Aramayı sıfırla
wir sind dann mal weg
  • Naav
  • Naav

wir sind dann mal weg

Naav tarafından 366 günlük bir macera Okumaya devam et
+16
Takip EtGenel BakışGenel BakışTakvimTakvimFotoğraflarFotoğraflarPaylaşPaylaşYapılacaklar listesi
Genel BakışTakvimFotoğraflar
  • Naavwir sind dann mal wegNaav

    Ben Tre (Mekong-Delta Tour)

    5 Ocak 2019, Vietnam ⋅ 🌬 31 °C

    Metem Binh undem Dong starte mer id Mekong-Delta-Tour. Underwegs noch ‚Ben Tre‘ möche mer mehreri Hält und gsehnd en Tempel vo de Cao Dai-Religion, Flechterinne bi de Arbet und e Betrieb wo si Räucherstäbli herstelle.
    Binere Bootstour ufem Mekong gsehnd mer e Fischzucht. Bevor mer ufeme schmälere Mekongarm im Böötli umechauffiert werde, erchlärt eus de Binh wie mer Riiswii herstellt. Au kulinarisch entdecke mer Neus und esse e de eifache Strossechuchene, wo ned all zu suber sind, aber wo feins Esse g’chochet werd. Am Obe chöme mer müed em Hotel a. Mer send froh, hämmer d‘Sideschlofsäck debi...
    Zum z‘Nacht gets ke Frösch, sondern die berühemti Rindfleisch-Nuddelsuppe. Wär cha s‘grösste Chillistückli esse?    Okumaya devam et

    Çeviriyi gör
  • Naavwir sind dann mal wegNaav

    Càng Long (Mekong-Delta-Tour)

    6 Ocak 2019, Vietnam ⋅ ☀️ 31 °C

    Höt bsueche mer als erschts e Kokosnusstäfeli-Fabrick. Mer gsehnd d’Produktion vom Saft bis zu de, überwiegend vo Hand iipackte, Täfeli. Wiiter gohts zu de Männer wo am Tag bis zu 4000 Kokosnüss schelle.
    Versteckt under Palme gsehnd mer e nochebouti Bunkeralag, usem Vietnamchrieg.
    Später zeigt eus en Arbeiter, wie er Bluemetöpf macht.
    Ime Privathuushalt erchlärt eus de Binh, wie mer Riispapier macht und aschlüssend dörfed mer devo probiere.
    Am Markt wird s‘Nacht iikauft. Es get grossi Shrimps wo eus de Binh wunderbar kochet!    Okumaya devam et

    Çeviriyi gör
  • Naavwir sind dann mal wegNaav

    Can Tho (Mekong-Delta-Tour)

    7 Ocak 2019, Vietnam ⋅ ☀️ 32 °C

    Bem z‘Morge luege d‘Männer noche, ob eri gester kaufte Lösli en Gwönn erzielt händ. Keine het Glück gha, so wie all di andere Vietnamese, wo gest es Los kauft händ...
    Denn bsueche mer e Strossemarkt, wo Schlange und Ratte verchauft werde. Beides zum Esse, verstoht sich.
    Nochem Zoorundgang händ mer Fraue denn definitiv gnueg Schlange gseh.
    Wiiter gsehnd mer no ine Riisfabrik ine und später verzellt eus de Binh vo de Tay Son-Rebellion, während mer vorem Denkmol, im Gedenke a die Ziit, stönd.
    In Kon Tum mached mer en Stadtspaziergang und entdecked en faszinierende Handwerkermarkt, mit unterschiedlichste Materialie.
    Am Obe gniesse mer e Nudelsuppe mit Entebluet (Bluetwurstähnlich) und dezue gets Riiswii 50/50.    Okumaya devam et

    Çeviriyi gör
  • Naavwir sind dann mal wegNaav

    Rach Gia (Mekong-Delta-Tour)

