Reinicializar a pesquisa
wir sind dann mal weg
  • Naav
  • Naav

wir sind dann mal weg

Uma 366aventura de um dia na Naav Leia mais
+16
SeguirResumoResumoCalendárioCalendárioFotosFotosCompartilharCompartilharLista de metas
ResumoCalendárioFotos
  • Naavwir sind dann mal wegNaav

    Bucht von Kotor

    11 de outubro de 2018, Montenegro ⋅ 🌙 14 °C

    Gueti Strosse füehre eus quer dur's hügelige und bewaldete Land vo Montenegro. Während de molerische Obestimmig fahred mer vom Berg is Tal und gniesse debi d'Ussecht über D'Bucht vo Kotor und erhasched au scho Usblicke, vo obe, uf d'Stadt Kotor.Leia mais

    Ver tradução
  • Naavwir sind dann mal wegNaav

    Kotor Altstadt

    12 de outubro de 2018, Montenegro ⋅ ☀️ 23 °C

    E hübschi Stadt, aber sehr touristisch...
    Grossi Chrützfahrtschiff und Cars leere vorem Tor vo de Altstadt eri Gäst us und die Mönschemengi triibe eus de au chli gliner weder us dem Trubel use.

    Ver tradução
  • Naavwir sind dann mal wegNaav

    Dubrovnik Altstadt

    13 de outubro de 2018, Croácia ⋅ ☀️ 23 °C

    Mer gnüsse de berüehmti Rundgang uf de alte Stadtmuure um und über Dubrovnik. D'Sicht vo obe, uf die lebendigi und verwinkleti Stadt am Meer, bietet vell schöni Blickperspektivene!
    Schöni Erinnerige vo de '3 Girls on Tour'-Ferie (met mine beste Schuelfründinne, im mintige Opel Corsa :) ), werde be mer Wach.Leia mais

    Ver tradução
  • Naavwir sind dann mal wegNaav

    HAPPY BIRTHDAY NAEMI!

    22 de outubro de 2018, Croácia ⋅ 🌬 18 °C

    Während dem ich cha usschlofe, wird mer es verwöhn z‘Morge zwäg gmacht. Es git sogar Geburtstagsmusig us de Boxe...
    Spöter gohts mitem Velo paar km is Inselinnere, wo mer e chlini Wanderig zume Ussichtspunkt mached.
    De ganz Tag, erreiched mi emmer weder liebe Glückwünsch us de Schwiz, Danke!
    Zum Z‘Nacht gets Härdöpfelstock met ‚Zürigschnetzletem-Spezial’ vo mim Liebste und es feins Gläsli Wisswi us de Gegend.
    I ha en super schöne Geburtstag gha!    Leia mais

    Ver tradução
  • Naavwir sind dann mal wegNaav

    Zürich Flughafen

    12 de novembro de 2018, Suíça ⋅ ⛅ 13 °C

    Noch zwoi Wuche churzwiiligem und schönem Feriestopp i de Schwiiz, goht üsi Reis wiiter.
    De Bus hämmer iigstellt und üses Hab und Guet het sich nomol beträchtlech minimiert.
    Vo Züri Flughafe gohts los, über Bangkok uf Luang Prabang und das e fasch 20h.
    ...wir sind dann mal weg...😁    Leia mais

    Ver tradução
  • Naavwir sind dann mal wegNaav

    SySomPhoNe

    13 de novembro de 2018, Laos ⋅ ⛅ 27 °C

    De zwoiti, chürzeri Flug, het üs noch Luang Prabang brocht. Ohni Problem bechöme mer es Touristevisum för 29 Tag und am Bankomat chöne mer eus met de erste Kip bewaffne (10000Kip = 1.18sfr.) Do chamer guet es Milliönli useloh🤑😎.
    Denn gohts los, metem Taxi zu üsem Hotel. Dete holt eus d‘Müedogkeit i und mer pfuse es paar Stund, bevor mer s‘erste feine Menue chöne gniesse.
    Noch wenige Stunde i dem fremde Land, hani scho jensti verschiedeni Idrück ufgsoge und bi fasch chli überwältiget, die bekannte Bilder us Internet und Reiseführer, in echt dörfe z‘erlebe!    Leia mais

