Les mer
Se oversettelse
Reisende Schöni Exemplare heit ihr häregschteut...😂👍
28.06.2024SvarOversette
0 liker
Viking Sun
chli meh Schnee
26. juni 2024, Norge ⋅ ☁️ 14 °C
natürlech wos chli meh Schnee het gha, hei mrs üs nid wöue la näh dr Wale im beste Liecht as Offroader darzstöue, naja dä Plan isch nid so gloffe wie ghofft, jedoch scho es bitzeli so wiemers erwartet hei 😅
abr es mega netts Team mitemne Mitsubishi het üs usezoge und het när säubr no i Schnee wöue mit em Wale as Rüggedeckig fauser au stecke blibe wär (waser au fasch wär, abr nur fasch)Les mer
Se oversettelse
Reisende🤣
02.07.2024Svar
1 liker
Viking Sun
die Rally gits scho länger
26. juni 2024, Norge ⋅ ☁️ 14 °C
wie mr emne lokale Schild und üsne natürlech usgsproche elaborierte Norwegisch-Kenntnisse entnoh hei, gits die Rally schones Zitli und si hei scho geng derte Pause gmacht (nid z genau lese was uf englisch no ufem Schildli steit)Les mer
Se oversettelse
0 liker
Viking Sun
tatsächlech abseits vom Asphalt
26. juni 2024, Norge ⋅ ⛅ 15 °C
richtigs Rally-Feeling chunnt natürlech gad uf weme überne Schotterpiste fahrt wo e alti Bergstrass isch, aber trotz däm das am Alex si Gasfuess da natürlech entzückt isch gsi vo sonere Glegeheit hei mr des öfteren ahgahalte um d Ussicht z gniesse und slgar none Troll hei me ahtroffe! 😂
Da hei mr üs när gad es Getränk usem Chüehlschrank gegönnt 😁Les mer
Se oversettelse
0 liker
Viking Sun
1
doch es paar Höhemeter
26. juni 2024, Norge ⋅ ⛅ 19 °C
das het me nid nur dr Landschaft ahgseh, sondern au ar Petfläsche womer z letzt obe ufem Pass offe gha hei 💁🏼‍♂️
Se oversettelse
Reisende Traumhaft 🥰
28.06.2024Svar
0 liker
Viking Sun
2
erste Zwüschstopp vom Tag 6
27. juni 2024, Norge ⋅ ⛅ 19 °C
e schöne Wasserfall mitemne Alex in freier Wildbahn und emne herzig gstaltete Wanderweg
Se oversettelse
Reisende Gits no mehreri vo där Gattig?😉👍
28.06.2024SvarOversette
ReisendeDa muesi ehrlech si, vode Fotene ja, abr vom Alex nei, dä isch einzigartig uf die perfekti schregi Art wiener isch 👌🏼😄
28.06.2024SvarOversette
0 liker
Viking Sun
2. Ussichtspunkt
27. juni 2024, Norge ⋅ ⛅ 18 °C
dasmau mit Ussicht uf d Strass womer abe wei, bim abefahre hei mr zersch Angst gha es si üsi Bremse si wo stinke, abr zwe Kurve spätr hei mr ufenes alts Füürwehrfahrzüg ufgschlosse wo bi üsere Rally mitfahrt, drum hei mr üs när geeinigt dases däm sini Bremse müesse gsi si 💁🏼‍♂️👌🏼😄Les mer
Se oversettelse
.... im Ignoriere isch dr Alex no ging dr bescht gsy 😆 [Michel]
28.06.2024SvarOversette
0 liker
Viking Sun
no meh Fähre fahre!
27. juni 2024, Norge ⋅ ⛅ 22 °C
dasmau hei mr sogar für die ersti Etappe unge id Fähri dörfe, när hei mr bim Zwüschestop use müesse, si mit aune zäme es Kreisli gfahre und hei üs 180° dreit wiedr uf Fähri ihgreit 👌🏼😂
Se oversettelse
0 liker
Viking Sun
Wieviu Rally-Teams bruchts fürnes Füür?
27. juni 2024, Norge ⋅ ☁️ 26 °C
schient so as wäres über 50!
eini vo de Challenges isches gsi das aui es am Start verteilts Stöckli mitnehme und das a Tag 6 mit angerne Teams zäme ahzünde, drum hei mr e Parkplatz voremne grössere Ihchaufscenter gfüehlt komplett bsetzt mit Rallyfahrzüg und heis tatsächlech uf über 50 Teams gschafft, aso ca. 1/3 vo allne wo mitmache 😄👍🏼Les mer
Se oversettelse
1 liker
Viking Sun
Florø (naja)
27. juni 2024, Norge ⋅ ☁️ 19 °C
viu z gseh gits nid, zmingscht es paar schöni Fotos
Se oversettelse
0 liker
Viking Sun
Camping am Tag 6
27. juni 2024, Norge ⋅ ☁️ 18 °C
nachemne wietere lange Tag hei mr üs ufemne Camping ir Nächi vo Skogtun (usserhalb vo Bergen uf de Insle) mit angerne Teams troffe und ufere Wiese campiert.
Aui Autos hei mr eso usgrichtet dasmer au nachem ahgseite stärchere Rege no vor Wiese hätte chönne rolle. 😅
Wie me de letzte Fotis ahgseht isch s Wettr när tatsächlech no chli stürmisch worde mit Rege und Wind, abr defür simer mau früeh is Bett und hei beinahe 8h Schlaf becho 👌🏼

