Tilbakestill søk
Canada 2023
  • Carpe Diem 6100
  • Carpe Diem 6100

Canada 2023

Et 58-dagers eventyr av Carpe Diem 6100 Les mer
FølgOversiktOversiktKalenderKalenderBilderBilderDelDelBøtteliste
Nyeste først
  • Carpe Diem 6100Canada 2023Reisende
    1

    PutzeWärke

    7. august 2023, Canada

    Hüt gits nid ds verzeuä. Am Morge wos no einigermasse chüehu isch gsi, isch Abstoube u d’Stousugere agseit gsi.

    Ha no äs par Plache zum Zämelge gha.
    Nächhär wos du wieder heiss isch worde hani mi i Chäuer verzoge. Ds Projekt Voguhüsli isch ja no nid fertig gsi. Z‘Einzige vo itz no fäut isch dr Astrich u natürlach, wie mache i de das Ding ufem Gländer a?!? Chunt mir sicher irgend öppis i Sinn.

    Zum Znacht hani Penne alla Carpe Diem gmacht. Ä Eigekreation vo mir.

    U we dir euch fraget für was das schwarze Rohr am Voguhüsli söu si, wartet bis aues isch wis söt si😜    Les mer

    Se oversettelse
  • Carpe Diem 6100Canada 2023Reisende

    Kamloops zum Zwöite

    8. august 2023, Canada ⋅ ☁️ 26 °C

    Hüt isch wieder ä Reis nach Kamloops agseit gsi.
    Dasmau het dr Caretaker säuber its Spitau äs nuklearmedizinisches MRT ga mache. I bi aus Begleiter u Retourfahrer abfragt worde.

    Haubi Sächsi AM gstartet u am haubi Sibni PM wieder daheime gsi. Mir si wieder i verschiedene Läde chli ga Gwungernase fuetere.

    Da mir ersch am Zwöi PM zMittag gässe hei hani no chli Sockeye Wiudlachs für zNacht kouft.

    Bim Nachtässe luegi wie immer glägentläch zur Sauzläcki (lueg o 29.Juli).
    Ä Euchchueh het gnüssläch dr Sauzläckistamm abgschlächet. Dr Räge het ds ufglöste Sauz am Stamm la abetropfe.

    Übrigens, vo geschter am Abe bis hüt zur Abfahrt wieder mau kes Internet. Ha müesse warte bis i wieder äs guets 4G ha gha. Ersch den hani dr Tagesrückblick vom Mätig chönne schicke!    Les mer

    Se oversettelse
  • Carpe Diem 6100Canada 2023Reisende

    Musejagd

    9. august 2023, Canada ⋅ ⛅ 20 °C

    Apriu-Wätter isch agseit gsi.
    Hüt wieder Mau ichoufe ds Williams Lake gsi.

    Doch bevor i ha chönne ga, hani no uf dMusejagd müesse. Die isch mir stinkfräch vor de Füess ids zwöite Schlafzimmer verschwunde. Die irgen einisch ine cho woni ä Türe zlang ha oofe gha.
    I Chäuer abe ga Musefaue wöuä ga hole. Die wöi Faue si leider kaputt gsi. Was söus, bi wieder its Schlafzimmer ga dMus sueche. Währschafti Srbeitshänschte hani agleit. Ha ja scho bir Akunft schlächti Erfahrige gmacht.
    Si het nume im offene Schaft chönne si! Ungerem Bett is si nid gsi. Ha du agfange dr Schaft usrume. Bi de Tablar hani agfange. Da ischi gsi, versteckt hingerem künschtlächä Bluemestruss.
    Leider hani ges Brätt oder ähnlächs ir nöchi ga.
    Da hani haut mit dr Fuscht so richtig uf dMus ghoue, die het ke Wank me gmacht.
    Das wär du erlediget gsi.

