Atur ulang pencarian
Horsefly‘s Winterdream!?
  • Carpe Diem 6100
  • Carpe Diem 6100

Horsefly‘s Winterdream!?

Petualangan 48-sehari oleh Carpe Diem 6100 Baca selengkapnya
IkutiRingkasanRingkasanKalenderKalenderFotoFotoBagikanBagikanDaftar bucket
Terbaru lebih dulu
  • Awal trip
    27 Desember 2024
  • Carpe Diem 6100Horsefly‘s Winterdream!?Pelancong

    u hüt geits witer nach Horsefly..

    28 Desember 2024, Kanada ⋅ 🌧 6 °C

    mir hei uf Goffere gwartet, aber am Wynn sini isch ds Vancouver nid acho (isch ds Münche blibe lige🤬) Sött afangs Wuche ds Horsefly iträffe.
    Im Hotel River Rock Casino Hotel hei mir üsi erschti Nacht ds Canada verbracht.
    Früeh ids Bett u früeh wieder uf. Si am Füfi im Denny‘s am Zmörgele gsi.
    Am 09.15 am flüge mir witer nach Williams Lake    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong

    in Horsefly angekommen…

    28 Desember 2024, Kanada ⋅ ☁️ -1 °C

    bi Rägewätter mit 15 Minute ds Vancouver abgfloge.
    Bi trüebem Wätter im verschneite Williams Lake acho.
    Dr Pickup am Flughafe vo Esther u Beat überno.
    Aus erschts simer ga Winterchleider inkl. Schueh für Wynn ga choufe! O die Erwachsene hei sich no mit Winter-Schueh oder Jaggene ideckt.
    Läbensmittu u chli Wy heimer natürläch o no brucht.
    Nachem Mittagässe simer bi Schneefau du Richtig Horsefly gfahre.
    O hüt am Abe isch Wynn wäge dr Zytverschiebig fei dürenang gsi. Müesse aber säge das är die ganzi Reis sehr guet gmeischteret het.
    O die Erwachsene si müed gsi u hüt o wieder früeh ids Bett. Mau luege…    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong

    äs isch du angersch usecho…

    30 Desember 2024, Kanada ⋅ ☁️ -3 °C

    D`Nächt wärde immer chli lenger….
    Hüt isches churz vo dä Füfi gsi….
    Het ja nid viu gmacht, hei mir doch no wöuä nach Williams Lake für die nächste vier Tag ga ds Ässe u no Angersch ga ichoufe.
    Hei aues i Pickup glade u si um di Nüni losgfare.
    Uf hauber Strecki nach Williams Lake het dr Pickup
    nüm richtig wöue…
    So äs blöds Zeiche het ufem Display ufglüchtet. Öpis mit em Getriebe söu nid guet si.
    Auso rächts a Strassernd gfahre u gwartet bis äs nächschts Outo chunt. (vo Horsfley bis Williams Lake hesch ke Natel-Verbindig).
    Scho gli het öpper aghaute u het wöue wüsse was mir für äs Problem hei.
    Die Zwöi hei gmeint, mir fahre euch zrügg nach Horsfley (25 Min), dass mir ds zwöite Outo chöi ga hole!
    Tobias u d`Martina si auso wieder zrügg zum Huus zu ds angere Outo ga hole. Da Wynn gschlafe het si Liv u ig im Pickup blibe u hei gwartet bis d`Martina u dr Tobias wieder cho si (ca. 50 Min.).
    Aues i ds angere Outo umglade u dr Pickup am Strassrand la stah.
    Üse Ichouf heimer erlediget u bim zrüggfahre
    heimer üs gwagt, dr Pickup mit ungwüssem Usgang wieder nach Horsfley zrüggzfahre. Ford-Garage in Williams Lake het o nid rächt chönne Uskunft gäh.
    Aues het klappet….
    U am 31.12. gits de news wäg dr Goffere vo Wynn….    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong

    Siuveschtere

    31 Desember 2024, Kanada ⋅ ☁️ -5 °C

    Hüt hets ersch am haubi Sächsi Tagwach gäh.

    Geschter Williams Lake, hüt für Tobias no einisch Williams Lake (Goffere vo Wynn isch acho!)

