S o

Joined February 2016
  • Day83

    Änother Strand

    November 28, 2018 in Greece ⋅ 🌧 13 °C

    Gester hemmer de Tag eifach chli la Tag sii und sind denn schlussendli amene wiitere Strändli glandet. De eini Mensch wo verbii cho isch het ois na 5 Manderindli gschänkt wommer denn grad schnabuliert hend... Mmmh
    Zum Znacht hemmer denn endli mal na de Härdöpfelstock vo Schwedä gmacht. ;)
    Hüt gahts ab nach Albanie... mir sind gspannt!
    Uund mer hend miteme liächtä Schreckä festgstellt das mer hüt abig innere Wuche dihei sind... uiuiui!
    Read more

  • Explore, what other travelers do in:
  • Day82

    En schöne Platz! (@Sämi? )

    November 27, 2018 in Greece ⋅ 🌧 19 °C

    Sehr hüpsch daa, die Strass am Meer entlang. Eich supper zum da pfuuse, aber für ois hüt echli Windig/ Stürmisch und nass.
    Aber für anderi wo mal da verbii chemed (Sami? :) ) vilicht supper. (au für in Summer - Schatte/Strand/Duschene, Strandbar ev.)

    Bim wiiterfahre chömemer a ganz viel Manderindliplantage verbii. Alli sind lüchtig orange und riif für de Samichlaus! Sini hälfer sind grad fliissig am Lastwäge vollbiige, damits rechtsziitig bis zum 6.12. bim Chlaus aachömed ;)
    Und mir zwei hend immer denkd die Manderindli chemed sicher us Triibhüüser, das cheng ja nid sii das die genau im Winter riif sind... :)
    Read more

  • Day82

    Rägeduschiii

    November 27, 2018 in Greece ⋅ 🌧 17 °C

    Nachdemm d Mili e Salzduschi bechoo het vom Meer wils eso "gstürmt" het, simmer zersch mal ga Auto wäsche (lah). Uund es het wider feini Gebäck vom Becker geh... Olivebrot, Spinat-blätterteig-schnägg und eine mit Feta. Die Blätterteigdinger gits da überall und sie sind sooo guet! Ah ja, en Vanillechuächä hets auna geh... :D

    Zabig simmer denn a das hüpschä Plätzli choo... Würkli eis wos under oisi Besteliste schafft :)
    Es isch en milde Abig gsii und mir sind immer wider use ghochet, bis jewils de nöchsti Räge cho isch...

    Hüt Morge simmer natürli namal ga Spaziere und nach paar Minute laufe hets grägnet wie us Chübel, mer sind bis uf d Unzgi nass worde und hends aber cheibe Lustig ghaa... Wegem Aablick vo oisem Hund... Völlig verdruckt mit gsänktem Chopf und fasch zuene Auge isch sie ois hinne nah trottet - so alla "wää Leutee! Ich bin nöd wasserdicht, stelled das ab!"
    Wenn sie wüssti wie knuffig sie grad uusgseht - wienen nasse Teddybär. (Nöd grad so Alfa/Chef mässig wie si immer tuet bi anderne Hünd :) )
    Read more

  • Day80

    Camping bzw Düschää!!

    November 25, 2018 in Greece ⋅ 🌧 17 °C

    Ja, i oisere momentane chliine Wält isches nidso eifach zum aagnehm chönne Dusche... S isch nideso warm, das me sich drum riisst under d Strandduschi z stah... und uf ganz Zakynthos hemmer sweiso keini gfunde, geschweige denn eifach Wasser für oise Duschsack. Also hemmer ois scho biz gfroit, das mer nach langem sueche en einigermasse offene Camping gfunde hend wo sogar warms Wasser het!! :)

    Nachteil: Me schmöckt nachher, das die Chleider womme eigentli namal het welle aalege ziemli fest miifäd... Ich glaub es isch wie bi Parfum - me gwöhnt sich so fesch drah, das mes nümme schmöckt bis Zabig... Trotzdemm entscheidemer ois, die genannte Chleider in Wöschsack z verbanne.