    Ufem Wäg uf dGravelroad si mir, wi scho meh, ä Rebhuehn-Muetter mit zwöi Junge nid schüch uf dr Strass blibe stah. Kamera hani scho parat gha. Si du, woni witer gfahre bi us Wäggange.

    Ds Williams Lake hani no äs paar chlini Sache für ds Voguhüsli, Vogufueter u natürläch o no Musefaue müesse ha.
    Chaga hani o chöne bsteue.

    Da äs aube heftig grägnet het, isch natürläch dGravelroud ganz Nass gsi u dSchibe si fei dräckig worde. (hingerem Logtruck nachgfahre)
    Woni hei ch bi hani müsse Schibewüschwasser nachfüä. Hi ds Horsefly tüe si ganze Jahr wintermischig bruche, mi weiss nie.
    Das isch ä rächti Ruschtig, das Wässeli, cha hie im Winter viu unger -30 Grad si.

    Zum Znacht hets dr Räschte Penne alla Carpe Diem gäh.

    Übrigens: Die wo ds Rezäpt wei wüsse müesse haut de A dHouptversammlig vom Schickub Stärnebärg cho, Samschtig 20. Apriu 2024😜🤣    Les mer

    Se oversettelse
  • Carpe Diem 6100Canada 2023Reisende

    termination bird house

    10. august 2023, Canada ⋅ ☁️ 12 °C

    Das i für mi geschtrigi MItteilig nume eis gefällt mir überho ha, het mi nid erstunt.🐭😉

    Hüt am Morge isches no trüb u chüeh gsi.
    Ha dFertigstellig vom Voguhüsli i Agriff gno.
    Ds Dach het irgenwie müesse befeschtiget wärde, u glich muess me no chöne Vogufueter ifüehä.
    Nach verschiedene Variante hani mi entschlosse das Problem mit zwöi Scharnier zlöse. O das isch nid ganz eifach gsi.
    Nächhär hani „dAprob“ ufem Terrassegländer gmacht. Bi scho froh gsi dass das grad ds erschte Mau klappet het.
    Astriche isch agseit gsi. Die viele verschiede Egge u Kante si fei aschpruchsvou gsi.
    Bimene nächschte änläche Projekt mach is wie bim Loghuus-Bou: Zämeboue, wieder usenang näh, Astriche u de wieder zämesetze!
    Tröchne het die ganzi Gschicht o no müesse.

    Ha no viu Gmües im Chüehschrank gha, drum hets ä Gmüespfanne mit ä chli Schwinefleischwürfeli ghä.

    Nachem Nachtässe ich du die definitivi Montage vo däm bird house cho. Tip Top gange.
    Vogufueter tueni de ersch morn am Morge ifüä.
    DFarb cha no richti utröchne u d‘Vögu u d‘Squirrels chöi sich fang ä chli a das neue Ghütt gwöne.    Les mer

    Se oversettelse
  • Carpe Diem 6100Canada 2023Reisende
    2

    eifach si

    11. august 2023, Canada ⋅ ☁️ 19 °C

    Am Morge hani aus erschts Vogufueter ids Voguhüsli ta. Am Afang sie dVögu no vorsichtig gsi. Da si di zwöi junge Squirells scho frächer ad Wärk resp. ad Chörner gange.
    Chasch ganz stiu härestah u die chline Kärline hei gar ke angscht. Düre Tag isch dMuetter nid zgseh gsi, aber am Ambe isch si no am Bode cho ufrume.
    We das mit dere Frässerei so witergeit muess i scho gli wieder ga Vogufueter choufe.

    Ha no aui Fänschter vom Glassand gsüberet, ä teu het m fasch nid chöne uftue.