    Ds Vorbereite vo däm Siuveschter Truthahn het cheibe z‘tüe gä.
    Was mir im Summer nid hei chönne mache, äs Für ir Fürschale, heimer hüt am spetere Namittag nacheghout. Äs Glesli Prosecco het nid dörfe fähle.
    We dir das am erschte Januar läset si mir äuä no am Pfuse.
    Mir wünsche äs guet Nöis….    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong

    Neujahr…

    1 Januari, Kanada ⋅ ☁️ -10 °C

    Siuveschter früeh ga schlafe , weisch ja nie wes Tagwach git..😜
    Äs isch no gange mit Tagwach, isch Füfi gsi.
    Ds Guete am früeh usftah isch, mi isch de mau nache für öppis zum Ungernäh.
    Am Nüni hei mir scho ä Waudspaziergang gmacht! D‘Bäre schlafe ja!
    Dr Ghüder heimer o no entsorgt. Häre u zrügg = 20 km/30 Min.
    Nachem Mittagässe hei mir Neujahrs-Siesta gmacht! I gloube aui hei ä chli pfuuset.😴

    Am Vieri si Beat u Esther(die wo zum Huus luege) zum Apero cho.

    So „spät“ isch Wynn no nie its Bett! (08.45 pm)
    Mau luege wes am Donnschti Tagwach git!?    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong

    Horsefly Lake…

    2 Januari, Kanada ⋅ ☁️ -10 °C

    Hüt heimer bis am haubi Sibni usgschlafe!

    Nachem Zmorge simer zum Horsefly Lake mau ga luege wis dert im Winter usgseht! Sehr spezeu….
    Bi -11 Grad erfrüschend gsi.
    Nächhär im Cornerhouse Cafe ä Suppe ga ässe.
    D‘ Sunne heimer hüt zersch mau gseh!
    Mit Wynn uf dr Terasse no chli gschneelät.

    Am Abe bi -9 Grad starch, aber fin gschneit. Leider hets ke Volume gä. Schneemaa boue mit däm trochene Schnee chasch värgässe…    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong

    Pickup id Garage u no Ichoufe u ….

    3 Januari, Kanada ⋅ ☁️ -8 °C

    Hüt heimer dr Pickup nach Williams Lake id Ford-Garage bracht. Nächschte Mittwuch sött är gflickt si!?
    Dr Ichouf heimer o grad erlediget u uf wunsch vo Wynn simer ä 🍔 ga ässe, nid i Mäc sondern im Fox Mountain Brewing Co. Isch sehr fein gsi. Bier heimer o grad kouft.
    Zum Znacht simer bi Esther u Beat iglade gsi. Hett feins pork belly mit Salat u Chnoblouch-Härdöpfu gä. O das Ässe isch super fein gsi.    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong
    2

    Winter landscape …..

    4 Januari, Kanada ⋅ ☁️ -2 °C

    Hüt simer a Horsefly River z Horsefly gfare. Äs isch interessant gsi, wie Isch dr Fluss isch dürab cho.
    No schnäu im Clarke‘s General Store öppis ga ichoufe.

    Äs Füürli heimer hüt o wieder gmacht.
    Würschtli u Marshmallow‘s si am Stäcke brätlet worde
    Zum Znacht feini 🍕 gnosse.    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong
    2Füürzuluege macht müed

    Moffat Falls….

    5 Januari, Kanada ⋅ ☁️ -2 °C

    Bi wächsuhaftem Wätter heimer ä Usflug zum Moffat Falls ir Nöchi vo Horsefly gmacht (25 Min.)
    Dr teuwies gfrornig Wassefau (eher chline Wasserfau) isch sehr idrückläch gsi.
    Ufem GRST (Golden Rush Snowmobil Trail über 360 km läng) heimer no ä 40 Min. häre u zrüg Wanderig gmacht. Wynn het no chli chöne Füdlibrättle.

    Zum späte Zmittag hets feine Turkey tonnato us dr Siuveschtertrutebruscht gä.

    O äs Füür vorem Huus het hüt o nid dörfe fähle.    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong
    2

    bim Zmorge ä Überraschig…

    6 Januari, Kanada ⋅ ☁️ -4 °C

    Wär häts dänkt, mir sitze bim Zmorge u was gseh mir bir Sauzläcki…
    Ä Euchchueh mit ihrem Jungtier. Gnüssläch heis si am Sauzstei gschläcket.
    Nachem Zmorge heimer no ds Böumli, wo üs d‘Ussicht vor Chuchi uf d‘Sauzläcki gnoh het, gfäut.
    D‘Wiudkamera heimer de o no grad ir Nöche vor Sauzläcki montiert.