    Ver tradução
  • Naavwir sind dann mal wegNaav

    SySomPhoNe Gästehaus

    14 de novembro de 2018, Laos ⋅ 🌧 27 °C

    Nachere erholsame Nacht ime riise Bett und gstärcht vom z‘Morge gönd mer d‘Stadt go erkunde.
    Do gseht mer si: d‘Roller, bepackt met Mensche oder Material, d‘Essensständ wo feine Düft versprühet, farbigi Märkt, goldigi Tempel, bruuni Flüss, grüeni Tropebäum, farbigi Laterne, lächelndi Mensche...Leia mais

    Ver tradução
  • Naavwir sind dann mal wegNaav

    'Kung Xi' Wasserfall

    15 de novembro de 2018, Laos ⋅ ⛅ 25 °C

    Meteme Tuktuk löhnd mer üs zum schöne Wasserfall chauffiere😊 und mäche um de Wasserfall de erst Spaziergang im Urwald.
    Nebstere grosse Spinne hämer kei freii wildi Tier gseh, deför hämmer uf de Holperfahrt di erste Wasserbüffel gseh. I de grüene, bewaldete Hügellandschaft hets immer mol weder es Dorf us es paar Holzhüttene und Kolonialhüser gha.
    Gstuunet hämmer über di jüngste Verkehrsteilnämer, wo sech, mitem Velo, dur de lebhafti Verkehr id Schuel kämpft händ.    Leia mais

    Ver tradução
  • Naavwir sind dann mal wegNaav

    auf dem Mekong

    16 de novembro de 2018, Laos ⋅ 🌧 32 °C

    Euses nöchste Ziil esch Phongsaly, ganz em Norde vo Laos. Die ersti Etappe führt während 9h metem Slowboot nach Pakbeng. S‘Reise i dere schöne Kulisse esch sehr agnehm und entspannt gsi. Verbi a de hügelige Urwaldlandschaft. Ab und zu gseht mer es anders Schiff oder es Dörfli met Stelze- und Wellblechhüser. Es paarmol werdet Passagiere ab- oder ufglade und denn wartet am Bootaleger scho e Tschuppele Chind, wo winked und eim miteme fröhleche ‚Sabeydee‘ begrüessed.Leia mais

    Ver tradução
  • Naavwir sind dann mal wegNaav

    Busfahrt nach Oudomxay

    17 de novembro de 2018, Laos ⋅ ☀️ 27 °C

    Di zwoiti Etappe noch Phongsaly isch e Busfahrt noch Oudomxay.
    Gmüetlich fahre mer vor de Nüne in Pakbeng los. Üse Rucksack isch, ufem Busdach, bim andere Gepäck, verstaut. Bi de erste Bushaltestell stiiged wiiteri Passagiere mit recht vill Gepäck i. Jetzt esch de Bus wohl voll - doch bim nöchste Dorf stiige wiiteri Lüüt mit Täsch i und irgendwie findet sich au för di no en Plätz😁. Und so gohts vo eim Dorf zum nöchste. Zum Glück stiigd ab und zu au öpper us.
    Di hügelige Urwaldwälder sind au hüt di meist gsehni Landschaft. Denn fahre mer entlang vo Banane-, Riis- und Maisfelder. I de scho bekannte Dörfer mit Hüser oder vorwiegend Hütte gseht mer vill Chind bim spile oder a de Eltere am helfe. Denn en Rums und es Raune dur de Bus. Öpis isch abem Dach gheit😧. E Chiste mit Arzneimittel före Apothek. Alles werd weder iipackt und spöter so abglade...
    Trotz dere erlebnissriche Fahrt simmer froh gsi, womer am Ziil acho sind, denn s‘Füdli het scho langsam afoh weh tue.
    D‘Hotelsuechi ergit sich praktisch vo selber, well de Tuktuk-Fahrer eim grad bim Gästehaus noch siner Wahl abladet. Und die Wahl esch guet gsi.    Leia mais

    Ver tradução
  • Naavwir sind dann mal wegNaav

    Phongsali

    19 de novembro de 2018, Laos ⋅ ⛅ 18 °C

    Damet mer e wiitere lange Bustag überstönd, gets zum z‘Morge e feini Nudelsuppe. Weder gohts im überfüllte Bus los. Kilometer um Kilometer, mol stiige Lüüt i mol Lüüt us, denn gets weder e Pause, bises dunkel wird. Denn endlech chöme mer in Phongsali a und send metem Tuktuk gli bem Gästehuus wo es bequems Bett uf eus wartet...😴Leia mais