    Gässe hani dRäschte vo geschter, auso nüd spektakulärs.    Les mer

    Se oversettelse
  • Carpe Diem 6100Canada 2023Reisende

    Likely

    12. august 2023, Canada ⋅ ⛅ 18 °C

    Likely äs ultra chlises, härzig Dörfli am Quesnel River angerhaub Outostung vo Horsefly entfernt. 100 % Gravelroud mit viele Überraschige uf dr Strass. Schlaglöcher etc. Muesch cheibe ufpasse u kurve..
    Mi merkt scho, dass äs hie no gnue Waud het. Wes imene Gebiet gö ga houze wärde zersch zuesätzlichi Logstrass boue. Meischtens zbreit ausi dörfte si. Dr Grund isch, hie chunt säute öpper cho kontrolliere u das Houz wo für dLogstrasse gfäut wird muess dSagerei nid zahle!
    Da wärde rächte Bagger ufgfare. Zum Glück isch Samschtig gsi, süsch wär dFahrt no lenger gange.

    Überau Chüeh, da muesch näbe dä Löcher o no uf die Chüeh luege. Ä Aupufzug isch ä Seich dr gäge, das isch ä gordnete Betrieb.

    Hei gfare bini du übere angere Route mit terete Strasse. Aber hesch glich o 1,5 Std. gah wie die Strecki lenger isch gsi.

    Da i am Choch ha hüt am Abe frei gäh bini mit äm Caretaker u sire Frou ids einzige Restaurant (louft eigentläch unger Café) ga zNachtässe.
    Roastbeef a l‘anglsise mit mashed potatoes u Bohne. Isch sehr fein gsi.    Les mer

    Se oversettelse
  • Carpe Diem 6100Canada 2023Reisende

    Sunntig

    13. august 2023, Canada ⋅ ☁️ 27 °C

    Di cheibe Squirells si scho am Morge früeh hinger am Vogufueter. Die Jungtier lö sich vo nüt la störe..

    Hüt hanis gmüetläch gno. Am Morge äs paar Telefonarüef gmacht.
    Mini Drohnefoti mau gneuer agluegt.
    Ha du feschtgseut, dass üse Fluchtwäg gar nid passierbar isch. Hani grad müesse ga beguetachte. Tatsächläch isch ä knickte Baum quer über dr Wäg gläge. Dä muess i de no ga wägrume. Weni scho mini Arbeitschleider ha angah bini no grad bi üsere Ifahrt vor Gravelroad die wiude Hagebutte ga zrügschnide. Ä stachligi Agläheit.🥵 Isch ja schwär dStrassenummer chönne zläse. Ohni die würdsch sus „Frömde“ ds Loghuus ja gar nid finge…….

    Ha mir äs Sunntigsmenu gkochet. Aues ufem Grui gmacht. We du di fragsch, was dir wisse runde Schibe söuä si, das wäre de neui Härdöpfu. Hei nid grad viu Chuscht. Znächscht mau choufi de wider Lagerhärdöpfu.    Les mer

    Se oversettelse
  • Carpe Diem 6100Canada 2023Reisende
    2

    Ichoufe

    14. august 2023, Canada ⋅ ☀️ 28 °C

    Ichoufe ds WilliamsLake isch agseit gsi. Jedes Mau weme uf Williamslake fahrt oder de retour isch ä Hiwis uf ä Dugan Lake recreation site. Ha scho mängisch dänkt i müess mau ga luege wi das dert usgseht. Hüt hani das gmacht! Äs schöns Plätzli o zum Cämpe.
    Ds Williams Lake bini o ga luege wos ds biuigschtä früsche Schwinsfilet git.
    Im Wholsale Club. Das isch öppis zwüsche Cash and Carry u Supermarkt. Dert hani ds beschte Agebot gfunge. Isch biuiger aus Schwinskotlett.

