Kastraki Strand Tolo
18. September 2018 in Griechenland ⋅ ☀️ 27 °C
En Campingplat under höchr Pinie, direkt am Meer... De Wahn! Do bliibe mer😍!
Mykenes
23. September 2018 in Griechenland ⋅ ☀️ 25 °C
Langsam macht sech e liechti Überdosis vo Usgrabigsstätte breit... Drum luege mer Mykenes nur vo usse a, mache es Foto und treie de Touristeahüffig und em Itrittspriis vo 12Euro de Rügge.
StattWeiterlesen
Burg 'Larissa'
23. September 2018 in Griechenland ⋅ ☀️ 29 °C
...zu de Burg ‚Larissa‘ in Argos.
Ok, das esch au e Ruine, aber es het vell weniger Lüüt ume, mer het e schöni Ussecht und es esch GRATISSS😜
Epidauros
23. September 2018 in Griechenland ⋅ ☀️ 30 °C
Nur scho wegem riisige, sehr guet erhaltene Theater, hätt sech do de Iitrit glohnt😉!
Do schloht mis Darstellerherz definitiv höcher!
Vathy Hafen
23. September 2018 in Griechenland ⋅ ☀️ 27 °C
Erschlage vo all dene wertvolle, gschichtsträchtige Stei, fahre mer de Küste entlang südlech, uf d‘Insle Methana.
Üses Nachtlager finde mer im verträumte Fischerhafe vo Vathy.
Vulkan von Methana
24. September 2018 in Griechenland ⋅ ☀️ 24 °C
E chlini Wanderig fühert eus uf de roti Vulkan vo Methana. Im Morgeliecht strahlt d‘Natur bsunders schön!
Thermalquelle und Schwefelmeer
24. September 2018 in Griechenland ⋅ ☀️ 29 °C
Am Endi vo de Inselumrundig finde mer in Methana s‘chline naturbeldete Thermalbecki, woni me selber vom agnehm warme Wasser überzüüge. S‘Schwefelmeer gniesse mer über d‘Nase und hoffe debi,Weiterlesen
Epidavros 'Verdelis' Camping
24. September 2018 in Griechenland ⋅ ☀️ 29 °C
Nochem lange, schöne Tag, chöne mer vom Camping us, di ‚roti’ Insle Methana im obeliecht bestuune und gsehnd de Vollmond gross und goldig hinder ere ufgoh.
Im Mondliecht gniesse mer es feinsWeiterlesen
windiges Wetter
25. September 2018 in Griechenland ⋅ ⛅ 24 °C
Bi windigem, herbstlichem Wetter, planet und buechet mer vorfreudig di erste Sache für üses zwoite Reisehalbjohr in Südostasie.
Gern kuschlet mer üs nocher in Bus und möche e Filmobe😄.
Korinth
26. September 2018 in Griechenland ⋅ 🌬 19 °C
Ok, mer sind ufe Parplatz vo de Usgrabigsstätte gfahre, händ eus aglueget und sind wiiter gfahre...
Igoumenitsa
26. September 2018 in Griechenland ⋅ ⛅ 18 °C
Ufe Sonneundergang chöme mer bem Camping a, höt hämmer es paar Kilometer zrugg gleit und sind morn scho in Albanie.
Am Obe verfolge mer metem ‚Radio Gäub-Schwarz‘ de Fuessballmatch zwöscheWeiterlesen
Butrint
27. September 2018 in Albanien ⋅ ☀️ 20 °C
D‘Überreste vo de Hafestadt Butrint sind iibettet zwösche vill Bäum und ligge ame Meerarm. Hindedra erhebe sich di karge albanische Hügelzüg.
E witzigi Flossfähre bringt jeglechi FahrzüügWeiterlesen
Himarë 'Kranea' Camping
27. September 2018 in Albanien ⋅ ☀️ 21 °C
A de Ionischeküste fahre mer bes churz nach Himarë, zumne chline, heimelige Camping, wo mer e Reisepause möche.
Kreis Berat
1. Oktober 2018 in Albanien ⋅ ⛅ 22 °C
E schöni Überlandroute fühert üs noch Berat. Albanie wörkt mit halbfertig boute, aber trotzdem bewohnte Hüser, Strosse mit vellne Schlaglöcher und meh Abfall wo chli überall umeliit,Weiterlesen
Osum Schlucht
2. Oktober 2018 in Albanien ⋅ ⛅ 23 °C
Die Schlucht, esch en Tipp vo üsere Gastfamilie gsi und het sech sehr glohnt. Scho di chli Wanderig zume Wasserfall het eus wunderschön dur d'Herbstnatur gfüehrt. D'Schlucht esch mehreri km langWeiterlesen
Tirana Camping
3. Oktober 2018 in Albanien ⋅ ⛅ 25 °C
Es wunderschöns Plätzli ame chline See.
Tirana Stadt
4. Oktober 2018 in Albanien ⋅ ⛅ 25 °C
Sightseeing und shoppe i de Hauptstadt vo Albanie.
Trotz vell Lüüt esch d'Stadt sehr entspannt und hät es lebendigs Theaterviertel - d'Komödie uf albanisch semmer denn glich ned go luege :) .
historisches Kruja
5. Oktober 2018 in Albanien ⋅ ⛅ 21 °C
E herzigi Hüslistross met vellne Souvenirlädeli. E alti Burgruine und en leider schlechti Restiwahl.
Kruje Camping
5. Oktober 2018 in Albanien ⋅ ⛅ 20 °C
zwösche Hühener und Güggel
Nationalpark Kombëtar
6. Oktober 2018 in Albanien ⋅ 🌧 21 °C
De sympathisch Arbi (Albaner wo 10Johr in ZH gwohnt het) zeigt eus de schöni Nationalpark und verhilft eus zume feine Geiss-am-Spiess-Ässe.
Koman Fährehafen
7. Oktober 2018 in Albanien ⋅ 🌧 19 °C
Es Highlight seig d'Fährefahrt ufem Komansee. Lut Arbi esch d'Abfahrt vo de Fähre am 11:30h.
Noch erkämpfte ca. 40km uf schlaglochriiche Schotterpischte erreiche mer am 10:45h de Hafe. DeteWeiterlesen
Hotel Railindja
7. Oktober 2018 in Albanien ⋅ 🌧 17 °C
Jetzt fühert eus üse Weg is Valbona Tal. Witeri gut 70km Kurvestross bim Tempo vo öppe 30g, aber weder dure superschöni Herbstlandschaft. Am Obig göned mer üs noch dene Reisestrapatze e NachtWeiterlesen
Pass zwischen Valbona und Theth
8. Oktober 2018 in Albanien ⋅ 🌧 15 °C
E Wanderig, umgeh vonere traumhafte Berglandschaft, zum Pass zwösche Valbona und Theth.
Shkoder
8. Oktober 2018 in Albanien ⋅ ⛅ 21 °C
Nocheme lange Tag mit Wandere und laaanger 'Ränklifahrt' simmer froh, endlich im Camping vo Shkoder chönne de Bus z'parkiere.
Biogradska Gora (Naturpark)
9. Oktober 2018 in Montenegro ⋅ ☀️ 16 °C
Voll e de Natur, wo sech d'Bäre und d'Wölf 'Guet Nacht' säged, gnüsse mer d'Natur und am chüele Obe s'warme Füür nebem Bus.