Suche zurücksetzen
Canada 2024
  • Carpe Diem 6100
  • Carpe Diem 6100

Canada 2024

Ein 33-Tage Abenteuer von Carpe Diem 6100 Weiterlesen
FolgenÜbersichtÜbersichtKalenderKalenderFotosFotosTeilenTeilenBucket List
Neuste zuerst
  • Carpe Diem 6100Canada 2024Reisender

    Pickup zum Erschte

    23. Juli 2024 in Kanada ⋅ ☁️ 21 °C

    Hüt hets früeh Tagwach gä.
    03.30 AM het dr Wecker nachere Gwitternacht gweckt. Ä Pickup hei mir wöue in Falkland (BC) ga aluege.
    Äs isch ä vierähaubstündigi Fahrt (400 km) i Süde vo BC agseit gsi.
    Am haubi Füfi si mir mit Beat hie bi üs abfahre, am viertu vor Sächsi hei mir in 100 Mile House bi Tim Hortens so richtig Kanadisch zMörgelet.
    Am haubi Zähni simer du in Falkland acho u hei ghoffet, dass dä Truck (Ford F-150 V8) öppis wär. uf dä Fotos het dä fei guet usgseh. Aber äbe, Photoshop , dr Rosch t isch eifach zviu gsi. Mir si ohni „neue“ Pickup wieder Richtig Horsefly (4,5 Stung) gfahre. In Kamloops hei mir natürläch öppis müesse ässe. Fish and Chips isch agseit gsi.

    Übrigens: Dr aut Pickup (1965) isch nüm in Betrieb u het dür ä Angere müesse ersetzt wärde. Hie bruchts äbe no ä Pickup für die grobe Sache.
    Mir si hie haut nid ir Schwiz u wäge däm fahrscht für äs Outo z‘besichtige chli witer.😥    Weiterlesen

  • Carpe Diem 6100Canada 2024Reisender

    Ichoufe

    24. Juli 2024 in Kanada ⋅ ⛅ 21 °C

    Bevor mir am am nächschte MIttwuch Richtig Vancouver flüge si mir no mau uf Williams Lake ga ichoufe.
    Äs het du no ä neue Rasemäiher ghä. Ä Elektrische mit 58 V.
    Ob itz Bänziner oder Elekttrisch, die sie aui glich tür, betonig uf tür.Weiterlesen

  • Carpe Diem 6100Canada 2024Reisender

    wieder uHu-Arbeit

    25. Juli 2024 in Kanada ⋅ ⛅ 12 °C

    Die letschte uHu-Arbeit hei mir für das Jahr erlediget. Gseht itz fei guet us.

    Übrigens: Am Morge bim Zmorge isch no ä Hirsch diräkt nämbe dr Terrasse o cho zmörgele.

  • Carpe Diem 6100Canada 2024Reisender

    Pickup zum Zwöite

    26. Juli 2024 in Kanada ⋅ ⛅ 17 °C

    Am Morge am Sächsi isch mit Beat Abfahrt gsi Richtig Prince George (3,5 Autostung/300 km nördlech).
    Bim Mac Donald‘s drive in heimer üses Zmorge für d‘Fahrt nach PG ghout.
    Mir hei ä bordeau-rote Ford F-150 im Oug gha.

    Vo usse het är nid schlächt usgseh aber nachdäm das mir Türe ufta hei, pfui, äs het nach Zigaretterouch gschtunke. Ä Probefahrt heimer glich no wöue mache. Oje, dä Pickup het ä spezieue Uspuff gha.
    Dä het dröhnt, ir Schwiz wärsch nid wit cho!
    Die Probefahrt het nid lang ture.
    Ir Ford Garage acho heimer am Verchöifer mitteut, dass das nüt wird mit däm Fahrzüg u hei dänkt 3.5 Std Fahrt wieder für Katz.
    Geschter am Donnschtig sig grad ä neue used Ford F-150 inecho, sig aber 3000 CAD türer aus dr Stinkchare het dr Verchöiffer gseit.
    Wo mir dä Pickup gseh heit isch dr Fau klar gsi, dä müessemer ha. Usse tip top inne tip top u zum Fahre äs Tröimli. 10 Jährigs Outo mit 170000 km.
    Dr Ford F-150, 5 Liter V8 Motor Jg 2014 het 380 PS, 130 lt Tank, Box isch 6,5 ft, 4x4 zueschautbar.
    Nutzlascht 2,5 t, Zuglascht max. 3,3 t

    Übrigens: Hei dr Pickup grad chöne mitnäh,
    Äs isch fei äs hin u här gsi, zertifizierte Bankcheck ga hole, Outo zahle, Versicherig abschliesse u Formular ungerschribe bis zum ……….!
    Aber hei Freud a däm Fahrzüg.    Weiterlesen

  • Carpe Diem 6100Canada 2024Reisender

    U no das…

    27. Juli 2024 in Kanada ⋅ ☁️ 21 °C

    Di letschti Arbeit ufem Grunsstück: drü chlineri Böumli fäue, wo scho i Stromleitig gwachse si.
    U de no chli chille.

    Übrigens: A de Strommaschte näbe de Strasse u zum Huus het meischtens drü Kabu, zoberschte Kabu isch Phase vom Strom, ds mittlere dr Nuleiter u ds ungerschte das isch ds Kupferkabu für ds Telefon. Mängisch hets itz zwöi ungeri Kabu.
    Das si di neue Glasfaserdräht wo o hie langsam am Cho si.    Weiterlesen

  • Carpe Diem 6100Canada 2024Reisender

    Cornercoffee u ...