    Ds Fürabefüürli het hüt o wieder müesse si.    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong

    no einisch ä Überraschig…

    7 Januari, Kanada ⋅ ☁️ -8 °C

    Äs Morgerot wie säute u jungi Hirsche hei sich, wo mir am Zmorge si gsi, am Waudrand zeigt.

    Die erschte Vögu si öndläch bi üsem Voguhüsli cho Fueter hole.

    Hei ä usgibige Winterwanderig ufem Grundstück gmacht, nid nume gradus, äs richtigs uf u ab isches gsi. (1:20 Min). So heimer o chönne luege wo im Summer ä Teu vom Zuum muess gflickt wärde. Dr räschtläch Zuun wird de im Summer kontrolliert.
    Näbe dä viele verschiedene Tierspure hei mir o äs Eichördli gseh, was im Winter eher säute isch.

    Dr Ghüder het o mau wieder müesse entsorgt wärde, was hie in Horsefly ja nid nume 5 Minute i Aschpruch nimmt.    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong

    wird stiu im Loghouse

    8 Januari, Kanada ⋅ ☀️ -3 °C

    Goffere vo Liv, Tobias u Wynn si im Outo iglade u äs geit nach Williams Lake intern aus tional äh regional Airport.
    Familie mit Ching chöi wie immer zersch istige. Hie wärde si höchschtpersöhnläch vom Pilot zum Flugzüg begleitet. Mit 30 Min . Verspätig si si Richtig Vancouver gstartet. Nach zwöi Täg in Vancouver geits de für 14 Tag witer nach Phoenix Arizona.

    Mir hei wider ä mau ä Ichouf tätiget.
    Dr Pickup heimer ir Garage o no wöuä ga abhole. Leider ischer no nid fertig gsi. Da geits de haut am Fritig no einisch Richtig Williams Lake. Villächt gits de ä Mitfahrglägeheit.

    Hie wirds immer no am Füfi fischter u d‘Heifahrt isch krimineu gsi. So ä dicke Näbu hani no nie erläbt u de o ke Mittustreife gmale! Wo geit eigentläch d‘Strass düre? Hüt heimer ä chli lenger gha für hei.
    Mir si froh gsi, dass d‘Heifahrt doch einigermasse klappet het.
    Daheime im Loghouse het scho öppis gfäut…..
    Itz sitze Martina u ig allei bim zNacht…. äs isch komisch stiu….    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong
    1

    Büropüetz, wäsche u…..

    9 Januari, Kanada ⋅ ☁️ 2 °C

    Hüt isch Wösche u Büropüetz agseit gsi.
    Bim zMorge nonSunneschy, sber nächhärhets immer meh Wuuche cho.
    D’Hirsche hei o wieder äs Bsüechli gmacht. Zum Fotografiere hei si sich zfescht hinger dä Strücher ufghaute.

    D‘Wiudkamera bini ga kontrolliere: Usert üs zwe , Tobi u ig hets nüt druffe gha, schaad.

    Hei wieder o wieder a schöne Sunneungergang gha.    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong

    Pickup abhole u …..

    10 Januari, Kanada ⋅ ❄️ 0 °C

    Hüt relativ früeh ufgstange, ha chönne mit Beat u Esther nach Williams Lake fahre. Beat chunnt hüt die erschti neui Ougelinse igsetz über u i wott ga dr Pickup us dr Reparatur hole.
    Äs isch du angers usecho. Dr Pickup isch immer no nid fertig gsi. Äs muess no äs Teili vo Edmonton nach Williams Lake cho. Ds Mail, das dr Pickup no nid fertig isch hani ersch übercho, wo mir scho ungerwägs si gsi. Wird irgend einisch nächscht Wuche!
    Bi Beat hets besser klappet, sini neui Ougelinse isch igsetzt worde. So hani mit Esther im Spitau uf Beat gwartet.
    D‘ Martina isch in Horsefly blibe u het die schöni Winterlansdchaft u dr Bsuech vo je zwöi Euche chönne gniesse! Gwöschet, Bodeputze u Panflöte übe hetd‘ Martina o no gmacht.