    8 Ocak 2019, Vietnam ⋅ ⛅ 30 °C

    Früe am Morge gömer zum Hafe. Mitem Schiff fahre mer dure de schwimmendi Mart ‚Cai Rang‘. Zum Sonneufgang semmer zrugg im Hafe. Als nächschts gets ime Strossekafi es stärchends Riis-z‘Morge.
    Underwegs halte mer binere Pilz- und binere Gurkefarm. Bime Holzhus ame Flüssli, zeigt eus de Huusherr sis Netzigrecht zum Fisch fange. Zum Hus chunt mer nur übere schmali Bambusbrugg, wo mer au müend überquere.
    Am Mittag verabschiede mer eis bi Guide und Fahrer, mer sind am Hafe vo Rach Gia acho.    Okumaya devam et

    Çeviriyi gör
  • Naavwir sind dann mal wegNaav

    bis zum Seesterne-Strand

    14 Ocak 2019, Vietnam ⋅ ☀️ 29 °C

    Höt erkunde mer ufem Roller de Norde vo de Insle. Mer fahre dur Dörfli und fende en schöne, einsame Strand. Eme Restaurant am Meer gets es feins Esse mit Meeresfrücht. Über e staubigi, Holperpiste glange mer zum Seesterne-Strand und gnüsse de Sunneundergang. Im Dunkle fahre mer dure Firobeverchehr hei und chöme zfrede und unversehrt a.Okumaya devam et

    Çeviriyi gör
  • Naavwir sind dann mal wegNaav

    Schnorcheln um die südlichen Inseln

    16 Ocak 2019, Gulf of Thailand ⋅ ⛅ 29 °C

    D‘Schnorcheltour mit Guide und Schnellboot esch es Highlight. Mer bade a Bilderbuechstränd und schnorchle i de Koralleriff um die chline Inseli. Fantastisch, was mer för Meerestier und Pflanze gsehnd!
    Esse tüemer üsi selber ganglete Fisch und anders feins, traditionells Esse, under Palme.    Okumaya devam et

    Çeviriyi gör
  • Naavwir sind dann mal wegNaav

    Kampot

    19 Ocak 2019, Kamboçya ⋅ ☀️ 30 °C

    Höt passiere mer di nöchsti Landesgrenze nach Kambodscha.
    Im hübsche und entspannte Städtli Kampot verbringe mer es paar Tag. Langsam chunnt eus s‘Stadtbild bekannt vor. Uf de Strosse lauft emmer öpis, mindischtens ein Tempel hets, en Markt dörf ned fehle und oft esch en Fluss i de Nöchi. Zum ässe gets unmenge a Strossechuchine und Restaurants.
    Und jede Tag entdecke und erlebe mer trotzdem weder Neus vo dere asiatische Kultur.    Okumaya devam et

    Çeviriyi gör
  • Naavwir sind dann mal wegNaav

    Urwaldtrekking um 'Chi Phat'

    24 Ocak 2019, Kamboçya ⋅ ☀️ 32 °C

    Met Rucksack, Hängematte, vell Wasser, Sonnecrème, Huet, Muggespray und guete Schueh gohts los. Zersch laufemer 15km i de pralle Sonne am Urwald entgege. Im Wasserfallbecki gets nochem z’Mittag, wo eusi zwoi Chöch z‘auberet händ, en willkommeni erfröschig. ersch denn gohts rechtig is g‘Holz und zu eusem erschte Nachtlager. Nochem z‘Nacht be Cherzeschiin schlöpfe mer i eusi Hängematte und versueche met de Urwaldgrüsch i z‘pfuse.
    De nöchsti Tag verbringe mer uf Urwaldpfaade. Gsehnd Gibonaffe und Elefantespure. Zum Glück esch di höch giftigi Schlange schnell vom Weg gschliche, nochdem euse Füherer fasch drufgstande wär😨.
    Zwoi vo eusere Gruppe händ leider früehziitig müesse zrugg, well de Rosy eri unmenge vo Bettwanzebiss si fasch in Wahnsinn tribe händ, vor jucke.
    Am dritte Tag simmer metere schöne Bootstour hei belohnt worde.    Okumaya devam et