    Fahre nachem Ichoufe zum Loghus häre, was steit da näbe dr Schitterbigi uf: ä fei stattliche 🦌 Hirsch (het dr Bascht no am Gweih gha) u rennt näbe mir düre.
    Zum Glück isches ke 🐻 gsi🤪🥵

    Znacht hets chaut gäh (Toast u Headcheese)
    wiu i ersch am Zwöi ha Zmittag gässe. Bi A&W gits feine Chicken Strips.
    Luege bim Znacht zwüschedüre immer chli use u da gsehni viu Bruns bir Sauzläcki, scho Fröid gha. Aber äs si nume Chüeh gsi😢! Das heisst, i muess ga luege wo dr Zun kabutt isch, wiu Küeh gumpe nid übere Zun oder lüpfe dScheiche höcher aus 60 Centimeter..

    Übrigens: Dr CAD (kanadisch ) het ä
    Kurs vo 0.66 CHF.    Les mer

    Se oversettelse
  • Carpe Diem 6100Canada 2023Reisende
    12

    Wösch u Ufrume

    15. august 2023, Canada ⋅ ☁️ 29 °C

    Wösche u dr Chäuer vo mim Projekt Voguhüsli ufgrumt u dHouzspän uf dSite grumt

    Am Morge wos no chüehu isch gsi ,isch äbe Wösche agseit gsi.
    Am Nami wos immer heisser worde isch, bini i agnähm 20 Grad Chäuer. Ha nid nume mi Wärchbank ufgrumt o Sache wo so umgläge si hani entweder as si Platz da oder grad fürs Entsorge parat gmacht.

    Geschter am spetere Namitag hani ä Wiudkamera bir Squirrel-Futtersteu zum Teschte ufgsteut.

    Bsuech vore Euchchueh bir Sauzläcki hani o no gseh. Da dr Tescht mit dr Wiudkamera erfougrich isch gsi, wird dKamera morn mau bir Sauzläcki abracht.

    Zum Znacht hani d’Qualitätskontrouä vo däm günstige Schwinsfilet gmacht.
    Mit roter Cocos-Currypaschte, Sojasosse u Peanut-Butter mariniert. Bilag isch ä gmischte Salat mit Icebärg, Rüebli u Kicherärbse gä.

    Übrigens: DSchwinsfilet isch super gsi. Gsöiälät hets o nid.    Les mer

    Se oversettelse
  • Carpe Diem 6100Canada 2023Reisende
    12

    Putze u Ghüdere

    16. august 2023, Canada ⋅ ☀️ 27 °C

    Zersch hani mi müesse miteme feine Zmorge für dä Tag sterke.
    Geschter Wösche, hüt zersch Kleider, Socke etc. zämelege, nächhär Abstoube u Stoubsugere.
    No gäbig ä zentrale Stoubsuger im Chäuer. Sugschluch istecke u los geits. Het zwe Aschlüss u du chunsch i jede Egge vom Loghuus. Dr Chäuer usgno. Dr Chuchibode no mit äm Dampfgrät putzt.

    Am Namitag wieder a Mau zGhüder zur Ghüdersammusteu bracht.Isch ä Wäg vo
    18 Minute (10 km). Glas, -Petsammusteu etc. isch ä chli nöcher.

    DEuchchueh isch o wider cho Sauz läcke. D‘Chüeh vom Mantig hani sithär aber nüme gseh.

    Fusilli mit Crevette nach stir-fry hani vom Take away la cho.🤪🤣😜

    Übrigens: ha dänkt äs nähm euch villäch mau wunger wi’s inne im Loghouse usgseh….    Les mer

    Se oversettelse
  • Carpe Diem 6100Canada 2023Reisende
    1

    eifach si..

    17. august 2023, Canada ⋅ ☀️ 28 °C

    Nach de zwe letschte aschträngende Täg🤪, hani wöuä eifach si……. Aus erschts, weni erwache, wärde dVorhäng zoge u ds Tsgeslicht inegla.☀️ Äs Loghouse het keni Store/Feuläde vor de Fänschter oder ä Sunnestore uf dr Terrasse!!
    Was gsehni aus erschts u dr Terrasse🐿️! Mues Dursch gha ha. O dr Himmu het spezieu usgse!