    Wil mer nöd gfötelet hend gits mal na Fotene vom Businnere. Eifach das mers spöter widermal chend aaluege :)
    Read more

  • Day79

    wider ufem festland

    November 24, 2018 in Greece ⋅ 🌙 12 °C

    Bim Fähreterminal aacho, 10min vor vermiindlicher Abfahrt, isch keis Schiff vo oisere buechte Gsellschaft in Sicht gsii... Di ander Gsellschaft het denn gseit s ander Unternäme segi iigange (bzw. undergange? ;) )
    Also hemmer derfe e Stund spöter mit de na läbige Gsellschaft zrugg as Festland tuckerle. Ich han di gradi Lag vom Schiff im Wasser sehr gnosse... De Domi het gfunde d Hiifahrt mit Schieflag und Wällegang segi vill lustiger gsii... Haaa haa.. Uund mer hend dasmal nid ine derfe mitem Hund, aber s isch ja wunderbars Wetter gsii.Read more

  • Day78

    Widermal es wunderbars Plätzli

    November 23, 2018 in Greece ⋅ ⛅ 17 °C

    Mir sind wider gfühlt unendlich lang uf Steiströssli dur Büsch und Olivehain gfahre. Debii hemmer wider hüpschi Ort, Buchte und Klippe gseh.
    Jez hemmer wider es Plätzli am Endi vonnere supperguete, teerätä Strass - rächts und links Klippä.

  • Day77

    Juhuu aachooo

    November 22, 2018 in Greece ⋅ ⛅ 18 °C

    Nach langem umenandfahre und Insle erkunde
    simmer da amene wunderbare, gmüetliche Platz aachoo.

    Mer hend a de einte Bucht en nette, eltere Franzos troffe wo chli am laufe gsii isch. Ufem Ufewäg hemmeren ihn denn doch na uufgablet - de Wäg isch sehr steil und sträng gsii... S het sich denn usegstellt, das er scho 4h zu de Bucht gloffe isch und ez namal den ganzi Weg zrugg lauft! Wow... mir sind beiidruckt was de Herr i sim Alter da macht...

    Uf oisere Erkundigstour schaffemers denn doch mal na de Tank ganz z lääre... aber mer hend ja 5L Reserve debii.
    5km wiiter hets e Tankstell, de netti Tankwart bestätigt ois denn na s eint oder ander Erdbebä und seit glassä das segi normal da. Im Oktober hegeds Sterchi 7.2 oder so gha. öhm okidoki... :)

    Oh ja und innere lustige Taverne hemmer na gspisä - Suvlaki (Spiessli) D Abluft vo de Chuchi hends quasi in Restaurantruum "usegfüert"... spannend :)

    Es isch langsam Vollmond und au Znacht na uu hell! Aber ebe doch echli chalt.. Nach Sunneuntergang heissts au hüt wider Flipflop, churzi Hose und Tshi gege Skisocke, Wanderschue, gfüetereti Hose und Pulli+ Jagge iitüschle... es isch ja schliessli Winter z Europa. Trotzdemm gurkts scho es bizeli aa wenn s Sünneli jede Tag so schnell wider gaht ga pfuuse und ois i de Chelti sitze laht ;)
    Read more

  • Day77

    Schiffswrack

    November 22, 2018 in Greece ⋅ ⛅ 19 °C

    Mir chömed bi de Suechi nacheme schöne Schlaafplätzli binnere Bucht mit Schiffswrack verbii. Eich schiint das im Summer sehr touristisch z sii da - es het sogar jez es Buurepaar wo feini Sache verchauft und mir postet gern echli öppis wenn schomal öpper "offe" het um die Jahresziit.

  • Day76

    Doch na ganz as Ändi vo de Insle

    November 21, 2018 in Greece ⋅ ⛅ 19 °C

    I oisere Bucht hets abem 3 scho Schatte ghaa und mir hend denn doch die Sunnestunde na welle gnüsse wos na gha het. Also simmer doch na wiiter gfahre... die erste 10m sind chli abentürlich und aastrangend gsii - mer hend mit Stei und Wageheber santimeter um santimeter bastlet, bis mer wider uf de Strass gsii sind... hoppala

    Jez hemmer es relativ windgschützt plätzli am nördlichste Punkt vo Zakynthos.
    Read more

Never miss updates of S o with our app:

FindPenguins for iOS FindPenguins for Android