    Çeviriyi gör
  • Naavwir sind dann mal wegNaav

    auf der Insel 'Kho Ta Kiev'

    27 Ocak 2019, Kamboçya ⋅ ☀️ 29 °C

    D‘Areis uf di idyllischi Insle esch beschwehrlech gsi, doch het si sech meh als glohnt. En schöne, seichte Sandstrand und es elegants Bumgalow met Meersicht het uf üs gwartet!
    Di nöchste Tag gniesse mer Sonne, Meer, feins Esse und d‘Insle.
    Es absoluts Highlight esch s‘schwimme im fluoreszierende Plankton gsi. Um eim ume esch en glitzerige Feestaub gschwumme und über eim händ d‘Sterne gfunklet🤩.    Okumaya devam et

    Çeviriyi gör
  • Naavwir sind dann mal wegNaav

    Phnom Penh

    1 Şubat 2019, Kamboçya ⋅ ⛅ 29 °C

    Noch de Insle gohts id Hauptstadt.
    Es Mönsche- und Fahrzüüggwimmel zwösche alte Kolonialhüser, moderne Beton-glasbaute und gwöhnleche schmale Mehrstockhüüser. Verschiedensti Grüch, mängisch verlockend, mängisch abstossend. Hochglanz näbem Dreck. Überall Ässe. Tempel und no meh Tempel.
    Quirrlig, liebenswert,ehrlech und huutnöch👍.    Okumaya devam et

    Çeviriyi gör
  • Naavwir sind dann mal wegNaav

    Phnom Penh

    4 Şubat 2019, Kamboçya ⋅ ☀️ 24 °C

    S‘Chinesische Neue Johr esch do!
    Uf de Stross vor de Hüser verbrönne di chinesische Familie, Fake-Geld, Neujohrslos und sogar Päss im Gedenke a di verstorbnige us de Familie. Vor de Hüüser stönd Altär met Esse und Getränk. D‘Familie sitzed zäme bem feine Esse und bem plaudere.
    Bem üblech heisse Wetter besichtiged mer d‘Silberpagode und en Teil vom Königspalast. De kambodschanisch König isch grad 65i worde.    Okumaya devam et

    Çeviriyi gör
  • Naavwir sind dann mal wegNaav
    De Zuckerpalmesaft wird mehreri Stund kochet und denn bis zwei Stund grüehrt, dass de Palmezucker di schöni wi

    Kampong Chnang

    5 Şubat 2019, Kamboçya ⋅ ⛅ 34 °C

    Vor ‚Siem Reap‘ mache mer no en Zwöschehalt in ‚Kampong Chnang‘.
    Das ländleche Städtli liit am under Endi vom ‚Tonle Sap See‘ und liit drum nöch vo zwoi schwimmende Dörfer. Die bestuune mer ufere schöne Bootsfahrt.
    Töpferei isch en ‚Kampong Chnang‘ es verbreitets Handwerk. Mer chöne zueluege, wie di kambodschanische Fraue, mit flincke Händ, de Ton bearbeite.
    De Teil vo de Ortshüser, wo flüssnöch legge, sind uf Stelzegrüscht boue. Die sind mega iidrücklech!    Okumaya devam et

    Çeviriyi gör
  • Naavwir sind dann mal wegNaav

    Siem Reap

    7 Şubat 2019, Kamboçya ⋅ ⛅ 32 °C

    ‚Siem Reap‘ isch üsi letsti Station in Kambodscha.
    Nochem Reisetag hämmer mol weder Lust uf e Pizza gha. I de Innestadt simmer fündig worde.
    Zwösche dene viele moderne Shops, Bars, Restaurants und unzählige vo Touriste, us de verschiedenste Länder, hät mer gar nümme gmerkt, dass mer in Kambodscha isch.
    Dass s‘Trottoir vorem Spital aber voll isch mit chline, farbige Plasticktisch und Stüehl, wo überwiegend di Iheimische dra s‘Esse vo de Strossechuchi gnüssed... das isch definitiv Kambodscha. Also vor de Insle in Bern wär so öppis ned gärn gseh😁.    Okumaya devam et