    Nachem Zmorge bini chli uf Terrasse ghocket u i Waud u dUmgäbig gluegt ob ächt no äs angers Tier ume isch. Fäualarm, nüt.

    Am Nami bini a Horsefly Lake (15 Min.), ä riesige See, wo wie dr Viewaudstädersee richtig verzettlet isch. Dr See isch cheibe warm gsi. I gloube, i muess mir no äs Kanu oder Kajak ga poschte.

    Woni hei cho bi bini d‘Wiudkamera bir Sauzläcki ga montiere! Ha zersch no neui Batterie müese ga poschte, nid ds Williamslake, ds Horsefly im General Store, dä gits o!

    Znacht hani ä Gmües-Rispfanne gmacht.

    Übrigens: Ds Video vom Loghouse geschter het dsApp säuber kürzt!😢    Les mer

    Se oversettelse
  • Carpe Diem 6100Canada 2023Reisende

    Mittagessen

    19. august 2023, Canada ⋅ ☀️ 21 °C

    Nachem Zmofge ische Richtig Cache Creek gange. Ha eigentläch dr Canyon nach Vancouver wöuä näh. Ungerwägs het mir ds Navi ä Routeänderig düregä. Dr Canyon isch wäge Waudbränd gsperrt!
    Äs het zwöi Mügläckeite ghä: Über Merritt oder Whistler.
    Ha du dRichtig vo Merritt gno, isch fasch ä Stung schneuer gsi aber hundert km meh.
    Da ja dr Canyon gsperrt isch, si o aui Züg i Norde über Ashcroft gfare. Der hets dummerwis ä Bahnübergang. Zwe Züg richtig Norde hei müesse a Zug Richtig Süde abwarte! Die Züg si meischtens über 1.5 km u hei bis zu 170 vierachsigi Wäge u chöi bis 16000 t si. Ä haub Stung hei mir müese Warte!😳

    Ha vorgha grad diräkt zum Flughafe zfahre.
    Plötzläch het mi Blase ä Drang gha u i ha abeHwy müesse. Ha güsst das ir nöchi ä grosse Lade isch. Dert hani sogar no öppis gässe🤣

    Nächhär sis no 20 Min. bis zum Airport gsi.    Les mer

    Se oversettelse
  • Carpe Diem 6100Canada 2023Reisende

    Stanley Park

    20. august 2023, Canada ⋅ ☁️ 22 °C

    wi immer im SureStay Best Western in North Vancouver übernachtet. ZMorge o hie wie immer im Denny‘s. Mit äm Bus i Stanley Park gefahre. Zersch ds Vancouver Aquarium bsuecht. Viu über d’Ungerwasserwäut vo dä der verschiedene Regione vo B.C. geseh.
    Dr haub Park umwanderet (ca. 5 km). Ds nächschte Mau weimer de die räschtlächä 5 km vor Parkumwanderig mache.
    D’Skyline vo Vancouver einisch vore angere Site gseh. D‘Waschbäremueter het ihrne Junge ds Meer zeigt.
    Znacht heimer, mit ämäne befründete Ehepaar vo Vancouver, ir old Spagetthi Factory gha. Sensationell guet, Sensationell günschtig.    Les mer

    Se oversettelse
  • Carpe Diem 6100Canada 2023Reisende

    back in Horsefly

    21. august 2023, Canada ⋅ ☀️ 26 °C

    Zmorge heimer o gha, im Denny’ s wo de schüsch, isch ja näbem Hotel.
    Da dr Canyon immer no gschperrt isch, simer via Whistler nach Horsefly gfahre. Vo North Vancouver us isch das dr schneuscht Wäg gsi! Eifach 7 Std. Isch fei müehsam gsi wäge däm dichte Rouch wo vo Kelowna isch cho.
    Zmittag heimer in Clinton gässe, äs härzigs Dörfli.

