Suche zurücksetzen
down under 24/25
  • yanik
  • Jasmin Wyss
  • yanik
  • Jasmin Wyss

down under 24/25

🇳🇿 New Zealand
🇫🇯 Fiji
🇦🇺 Australia
🇮🇩 Indonesia
🇸🇬 Singapore Weiterlesen
FolgenÜbersichtÜbersichtKalenderKalenderFotosFotosTeilenTeilenBucket List
ÜbersichtKalenderFotos
  • down under 24/25
    11

    mount taranaki

    3. Dezember 2024 in Neuseeland ⋅ ☁️ 18 °C

    obwohl d wetterbrichte entschlosse vo bewölkt u rege hei gredt, heimer am morge churzerhand entschide die 2.5h wanderig zum seeli ufe z mache. wos de ufzmau wieder chli het afah zuedue ha ig de zgfüeu gha, i mues ize ufesekle u ha die 700 höhemeter ir haube zyt gmacht🫣 i ha zwar när nid meh gseh aus d jasmin, drfür hani dobe chli lenger chönne em wolkespiel zueluege🌋Weiterlesen

  • down under 24/25
    1
    1

    world's longest place name

    4. Dezember 2024 in Neuseeland ⋅ 🌬 25 °C

    taumatawhakatangihangakoauauotamateaturipukakapikimaungahoronukupokaiwhenuakitanatahu

    ..heisst d ortschaft wo weltwit dr lengst name het. übersetzt bedütets: "the place where tamatea, the man with the big knees, who slid, climbed and swallowed mountains, known as 'landeater', played his flute to his loved one"Weiterlesen

    Übersetzung anzeigen
  • down under 24/25

    rivendell

    5. Dezember 2024 in Neuseeland ⋅ 🌬 20 °C

    "mordor gandalf, is it left or right?" (lord of the rings)

    das het dr frodo dr gandalf ungerem tor vo rivendell gfragt. das tor isch aber s einzige wo vo de kulisse vo rivendell no steit. alles andere isch wieder zrügg boue oder vo ahfang ah digital gschaffe worde.Weiterlesen

  • down under 24/25

    fery wellington - picton

    7. Dezember 2024 in Neuseeland ⋅ ☁️ 16 °C

    eigentlech hättemer scho e tag früecher uf d südinsle wöue. üsi buechig isch aber wegere technische störig vom schiff anuliert worde. nach langem hin u her heimer aber när glich am tag druf am morge uf d fähre chönne⛴️Weiterlesen

  • down under 24/25
    1

    wharariki

    8. Dezember 2024 in Neuseeland ⋅ ☁️ 17 °C

    dr strand wo eis vo de standard-hingergrundbilder vo windows ufgnoh worde isch heimer üs natürlech nid chönne la entgah. z wätter isch zwar wieder mau semioptimau gsi, aber mir si uf jede fau da gsi!😌

  • down under 24/25

    pancake rocks

    9. Dezember 2024 in Neuseeland ⋅ ☁️ 15 °C

    wi dr name scho seit gseht d küste hie us, aus hätt me pancakeartigi steine ufenang bigelet. dases so usgseht ligt aber am meer und vorauem ar chraft vo de welle, wo die verschiedene sedimentationsschichte ungerschidlech schnäu abbout. so hets mittlerwile nebst de pancake rocks ou viu caves u tunnels usgspüeut🌊Weiterlesen

  • down under 24/25

    one way bridge

    10. Dezember 2024 in Neuseeland ⋅ ☁️ 13 °C

    brügge boue isch tür. das isch üsi erkenntnis nachdem mer mittlerwile über 100 mau überne sogenannti "one way bridge" si gfahre. vo ganz churze bis zu ganz länge mit uswichsteu ir mitti oder ample isch aues drbii🌉

    ps: me darf usserorts immer mit 100km/h drüber düüüse😎😏    Weiterlesen

  • down under 24/25
    2

    wānaka

    11. Dezember 2024 in Neuseeland ⋅ ☁️ 16 °C

    ou in wānaka isch s wetter sehr unberechebar. zwüsche de erste zwöi bilder ligt nur 1h. das bereitet üs bir planig vo de kommende täg immer chli chopfzerbreche.. drfür heimer de immer umso meh fröid wes mau ufduet u mir bi sunneschin see u camping chöi gniesse🏕️Weiterlesen

  • down under 24/25
    11

    roy's peak

    12. Dezember 2024 in Neuseeland ⋅ ☁️ 16 °C

    nach 3h, 8km wäg & 1200 höhemeter simer am achtii am aabe ufem roy's peak ahcho..d ussicht während em ufstieg und insbesondere ganz obe isch eifach atemberoubend gsii 🌄

    mir hei aber de o wieder abe müesse.. so heimer üs womer um mitternacht wieder zrügg ufem camping si gsii o dementsprechend uf di warmi duschi und s bett gfröit😴Weiterlesen

  • down under 24/25

    aoraki (mount cook)

