Motorradferien auf Madeira

Ein 15-Tage Abenteuer von Daniel Weiterlesen

Folgen Übersicht Kalender Fotos Teilen

Beginn der Reise
13. Dezember 2025
Motorradferien auf Madeira Reisender
Kloten
13. Dezember 2025 in der Schweiz ⋅ ☁️ 4 °C
Es isch wies isch!
ReisenderLiebe Reisegäste 843932, soeben haben wir von Edelweiss Airlines die Information erhalten, dass Ihr gebuchter Flug WK284 nach Funchal mit 23:45 Std. verspätet ist. Schauinsland-reisen wird für alle Gäste, sofern gebucht, die Hotels über die verspätete Ankunft informieren und auch die Transfers vom Flughafen zum gebuchten Hotel anpassen. Für die Ihnen, dadurch entstandenen Unannehmlichkeiten bitten wir um Entschuldigung. Mit freundlichen Grüßen - ihr schauinsland-reisen team
13.12.25Antworten
Gefällt 1 mal
Motorradferien auf Madeira Reisender
2ter versuch
14. Dezember 2025 in Portugal ⋅ 🌧 13 °C
Hüt chunts guet
Übersetzung anzeigen
Gefällt 1 mal
Motorradferien auf Madeira Reisender
Yamaha Tenere 700
15. Dezember 2025 in Portugal ⋅ ☁️ 17 °C
Übernahm vom Töff und ifahre. Isch ganz guet gange.
Gefällt 1 mal
Motorradferien auf Madeira Reisender
Ponta de São Lourenço
16. Dezember 2025 in Portugal ⋅ ☁️ 12 °C
Der Start in hütige Tag isch sunnig und summerlich warm gsi. Als hütigs Ziel han ich Ponta de São Lourenço, der öschtlichscht Teil vo Madeira feschtgleit. Und das ohni Maut und Hauptstrasse. Was für es Abentür und Herusforderig bi däne nasse Strasseverhältniss! Erscht im nachhinein isch mir klar worde warum ich bin Vermieter han müesse e ganzi A4 Siete dure läse und au unterschriebe das ich kein Fahrafänger bin. Aber au mit 40 Jahr Erfahrig uf em Töff han ich sötigi Strasseverhältnis na nirgends uf däre Wält atroffe. Die schmale Strasse durch die änge Bergdörfer sind gfühlt scho fascht überhängend gsi.

Es hät sich allewiel glohnt und am Ziel hät der Räge wieder ufghört. Derfür häts en sehr en starke Wind gha. Mini Brülle ablege isch nöd gange. Es hät alles dervo gwindet.

Meh derzue uf der Föteli. Zrug in Funchal isch wieder s schönschte Summerwäter gsi. Uf em Balkon han ichs max. 15 bis 20 Minute usghalte.

Soviel vo mim erschte ganze Tag mit em Töff 😀Weiterlesen
Gefällt 1 mal
Motorradferien auf Madeira Reisender
Marsch id Altstadt
16. Dezember 2025 in Portugal ⋅ ☁️ 15 °C
Ganz en anderi Wält...vor allem Prise und die Masse vo Tourischte. Bin grad z friede echli näbes use z wohne. Wird ich aber sicher i der letschte paar Täg ohni Töff na gnauer aluege.
Gefällt 1 mal
Motorradferien auf Madeira Reisender
1
Cabo Girão
17. Dezember 2025 in Portugal ⋅ ☁️ 15 °C
Und eifach nöd abe luege 😁
Reisender Hirn Training
17.12.25AntwortenÜbersetzen
Gefällt 1 mal
Motorradferien auf Madeira Reisender
Ribeira Brava
17. Dezember 2025 in Portugal ⋅ ☁️ 16 °C
Zwüschestopp und Pause

Info Strasseverhältnis

Madeira hat extrem steile Straßen, wobei einige Abschnitte bis zu 40-50 % Steigung erreichen, wie die Rua da Barreira (ca. 45-50 %), während die Teleférico de Porto Moniz (Seilbahn) mit fast 98 % Steigung als die steilste Europas gilt, aber die Straßen selbst sind der Fokus hier. Besonders berühmt für ihre Hänge ist Ponta do Sol mit Straßen, die fast wie Wände wirken.