    Morn gits no einisch früeh Tagwach, wiu Beat am Sibni bim Ougearzt muess ds operierte Oug ga zeige. Da Esther wes fischter nid guet cha fahre, übernim ig die morgenlichi Fahrt nach Williams Lake.    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong

    Sunneschyn u …

    12 Januari, Kanada ⋅ ☁️ -8 °C

    D‘Euche si wieder z‘Bsuech cho! Ha du dänk i chönt mau ga d‘Wiudkamera uf Fötelis ga kontrolliere. Äs het äs paar Fotos gha, u de ersch no setig ir Nacht. Äs het o Liegeabdrück vor dr Sauzläcki gha. Villäch heisi sogar übernachtet.

    Mir hei du no ä Spaziergang gmacht. Üs hets wunger gno wie lang mir vom Huus bis zur Gravelroad hei. Mir hei ä stündige „Usflug“ gmacht.

    Zum Znacht si Esther u Beat cho.    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong

    Sage u choche…

    15 Januari, Kanada ⋅ ☁️ 0 °C

    Hüt isch Choche u Motorsage agseit gsi….
    Jede Mittwuch choche Froue us Horsefly für d‘Chindergärteler u d‘Schüeler vor Schuehu Horsefly äs Mittagässe.
    D‘Martina isch hüt i Begletig vo Esther o ga choche. Äs wärde gäge 40 Ching verpflegt.
    Hüt hets roti Linse mit Chürbis, Gmües, Frücht u säuber gmachts Brot gä. Äs paar Ching hei ä Schuehwäg vo 45 Minute! Mütere wo choche teuwies ä glich länge Wäg. Vo de 9 Froue wo mithäufe choche hei Dütsch gret.

    Dr Beat u ig hei während dere Zyt wo d’Froue gchochet hei uf sim Grundstück umgheiti Böum abgaschtet u Rugeli gsaget. Bire Tanne wos söt bi Sunneschin im Winter ä Sitzplatz gä, heimer agfange. unger d‘Escht absage. Leider het ä spezieui Eschtchettesagi gfäut! Die söu i de nächschte Tag bsorget wärde. Ire Wuche, we d‘Froue wider gö ga choche mache Beat u ig witer mit Escht absage.

    Morn gits wieder früeh Tagwach… warum läset dir de..    Baca selengkapnya

    Lihat terjemahan
  • Carpe Diem 6100Horsefly‘s Winterdream!?Pelancong

    Panflötle, Ichoufe u….

    16 Januari, Kanada ⋅ ❄️ 1 °C

    Hüt isch dr Panflöte-Kurs für d`Martina nach dä Wiehnachstferie witergange. Dr Kurs findet immer am Donnschtig neu am Zwöi ir Stadt Bärn statt! Bi üs hie isch du am Morge am Füfi gsi. Äs het wieder ä mau früeh Tagwach ghä.

    Da mir hüt no hei wöuä ichoufe isch das früeh Ufstah nid so schlimm gsi. Mir si mit Esther u Beat gfahre, wiu mir ja dr Pickup ir Garage Willams Lake wei ga hole.

    Nachem Kaffee-Tanke im Drive-in bi Mc Donnalds simer zur Garage mau ga frage wie das so mit üsem Pickup steit.
    Dr Pickup wird nid vo dä haube Viere fertig, da dr Laschtwage wo hät söue ds Ersatzteili bringe in Prince George ä Panne söu gah ha. (gloube wär wott). Da mir mit so Zytagabe bi City Lake Ford schlächti Erfahrige gmacht hei, heimer üs entschiede, dr Pickup ersch ga abzhole we mir äs e-mail überchöme wo üs die sicheri Agholig garantiert, wiu Esther u Beat nid so lange hei wöue am Nami warte u mir, wäs hätte mir ohne Outo gmacht we dr Pickup nid fertig wär gsi.!!

    Churz vor de Füfe am Abe isch äs e-mail cho, das mir ab morn Fritig dr Pickup ändläch chöi ga abhole!
    Nach Vierzäh-Tag passiere doch no Wunder……..
    Auso gli wieder nach Williams Lake…    Baca selengkapnya

    Lihat terjemahan
  • 2025© FindPenguins
  • Beranda
  • Tentang kami
  • Penelusuran Kelompok
  • Pers
  • Ketentuan
  • Privasi & Cookies
  • Pusat Bantuan
  • Jejak