    Ichoufe heimer o no müesse, u das in 100 Miles House. Nächhär het dFahrt nume no 1,5 Std. duret.
    Znacht isch hüt eifach usgfaue.

    Übrigens:
    Uf dä Biuder, das isch de nid öppe Näbu, sondern Rouch.    Les mer

    Se oversettelse
  • Carpe Diem 6100Canada 2023Reisende

    Ihüselä

    22. august 2023, Canada ⋅ ⛅ 22 °C

    d‘Martina het sich müese ihüselä! Mir hei üs entschlosse ä Chill-Tag znäh. Hüt heimer no Bsuech vomene Falke gha.
    Äs eifachs aber feins Nachtässe. Schichtgratin mit Chöhli u Ghacketem.

    Se oversettelse
  • Carpe Diem 6100Canada 2023Reisende

    Zunkontroue

    23. august 2023, Canada ⋅ ☁️ 16 °C

    Hüt isch eigentläch ä Rägetag u Zunkontroue agseit gsi. Züm Glück hets di ganz Nacht rägnet u nid düre Tag.
    Am Morge, vor dä Achte isch dr zwöijährig Bär üs cho äs Bsüechli mache. Da är no zchli isch gsi, het är müesse ufstah zum luege was da vor ihm abgeit. Het aues genau agluegt! O d‘Squirells si immer presänt.

    Am Nüni isch dr Caretaker bi üs gsi, fü Kontroue vom Ussezun. Dä söu verhindere das Chüeh vom Crownland oder vo Nachbarsfarme i üses Gebiet chöi cho! Mir wei ja nid Chüehplütter vor dr Hustür🤣. Die ganzi Gränze isch 2 km läng. 1 km wo vor vier Jahr ganz neu gmacht worde isch, heimer mit ämene Chlifahrzüg chöne kontrolliere. Dr Räscht heimer zFuess müese mache. Ds Dickicht u Sumpf heis eim o nid liechter gmacht. 5 Böim wo über Zün geit si gsi hei mir o wäggrumt. Nächscht Wuch geits de hingers Flicke vo de wichtigschte Löcher!
    Nächscht Jahr geits de witer mit Flicke, denn bruchts de no ä chline Bagger für Böim im Sumpfgebiet chöne usezrume. Mir si beide rächt nass hei cho, wiu dBöum u dStrüche no ganz nass si gsi.
    Mir hoffe, das im nächschte Winter nid zviu nöi Böum umgeihe.

    D‘Martina isch ungerdesse ga dFrou vom Caretaker bsueche.

    Znacht hets panierte Schwindfilet-Plätzli mit Hädöpfeli u Salat gäh. Wy het o nid gfäuht🍷

    Übrigens: Die meischte Zün ghö dür Böum oder Bär (mi gseht aube no chli Bärehaar am Stachdraht) kaputt. Hirsche u 🫎 springe eifach drüber.    Les mer

    Se oversettelse
  • Carpe Diem 6100Canada 2023Reisende

    ichoufe

    24. august 2023, Canada ⋅ ⛅ 19 °C

    Hüt isch wieder einisch ichoufe in Williams Lake agseit gsi.

    Ds Video muesch bis am Schluss alouege. Di Squirells gäbe aues🤣.

    Znacht het Poulet Chinastyle gä.

    Se oversettelse
  • Carpe Diem 6100Canada 2023Reisende

    Racletteplousch

    25. august 2023, Canada ⋅ ⛅ 22 °C

    Düre Tag heimer chilled.
    Zum Znacht si mir vom Caretaker u sire Frou zum Raclette iglade gsi. Dr Raclettechäs (Emmi) het är vo Vancouver la cho.
    Füre Caretaker isch Racletteplousch ni nume Chäs, Härdöpfu etc. sondern o no grad Tischgrill!
    Auso Poulet- u Lammflesch, Späcktranche, Bratwurschtschiebe, Crevettä u Fisch. Si auso nid hungrig hei.
    Dank am warme Wätter heimer ufem Gartesitzplatz chönne ässe.
    Vor luter Stune no vergässe äs Foti zmache.    Les mer

    Se oversettelse
  • Carpe Diem 6100Canada 2023Reisende

    Samschtig Usflug

    26. august 2023, Canada ⋅ ☀️ 23 °C

    Am morge früeh heimer wieder Bsuech vore Hirschchueh mit zwöi Junge gha.

