Reimposta ricerca
wir sind dann mal weg
  • Naav
  • Naav

wir sind dann mal weg

Un’avventura di 366 giorni di Naav Leggi altro
+16
SeguiPanoramicaPanoramicaCalendarioCalendarioFotografieFotografieCondividiCondividiLista dei desideri
PanoramicaCalendarioFotografie
  • Naavwir sind dann mal wegNaav

    ein Tag vom 'los lassen'

    13 aprile 2019, Nuova Zelanda ⋅ ⛅ 15 °C

    Am sechsi lütet de Wecker und churz drufabe hüled d‘Sirene im Ort... Relativ sofort fahrt de Camper hinder eus los. I werde chli nervös und frage de Dävu, obs dismol villech ke Üebigsalarm sigi. De Dävu esch die Ruhe selbst gsi... Denn noch öppe 10Min stellt de Alarm weder ab - sisch tatsächlech en Üebigsalarm gsi. 5Min. spöter fahrt de Nochbercamper weder uf si Platz🙃.
    Im Regejagge, Rägehose, Chappe und Wanderschueh ufzug, fahred mer los zum Walewatching. S’erschte mol, sitt mer in Kaikoura send, gsehnd mer chli öppis vo de umliegende Schneeberge und es regnet au ned. Nochem zwoite Alauf🙈 semmer de am rechtige Ort acho und hend welle ‚ichecke‘.

    Do seit eus de Ma doch eifach, dass eusi Tour, wege rauer See, ned statt findet.

    Be de Tour vom 10ni chönnti mer sich uf d‘Warteliste loh setze...😢 Ojeh, das esch jetzt scho recht schad. Trurig säge mer eusi Buechig ab und i bruche grad e Moment am Strand zum verdaue.
    Jetzt mues es Sterchigskafi hi! Denn gönd mer üse Frodo(s’Auto) gönd go putze und fahre los, nach Christchurch. Nochere schöne Überland-Fahrtstrecki, hämmer ne bem Spaceship Büro abgeh. Obscho de Frodo e super Reisewohnig gsi esch, esch eus de Abschied weniger schwer gfalle. Mer freue eus drom scho recht uf‘s ‚riiisige’ Hotelzimmer in Christchurch🤗.    Leggi altro

    Guarda la traduzione
  • Naavwir sind dann mal wegNaav

    Hotel 'Lusa' - Kuta, Bali

    15 aprile 2019, Indonesia ⋅ 🌧 33 °C

    Jetzt stohni do, vorem Legendäre Hotel ‚Lusa‘...
    I has bisher eifach us Erzählige, vo de Männerferie kennt und freue mi, au einisch metem Dävu döffe do z‘si. Zum Acho ghört s’Gniesse vome chalte Bintang ufem Balkon✌️😎

    Meh als einisch werde mer i de kommende Tag de ruhigi Poolgarte ufem Liegestuhl oder im Wasser gniesse und säge: „chum Brun, chum!“    Leggi altro

    Guarda la traduzione
  • Naavwir sind dann mal wegNaav

    Oschtere

    21 aprile 2019, Indonesia ⋅ 🌬 32 °C

    Höt gohni in Hillsong Gottesdienst, Juhuu!
    Am Igang stönd mehreri bewaffneti Securitas, wo eim dütlech mached, dass mer do ned glich unbeschwert wie i de Schwiiz cha Glaube was mer will.
    Aber de aschlüssend Gottesdienst esch füürig, fröhlich, echt, wohr und berüehrend gsi. Im Lobpriis isch mis Herz voll und ganz ufgange und deheime gsi❤️.

    Zum z‘Mittag het eus de Harald, en Hotelgast wo mer kenneglehrt händ, zunere Familie mitgnoh, wo drü mol im Monet es Esse för Fründe und Gäst macht. Es send vell Baliiwanderer dete gsi, jung und alt, und es esch spannend gsi, eri Iwanderigsgschichte z‘ghöre. Mer händ s’feine Esse i dem grosse, offene Hus, ime schöne tropische Garte, sehr gnosse!    Leggi altro

    Guarda la traduzione
  • Naavwir sind dann mal wegNaav

    Fuulenze in Padang Padang

    23 aprile 2019, Indonesia ⋅ 🌬 31 °C

    Relaxe isch d‘Hauptufgob vo eus in Padang Padang😉.
    Di letste zwoi Wuche vo eusere Reis wämmer nomol so rechtig uf de fuule Hut lege. Eusi Chöpf und Herze sind mit wunderschöne Reiseerläbnis gfüllt und die löhnd mer jetzt loh setze.

    Mer händ es super Underkunft meteme paradiesisch agleite Pool und eme schöne Strand en 5Min. Fuessweg. Mer sünnele, lese, pfuse... Am Strand chönnti stundelang Muschle sueche und im Meer legge🤩.    Leggi altro

    Guarda la traduzione
  • Naavwir sind dann mal wegNaav

    Höt voreme Johr...

    3 maggio 2019, Indonesia ⋅ ⛅ 29 °C

    Höt voreme Johr simmer losgfahre...
    De Wahn wie die Reiseziit em Flug vergange esch. Mer händ en riise Richtum a Erläbnis, Ort und Begägnige gsammlet und die bewahre mer zäme im Härze. Zudem simmer enand ufe, eher unspektakuläri Wis, nöcher cho und üsi Liebi het dörfe riife💏.

    Zum‘s allne Gwundrige eifacher z‘mache: mer si weder verlobt, no schwanger... aber s‘nöchste ‚Abentüür‘ folgt bestimmt.
    Uf das stosse mer a🍻!

    Höt semmer weder emol metem Roller underwägs gsi und händ under anderem de Balagan Beach bsuecht. Rollermetfahre werdi deheim vermisse😊.    Leggi altro

    Guarda la traduzione
    Fine del viaggio
    3 maggio 2019