    13. Dezember 2024 in Neuseeland ⋅ ☁️ 10 °C

    mir si wieder mau bi semi-optimalem wätter go wandere. ds wär somit scho die zwöiti wanderig womer dr berg - i dem fau hie iz dr höchst berg vo neuseeland (3724m.ü.m.) - nid ganz gseh. schön isches aber trotzdem gsii 🏔️Weiterlesen

  • down under 24/25

    flusswelle hawea

    14. Dezember 2024 in Neuseeland ⋅ ☁️ 19 °C

    in hawea hani e natürlechi flusswelle entdeckt wo förmlech drnah grüeft het vo mir gsurft z wärde🏄‍♂️
    i ha aber de chli meh ahlöif brucht ausi hätt wöuue u z usecho usem fluss dür s gstrüpp isch de gar nid so eifach gsi😂🤫

    video 1: plus/minus so hätts söue usgseh
    video 2: das isch meistens passiert    Weiterlesen

  • down under 24/25

    key summit

    17. Dezember 2024 in Neuseeland ⋅ ☀️ 13 °C

    ufem rückweg vo milford sound simer nomau chli ga wandere. d sandflöige hei üs uf dr wanderig wi ou bi viune campings wiedermau zahlriich begleitet..🪰

    (sandflöige hei öppe dr glich lebenszweck wi mugge, eifach dases no chli meh biisst wesi eim stäche😉)Weiterlesen

  • down under 24/25

    fiordland by seaplane

    18. Dezember 2024 in Neuseeland ⋅ ☁️ 14 °C

    in te anau simer beidii z erste mau mitemene wasserflugzüg gfloge. drbii simer dür verschiedeni süesswasser-fiorde gfloge & hei e zwüschelandig amene unbesidlete strand gmacht✈️

    nebst viune ihdrückleche landschafte heimer da ono mau es paar orte gseh, wo herr der ringe dräit worde isch (bild 4: flussüberqueerige bi rivendell / bild 5: s moor ufem weg nach mordor)Weiterlesen

  • down under 24/25
    1

    üse nz-lifestyle

    20. Dezember 2024 in Neuseeland ⋅ 🌬 17 °C

    öppe so gsehts us weme üs zwöii miteme outo laht la dür neuseeland fahre.. & faus es uf de biudli nid scho ersichtlech wär: räge isch üse tröist begleiter drbii..🌧️🌦️🌧️

  • down under 24/25

    kaka point

    22. Dezember 2024 in Neuseeland ⋅ ☁️ 15 °C

    wägem rege heimer hie wieder mau nid so wit gseh, d stimmig isch wägem verhangene wetter fasch chli myhstisch gsi..
    aber scho nur wägem name vom ort heimer üs ds nid chönne la entgah😉💩

  • down under 24/25

    dunedin

    23. Dezember 2024 in Neuseeland ⋅ ☁️ 18 °C

    dunedin isch s bis iz s charmantiste stedtli gsi in neuseeland. nebstem lädele simer hie ou no churz ir öffentleche kunstusstellig gsi🎨

  • down under 24/25
    11

    timaru

    23.–25. Dez. 2024 in Neuseeland ⋅ ☁️ 18 °C

    in timaru heimer wiehnachte verbracht🎄

    hie heimer üs ou mau chli meh im dunkle use gwagt. so heimer am aabe am strand jungii pinguine chönne gseh🐧 & ir nacht simer d kandidate vor "timaru christmas light competition" go ahluege🌟 di eint oder anderi stromrächnig chönnt da de chli tüürer usfauue😂Weiterlesen

  • down under 24/25
    1

    kaikoura

    26.–29. Dez. 2024, Südsee ⋅ 🌧 16 °C

    in kaikoura simer wieder mau chli lenger blibe & hei einisch mau chli ferie gmacht:)
    z highlight isch hie d whalewatchtour gsi, womer nebst em wal🐳 ou über 100 delfine hei gseh🐬

    (ds me wale so nöch ar küste gseht isch süsch sehr selte. wüu aber dört e über 1km töife kanal bis fasch ad küste chunnt, hets i de dunkle tiefine viu (tinte)fische wo de wale es richhautigs buffet biete)

    & wüus sogar einisch chli schön isch gsii heimer sogar no chli chönne sünnele☀️    Weiterlesen

  • down under 24/25

    happy new year🎆

    1. Januar 2025 in Neuseeland ⋅ ☁️ 16 °C

    silvester am strand ✅

    dadrmit heimer e witere bucketlist punkt erlediget. leider hets i de letste 24h so viu grägnet, dass s neujahrekonzert und fürwerk vor stadt isch abgseit worde🌧️ mir hei drum umdisponiert und miteme fläschli moscato am strand dr schön belüchtet stäg und es paar privati füürwerkli gnosse🎆Weiterlesen

  • 2026© FindPenguins
  • Start
  • Über uns
  • Gruppen-Tracking
  • Presse
  • Nutzungsbedingungen
  • Datenschutz & Cookies
  • Hilfe-Center
  • Impressum