    28. Juli 2024 in Kanada ⋅ ☁️ 25 °C

    Hüt heimer Esther u Beat im Cornercoffee zum Zmittag iglade. Ds Cornercoffee isch no ds einzige „Restaurant“ hie in Horsefly.

    Gesterkt vom Ässe isch no dr Griu zum Putze u iwintere gsi.

    Übrigens: O ds Fürabebänkli isch parat für ä Winter.    Weiterlesen

  • Carpe Diem 6100Canada 2024Reisender

    Bsuech bim Zmorge..

    29. Juli 2024 in Kanada ⋅ ☁️ 14 °C

    Ä Rägetag isch agseit gsi u dä isch o itroffe, äs isch dr zwöit richtig Rägetag sit das mir hie in Canada si.
    Bim Zmorge hei mir bir Sauzläcki Bsuech vore Euchmuetter mit ihrem Junge übercho. Am Junge isch das Sauzläck z‘längwilig gsi u äs isch eigach abgläge.

    Putze vom Huus heimer o scho agfange.

    Ha no schnäu ids Dorf müesse öppis ga choufe, das isch ke gueti Idee gsi, dr Pickup isch ganz dräckig worde u da hets du haut nid mume dr PW zum Wäsche gä.

    Übrigens: D‘Outo wärde we mir nid hie si
    bi Esther u Beat ungereschteut. Wes de so richtig Chaut wird, über minus 20 Grad wärde d‘Oute mit ämene Blockheater gwärmt das nüt cha igfrühre.
    Die meischet Outo hei hie obe extra ä Stecker hinger dr Chüelerhube. So ab minus 25 Grad lasch dr Motor bim Ichoufe la loufe, das nüt cha passiere.
    Hie isches im Winter viu bis -35 Grad chaut.    Weiterlesen

  • Carpe Diem 6100Canada 2024Reisender

    Zämerume isch agseit

    30. Juli 2024 in Kanada ⋅ ☁️ 13 °C

    zersch heimer mau äs aschtändigs Zmorge gha.
    Die letschti Wösch gwäsche, gstoubsugeret het d‘Martina scho geschter.
    Dr ganz Steibode mit äm Dampfgrät greiniget.

    Voguhüsli u Kolibritränki verrumt .D‘Kolibri si nüm nachecho u hei iri Fueterqueue gsuecht.

    Räschteznacht isch fein gsi u zum Schluss no ä schöni Abestimmig.    Weiterlesen

  • Carpe Diem 6100Canada 2024Reisender

    ab nach Vancouver

    31. Juli 2024 in Kanada ⋅ ☁️ 19 °C

    Tagwach am Füfi, Zmorge ässe, Abwäschmaschine userume, Ds Gischirr vom zMorge abwäsche, Übergwicht vo Martinas Goffer umlade, nid viu, äs Buech u ä Pullover😜,
    Ghüdder zämesammle, Pickup lade, Ufe Dump u nächhär zu Best u Esther, umlade i Ford Explorer u ab ufe Regional Airport Williams Lake (1 Std. Fahrt).
    Pünktlech abgfloge u In YVR South glandet.
    Mit dä ÖV dür Stadt ids Hotel.

    Übrigens: die grosse gäube Flugzüg si Wasserbomber, bi Waudbränd tanke si während äm Flug i dä Seeä Wasser u flüge zu dä Bränd.
    Ds wiss/gäube Flugzug verstreut über dä Hüser u überem Waud äs rots Puuver, das hemt ds Füür.    Weiterlesen

  • Carpe Diem 6100Canada 2024Reisender

    Granville Island

    1. August 2024 in Kanada ⋅ ☀️ 28 °C

    Hüt simer uf Granville Island gsi. Ä Haubinsu mit verschidene Verchoufsläde u dr Granville Island Public Market ire grosse Haue mit Lebensmittu u Restaurant. Im grosse Chindermarkt mit viune Atraktione chöi sich Ching u natürläch o Erwachseni vertörle.

    Zum Znacht simer bi Erika u Wädi gsi, si hei üs o ds Horsefly bsuecht. Feine Arctic Char mit Sauzhärdöpfu u Salat hets gä. Di’Abestimmig vo irem Huus us, sensationel.
    Bim Heifahre its Hotel si si mit üs no düre Stanley Park gfahre mit super Blick uf Skyline vo vencouver Waterfront

    Übrigens: Dr ÖV hie in Vancouver isch sehr guet.
    Bus, Skytrain , Canada Line oder Seabus bringe di fasch übrau häre. Ufe Flughafe fahre mir o mit Bus u Canada Line, ca. 1 Std. Fahrzyt.    Weiterlesen

  • Carpe Diem 6100Canada 2024Reisender

    itz giuts ärnscht äs geits i 🇨🇭

    2. August 2024 in Kanada ⋅ ☁️ 24 °C

    äs deftigs Zmorge, ufe Bus u Canada Line ufe Flughafe, Flug het füfzg Minute Verspätig. Check In no nid offe. Da bruchts mau äs Aperitiv. Isch ja scho high Noon gsi😜
    Warte, warte… no öppi chlises ässe u de wieder warte.
    Itz isch dr Flüger cho.
    Cha nüm lang ga. U scho sitze mir im Flüger, leider mit 1 Std. Verspätung.    Weiterlesen

  • Ende der Reise
    3. August 2024
  • 2025© FindPenguins
  • Start
  • Über uns
  • Gruppen-Tracking
  • Presse
  • Nutzungsbedingungen
  • Datenschutz & Cookies
  • Hilfe-Center
  • Impressum