    Ver tradução
  • Naavwir sind dann mal wegNaav

    'Akha-Trekking' 1tes Akha-Dorf

    20 de novembro de 2018, Laos ⋅ ☀️ 28 °C

    Vo Phongsaly gohts metem Bus zume Damm. Vo dete us fahre mer mitem Boot wiiter. Es git Stelle im Fluss wo vell Triibholz de Weg versperre. De Motor vom Boot werd abgstellt und mer kämpfe eus mit 2 Ruder und Bambusstäb dur die Holbarrikade. Denne chöme mer bem erste chline Akha-Dorf a, wos es feins Z‘Mittag get. Gstercht gömmer uf de strengensti Trekkingabschnitt, 4h berguf.Leia mais

    Ver tradução
  • Naavwir sind dann mal wegNaav

    2tes Akha-Dorf

    20 de novembro de 2018, Laos ⋅ 🌙 19 °C

    Bim Liecht vo de letste Sunnestrahle chöme mer ufem Hügel bim Akhadorf, wo mer pfuse, a. Nüt esch met ‚in Rueh d‘Ussecht z‘gniesse‘. Sofort chömed di gwundrige Chind und di gschäftige Akha-Fraue, wo eri Handarbeite wänd verchaufe. Vor luuter Lüüt isch mer grad chli überforderet😬.
    Denn gohts zu üsem sympathische Gastgeber, wo üs miteme feine Esse verchöstigt. Dankbar kuschle mer eus spöter uf de Matte i di flauschig Decki.
    Dur d’Holzwänd ghöre mer all di verschiedene Tier und Dorfgrüsch, bes eus denn glich einisch de Schlof übermannt.    Leia mais

    Ver tradução
  • Naavwir sind dann mal wegNaav

    3tes Akha-Dorf

    21 de novembro de 2018, Laos ⋅ ⛅ 23 °C

    Im Morgeliecht bestuune mer s’wiite Nebelmeer. Denn gohts wiiter dur d‘Urwaldhögle, verbi a sehr steile Felder zum nöchste Akha-Dorf. Es git es feins z‘Mittag und e Pause a de warme Sonne.
    De Huusherr vertribt, während sim Mittagsschlof, meteme Bambusstäcke di vorwitzige Hühener, wo de Ris wänd go picke, wo i de Sunne mues tröchne.Leia mais

    Ver tradução
  • Naavwir sind dann mal wegNaav

    4tes Akha-Dorf

    21 de novembro de 2018, Laos ⋅ ☀️ 21 °C

    Nochere wiitere agnehme Marschziit dur Urwald, erreiche mer gege Obe s’letschte Akha-Dorf, wo mer au döfe übernachte. D’Chind und di Erwachsene begrüesse eim fröhlech und neugiirig. Es goht ned lang, chunnt au schon de einti oder di anderi Iiheimischi, met ihrem körperliche Liide und bittet um Medizin. Meh als Pseudobehandlige, miteme Tablettli oder enere Desinfektion, chamer leider ned büte. Als Pflegefachfrau hätti scho de einti oder anderi hygienisch oder alternativi Tip, aber das schiint de Lüüt scho z‘ufwändig oder vellech z’banal z‘si🥴.
    Am Obe nochem Esse, bim Sternehimmel gnüsse, händ sech di übermüetige Dorfchend i üsi Nöchi gwogt. Schlussändlech händ eus es paar Meitli Lieder vorgsunge, denn hämmer zäme Fingerspieli güebt und sogar chli zäme Tanz. Mer alli händ Freud gha😊.    Leia mais

    Ver tradução
  • Naavwir sind dann mal wegNaav

    Hatsa

    22 de novembro de 2018, Laos ⋅ ⛅ 26 °C

    Höt gohts zrugg id ‚Zivilisation‘. Mer wanderet es letschts Mol dur d‘Urwaldhügel abwärts, gege de Fluss und chömed ume Mittag mitem Boot bim Damm mit de Bushaltestell a. Mer stossed mitem Bin, üsem super Trekking-Füherer a und denn gohts mitem Bus uf Hatsa, wo mer Übernachted.
    Di vergangene drü Tag sind super schön, idrücklech und spannend gsi! Trotzdem freue mer üs sehr, übere Duschi und e weicheri Matratze😁    Leia mais

    Ver tradução