    Nach däm üppige Racletteplousch heimer chli Bewegig brucht.
    Mir si im Horsefly Lake Regional Park gsi. I däm hets o ä schöne Campground. Ganz eifach, ohni jeglächä Luxus. No water connection,
    electricity , dump etc., only pit tolets!
    Da hets riesigi Trailers oder 5th weels.

    Ä chline trail, ufene view point mit schönem Blick ufe See, heimer gmacht. Nid asbruchsvou, dKanadier si nid grad begeischtereti Wanderer!

    Zum Znacht hani wider ä Mau grillet.
    Poletoberschänkü, Riis u Tomate mit Mozzarella.
    Ztrinke gits näbe Minerauwasser nackti Trube us Canada u o Rotwy.

    Übrigens die Ghüderchüblä si bäresicher!
    Wär öppis für dert wos Bäre het ir Schwiz😜

    Dr Mozzarella isch hie, wie bi üs d‘Mozzarellastange für uf Pizza! Cheibe hert.    Les mer

    Se oversettelse
  • Carpe Diem 6100Canada 2023Reisende
    2

    Carlic Festival

    27. august 2023, Canada ⋅ ☀️ 27 °C

    Hüt simer am Carlic Festival in Lac La Hache (1 Std Outofahrt) gsi.Das findet immer gäge Ändi Ouguscht statt.
    Dert wird viu Chnoblouch oder Produkt mit Choblouch, aber o angeri Sache füre tägläch Gebruch verchouft. Mir hei vier verschedeni Chnoblouchsauz kouft.
    Zmittag heimer Poutine probiert, äs Gricht wo dr Ursprung im Oschte vo Canada het.
    Pommes-Frites mit Mozzarella u bruner Sosse drüber. Isch cheibe fein gsi.

    Zum Znacht hets Schwinsfiletwürfeli gmischt mit Spirale, Peperoni u Früehligszibeli gä. Dr Salat het o nid gfäut. Lattichsalat, aber nid Cesar.

    Übrigens:
    Lac la Hache isch die längschti Stadt/Dorf in British Columbia.,sägä si.    Les mer

    Se oversettelse
  • Carpe Diem 6100Canada 2023Reisende
    1

    Quesnel Lake Landing Recreation Site

    28. august 2023, Canada ⋅ ☀️ 27 °C

    Ä Usflug a Quesnel-Lake, Flächi 266 km2, Längi 65 km u 605 m tief. 55 Min Outfahrt, aues Gravelroud. Gstobe wie veruckt.
    Ganz äs schöns Plätzli zum Cämpe, Pick Nickä, Verwiele u d‘Tierwäut bestune.
    Bim Zrügfahre no schnäu bim Keno Lake Recreation Site ä Haut gmacht u o dert dNatur gnosse.

    Da mir guet u gnue Zmittag hei gha, hets zum Znacht „Café Complet“ gä.

    Übrigens:
    Die blaue Vögu si Blauhäher, dÄnte wüssemer nid wie die heisse.

    Uf de B.C. Recreation-Sites darf me o Campiere! Muesch eifach 100 % autark si!    Les mer

    Se oversettelse
  • 2025© FindPenguins
  • Hjem
  • Om oss
  • Gruppesporing
  • Presse
  • Vilkår
  • Personvern & Cookies
  • Hjelpesenter
  • Avtrykk