Auno z erwähne isch die geniali Lounge vom Campingplatz wo Zueflucht und Wlan bote hät und das imene witzige Berghütte-Stil 😂Les mer
Se oversettelse
1 liker
Viking Sun
1
Sightseeing in Bergen
28. juni 2024, Norge ⋅ 🌬 18 °C
dr zwöit grösste Stadt in Norwege (endlech wiedr einisch chli Zivilisation wo us meh as drü rote Hüser besteit 😂)
es git schöni alti Hüsli, witzigi Strassenäme, Bagger wo au Teil vom Team Omega Racing si und geniale Kaffi, dr Alex hät ne ebefaus grüehmt wener nach mine zwe Kaffis no zu Wort wär cho 🤷🏼‍♂️😁Les mer
Se oversettelse
Coooool, e Bagger! [Michel]
02.07.2024SvarOversette
0 liker
Viking Sun
dasmau e grossi Fähre bi viu Wind
28. juni 2024, Norge ⋅ 🌬 18 °C
huuf, da het me müesse seefest si für die Überfahrt odr guet ufe Horizont luege 😅
Se oversettelse
0 liker
Viking Sun
Stavanger (in sehr nass)
28. juni 2024, Norge ⋅ 🌧 15 °C
es macht de Ihdruck as wärs e schöni Altstadt wo meh undeh vo Neubaute gfresse wird, abr so genau simers nid ga ahluege wüüs eso gschiffet het 🌧️☔😅
Se oversettelse
0 liker
Viking Sun
e sehr wichtigi Ortschaft in Norwege 💁
28. juni 2024, Norge ⋅ 🌬 13 °C
da gits nüme hinzu zfüege
Se oversettelse
Nei, absolut nid [Michel]
02.07.2024SvarOversette
0 liker
Viking Sun
Lysefjord, emu s einte Endi
29. juni 2024, Norge ⋅ ☁️ 9 °C
da d Fähri nid düre Lysefjord het wöue fahre a däm Tag simer haut de glich Pass hi und zrüg gfahre, standesgemäss mit Schaf-Slalom, und unge am Fjord hei mr no de Wale uf 10cm Legos ufbockt wüus eini vode Challenges isch gsi 😄👍🏼
Dr Pass wiedr düruf het dr Alex wiedrmau Freud gha 😂Les mer
Se oversettelse
0 liker
Viking Sun
Finishline!! 🏁🥳😁
29. juni 2024, Norge ⋅ ☁️ 15 °C
nach 8 Täg und gnue km simer düre Zielboge cruiset, hei no die letzte Dokumentatione vode Challenges abgäh und d Zämefassig usgfüllt.
Ahschliessend isch d Siegerehrig cho, wo zwar nid mir, abr üserer Meinig nah genau die richtige Teams gwunne hei 👌🏼😄Les mer
Se oversettelse
0 liker
Viking Sun
dr Morge vor Abreis 😕
30. juni 2024, Norge ⋅ ☁️ 10 °C
natürlech simer am Aabe no gmüetlech zämegsesse mit de Teams womer ungrwägs kenneglernt hei und hei über d Rally und so manches angeres philosophiert, bises de doch langsam sehr spät und chaut isch worde. 🥶
Dr nächsti Morge isch de scho am 05:30 cho 🥱 dases üs uf d Fähri bis Hirtshals längt. Dr Start isch chli neblig und nass gsi, s Kaffi uf dr Fähre isch jedoch gnue Motivation gsi.👌🏼😄Les mer
Se oversettelse
0 liker
Viking Sun
und scho verlöh mr Norwege 🇧🇻🥲
30. juni 2024, Norge ⋅ ☁️ 13 °C
mit Vorfreud ufd Schwiz, gnue Fotis as wäre mr 3 Wuche ungrwägs gsi und Erinnerige für no viu meh, fahre mr de Wale uf d Fähri mitem passende Name (odr Typ) "SuperSpeed1" 🏎️👌🏼😁

Jetz lige "nurno" ca. 1'400km vor üs und de simer scho wiedr dehei 😅 wüu mr die hauptsächlech uf dr Bahn abspuele werde vermuetlech nüm viu Posts folge...Les mer
Se oversettelse
0 liker
Viking Sun
Vorsicht umgheits Auto 🙆🏼‍♂️
30. juni 2024, Danmark ⋅ ☁️ 16 °C
s Schiudli hani leidr chli zu knapp no wöue Fötele, abr a Auto hei si zum Glück bereits weggruumt gha
Se oversettelse
0 liker
Viking Sun
chli Spass uf dr Kartbahn darf si 😁
30. juni 2024, Danmark ⋅ ☁️ 17 °C
zersch isch d Challenge gsi die Kartstrecki in exakt 100 Sekunde abzfahre, de hei mr schnäu usgrechnet dasmer da durchschnittlech 35,3km/h sötte fahre und heis när churzum i 70 Sekunde ringsum zoge 😅😂
Tja da chame nüt mache wenn dr Wale Rennluft schnupperet 🤷🏼‍♂️

Abr när hei mr no dörfe chli Spass ha (mit dr Umdekorierig vom Camping-Zügs im Inneruum -> abr es isch aues heil blibe, nur nid dert womers ursprünglech hei anegleit 😂)

PS: d Videoufnahme si uf Grund vom dynamische Umfeld innerhalb vom Auto teils chli Armaturebrett-lastig und daher meh as auditives Vergnüege z verstah, die bessere Videos vo Drifts folge de noLes mer
Se oversettelse
0 liker