S o

Joined February 2016
  • Day83

    Sogar na ufeme Camping glandet

    November 28, 2018 in Albania ⋅ 🌙 9 °C

    Mer hend aso tatsächlich grad na chönne wäsche und alli 4 paar Schue abspüele/Schneechettä entschlamme... jippie
    Uund hend gmerkt, das mer oisi Schufle vergässe händ...! Naaaiii :( Die het ois scho so oft us de einte oder andere Patsche gholfe...

  • Day83

    Chum, mir fahred am Tom nah

    November 28, 2018 in Albania ⋅ 🌧 10 °C

    Seit de Domi, wo ich de Input geh han, das die Strasse wo de Tom wet neh nid ersichtlich sind uf Maps.me
    Aaber - Maps.me het uusnahmswiit mal recht gha... Aso ja, e Stei/Schlamm/Seelipiste hets gha... Da druus hets es wiiters Schlamm-Abentür geh, wil umcheerä wer nachem erste chiisige Hang au nümme gange :)
    Mer hend all die Seeli im Schlamm uf oisem wäg mittels sälber buddlete Kanäli gläärt und sind dure choo! und bim nechste Hindernid au und demm druff und demm nachher... usw.
    Nur 3 Stund länger hemmer bruucht
    Read more

  • Day83

    The blue eye

    November 28, 2018 in Albania ⋅ 🌧 14 °C

    Die Quälle spuckt so viel Wasser use, das det grad en richtige Fluss entstaht! Es isch seehr iidrücklich!
    Leider isch gad es riese Chaos rundume wills di ganze Geboide abgrisse händ... Vermuetlich isch denn alles ab nechst Früelig wider hüpsch gmacht

  • Day83

    Änother Strand

    November 28, 2018 in Greece ⋅ 🌧 13 °C

    Gester hemmer de Tag eifach chli la Tag sii und sind denn schlussendli amene wiitere Strändli glandet. De eini Mensch wo verbii cho isch het ois na 5 Manderindli gschänkt wommer denn grad schnabuliert hend... Mmmh
    Zum Znacht hemmer denn endli mal na de Härdöpfelstock vo Schwedä gmacht. ;)
    Hüt gahts ab nach Albanie... mir sind gspannt!
    Uund mer hend miteme liächtä Schreckä festgstellt das mer hüt abig innere Wuche dihei sind... uiuiui!
    Read more

  • Day82

    En schöne Platz! (@Sämi? )

    November 27, 2018 in Greece ⋅ 🌧 19 °C

    Sehr hüpsch daa, die Strass am Meer entlang. Eich supper zum da pfuuse, aber für ois hüt echli Windig/ Stürmisch und nass.
    Aber für anderi wo mal da verbii chemed (Sami? :) ) vilicht supper. (au für in Summer - Schatte/Strand/Duschene, Strandbar ev.)

    Bim wiiterfahre chömemer a ganz viel Manderindliplantage verbii. Alli sind lüchtig orange und riif für de Samichlaus! Sini hälfer sind grad fliissig am Lastwäge vollbiige, damits rechtsziitig bis zum 6.12. bim Chlaus aachömed ;)
    Und mir zwei hend immer denkd die Manderindli chemed sicher us Triibhüüser, das cheng ja nid sii das die genau im Winter riif sind... :)
    Read more

  • Day82

    Rägeduschiii

    November 27, 2018 in Greece ⋅ 🌧 17 °C

    Nachdemm d Mili e Salzduschi bechoo het vom Meer wils eso "gstürmt" het, simmer zersch mal ga Auto wäsche (lah). Uund es het wider feini Gebäck vom Becker geh... Olivebrot, Spinat-blätterteig-schnägg und eine mit Feta. Die Blätterteigdinger gits da überall und sie sind sooo guet! Ah ja, en Vanillechuächä hets auna geh... :D

    Zabig simmer denn a das hüpschä Plätzli choo... Würkli eis wos under oisi Besteliste schafft :)
    Es isch en milde Abig gsii und mir sind immer wider use ghochet, bis jewils de nöchsti Räge cho isch...

    Hüt Morge simmer natürli namal ga Spaziere und nach paar Minute laufe hets grägnet wie us Chübel, mer sind bis uf d Unzgi nass worde und hends aber cheibe Lustig ghaa... Wegem Aablick vo oisem Hund... Völlig verdruckt mit gsänktem Chopf und fasch zuene Auge isch sie ois hinne nah trottet - so alla "wää Leutee! Ich bin nöd wasserdicht, stelled das ab!"
    Wenn sie wüssti wie knuffig sie grad uusgseht - wienen nasse Teddybär. (Nöd grad so Alfa/Chef mässig wie si immer tuet bi anderne Hünd :) )
    Read more

  • Day80

    Camping bzw Düschää!!

    November 25, 2018 in Greece ⋅ 🌧 17 °C

    Ja, i oisere momentane chliine Wält isches nidso eifach zum aagnehm chönne Dusche... S isch nideso warm, das me sich drum riisst under d Strandduschi z stah... und uf ganz Zakynthos hemmer sweiso keini gfunde, geschweige denn eifach Wasser für oise Duschsack. Also hemmer ois scho biz gfroit, das mer nach langem sueche en einigermasse offene Camping gfunde hend wo sogar warms Wasser het!! :)

    Nachteil: Me schmöckt nachher, das die Chleider womme eigentli namal het welle aalege ziemli fest miifäd... Ich glaub es isch wie bi Parfum - me gwöhnt sich so fesch drah, das mes nümme schmöckt bis Zabig... Trotzdemm entscheidemer ois, die genannte Chleider in Wöschsack z verbanne.

    Wil mer nöd gfötelet hend gits mal na Fotene vom Businnere. Eifach das mers spöter widermal chend aaluege :)
    Read more

  • Day79

    wider ufem festland

    November 24, 2018 in Greece ⋅ 🌙 12 °C

    Bim Fähreterminal aacho, 10min vor vermiindlicher Abfahrt, isch keis Schiff vo oisere buechte Gsellschaft in Sicht gsii... Di ander Gsellschaft het denn gseit s ander Unternäme segi iigange (bzw. undergange? ;) )
    Also hemmer derfe e Stund spöter mit de na läbige Gsellschaft zrugg as Festland tuckerle. Ich han di gradi Lag vom Schiff im Wasser sehr gnosse... De Domi het gfunde d Hiifahrt mit Schieflag und Wällegang segi vill lustiger gsii... Haaa haa.. Uund mer hend dasmal nid ine derfe mitem Hund, aber s isch ja wunderbars Wetter gsii.Read more

  • Day78

    Widermal es wunderbars Plätzli

    November 23, 2018 in Greece ⋅ ⛅ 17 °C

    Mir sind wider gfühlt unendlich lang uf Steiströssli dur Büsch und Olivehain gfahre. Debii hemmer wider hüpschi Ort, Buchte und Klippe gseh.
    Jez hemmer wider es Plätzli am Endi vonnere supperguete, teerätä Strass - rächts und links Klippä.

Never miss updates of S o with our app:

FindPenguins for iOS FindPenguins for Android