wir sind dann mal weg | FindPenguins

Uusimmat ensin

wir sind dann mal weg Naav
ein Tag vom 'los lassen'
13. huhtikuuta 2019, Uusi Seelanti ⋅ ⛅ 15 °C
Am sechsi lütet de Wecker und churz drufabe hüled d‘Sirene im Ort... Relativ sofort fahrt de Camper hinder eus los. I werde chli nervös und frage de Dävu, obs dismol villech ke Üebigsalarm sigi. De Dävu esch die Ruhe selbst gsi... Denn noch öppe 10Min stellt de Alarm weder ab - sisch tatsächlech en Üebigsalarm gsi. 5Min. spöter fahrt de Nochbercamper weder uf si Platz🙃.
Im Regejagge, Rägehose, Chappe und Wanderschueh ufzug, fahred mer los zum Walewatching. S’erschte mol, sitt mer in Kaikoura send, gsehnd mer chli öppis vo de umliegende Schneeberge und es regnet au ned. Nochem zwoite Alauf🙈 semmer de am rechtige Ort acho und hend welle ‚ichecke‘.

Do seit eus de Ma doch eifach, dass eusi Tour, wege rauer See, ned statt findet.

Be de Tour vom 10ni chönnti mer sich uf d‘Warteliste loh setze...😢 Ojeh, das esch jetzt scho recht schad. Trurig säge mer eusi Buechig ab und i bruche grad e Moment am Strand zum verdaue.
Jetzt mues es Sterchigskafi hi! Denn gönd mer üse Frodo(s’Auto) gönd go putze und fahre los, nach Christchurch. Nochere schöne Überland-Fahrtstrecki, hämmer ne bem Spaceship Büro abgeh. Obscho de Frodo e super Reisewohnig gsi esch, esch eus de Abschied weniger schwer gfalle. Mer freue eus drom scho recht uf‘s ‚riiisige’ Hotelzimmer in Christchurch🤗.Lue lisää
Katso käännös
0 tykkäystä
wir sind dann mal weg Naav
Christchurch
14. huhtikuuta 2019, Uusi Seelanti ⋅ 🌬 18 °C
Üse letsti Tag in Neuseeland verbringe mer in Christchurch.
Mer flaniere dur d‘Stadt und gniesse de schön Herbsttag.
Mer gniesse d‘Ziit z‘zwoite, rede vell, albere ume und lache zäme. Mer sind glücklech, döfe mer enand ha!Lue lisää
Katso käännös
1 tykkäys
wir sind dann mal weg Naav
zwei Stunden in Australien
15. huhtikuuta 2019, Australia ⋅ ⛅ 23 °C
Während üsem Zwöschestopp in Brisbane stönd mer e churzi Ziit uf australischem Bode.
Katso käännös
0 tykkäystä
wir sind dann mal weg Naav
Hotel 'Lusa' - Kuta, Bali
15. huhtikuuta 2019, Indonesia ⋅ 🌧 33 °C
Jetzt stohni do, vorem Legendäre Hotel ‚Lusa‘...
I has bisher eifach us Erzählige, vo de Männerferie kennt und freue mi, au einisch metem Dävu döffe do z‘si. Zum Acho ghört s’Gniesse vome chalte Bintang ufem Balkon✌️😎

Meh als einisch werde mer i de kommende Tag de ruhigi Poolgarte ufem Liegestuhl oder im Wasser gniesse und säge: „chum Brun, chum!“Lue lisää
Katso käännös
0 tykkäystä
wir sind dann mal weg Naav
Shoppen!!!
17. huhtikuuta 2019, Indonesia ⋅ ⛅ 33 °C
...das esch ebe eine vo de wichtigste Gründ werum mer i das Tourischte, Bar, Restaurant und Läde überfüllte Kuta goht. Es git Markechleider zumene erschwingliche Priis.

Zur Feier vom erfolgriiche Iichauf gets no en freche Hoorschnitt före Dävu😍.Lue lisää
Katso käännös
0 tykkäystä
wir sind dann mal weg Naav
Oschtere
21. huhtikuuta 2019, Indonesia ⋅ 🌬 32 °C
Höt gohni in Hillsong Gottesdienst, Juhuu!
Am Igang stönd mehreri bewaffneti Securitas, wo eim dütlech mached, dass mer do ned glich unbeschwert wie i de Schwiiz cha Glaube was mer will.
Aber de aschlüssend Gottesdienst esch füürig, fröhlich, echt, wohr und berüehrend gsi. Im Lobpriis isch mis Herz voll und ganz ufgange und deheime gsi❤️.

Zum z‘Mittag het eus de Harald, en Hotelgast wo mer kenneglehrt händ, zunere Familie mitgnoh, wo drü mol im Monet es Esse för Fründe und Gäst macht. Es send vell Baliiwanderer dete gsi, jung und alt, und es esch spannend gsi, eri Iwanderigsgschichte z‘ghöre. Mer händ s’feine Esse i dem grosse, offene Hus, ime schöne tropische Garte, sehr gnosse!Lue lisää
Katso käännös
1 tykkäys
wir sind dann mal weg Naav
Fuulenze in Padang Padang
23. huhtikuuta 2019, Indonesia ⋅ 🌬 31 °C
Relaxe isch d‘Hauptufgob vo eus in Padang Padang😉.
Di letste zwoi Wuche vo eusere Reis wämmer nomol so rechtig uf de fuule Hut lege. Eusi Chöpf und Herze sind mit wunderschöne Reiseerläbnis gfüllt und die löhnd mer jetzt loh setze.

Mer händ es super Underkunft meteme paradiesisch agleite Pool und eme schöne Strand en 5Min. Fuessweg. Mer sünnele, lese, pfuse... Am Strand chönnti stundelang Muschle sueche und im Meer legge🤩.Lue lisää
Katso käännös
0 tykkäystä
wir sind dann mal weg Naav
Uluwatu Strand
30. huhtikuuta 2019, Indonesia ⋅ ☀️ 30 °C
Höt möche mer es Rollertürli und halte bem Strand Uluwatu, das heisst ned Felseküste...
lueged selber warum😁
Katso käännös
1 tykkäys
wir sind dann mal weg Naav
Höt voreme Johr...
3. toukokuuta 2019, Indonesia ⋅ ⛅ 29 °C
Höt voreme Johr simmer losgfahre...
De Wahn wie die Reiseziit em Flug vergange esch. Mer händ en riise Richtum a Erläbnis, Ort und Begägnige gsammlet und die bewahre mer zäme im Härze. Zudem simmer enand ufe, eher unspektakuläri Wis, nöcher cho und üsi Liebi het dörfe riife💏.

Zum‘s allne Gwundrige eifacher z‘mache: mer si weder verlobt, no schwanger... aber s‘nöchste ‚Abentüür‘ folgt bestimmt.
Uf das stosse mer a🍻!

Höt semmer weder emol metem Roller underwägs gsi und händ under anderem de Balagan Beach bsuecht. Rollermetfahre werdi deheim vermisse😊.Lue lisää
Katso käännös
1 tykkäys

Matkan lopetus
3. toukokuuta 2019