Steile Straßen:
Rua da Barreira: Wird oft als extrem steil genannt, mit Abschnitten um die 45-50 % Steigung (entspricht etwa 25-28°), die nur als Einbahnstraße befahrbar ist.
Ponta do Sol: Bekannt für seine sehr steilen Gassen, die eine Herausforderung für Autos darstellen können, mit Steigungen, die bis zu 30 Grad erreichen.Weiterlesen
Gefällt 1 mal
Motorradferien auf Madeira Reisender
1
Farol da Ponta do Pargo
17. Dezember 2025 in Portugal ⋅ ☁️ 18 °C
Der vermuetlich weschtlichscht Punkt vo Madeira
Reisender Han doch fascht kei Höheangscht gha 😄
17.12.25Antworten
Gefällt 1 mal
Motorradferien auf Madeira Reisender
Wulcheverhangene Start
18. Dezember 2025 in Portugal ⋅ ☁️ 13 °C
ReisenderDie Temperaturagabe chönd so nöd stime. Bi 13 Gard sitz ich nöd im T-Shirt duse. Das isches mind. 20 Grad warm.
18.12.25Antworten
Gefällt 1 mal
Motorradferien auf Madeira Reisender
Uf der ER103 nach Norde
18. Dezember 2025 in Portugal ⋅ ☁️ 15 °C
Es isch märklich chüeler i der Bärge. D Winterhändche han ich ja derbie 😁
Gefällt 1 mal
Motorradferien auf Madeira Reisender
Miradouro do Guindaste
18. Dezember 2025 in Portugal ⋅ ⛅ 18 °C
Acho am Nordteil vo der Insle
Gefällt 1 mal
Motorradferien auf Madeira Reisender
Uf em Wäg nach Nordwescht
19. Dezember 2025 in Portugal ⋅ ⛅ 13 °C
Gefällt 1 mal
Motorradferien auf Madeira Reisender
Gewaltig die Naturgwalt
19. Dezember 2025 in Portugal ⋅ ⛅ 14 °C
Gefällt 1 mal
Motorradferien auf Madeira Reisender
Porto Moniz
19. Dezember 2025 in Portugal ⋅ ☀️ 16 °C
Heissi Quälle

Enorm die Wätterextrem uf däre Insle. In Porto Moniz hät Räge igsetzt und es ich chalt und windig worde. Somit han ich mich entschiede uf em schnällschte Wäg retour nach Funchal z fahre. Mit jedem Kilometer südwärts über s Gebirge isches immer schöner worde. Und jetzt sitz ich lediglich i der churze Hose und schwitzend uf em Balkon vo mim Hotelzimmer.