    Çeviriyi gör
  • Naavwir sind dann mal wegNaav
    1

    Angkor Wat

    9 Şubat 2019, Kamboçya ⋅ ☀️ 31 °C

    Am Morge simmer mit zwei Velos ufbroche, zum weltberüehmte Tempel ‚Ankor Wat‘ und de umligende,wiitere Tempel.
    Mer händ viel beidruckendi Tempelbaute gseh, wo alli unheimlich massiv und prunkvoll baut und im Detail glich üsserst filigran verziert worde sind.
    Vo eim riise Kunstwerk zum nöchste, simmer gradlet und d‘Sunne het eus de Schweiss nur so us de Pore drückt.
    Mit üs händ sich unzählig vieli anderi Touris dur die Tempelstadt zwängt.
    Nocheme riiche Tempel-Seightseeingtag simmer im Sunneundergang müed, aber glücklich, ‚hei‘ gfahre.    Okumaya devam et

    Çeviriyi gör
  • Naavwir sind dann mal wegNaav

    Grüezi Philippinen

    12 Şubat 2019, Filipinler ⋅ ⛅ 21 °C

    Scho am Flughafe hämmer di ersti Useforderig... Glaube mer am Reiseführer e-book, dasses en Shuttlebus zur Busstation get oder de Filippino-Jeepney-Fahrer, wo säge, mer chömi nur meteme Jeepenye det he... Mer fahre schlussendlech metem Jeepney. A de Bushaltestell helfe eus di Iheimische fründlech und mer verwötsche de rechtig Bus Rechtig Banaue. Nochere churze Fahrt miteme Tricycle, stige mer ufes anders Jeepney um. Bim Umstige uf‘s letste Jeepney lande mer ufem Dach, well d‘Bänk scho über voll sind. Met schöner Ussecht fahre mer so di letsti Strecki uf Banaue. Noch 36h Reis semmer am Ziil und recht müed...Okumaya devam et

    Çeviriyi gör
  • Naavwir sind dann mal wegNaav
    Batad
    BangaanFrau bem Riis pflanze

    Das achte Weltwunder

    14 Şubat 2019, Filipinler ⋅ ☀️ 25 °C

    D‘Riisterrasse vo und um Batad bsueche mer ufere schöne Wanderig! De Riis esch ersch vor churzem apflanzt worde und nur en Teil vo de Felder lüchte bereits im saftige Grüen. Die Terrasse, us Mönschehand gmacht, mit erem usklüeglete Wasserversorgigssystem bringe eim definitiv zum stuune und sind wunderschön!
    Au s‘Dörfli Bangaan liit, super schön, wie e Insle, i de Riisfelder.    Okumaya devam et

    Çeviriyi gör
  • Naavwir sind dann mal wegNaav
    ufghänkti Särggstableti Särg im Höhleiigang

    Sagada

    15 Şubat 2019, Filipinler ⋅ ☀️ 24 °C

    Hät reise mer miteme Büsli, wiiter noch Sagada. Es entspannts Dorf ime Hochtal, zwüsche Piniewälder und Kalksteifelse.
    Früener händ d‘Bewohner i dem Ort, di umligende Höhle als Friedhöf brucht und d’Särg ad Felswand ghänkt oder ad Höhlewänd gstablet.Okumaya devam et

    Çeviriyi gör
  • 2026© FindPenguins
  • Ana sayfa
  • Hakkımızda
  • Grup takibi
  • Basın
  • Hükümler
  • Gizlilik & Cookies
  • Yardım Merkezi
  • Damga