Passt für hüt. Die linki Site macht mir bim Töfffahre guet z schaffe. Ich wird Morn glaub e Pause ilege.Weiterlesen
Gefällt 1 mal
Motorradferien auf Madeira Reisender
Tag 7 = Uszyt
20. Dezember 2025 in Portugal ⋅ ☀️ 14 °C
1. Brunche
2. Id Fitness Bude
3. En Bsuech bim Barber
4. Nix mehr, Coral, s Meer und s Läbe gnüsse
Gefällt 0 mal
Motorradferien auf Madeira Reisender
Chraft für die 2ti Etappe
20. Dezember 2025 in Portugal ⋅ 🌙 13 °C
D Uszyt hät guet ta. Ab Morn werded die churze Hose wieder mit der Töffhose tusched. Zyt unbedingt nütze. Es dured bis zum Frühelig!
Gefällt 0 mal
Motorradferien auf Madeira Reisender
Zyt zum wieder chere
21. Dezember 2025 in Portugal ⋅ ☁️ 15 °C
Nach 45 km weschtwärts, häts so därart gschiffed das ich kehrt han. Funchal und Umgäbig isch die einzig Gägend uf Madeira wos immer Sunnig und warm isch.
Gefällt 0 mal
Motorradferien auf Madeira Reisender
Und scho wieder a der Sunne
21. Dezember 2025 in Portugal ⋅ ☁️ 14 °C
....und so halbwägs troche 😄
Gefällt 0 mal
Motorradferien auf Madeira Reisender
Flughafe vo Santa Cruz us
22. Dezember 2025 in Portugal ⋅ ☀️ 17 °C
Nöd normal
Gefällt 0 mal
Motorradferien auf Madeira Reisender
1
Apéro Zyt
22. Dezember 2025 in Portugal ⋅ ☀️ 15 °C
Soooo schön. Gnüss dä Räscht au na, ohni Yamaha 😉 [Walti]
24.12.25Antworten
Gefällt 0 mal
Motorradferien auf Madeira Reisender
Churze Rückblick
23. Dezember 2025 in Portugal ⋅ ☀️ 15 °C
Nach der hütige Tour han ich d Yamaha T 700 diräkt bim Vermieter https://vivemadeira.com zrug bracht. Es isch guet so wies isch und ich bin froh das alles guet glofe isch.

Rückblickend isch Töff fahre uf Madeira e grossi herusforderig und usschlieslich für güebti Töfffahrer geignet. Stiegige bis 50% sind kei sälteheit. Ich bin mehrfach a mini Gränze gstosse und han viel "Bluet" gschwitzt. Da isch s Stilfser Joch grad en spaziergang dergäge.

Ich bin froh, dankbar und glücklich das ich das han dörfe erläbe und das nüt passiert isch. Grad hüt Mittag isch eine vor mir i der steile Strass umkiped. Und das gaht schnäll.

Und jetzt tuen ich mich vo all däne fahrte und idrück erhole 😃Weiterlesen
Gefällt 0 mal
Motorradferien auf Madeira Reisender
Pico do Arieiro
23. Dezember 2025 in Portugal ⋅ ⛅ 9 °C
Über em Wulchemeer. Höcher ue gaht nüme.
Gefällt 0 mal
Motorradferien auf Madeira Reisender
Hafe vo Funchal & Altstadt
24. Dezember 2025 in Portugal ⋅ ⛅ 15 °C
Nach knapp 20'000 Schritt bin ich retour vo der Hafe und der Altstadt Besichtigung vo Funchal. Es isch e schöni und interessanti Gägend. 100erti vo Beizli und Bars sind i der Gasse azträffe. Aber au aber 1'000sigi Tourischte wo dernand uf der Füesse umetramped. Da chamer ja na uswieche wos grad gaht. Was allerdings mühesamer isch sind all die Chälner wo dich buechstäbluch is Restaurant zehred. Und genau das bruch ich nöd. Ich bin grad glücklich mit mim Hotel näbed use und diräkt am Strand.

Hüt sind scho vieli Beizli i mim Quartier zue. Einzig d Inder und Chinese bütet na Nachtässe a. Der Inder, scho fascht min Fründ hät mich hüt herzlich begrüesst. Dä triff ich fascht täglich uf der Strass a und mir verstönd ois guet. Dä weiss genau wie er Gschäffte mues. Für mich passt das so.

Im Hotel isch grad Gala Dinner agseit. Ich wäri au iglade gsi. Einzigi vorussetzig: Hämd, Krawatte und Jackett. Ich han dankend abglehnt und laufe lieber i mim Hard Rock T-Shirt umenand. Ich bin wien ich bin...😁Weiterlesen
Gefällt 0 mal
Motorradferien auf Madeira Reisender
Sunneuntergang in São Martihno
25. Dezember 2025 in Portugal ⋅ ☀️ 16 °C
Gefällt 0 mal
Motorradferien auf Madeira Reisender
Der letschti Tag uf Madeira
26. Dezember 2025 in Portugal ⋅ ⛅ 16 °C
..... Ich wird d Sunne, der Atlantik, d Bärge und die herzliche Lüt vermisse.
Gefällt 0 mal